မောင်တောမြို့နယ်ခနယ်မြေ(၂) အောင်စံရွာတွင် ဆိုင်ကယ် ၅ စီးဖြင့် တရားမဝင်ပစ္စည်းများတင်ဆောင်လာကြောင်း သတင်းရရှိသဖြင့် စစ်ဆေးရာမှ ရဲတပ်ဖွဲ့ဝင်များ၏ လက်နက်များ လုယူထွက်ပြေးမှု ယနေ့ မတ်လ ၁၁ ရက် ညနေပိုင်းက ဖြစ်ပွားခဲ့သည်။
ဖြစ်စဉ်မှာ မတ် ၁၁ ရက် ညနေ ၄ နာရီ ၁၅ မိနစ်တွင်ရွာသားတစ်ဦး၏ သတင်းပေးချက်အရ အောင်ဇံရဲကင်းမှုးနှင့်အဖွဲ့ဝင်များသည်သွားရောက်စစ်ဆေးခဲ့သည်ဟု နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီမှ ထုတ်ပြန်သည်။
ဆိုင်ကယ်စီးလာသည့် ဒိုင်းနက်လူမျိုးဟု ယူဆရသည့်ငါးဦးအား အောင်ဇံရဲကင်းသို့ခေါ်၍ ၎င်းတို့နှင့်အတူပါလာသည့်ဆာလာအိတ်၊ ကျောပိုးအိတ်များကို စစ်ဆေးရာ ဘီယာဘူး၊ ဆားကစ်ပြားနှင့် ရီမုများကိုရှာဖွေတွေ့ရှိခဲ့သည်။
ထိုသို့ စစ်ဆေးနေစဉ် ၎င်းတို့ငါးဦးမှ ရဲတပ်ဖွဲ့ဝင်ငါးဦးအား လုံးထွေး၍ ရဲကင်းမှBA 94 (၂)လက်၊ (ကျည်အိမ်ကျည်မပါ)နှင့် BA 63 ၁ လက်၊ (ကျည်အိမ်တစ်ခု ကျည်ဆံ ၁၅ တောင့်)တို့အားလုယူ၍ နယ်စပ်မှတ်တိုင် ၄၃ ဘက်သို့ထွက်ပြေးသွားခဲ့သည်။
လက်နက်များလုယူထွက်ပြေးသွားသူများအား နယ်ခြားစောင့်ရဲတပ်ဖွဲ့ဝင်များက လိုက်လံရှင်းလင်းလျက်ရှိပြီး ဘင်္ဂလားဒေ့ရ်ှနိုင်ငံ နယ်ခြားစောင့်တပ်သို့ ကူညီဖမ်းဆီးပေးရန် အကြောင်းကြားထားကြောင်းသိရှိရသည်။
Mizzima - News in Burmese
No comments:
Post a Comment