နေဝင်းကို ဗိုလ်ချုပ်အောင်ဆန်း ဘာကြောင့်ပါးရိုက်ဆုံးမခဲ့တာလဲဆိုရင်…..?

နေဝင်းကို ဗိုလ်ချုပ်အောင်ဆန်း ဘာကြောင့်ပါးရိုက်ဆုံးမခဲ့တာလဲဆိုရင်…..?

ဗိုလ်နေဝင်းရဲ့ စရိုက်လက္ခဏာအမှန်

ကာကွယ်ရေးဦးစီးချုပ်ဗိုလ်နေဝင်းက သမ္မတမန်းဝင်းမောင်ကို ကော်လာကဆောင့်ဆွဲတယ် ဒုဝန်ကြီးချုပ်ဦးကျော်ငြိမ်းကို ခင်ဗျားတို့ စောက်အစိုးရကို ဘာဖြစ်တယ် ညာဖြစ်တယ်ပြောခဲ့ဖူးတယ်ဆိုပြီး တပ်မတော်ကအငြိမ်းစားတယောက် ဘယ်သူမှမကြားဘူးတဲ့ သမိုင်းသစ်တွေ ပြောနေတယ်ကြားတယ်ဗျ။ အဲတော့ ကျနော် ဖတ်ဖူးမှတ်ဖူးတာလေးတွေ နားထောင်ဖူးတာတွေ ပြန်မျှပါရစေဗျာ။

ဂျပန်ကို ရဲဘော်သုံးကျိတ်ဘဝနဲ့ မသွားခင် စာတိုက်စာရေး ကိုရှုမောင် ဘဝကတည်းက မိန်းမမှုပွေတာ လောင်းကစားလုပ်တာ နာမည်ကြီးပါတယ်။ တချို့က ပိုက်ဆံအမြဲပြတ်နေလို့ ပုလိပ်သတင်းပေးလည်း လုပ်ဖူးတယ်ဆိုစမှတ်ရှိပါတယ်။ နောက်ပြီး ဒို့ဗမာအစည်းအရုံး နှစ်ဂိုဏ်းကွဲစဉ် သခင်ကိုယ်တော်မှိုင်းအုပ်စုမဟုတ်တဲ့ ဖောက်ပြန်တယ်လို့ သိကြတဲ့ ဗစိန် ထွန်းအုပ်ဂိုဏ်းမှာ နေရာတခုရအောင်ယူပါတယ်။ ကြောင်လက်သည်းဝှက် ရှုမောင် ကို ရဲဘော်သုံးကျိတ်စီစဉ်ချိန်မှာ သခင်ကိုယ်တော်မှိုင်းရဲ့ သဘောထားကြီးမှုနဲ့ သွေးမကွဲလိုလို့ ဗစိန်ထွန်းအုပ်ဂိုဏ်းကလူတချို့ခေါ်ရာမှာ ထည့်သွင်းစေလွှတ်ခံရပါတယ်။ ဗစိန်ထွန်းအုပ်ဂိုဏ်းက လူတွေ ဗမာ့နိုင်ငံရေးမှာ အမြဲရှုပ်ခဲ့ပုံလဲ သိကြမယ်ထင်ပါတယ်။

ဂျပန် အဝင် အင်္ဂလိပ်အဆုတ် မြေအောက်တော်လှန်ရေးစီမံဖို့ ကြိုလွှတ်ပေမဲ့ ရန်ကု န်ဖာတန်း က မနည်းဆွဲထုတ်ရလို့ ဗိုလ်ချုပ်က ပြင်းစွာသတိပေးခဲ့တယ်ဆိုပါတယ်။ နောက်တခါ ရန်ကုန်ကို ဗိုလ်မီူးကြီးနေဝင်းဦးဆောင်တဲ့ ဗမာ့တပ်မတော်က သိမ်းလိုက်ပြီလို့ ကျေငြာချက်ထုတ်ပြီး သူဘဲ လုပ်သလို နာမည်ယူလို့ သတိပေးခံရပါသေးသတဲ့။

ဂျပန်ခေတ်မှာ ဗိုလ်နေဝင်း ရဲ့ ရာထူးဟာ လောင်းကစား မိန်းမ လိုက်စားမှုစတဲ့ စာရိတ္တပိုင်းဆိုင်ရာ ပြဿနာတွေကြောင့် ရာထူးချခံရဖူးပါတယ်။ ဂျပန်ခေတ်တော်လှန်ရေး အတွေ့အကြုံ စာအုပ်တွေ အတ္ထုပတ္တိတွေမှာ ဗိုလ်နေဝင်း နာမည်တွေ့ရမှာ မဟုတ်ပါ။ သတင်းပေး လုပ်ဖူးတာ မိန်းမမှုပြဿနာ မြင်းလောင်းတာတွေနဲ့ ထွေးလုံးနေလို့ လျှို့ဝှက်ကိစ္စတွေမှာ ဘေးဖယ်ထားခံရပါတယ်။

READ  ညစ်နေရင် လန်းသွားအောင် က ခုန်ပါ
ဗိုလ်ချုပ်အောင်ဆန်း ဟာ မိန်းမကောင်း တယောက်အပေါ် ဗိုလ်နေဝင်း ရဲ့ မဟားဒယားကြံစည်မှုနဲ့ ပတ်သက်ပြီး ပါးရိုက်ဆုံးမခဲ့တယ်။ မျက်ရည်လည်ရွဲ ကြက်ကြီးလည်လိမ်ရုပ်နဲ့ ငုတ်တုတ်ငြိမ်ခံခဲ့တယ်ဆိုပါတယ်။

ဗိုလ်နေဝင်းဟာ ပြစ်ချက်မျိုးစုံ ရှိပေမဲ့ ဗိုလ်ချုပ်ခေါ်ဆူတိုင်း ခြေသလုံးဖက်မတတ်တောင်းပန်တိုးလျှိုးတတ်တာရယ် လူရိုးလူအကြီးလို ဟန်ဆောင်တာရယ်ကြောင့် သက်ညှာထောက်ထားခဲ့တယ် အပြီးမထုတ်ပယ်ခဲ့တာလို့ ထင်ကြေးပေးကြပါတယ်။ ဒါပေမဲ့ ဗိုလ်ချုပ်အပေါ် အမျက်သိုခဲ့ပြီး လုပ်ကြံခံရမှုမှာ သံသယတွေ သဲလွန်စတွေ ရှိခဲ့ပေမဲ့ သူဟာနေရာတခု ဆုပ်ကိုင်ထားလို့ မဖော်ထုတ်နိုင်ခဲ့ပါဘူး။

လွတ်လပ်ရေးရအပြီး ဦးနုအစိုးရခေတ်မှာလည်း လင်ရှိမယား ဒေါ်ခင်မေသန်း ကို ယူတဲ့ပြစ်မှုနဲ့ ဦးနု က လူမှုရေးစည်းဖောက်မှုနဲ့ ထုတ်ပယ်ဖို့ စီစဉ်ပါသေးတယ်။ သူမွေးထားတဲ့ ဆရာ ဦးကျော်ငြိမ်း ဦးဗဆွေကတဆင့် ရှိခိုးတောင်းပန်တယ်။ နောက်သူတို့ပါ ဖြုတ်ထုတ်အကျဉ်းချခံရမှာ မမှန်းဆနိုင်ခဲ့တဲ့ ဆွေငြိမ်းအုပ်စုကြောင့် ရာထူးမြဲခဲ့ပြန်ပါတယ်။ တက္ကသိုလ်ကျောင်းသား ဖြူဖြူစင်စင်နိုင်ငံရေးသမားဘဝကလာခဲ့တဲ့ ဗိုလ်ချုပ်ရော ဦးနုပါ ဗိုလ်နေဝင်းရဲ့ ဒူးတုတ်ရှိခိုး မျက်ရည်လည်ရွဲ လှည့်ကွက်ကို လူရိုးသားတွေမို့ နားမလည်ဘဲ ဗမာပြည်ကံဆိုးခဲ့ရပါတယ်။

အချုပ်ပြောရရင် ရှုမောင်ခေါ် ဗိုလ်နေဝင်း ဟာ အာဏာရှင်မဖြစ်ခင် ကာလတလျှောက်လုံး အထက်လူကြီးတွေကို နင်ဘဲငဆ ပြောဖို့ အင်္ကျီဆောင့်ဆွဲဖို့ အသာထား လုပ်ချင်လုပ် ထင်ရာစိုင်းပြီးရင် မျက်ရည်လည်ရွဲ ဒူးတုတ်တောင်းပန်သူပါ။ ကပ်ဖားရပ်ဖား ဆရာမွေးပြီး တက်လမ်းရှာသူပါ။ အင်မတန် ထက်တယ် လည်တယ်ဆိုတဲ့ ဦးကျော်ငြိမ်းလို လူတောင် တပတ်ရိုက် ဆရာမွေးပြီး နောက်ဆုံးမှ အကျဉ်းချခဲ့သူပါ။ ဦးဗဆွေ ကတော့ ထောင်ထဲရောက်နေချိန်တောင် သူ့လူဗိုလ်နေဝင်းက တိုင်းပြည်အပေါ်တော့ စေတနာရှိတယ် ယုံခဲ့သူပါ။ ဘယ်လောက် ကြောင်လက်သည်းဝှက် ရှေ့တမျိုးကွယ်ရာတမျိုးလုပ်တတ်သလဲဆို ဦးနုကတော် ဒေါ်မြရီဟာ အာဏာသိမ်းခံရတဲ့ညက မောင်နေဝင်းလေးရော အန္တရာယ်ကင်းရဲ့လားမသိဘူးဆိုပြီး စိုးရိမ်နေခဲ့ပါသတဲ့။ အာဏာရပြီးချိန် သောင်းကျန်းပုံတွေကတော့ ကြားဖူးကြမှာပါ။ အခုတော့ ဗိုလ်နေဝင်းဟာ မဟုတ်မခံ မှန်မှန်လုပ်တတ်တဲ့ ကာကွယ်ရေးဦးစီးချုပ်လို ပုံဖော်တာကို အမှန်သိစေချင်လို့ မှတ်မိသလောက် ပြန်ချရေးလိုက်ပါတယ်။

Copy..Nay zaw myo win
Credit : panwint
Lwin Pyin