YBS ဆိုင်းဘုတ်ကို ဖျက်ဆီးခဲ့သည်ဟု တရားစွဲဆိုခံရသော သတင်းထောက်တစ်ဦးကို ယနေ့ (မတ်လ ၇) တွင် မြောက်ဒဂုံမြို့နယ်၊ တရားရုံး၌ ရုံးထုတ်စစ်ဆေးခဲ့ပြီး ဒုတိယအကြိမ်မြောက် အာမခံ လျှောက်ထားခံသော်လည်း မရရှိခဲ့ကြောင်း သိရသည်။
တရားရုံးတွင် ဒုတိယအကြိမ်မြောက် ကျန်းမာရေး အာမခံရရှိရန် ထပ်မံတင်သွင်းခဲ့သော်လည်း မြောက်ဒဂုံတရားရုံးက ထပ်မံရုံးချိန်း ချိန်းဆိုခဲ့သည်။ ယခုရုံးချိန်းသည် ၆ ကြိမ်မြောက် ရုံးချိန်းဖြစ်ပြီး သတင်းထောက် ဝင်းဦးသည် ဆေးကုသမှုခံယူနေရသူ ဖြစ်သဖြင့် အာမခံပေးရန် မြောက်ဒဂုံတရားရုံးတွင် တောင်းဆိုရခြင်းဖြစ်ကြောင်း ဦးဝင်းဦး၏ ရှေ့နေက ပြောသည်။
လက်ရှိတွင် သတင်းထောက် ဝင်းဦးသည် အစာအိမ်ရောဂါကြောင့် ခွဲစိတ်ထားရပြီး မြောက်ဥက္ကလာပဆေးရုံတွင် ဆေးကုသမှု ခံယူနေရပြီး ယနေ့ ရုံးချိန်းသို့ ထမ်းစင်ဖြင့် လာရောက်ခဲ့ကြောင်း တွေ့ရသည်။
ဦးဇော်မင်းထွန်း(ခေါ်) ဦးဝင်းဦး ကို ဇန်နဝါရီလ ၁၆ ရက်နေ့တွင် YBS လမ်းညွှန်ဆိုင်းဘုတ်အား ယိုင်နဲ့ ပျက်စီးစေမှုနှင့် ဒဂုံမြို့သစ်မြောက်ပိုင်း မြို့မရဲစခန်းမှ (ပ) ၈၀/၂၀၁၇၊၂၉၄၇ ပြည်သူပိုင်ပစ္စည်း ကာကွယ်ရေးအက်ဥပဒေ ပုဒ်မ၆(၁) ဖြင့် အရေးယူဆောင်ရွက်ထားခြင်း ဖြစ်သည်။
ပြည်သူပိုင်ပစ္စည်းကာကွယ်ရေး အက်ဥပဒေ ပုဒ်မ၆(၁) သည် အမြင့်ဆုံးပြစ်ဒဏ်အနေဖြင့် ထောင် ၇ နှစ်အထိ ချမှတ်နိုင်သော ပုဒ်မ ဖြစ်သည်။
Mizzima - News in Burmese
No comments:
Post a Comment