ဆည်မြောင်းဝင်းထဲမှာ နေထိုင်တဲ့ နည်းပညာတက္ကသိုလ် IT ဌာနက အသက် ၄၂ နှစ်အရွယ် ဆရာမတဦးကို ပဲခူးမြို့မှာေ နထိုင်တဲ့ သူ့အမျိုးသားရဲ့ ပထမ မယားကြီးက လာပြီးသတ်လိုက်တာပါ။
ကားအငှားလိုက်ပို့တဲ့ ကားစပယ်ယာ ကိုသန့်ဇင်ထွန်းက “ပြည်မြို့၊ ဗိုလ်ချုပ်လမ်း၊ ဆည်မြောင်းဝန်ထမ်း လိုင်းခန်းကနေ ရန်ကုန် မယ်လမုဘုရားကို ၁၄၀၀၀၀ နဲ့ လိုက်ပို့ခိုင်းလို့ လိုက်ပို့တာ။ လမ်းမှာ ကျနော့်ကို ရှေ့ခန်းမှာ အတင်းလာထိုင် ခို င်းနေတာ၊ ကျနော်ကလည်း မထိုင်ဘူးလို့ အတင်းပြောလိုက်တော့ သူက နောက်ကိုပဲ ကြည့်ကြည့်နေလို့ ကျနော်လည်း သိပ်မသင်္ကာဘူး။
နောက် ဒီမွေ့ရာကြီးကို စမ်းကြည့်တော့ အထဲမှာ တခုခုကို စမ်းမိသလိုရှိတာနဲ့ အထဲကို လက်နဲ့နှိုက်ကြည့်လိုက်တော့မှ အထဲမှာ အေးစက်စက်နဲ့ အသားတခုခုကို ကိုင်မိသလို ခံစားရတော့ ရှေ့က ကားဆရာကို ခဏ လမ်းဘေးမှာရပ်ခိုင်းပြီး အထဲမှာ ဘာတွေလဲအမ၊ ကျနော်တို့ကို ဖြေပြပါ။ မဖြေရင် ကျနော်တို့ မလိုက်တော့ဘူးလို့ ပြောတော့ သူက ဆည်မြောင်း ကို ပြန်ပို့ပေး၊ ကားမငှားတော့ဘူးလို့ ပြောတော့ ကျနော်က လိုက်မပို့တော့ဘူး။
လမ်းဘေးမှာပဲ ကားရပ်ပေးမယ်။ ဆင်းပြီး တခြားကား ငှားသွားလို့ ပြောတော့ သူ သုံးဘီးဆိုင်ကယ် ငှားသေးတယ်။ အဲဒီအချိန်မှာ လှည့်ကင်းကားလာတာကို တွေ့လို့ ကျနော် သတင်းပေးလိုက်လို့ အခုလိုမိသွားတာ” လို့ ပြောပါတယ်။
အခု အသတ်ခံရသူဟာ ဆည်မြောင်းဦးစီးဌာနက ဦးစီးအရာရှိတယောက်ရဲ့ ဒုတိယအိမ်ထောင်ဖြစ်ပြီး ပထမအိမ်ထောင်က သတ်ခဲ့တာ ဖြစ်ပါတယ်။
ပထမအိမ်ထောင်နဲ့ သမီး တယောက်၊ သား နှစ်ယောက်ရှိပြီး သားနှစ်ယောက်က သေဆုံးသူ လင်မယားနဲ့ အတူနေပြီး သားတွေကို နှိပ်စက်တာကြောင့် လာပြီးစကားပြော ဖြေရှင်းရင်းကနေ စကားများ လက်လွန်ကာ အနားက တူနဲ့ထုမိပြီး သေဆုံးသွားတာလို့ ရဲစစ်ချက်မှာ ဖြေကြားထားကြောင်း စခန်းမှူးထံက သိရပါတယ်။
အမှုကို မြို့မရဲစခန်းက (ပ)၈၃၁/၂၀၁၇ ရာဇသတ်ကြီး ပုဒ်မ ၃၀၂/၂၀၁ တွေနဲ့ အမှုဖွင့် အရေးယူထားတယ်လို့ သိရပါတယ်။
သတင်း – မင်းညို
Credit to DVB
Link story : http://burmese.dvb.no/archives/199814
No comments:
Post a Comment