Wednesday, March 15, 2017
အငှားအိမ်ရာမှာနေရင်း ကိုယ်ပိုင်အခန်းဝယ်နိုင်ဖို့ ငွေစုတဲ့စီမံကိန်း စတင်မည်
အငှားအိမ်ရာမှာနေရင်း ကိုယ်ပိုင်အခန်းဝယ်နိုင်ဖို့ ငွေစုတဲ့စီမံကိန်း စတင်မည်
ရန်ကုန်၊ မတ် ၁၅ - တန်ဖိုးနည်းအိမ်ရာ မဝယ်ယူနိုင်သေးတဲ့သူတွေအတွက် အငှားအိမ်ရာမှာနေရင်း တန်ဖိုးနည်းအိမ်ရာဝယ်ယူနိုင်ဖို့အတွက် စီမံကိန်း ဆောင်ရွက်ဖို့ စီစဉ်နတယ်လို့ မြန်မာနိုင်ငံဆောက်လုပ်ရေးလုပ်ငန်းရှင်များ အသင်း (MCEA)က သိရပါတယ်။
ဝင်ငွေနည်းပြည်သူတွေအတွက် တန်ဖိုးနည်းအိမ်ရာနဲ့ အငှားအိမ်ရာစီမံကိန်း တွေကို လာမယ့်ဧပြီလလောက်ကနေ စတင်တည်ဆောက်ဖို့စီစဉ်ထား တယ်လို့ မြန်မာနိုင်ငံဆောက်လုပ်ရေးလုပ်ငန်းရှင်များအသင်းကသိရပါတယ်။
တန်ဖိုးနည်းအိမ်ရာ မဝယ်ယူနိုင်သေးတဲ့သူတွေက အငှားအိမ်ရာမှာနေထိုင် ရင်း ပိုက်ဆံစုပြီးတန်ဖိုးနည်းအိမ်ရာဝယ်ယူတဲ့ ပုံစံမျိုးဆောင်ရွက်ဖို့ စီစဉ်ထား တာဖြစ်ပါတယ်။
မြန်မာနိုင်ငံဆောက်လုပ်ရေး လုပ်ငန်းရှင်များအသင်း (MC EA)ဥက္ကဋ္ဌ ဦးသာဌေးက တန်ဖိုးနည်းမဝယ်ယူနိုင်သေးတဲ့ သူတွေအတွက် အငှားအိမ်ပေး မယ်၊ အဲဒီကနေစုပြီးတန်ဖိုးနည်းတတ်နိုင်ရင် စင်ကာပူလိုသင့်တင့်တဲ့အိမ် ရာလုပ်ပေးမယ်၊ ဒီကြားထဲမှာနေစရာရှိအောင် အငှားအိမ်ရာဆောက်ပေး မယ်လို့ ပြောပါတယ်။
မြန်မာနိုင်ငံဆောက်လုပ်ရေး လုပ်ငန်းရှင်များအသင်းက တန်ဖိုးနည်းတန်ဖိုးမျှ အိမ်ရာတွေကိုလာမယ့် ဘဏ္ဍာရေးနှစ်ကနေစပြီး တစ်နိုင်ငံလုံးတည်ဆောက် ဖို့ စီစဉ်နေတာဖြစ်ပါတယ်။ တည်ဆောက်မယ့် နေရာတွေကိုတော့ အသေးစိတ်မထုတ်ပြန်သေးဘဲ နေရာကောင်းတွေမှာ တည်ဆောက်မှာဖြစ်တယ်လို့ သိရပါတယ်။ တန်ဖိုးနည်းအိမ်ရာတွေကို ဝင်ငွေနည်းပြည်သူတွေအတွက် ရည်ရွယ်ပြီး တည်ဆောက်တာဖြစ်ပြီး အိမ်ခန်းတစ်ခန်းကို ကျပ်သိန်း ၁၀ဝ ဝန်းကျင်နဲ့ ရောင်းချနိုင်ခြေရှိတယ်လို့ သိရပါတယ်။
တန်ဖိုးနည်းအိမ်ရာဝယ်ယူဖို့အတွက် ကျပ်သိန်း ၃၀ ဘဏ်မှာငွေစုထားရမယ်။ စုငွေ ကျပ်သိန်း ၃၀ ပြည့်တာနဲ့ ခန့်မှန်းခြေ ကျပ်သိန်း ၁၀ဝ ဝန်းကျင်ရှိတဲ့ အိမ်ကိုဝယ်နိုင်မှာဖြစ်ပါတယ်။ ကျန်ငွေ ၇၀ ရာခိုင်နှုန်းကို ၁၀ နှစ်အရစ်ကျ စနစ်နဲ့ပေးချေရမှာဖြစ်ပါတယ်။
ပို့ပို့မြင့်မွန်
Kumudra
အငှားအိမ်ရာမှာနေရင်း ကိုယ်ပိုင်အခန်းဝယ်နိုင်ဖို့ ငွေစုတဲ့စီမံကိန်း စတင်မည်
Reviewed by Ar Ti
on
10:24 PM
Rating: 5
![](https://3.bp.blogspot.com/-y8QPKROZLXg/WMohkrv7HvI/AAAAAAAAPto/al9xNdWlY6o8idW6yIWlJw0epYYDu0fXgCLcB/s72-c/L446X.jpg)
Subscribe to:
Post Comments (Atom)
No comments:
Post a Comment