ဗန်းမော်၊ မတ် ၁၁
ကချင်ပြည်နယ်၊ ဗန်းမော်ခရိုင်၊ ဗန်းမော်မြို့တွင် မတ်လ ၁၀ ရက်နေ့ ည ၉ နာရီခန့်က သတင်းပေးချက်အရ တရုတ်ကြက်ဥဖာ ၁၅၉ ဖာကို ဖမ်းဆီးရရှိခဲ့ကြောင်း ဗန်းမော်မြို့မ ရဲစခန်းမှ သိရသည်။
ယင်းသို့ ဖမ်းဆီးရရှိခဲ့သော တရုတ်ကြက်ဥဖာ ၁၅၉ ဖာနှင့် တင်ဆောင်လာသည့်ကားအား အကောက်ခွန်ဦးစီးဌာမှူးရုံးသို့ ယနေ့ (မတ်လ ၁၁ ရက်) လွှဲပြောင်းပေးအပ်ခဲ့ကြောင်း အဆိုပါရဲစခန်းမှ သိရသည်။
အဆိုပါ တရုတ်စာတန်းပါ ကြက်ဥဖာများကို ဝိုင်းမော်မြို့နယ်၊ မဒိန်ကျေးရွာမှ ဗန်းမော်မြို့တွင် ကြက်ဥအလုံး ၃၆၀ ပါ တစ်ဖာလျှင် ၂၆၀၀ ကျပ် ဈေးနှုန်းဖြင့် ရောင်းချရန် ယူလာခဲ့ရာမှာ ဖမ်းဆီးရခဲ့ခြင်းဖြစ်ကြောင်း သိရသည်။
တရားမဝင် တရုတ်ကြက်ဥဖာ ၁၅၉ ဖာကို သယ်ဆောင်လာသူ ပိုင်ရှင် သက်နိုင်ထွန်း၊ ယာဉ်မောင်း သက်စိုးဦးနှင့် ဒေါင်ဖန်း (၆) ဘီးအဖြူရောင်ယာဉ်အား မြို့မရဲစခန်းမှ အကောက်ခွန် ဦးစီးဌာနရုံးသုို့ ယနေ့ (မတ်လ ၁၁ ရက်နေ့) လွှဲပြောင်းပေးခဲ့သည်ဟု ဗန်းမော်မြို့မရဲစခန်းမှ ရဲမှူးသိန်းဝေမြင့်က ပြောကြားသည်။
ဗန်းမော်မြို့တွင် မွေးမြူရေးကြက်ဥ တစ်ထောင်ဖိုးလျှင် ၈ လုံး ဈေးပေါက်နေပြီး ယခု တရားမဝင် တင်သွင်းလာသော တရုတ်ကြက်ဥ ၃၆၀ ပါ တစ်ဖာကို ၂၆၀၀ ကျပ်ဖြင့် ရောင်းချပါက ထက်ဝက် အမြတ်ရရှိမည်ဖြစ်ကြောင်း ကြက်မွေးမြူရေးသမားများထံမှ သိရသည်။
The Voice
No comments:
Post a Comment