တစ်ယူနစ်ကို ငွေ ၂၁ဝ နဲ့ လျှပ်စစ်မီး စတင်အသုံးပြုနိုင်
တနင်္သာရီတိုင်းဒေသကြီး ထားဝယ်ခရိုင်က မြို့နယ် လေးခုမှာ လာမယ့် ဇူလိုင်လ ၁ ရက်နေ့ကစပြီး တစ်ယူနစ်ကို ကျပ်၂၁ဝ နဲ့ လျှပ်စစ်မီး စတင်အသုံးပြုနိုင်မှာဖြစ်တယ်လို့ တိုင်းဒေသကြီး လျှပ်စစ်နဲ့ စွမ်းအင်ဝန်ကြီး ဦးကြည်လှိုင်က ပြောပါတယ်။
ပြည်သူတွေ ဓာတ်အားခသက်သာပြီး အားပြည့်ပြည့်ဝဝနဲ့ သုံးစွဲနိုင်မှာဖြစ်တယ်လို့ လျှပ်စစ်နဲ့ စွမ်းအင်ဝန်ကြီး ဦးကြည်လှိုင်က ပြောပါတယ်။
ထားဝယ်၊ ရေဖြူ၊ လောင်းလုံ၊ သရက်ချောင်းမြို့နယ်တွေမှာ အရင်က ကံပေါက်ဓာတ်အားပေး စက်ရုံကနေ ထိုင်းနိုင်ငံအခြေစိုက် Andaman Power and Utility (APU)ကုမ္ပဏီက ဂတ်စ်အင်ဂျင် ၆ လုံးကို ပြီးခဲ့တဲ့အစိုးရလက်ထက်က ငှားရမ်းကာ ဓာတ်အားထုတ်လုပ်ပြီး တစ်ယူနစ်ကို ကျပ် ၃ဝဝ နဲ့ ဖြန့်ဖြူးပေးနေတာဖြစ်ပါတယ်။
အရင်က ပြည်ထောင်စုအစိုးရဆီကနေ သဘာဝဓာတ်ငွေ့ တစ်ကုဗပေသာရရှိတာကြောင့် ဓာတ်အားလုံလောက်မှု မရှိခဲ့ပါဘူး။
ဇူလိုင်လ ၁ ရက်နေ့ကစပြီး Globel Grand ကုမ္ပဏီက သဘာဝဓာတ်ငွေ့ ၂ ကုဗပေရရှိကာ ၁၂ မဂ္ဂဝပ်အထိ ထုတ်လုပ်နိုင်မှာဖြစ်ပြီး ထားဝယ်ခရိုင် လေးမြို့နယ်ကို ဓာတ်အား လုံလုံလောက်လောက် ပေးနိုင်မှာဖြစ်တယ်လို့ သိရပါတယ်။
တနင်္သာရီတိုင်းဒေသကြီးဟာ မဟာဓာတ်အားလိုင်း မရရှိသေးဘဲ မြိတ်ခရိုင်နဲ့ ကော့သောင်းခရိုင်တွေမှာဆို ပုဂ္ဂလိကမီးတွေနဲ့ တစ်ယူနစ်ကို ကျပ်လေးရာကနေ ကျပ် ၆ဝဝ ကျော်အထိ ပေးပြီးသုံးစွဲနေရတာဖြစ်ပါတယ်။
Photo: Kyaw Zin Than/RFA
Subscribe to:
Post Comments (Atom)
No comments:
Post a Comment