စကားပြေ မကောင်းတဲ့ အစိုးရ

ရန်ကုန်၊ မတ်

သန်းထိုက် ရေးသည်။

စာရေးတဲ့နေရာမှာ အခြေခံအကျဆုံး စကားအသုံးအနှုန်းကစပြီး ဝါကျ၊ စာပိုဒ်နဲ့ တစ်ပုဒ်လုံးအထိ ညီညွတ် ပြေပြစ်အောင် ရေးရတာပါ။စကားလုံးက ဘယ်နေရာကျနေ၊ လွဲနေတယ်၊ သဒ္ဒါနည်းက ဘယ်နေရာ မှားနေတယ်၊ ချိတ်ဆက်မှုတွေက ဘယ်နေရာပြတ်နေတယ်ဆိုတာတွေ ကတော့ သေချာလေ့ လာထားတဲ့လူတွေမှပဲ သတိထားမိမှာပါ။

ဒါပေမဲ့ စာဖတ်နေကျလူကတော့ သိတန်သလောက် သိပါတယ်။ စာတစ်ပုဒ် ကိုအကဲဖြတ်ဖို့ အလွယ်ဆုံးနည်းလမ်းက ဝါကျတွေကို အသံထွက်ပြီးဖတ်ကြည့် တာပါ။ ဝါကျအသံပြေပြစ်သလား၊ တုံ့တုံ့ဆိုင်းဆိုင်းဖြစ်နေလား၊ ဖတ်လိုက် တာနဲ့ နှာခေါင်းကျည်ပွေ့တွေ့သလို အလန့်တကြားနဲ့ နားလည်သွားသလား။ ဒါမှမဟုတ် ဖုထစ်ချိုင့်ခွက်နေတဲ့ မြေကြီးပေါ် လူကိုဒရွတ်တိုက်ဆွဲသလို ထစ်ငေါ့ ထစ်ငေါ့ဖြစ်နေလားဆိုတာ အသံထွက်ဖတ်လိုက်ရင် ခံစားလို့ရနေပါပြီ။

စာရေးတယ်ဆိုတာ ကိုယ်သိစေချင်တဲ့ ရည်ရွယ်ချက်တစ်ခုကို စာဖတ်တဲ့ လူသိအောင် နားလည်အောင် ရေးပြတာမျိုးပါ။ စာကိုဖတ်ပြီးလို့ ဘာပြောချင်နေ မှန်းမသိဘဲ ပြန်ဖတ်တာ၊ ပြန်စဉ်းစားတာလုပ်နေရရင်တော့ စာရေးတဲ့ ရည်ရွယ် ချက် မအောင်မြင်ဘူးပဲပြောရမယ်။

အဲဒီတော့ အခု နိုင်ငံတော်သမ္မတရုံး၊ နိ်ုင်ငံခြားရေးဝန်ကြီးဌာနရုံးက ရေးသား ထုတ်ပြန်နေတဲ့ ထုတ်ပြန်ကြေညာချက် တွေကို တစ်ချက်လောက် ကြည့်ကြ ရအောင်ပါ။

မကြာသေးခင်က ထုတ်ပြန်ခဲ့တဲ့ သင်္ကြန်ပိတ်ရက် ကြေညာတဲ့ကိစ္စကစပြီး အစိုးရရဲ့အရေးအသားတွေကို လူမူကွန်ယက် ပေါ်တက်ပြီး ပြောကြ၊ ဆိုကြ၊ ဝေဖန်ကြဆိုတော့ သူတို့အရေးအသားတွေ အဆင်မပြေဖြစ်နေ တာတော့ သေချာနေပါပြီ။

မနေ့က(မတ် ၂၅)ထုတ်ထားတဲ့ ကုလသမဂ္ဂအစည်းအဝေးဆုံးဖြတ်ချက်ကို လက်မခံဘူးဆိုပြီး ရေးထားတဲ့စာမှာလည်း အကျအပေါက်တွေ၊ အမှား အယွင်းတွေနဲ့ ဖတ်ရခက်ပါတယ်။

လက်မခံဘူးဆိုပြီး ဆုံးဖြတ်ချက်ကို ခေါင်းစဉ်မှာ ရေးထားပေမယ့် အောက် ကစာတွေဖတ်ပြီး လက်ခံတာလား လက်မခံတာ လားလည်း မသဲကွဲတော့ဘူး။
မဟုတ်နှစ်ခုကိုတစ်ဆက်တည်းရေးရင် ဟုတ်တယ်ဆိုတဲ့ အဓိပ္ပာယ်မျိုးထွက်ပါ တယ်။

“အထောက်အကူ မဖြစ်မည် မဟုတ် သည့်အပြင်” ဆိုတော့ အထောက် အကူဖြစ်တယ်လို့ဆိုလိုရာရောက်နေတယ်။ နိုင်ငံတော်အဆင့်က တရားဝင် ထုတ်ထားတဲ့စာကို လိုတာဖြည့် ပိုတာထုတ်ဖတ်ဖို့ဆိုတာကလည်း သဘာဝ မကျပြန်ဘူး။

နောက်တစ်ချက်ပြောချင်တာက ဘာသာစကားတစ်မျိုးက စကားလုံးတွေကို တခြားဘာသာစကားတစ်ခုက ယူပြီးမွေးစားတာက ရှောင်လွဲလို့မရပါဘူး။
မြန်မာစကားဟာ တခြားဘာသာစကားတွေကနေ ခေတ်အဆက်ဆက် စကားလုံးတွေ မွေးစားရင်းနဲ့ ပိုပြီးကြွယ်ဝလာတာပါ။

တစ်မျိုးစီလောက်ဥပမာပြရရင် ပါဠိစကား ကနေ သုခ၊ မွန် က ကတော်၊ ရှမ်း က ခေါက်ဆွဲ၊ ပြင်သစ် က နာနာတ်သီး၊ အာရဗီ က အရက်၊ ဟင်ဒီ က ပိုက်ဆံ၊ ထိုင်း က ငံပြာရည်၊ မလေးရှား က ဂိုဒေါင် ဆိုတဲ့ စကားလုံးတွေ မွေးစားထား တာပါ။

အင်္ဂလိပ်စာကနေမွေးထားတာတွေကတော့ အများကြီးပါပဲ။ ကား၊ ဆိုင် ကယ်၊ လေဆာ၊ ရေဒါ။ ကုန်းဘောင်ခေတ်မှာ ဦးကြင်ဥက ဘရန်ဒီ အရက်ကို ဗြန်သူရာလို့ မွေးစားတာကနေ ခုခေတ် ဖေ့ဘွတ်လို့ခေါ်တဲ့ အထိ မွေးစားနေဆဲပါပဲ။

ဒါပေမဲ့ မြန်မာစကားထဲမှာ နာမ်တွေကိုပဲ မွေးစားပြီးသုံးပါတယ်။ ဘာသာခြား ကြိယာတွေကိုမွေးစားပြီး မြန်မာကြိယာနေရာမှာ အစားထိုးတာမျိုး မရှိပါဘူး။ ဥပမာ ‘ဂွတ်တယ်ကွ၊ အရမ်းဖိုင်း တယ်’ ဆိုတာမျိုးတွေ အရပ်သုံးသုံးကြပေမယ့် တရားဝင်စာပေထဲကိုရောက်လာတာမျိုးတော့ မရှိပါဘူး။

ကိုလိုနီခေတ်က လည်း ‘Register’ လုပ်တာကို ရေစစ္စတြီ လုပ်တယ်ဆိုပြီး သုံးခဲ့တာမျိုးရှိပါတယ်။ ဒါပေမဲ့ မြန်မာစာပေအသိုင်းအဝိုင်းက အဲဒီလိုအသုံး အနှုန်းတွေ လက်မခံခဲ့လို့ တရားဝင်သုံးစာပေထဲမှာ မကျန်ခဲ့ပါဘူး။

တခြားဘာသာကနာမ်စကားလုံးတွေကို မြန်မာကမွေးစားခဲ့ပေမယ့် ကိုယ်ပိုင် သဒ္ဒါစည်းကမ်းတွေရဲ့ အောက်မှာပဲ ထည့်သုံး ခဲ့တာပါ။ မိမိဘာသာစကား ထဲကို ထိုးဖောက်ဝင်ပြီး သြဇာလွှမ်းမိုးတဲ့ အနေအထားအထိ လက်မခံခဲ့ပါဘူး။ ပြင်ပသြဇာ ကို ကြံ့ကြံ့ခိုင်ပြီး ကိုယ်ပိုင်ဘာသာစကား အနေနဲ့ပဲ ရပ်တည်ခဲ့တာပါ။

မနေ့ကထုတ်တဲ့ သမ္မတရုံးကြေညာချက်ထဲမှာတော့ အင်္ဂလိပ်ကြိယာကို မြန်မာ စာထဲထည့်သုံးပြီး “Dissociate ပြုလုပ်ခဲ့ပါသည်” လို့ ရေးထားတယ်။ ဆုံးဖြတ်ချက်ကို သဘောတူလက်ခံခြင်း မရှိပါလို့ မြန်မာ စကား ပြေနဲ့ ရေးလို့ရနိုင်ရဲ့သားနဲ့ မလိုအပ်ဘဲ အင်္ဂလိပ်ကြိယာကို သုံးထားပါ တယ်။

အဲဒီလိုသုံးတော့ဘာဖြစ်လဲလို့မေးရင် နိုင်ငံတော်ကတရားဝင်ကြေညာချက်မှာတောင် အင်္ဂလိပ်ကြိယာတွေကို ထည့်သုံး ထားသေးတာ ငါတို့လည်း အဲဒီလိုမျိုး သုံးလို့ရတယ်ဆိုပြီး မြန်မာစာထဲကို အင်္ဂလိပ်ကြိယာတွေ တရားဝင်ရောက် လာ နိုင်ပါတယ်။

အဲဒီတော့ ဘာဆက်ဖြစ်မလဲဆိုရင် မြန်မာစာကကြွယ်ဝလာဖို့မရှိတော့ဘဲနဲ့ တဖြည်းဖြည်းမှေး မှိန် သွားနိုင်ပါတယ်။

“စကားပြေကား လူနားလည်အောင်ရေးရသည်။ ကဗျာကား လူခံစားအောင်ရေး ရသည်။” ဆိုတဲ့ ဒဂုန်တာရာရဲ့ စကားလိုပဲ အနည်းဆုံးတော့ လူနားလည်အောင်ရေးပေးဖို့တော့လိုပါတယ်။

နိုင်ငံရဲ့ဥသျှောင်က မြန်မာစာပေသမိုင်းမှာ လေးစားအတုယူဖို့ကောင်းတဲ့ ဆရာမင်းသုဝဏ်ရဲ့သားလည်း ဖြစ်နေတော့ ဆရာပြောခဲ့တဲ့ စကားပြေအရေး ကြီးကြောင်း စာသားကိုပဲနိဂုံးအနေနဲ့ဖော်ပြပါရစေတော့။

“စကားပြေသည် လူမျိုး၏အသက်၊ လူမျိုး၏အားထားရာ၊ လူမျိုး၏ တန်ဆောင် ဆီမီးဖြစ်သည်ကို မပြတ်သတိရသင့်ပေသည်။” ။
https://www.facebook.com/mawkunmagazine/posts/1238062819639941