မြန်မာ့ရိုးရာနှစ်သစ်ကူး အထိမ်းအမှတ်အဖြစ် ကချင်ပြည်နယ်အစိုးရအဖွဲ့က မြစ်ကြီးနားမြို့ပေါ်မှာရှိတဲ့ ဗုဒ္ဓဘာသာ ဘုန်းတော်ကြီးကျောင်းတွေနဲ့ ခရစ်ယာန်ဘုရားရှိခိုးကျောင်းတွေကို ဒီကနေ့ ငွေကြေးသွားရောက်လှူဒါန်းခဲ့ပြီး ငြိမ်းချမ်းရေးအမြန်ဆုံးရဖို့ မေတ္တာပို့ဆုတောင်းမှုတွေ ပြုလုပ်ခဲ့ပါတယ်။
မြစ်ကြီးနားမြို့ပေါ်က ဓမ္မရက္ခိတ ဝန်းသိုကျောင်းတိုက်၊ ကချင်နှစ်ခြင်းခရစ်ယာန်အဖွဲ့ချုပ် KBC စတဲ့ ဗုဒ္ဓဘာသာဘုန်းတော်ကြီးကျောင်း နဲ့ ခရစ်ယာန်ဘုရားရှိခိုးကျောင်း ၁၁ ခုကို ငွေကျပ်သိန်းတစ်ရာကျော် သွားရောက်လှူဒါန်းခဲ့တယ်လို့ ပြည်နယ် လူမှုရေးဝန်ကြီး ဒေါက်တာသင်းလွင် က ပြောပါတယ်။
အလားတူ မြောက်ပိုင်းတိုင်းစစ်ဋ္ဌာနချုပ်တိုင်းမှူး ဦးဆောင်တဲ့ တပ်မတော်အရာရှိတွေကလည်း ဗုဒ္ဓဘာသာဘုန်းတော်ကြီးကျောင်းနဲ့ ခရစ်ယာန်ဘုရားရှိခိုးကျောင်းတွေကို ဒီကနေ့သွားရောက် လှူဒါန်းခဲ့ပါတယ်။
မြန်မာသက္ကရာဇ် ၁၃၇၉ ခုနှစ် နှစ်ဆန်း ၁ ရက်နေ့ မနေ့ကတော့ ပြည်နယ်အစိုးရအဖွဲ့က သက်ကြီးပူဇော်ပွဲ၊ သွေးလှူဒါန်းပွဲတွေ အပါအဝင် ဇီဝိတဒါန ငါးလွှတ်ပွဲတွေနဲ့အတူ အန္တရာယ်ကင်းပရိတ်ရွတ်ဖတ် ပူဇော်ပွဲတွေကို မြို့ခံလူထုနဲ့အတူ ပြုလုပ်ခဲ့ပါတယ်။
Photo: Kyaw Myo Min/RFA
No comments:
Post a Comment