လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနက တစ်နှစ်အတွင်း သဘာဝဘေးဒဏ်ခံရသူတွေအတွက် ငွေကျပ်သန်းပေါင်း ၉၉၀၀ ကျော် ထောက်ပံ့ပေးခဲ့တယ်လို့ ပြည်ထောင်စုဝန်ကြီး ဒေါက်တာဝင်းမြတ်အေး က ပြောပါတယ်။
ဝန်ကြီးဌာနအလိုက် တစ်နှစ်အတွင်း ဆောင်ရွက်ချက်တွေကို ပြည်သူလူထုထံ အသိပေးပြောကြားတဲ့ အစီအစဉ်ထုတ်လွှင့်ချက်မှာ ပြောကြားခဲ့တာဖြစ်ပါတယ်။
အဲဒီထောက်ပံ့မှုမှာ အမျိုးသားသဘာဝဘေးအန္တရာယ် စီမံခန့်ခွဲမှုရန်ပုံငွေကနေ ကျပ်သန်း ၇ထောင်ကျော်နဲ့ ၀န်ကြီးဌာန ရဲ့ ဘတ်ဂျက်ရန်ပုံငွေထဲက ကျပ်သန်း ၂၅၀၀ ကျော် သုံးစွဲခဲ့တာ ဖြစ်တယ်လို့ သိရပါတယ်။
ဝန်ကြီးဌာနအနေနဲ့ သဘာဝဘေးဖြစ်ပွားမှုသတင်းအချက်အလက်တွေကို အလျင်အမြန်ရရှိဖို့ နဲ့ ကြိုတင်သတိပေးဖို့ ဆောင်ရွက်နေသလို သဘာဝဘေးကျရောက်လာရင် အရပ်ဘက်လူမှု အဖွဲ့အစည်းတွေ၊ ဖောင်ဒေးရှင်းတွေနဲ့ ပူးပေါင်းဆောင်ရွက်သွားမယ့် နည်းလမ်းတွေကိုလည်း စီစဉ်ထားတယ်လို့ ပါရှိပါတယ်။
အစိုးရသစ်လက်ထက်မှာ သောက်သုံးရေရှားပါးမှု၊ မိုးကြီးပြီး မြေပြိုကျမှု၊ ငလျင်ဖြစ်ပွားမှု စတဲ့ သဘာဝဘေးဒဏ်တွေ အတော်ဖြစ်ပွားခဲ့ပြီး လူမှုဝန်ထမ်း ကယ်ဆယ်ရေးနဲ့ ပြန်လည်နေရာချ ထားရေးဝန်ကြီးဌာနက အလုပ်များခဲ့တဲ့ ၀န်ကြီးဌာနတစ်ခုဖြစ်ခဲ့ပါတယ်။
လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနအနေနဲ့ ၂၀၁၆-၂၀၁၇ ဘဏ္ဍာရေးနှစ်မှာ အစိုးရ၀န်ကြီးဌာနအားလုံးပေါင်း ဘဏ္ဍာငွေရဲ့ ၀.၀၉ ရာခိုင်နှုန်းသာ ရရှိခဲ့ပြီး ၂၀၁၇-၂၀၁၈ ဘဏ္ဍာနှစ်မှာ ၀.၂၅ ရာခိုင်နှုန်း ရရှိခဲ့တယ်လို့ သိရပါတယ်။
Photo: Aung Thain Kha/ RFA
No comments:
Post a Comment