ပြီးခဲ့တဲ့နှစ်က မီးလောင်ကျွမ်းခဲ့တဲ့ ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်က မင်္ဂလာဈေးကို အမြန်ဆုံး ပြန်လည်တည်ဆောက်ပေးဖို့ ဈေးသူ၊ ဈေးသား ၇၀ ကျော်က ဒီကနေ့ ဆန္ဒပြတောင်းဆိုကြပါတယ်။
အစိုးရက နေရာပြန်ပေးထားတဲ့ မင်္ဂလာမွန်ဈေးမှာ ဈေးအရောင်းပါးတဲ့အတွက် လစဉ် အရှုံးပေါ်နေတာကြောင့် မူလနေရာမှာပဲ ပြန်လည်ရောင်းချလိုတာဖြစ်တယ်လို့ ဆန္ဒပြရာမှာပါဝင်တဲ့ ဦးမြင့်သိန်း က ပြောပါတယ်။
မင်္ဂလာဈေး အမြန်ဆုံး တည်ဆောက်ပေးဖို့၊ ဈေးသစ်ဆောက်လုပ်ရာမှာ အထပ်မြင့် မဆောက်လုပ်ဖို့၊ ဈေးသူ၊ ဈေးသားတွေ ရွေးချယ်တင်မြှောက်ထားတဲ့ ဈေးကိုယ်စားလှယ်တွေနဲ့ သက်ဆိုင်ရာတာဝန်ရှိသူတွေ အမြန်ဆုံးတွေ့ဆုံဖို့ တို့ကို တောင်းဆိုခဲ့ကြပါတယ်။
ပြီးခဲ့တဲ့နှစ် ဇန်န၀ါရီလ ၉ရက်နေ့က မီးလောင်မှုကြောင့် ဆိုင်ခန်းပေါင်း ၁၆၀၀ ကျော် ပျက်စီးဆုံးရှုံးခဲ့ပါတယ်။
မီးလောင်မှုကြောင့် ဆိုင်ခန်း ဆုံးရှုံးသွားသူတွေဟာ မင်္ဂလာဈေးကို ပြန်လည်ဆောက်လုပ်ပေးဖို့ ပြီးခဲ့တဲ့ဇန်န၀ါရီလကလည်း မြို့တော်ခန်းမရှေ့မှာ ဆန္ဒပြတောင်းဆိုခဲ့ကြပါတယ်။
Photo: Aung Thain Kha/RFA
( မင်္ဂလာဈေးသူဈေးသားတွေ ရန်ကုန် မြို့တော်ခန်းမရှေ့မှာ မတ်လ ၇ ရက်နေ့က ဆန္ဒပြစဉ် )
No comments:
Post a Comment