၂၀၀၈ ဖွဲ့စည်းပုံအခြေခံဥပဒေပြင်ဆင်ရေးကို လုံးဝလစ်လျူမရှု့ဘဲ အမြဲတမ်းကြိုးစားနေကြောင်း အမျိုးသား ဒီမိုကရေစီအဖွဲ့ချုပ်(NLD) ပါတီ ဗဟိုအလုပ်အမှုဆောင် ဦးဝင်းထိန်က ယနေ့NLD ရုံးချုပ်တွင် ပြုလုပ်သည့် သတင်းစာရှင်းလင်းပွဲတွင်ပြောသည်။
ဦးဝင်းထိန်က “၂၀၀၈ ဖွဲ့စည်းပုံအခြေခံဥပဒေက လုပ်ကတည်းကိုက ပြင်လို့မရအောင် လုပ်ထားတဲ့ဟာကြီး၊ လွှတ်တော်ထဲ ပြင်ဖို့ကြိုးစားနေတာလဲ မရပ်ဘူး၊အမြဲစိတ်ထဲမှာ တစိမ့်စိမ့်ကြိုးစားနေတယ်”ဟုပြောသည်။
NLD အနေဖြင့် အခြေခံဥပဒေပြင်ဆင်ရေး အချက် ၁၆၆ ချက်ကို ဦးသိန်းစိန်အစိုးရလက်ထက် လွှတ်တော် သို့တင်ပြခဲ့ရာတွင် ထူးခြားမှုမရှိခဲ့သော်လည်း ၎င်းတို့အာဏာရအစိုးရအဖွဲ့ဖြစ်လာချိန်တွင် ထိုကဲ့သို့ လှုပ်ရှား မှုများ အားနည်းနေသည့်အပေါ် ဝေဖန်မှုများရှိနေကြသည်။
လွှတ်တော်ပြင်ပလှုပ်ရှားမှုအနေဖြင့် ဖွဲ့စည်းပုံအခြေခံဥပဒေပြင်ဆင်ခြင်းအခန်းပါ ပုဒ်မ ၄၃၆ ပြင်ဆင်ရေး လက်မှတ်ကောက်ခံမှုများပြုလုပ်ခဲ့ကာ လွှတ်တော်သို့တင်ပြခဲ့သော်လည်း မည်သည့်တုန့်ပြန်မှုမှ မရှိခဲ့ပေ။
NLDအနေဖြင့် ငြိမ်းချမ်းရေးဖြစ်စဉ်အပေါ် အလေးထားလုပ်ဆောင်လျှက်ရှိရာ အစိုးရ၊ လွှတ်တော်၊ တပ် မတော်၊ တိုင်းရင်းသားလက်နက်ကိုင်များနှင့် ပါတီများက ဖက်ဒရယ်ဒီမိုကရေစီနိုင်ငံတော် တည်ဆောက် ရေးကို အဓိကရည်မှန်းချက်အဖြစ် သဘောတူလက်ခံခြင်းကပင် အခြေခံဥပဒေပြင် ဆင်ရေး အစိတ်အပိုင်း ဖြစ်ပြီး ရည်မှန်းချက်အောင်မြင်ပါက ဖွဲစည်းပုံအခြေခံဥပဒေသည်လည်း အလိုလိုပြင်ဆင်ပြီးဖြစ် သွားမည်ဟု ဦးဝင်းထိန်ကဆိုသည်။
စစ်အစိုးရလက်ထက်တွင် ပြဌာန်းခဲ့သည့် ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးတွင် လွှတ်တော်တွင်း ကိုယ်စားလှယ်ဦးရေ ၂၅ ရာခိုင်နှုန်းရယူထားသည့် တပ်မတော်၏ပါဝင်မှုမှာ အဓိကကျလျှက်ရှိနေသည်။
ဖက်ဒရယ်ဒီမိုကရေစီစနစ် တည်ဆောက်ရေးတွင် ဒုတိယအကြိမ် ၂၁ ရာစုပင်လုံညီလာခံမှ ပြည်ထောင်စုမူ ၃၇ ချက်ကိုရရှိထားသော်လည်း အားလုံးတန်းတူပါဝင်ရေးတွင် တပ်မတော်နှင့် တိုင်းရင်းသား လက်နက် ကိုင် အဖွဲ့အချို့တို့ကြား သဘောတူညီမှုမရရှိသေးဘဲ တိုက်ပွဲများ ဆက်လက်ဖြစ်ပွားလျှက် ရှိသည်။
ထွန်းထွန်း/ဧရာဝတီ
No comments:
Post a Comment