Latest News

Thursday, July 20, 2017

စစ်ကိုင်းတိုင်းဒေသကြီးအတွင်း မြစ်ရေကြီး မြင့်ရေဝင်တိုက်စားမှု ကြောင့်ရေဘေးသင့်လူဦးရေ(၇၁၇၁၀)ဦးရှိ

စစ်ကိုင်းတိုင်းဒေသကြီးအတွင်း မြစ်ရေကြီး မြင့်ရေဝင်တိုက်စားမှု
ကြောင့်ရေဘေးသင့်လူဦးရေ(၇၁၇၁၀)ဦးရှိ

  စစ်ကိုင်းတိုင်းဒေသကြီးအတွင်းလက်ရှိရေဘေးသင့်သည့်အိမ်ထောင်စုပေါင်း၁၆၁၃၉အိမ်ရှိပြီးမျောပါပျက်စီးဖျက်ခဲ့ရသည့် အိမ်ခြေသည်၃၂လုံးရှိပြီး၄၉၃၄အိမ်ကရေဘေးကြောင့်လွတ်ရာ ကိုရွေ့ပြောင်းခဲ့ရရာရေဘေးသင့်လူဦးရေသည်၇၁၇၁၀ဦးရှိ
ကြောင်းဇူလိုင်လ၂၀ရက်နံနက်ပိုင်းကစစ်ကိုင်းတိုင်းဒေသကြီးကယ်
ဆယ်ရေးနှင့်ပြန်လည်နေရာချထားရေးဦးစီးမှုးဦးစ-ဝီလီဖရန့် ထံမှသိရသည်။

  ``ဇူလိုင်လ၁၉ရက်နေ့အထိထောက်ပံ့မှုအနေနဲ့စစ်ကိုင်းတိုင်းအတွင်းဆန်အိတ်ထောက်ပံ့တာရာအိမ်ဖျက်သိမ်းရွေ့ပြောင်းတာရယ်စရိတ်တွေအားလုံးက၅၁၅သိန်းကျော်ထောက်ပံ့ခဲ့ပါတယ်။ကယ်ဆယ်ရေးပစ္စည်းတွေအပါအဝင်ရောဆိုရင်သိန်း၆၆၀ကျော်ထောက်ပံ့ထားပြီးဖြစ်ပါတယ်။´´ဟုဦးစ-ဝီလီဖရန့်ကပြောကြားသည်။

   ဧရာဝတီမြစ်စတင်မြစ်ရေတက်သည့်အချိန်မှစ၍ဂရုစိုက်ဆောင်ရွက်ခဲ့ရာ၁၀ရက်အတွင်းစစ်ကိုင်းမြို့ကသာမြို့နှင့်မြင်းမူမြို့တို့တွင်စိုးရိမ်ရေမှတ်ကျော်လာရာကသာမြို့တွင်မြစ်ရေတက်ခြင်းကြောင့်ရွေ့ပြောင်းရခြင်းမရှိသော်လည်းစစ်ကိုင်းနှင့်မြင်းမူမြို့တို့တွင်ရွေ့ပြောင်းရခြင်းများရှိခဲ့ကြောင်းသိရသည်။စစ်ကိုင်းမြို့တွင်အိမ်ထောင်စု၃၀၉စုနှင့်မြင်းမူတွင်အိမ်ထောင်စု၄၀၃စုရွေ့ပြောင်းခဲ့ရရာလူဦးရေ၂၆၀၀ကျော်ရှိခဲ့ရာဆန် အိတ်နှင့်ထောက်ပံ့ပစ္စည်းများပေးပို့ထောက်ပံ့ထားကြောင်းသိရသည်။

  မြစ်ရေပြန်လည်ကျဆင်းသွားလျင်သုံးရေသောက်ရေနှင့်သန့်ရှင်းရေးဆိုင်ရာကိစ္စများကိုဆက်သွယ်ဆောင်ရွက်သွားမည်ဖြစ်သလိုရေတွင်းများထဲဝင်နေသောနွံများနှင့်မသန့်ရှင်းသောရေများကိုစုတ်ထုပ်ရာတွင်သုံးရန်စက်သုံးဆီများထောက်ပံ့ပေးသွားမည်ဖြစ်ကာရေသန့်ရန် ခပ်သောဆေးများကိုမိတ်ဖက်အဖွဲ့အစည်းများနှင့်ချိတ်ဆက်ရယူ ထောက်ပံ့ပေးရန်စီစဉ်ထားကြောင်းသိရသည်။

   ``မြစ်ကြောင်းများရဲ့အနေအထားကတစ်နှစ်ထက်တစ်နှစ်ပြောင်းလဲတဲ့အနေအထားရှိလာနေသလိုတိမ်ကောတဲ့အနေအထားကလည်းတစ်နှစ်ထက်တစ်နှစ်ပိုတိမ်ကောလာတဲ့အနေအထားရှိတဲ့အတွက်အရင်တုန်းကဒီလောက်မိုးရွာရင်ဒီလောက်ပဲရေကြီးမယ်ဆိုတာမျိုးအများပြည်သူတွေအနေနဲ့တွက်လို့မရတော့ပါဘူး။ထိုနည်းတူစွာဘဲတစ်နှစ်ထက် တစ်နှစ်ရေဘေးကိုအမြဲတမ်းရင်ဆိုင်နေရတဲ့အတွက်ကိုယ့်ရဲ့ဖွံ့ဖြိုးမှုလုပ်ငန်းတွေကအရှေ့ကိုမရောက်ဘဲဖြစ်နေပါတယ်။ တတ်နိုင်ရင်တော့ဘေးလွတ်တဲ့နေရာမှာနေထိုင်တာအန္တရာယ်ကင်း ပါတယ်ဘေးလွတ်တဲ့နေရာမှာမနေထိုင်နိုင်ဘူးဆိုရင်ကိုယ့်ရဲ့အသက်မွေးဝမ်းကြောင်းကိစ္စတွေကိုယ့်ရဲ့လူနေမှုကိစ္စတွေရှိနေမယ်ဆိုရင်အန္တရာယ်တွေကိုရှောင်တိမ်းနိုင်မယ့် အချက်အလက်တွေသတင်းတွေရယူနိုင်မယ့်နေရာတွေ ဆက်သွယ်ဆောင်ရွက်ရမယ့် အနည်းဆုံးမြို့နယ်အုပ်ချုပ်ရေးမှုးရဲ့ဖုန်းနံပါတ်တွေမီးသတ်တပ်ဖွဲ့ ဖုန်းနံပါတ်တွေကိုတော့လူတိုင်းရွာတိုင်းမှာအဆင်သင့်သိထားရင်ပိုကောင်းမယ်လို့မြင်ပါတယ်´´ဟုဦးစ-ဝီလီဖရန့်ကပြောပြသည်။
မြန်မာ့အလင်း

No comments:

Post a Comment

Blog Archive