၂၀၁၆ခုနှစ်မြန်မာ့ရုပ်ရှင်ထူးချွန်ဆုပေးပွဲမှာ ချစ်လှစွာသော အမုန်း ဇာတ်ကားနဲ့ အမျိုးသမီးဇာတ်ဆောင်ဆုတစ်ပြေးနေသူကတော့ သက်မွန်မြင့်ပါ။ အဲ့ဒီဆုနဲ့ ပတ်သက်ပြီး ပုတ်ခတ်ပြောဆိုခြင်း ခံနေရတဲ့ သက်မွန်မြင့်တစ်ယောက်ကတော့ အကယ်ဒမီဆိုတာ သူမအတွက် အပိုဆုတစ်ခုပါပဲ လို့ ဖေစ့်ဘွတ်မှာ ရေးသားထားပါတယ်။ အကယ်ဒမီရမှ ဇာတ်ကားရိုက်ကူးရမှာ မဟုတ်သလို ဘဝရဲ့ မှတ်တိုင်တစ်ခု စိုက်ထူနိုင်တဲ့ မှတ်တမ်းကလွဲပြီး ဘာမှမပြောင်းလဲသွားပါဘူးလို့ သူမက ဆိုပါတယ်။
"သက်မွန် တွက် အကယ်ဒမီဆိုတာ အပိုဆုတစ်ခုပါ။ ကိုယ်ဘယ်လောက် လုပ်နိုင်စွမ်းလဲဆိုတာ ပရိတ်သတ်တွေ ထုတ်လုပ်သူ ဒါရိုက်တာတွေ ကျေနပ်မှ ဆက်ရပ်တည်လို့ရပါမယ်။ အကယ်ဒမီဆိုတဲ့ ထူးချွန်ဆုရရင်တော့ အတိုင်းမသိပေါ့။ ဒါပေမဲ့ အကယ်ဒမီ ရမှ ကားရိုက်ရမှာ မဟုတ်ပါဘူး။ ဘဝရဲ့ မှတ်တိုင်တစ်ခု စိုက်ထူန်ိုင်တယ်ဆ်ိုတဲ့ မှတ်တမ်းကလွဲပြီး ဘာမှမပြောင်းလဲသွားပါဘူး။ ပရိတ်သတ်တွေ မချစ်တော့ရင်သာ အနုပညာသမားတစ်ယောက်ရဲ့ဘဝကပြောင်းလဲသွားမှာပါ။ ဒီနှစ်မှာဆိုလည်း ပရိတ်သတ်တွေ ရင်ထဲ အားပေးချစ်ခင်မှု အရှိန်အဟုန်ပြင်းပြင်းတိုးဝင်ခဲ့ပြီးတဲ့နောက် အရမ်းကျေနပ်နေပြီးသားပါ။ ကိုယ့်ကို ချစ်ခင်အားပေးတဲ့သူတွေ ရစေချင်တဲ့သူတွေ ဆန္ဒပြည့်စေချင်ပေမယ့် မရလည်း ဘာမှ မဖြစ်ပါဘူး။ ရှေ့လျှောက်ဖို့ အင်အားတွေပြည့်ဝနေပြီးသားပါ။"လို့ သူမက ရေးသားထားပါတယ်။
သက်မွန်မြင့်အနေနဲ့ ဒီရက်ပိုင်းမှာ နာမည်ကြီး မင်းသားတစ်ယောက်ရဲ့ ပုတ်ခတ်ဝေဖန်ခြင်းကို ခံနေရပါတယ်။ အကယ်ဒမီနဲ့ ပတ်သက်ပြီး ဝေဖန်စကားသံတွေပါ။ ဒါပေမဲ့ သက်မွန်မြင့်ကတော့ ပရိသတ်တွေ စိတ်မပူဖို့နဲ့ အကယ်ဒမီပေးပွဲမှာ ဝဝကစ်ကစ်နဲ့ ဘယ်လိုထွက်လာမလဲဆိုတာ စောင့်မျှောက်ကြပါလို့ သူမရဲ့ ဖေ့စ်ဘွတ်မှာ ရေးသားထားပါတယ်။ သက်မွန်ကတော့ ဒီနေ့(မတ်လ၁၈)အကယ်ဒမီပေးပွဲကို အနက်ရောင်ဖက်ရှင်နဲ့ တက်ရောက်မှာ ဖြစ်ပါတယ်။Duwun
Photo : သက်မွန်မြင့် ဖေ့စ်ဘွတ်
No comments:
Post a Comment