အနက်ရောင်ဖက်ရှင်နဲ့ အကယ်ဒမီပွဲတက်မယ့် သက်မွန်မြင့်

အနက်ရောင်ဖက်ရှင်နဲ့ အကယ်ဒမီပွဲတက်မယ့် သက်မွန်မြင့်

၂၀၁၆ အတွက် ‘ချစ်လှ စွာသောအမုန်း’ ဇာတ်ကားဖြင့် အမျိုးသမီးဇာတ်ဆောင်ဆုရရှိ မည်ဟု ထင်ကြေးပေးခံရသော သက်မွန်မြင့်က ရုပ်ရှင်ထူးချွန်ဆု ပေးပွဲသို့ အနက်ရောင်ဖက်ရှင် ဖြင့် တက်ရောက်မည်ဖြစ်သည်။

‘‘သူက ကလေးမွေးပြီးခါစ ခန္ဓာကိုယ်ကလည်း နည်းနည်း ပြည့်နေတော့ အနက်ရောင်လေး ဝတ်ရင် သူ့ဟာသူလည်း Confi-dence ရှိမယ်၊ စိတ်လုံခြုံမှုရှိမယ် လို့လည်း စိတ်ကူးတယ်။ နောက် ပြီး သူက ခါးနာနေတော့ သက် သောင့်သက်သာဖြစ်ရမယ်။ သူ့ အသက်အရွယ်နဲ့ လုံလုံခြုံခြုံ၊ ကျက်သရေရှိရှိလေးဖြစ်အောင် စီစဉ်ထားတယ်။ သူဝတ်မယ့် ချိတ်ဒီဇိုင်းရယ်၊ သူခြုံမယ့်ပဝါလေး ရယ် အဓိကလုပ်ပေးထားတယ်။ အင်္ကျီကတော့ ပြောင်ရှင်းလေးပဲ လုပ်ထားတယ်’’ဟု သက်မွန်မြင့်၏ဝတ်စုံကို ချုပ်လုပ်ပေးမည့် ဒီဇိုင် နာ မပုံ့ (My Favourite) က ပြော သည်။

သက်မွန်မြင့်ဝတ်ဆင်မည့် ချိတ်ဒီဇိုင်းသည် ၎င်း၏ကိုယ်ပိုင် ဖြစ်ပြီး အနက်ရောင်အပေါ်တွင် အခြားအရောင် သုံးရောင်ခန့်ပါ ဝင်ကာ ဟင်္သာပုံစံ ဒီဇိုင်းများ ပါဝင်မည်ဟု မပုံ့က ပြောသည်။

‘‘အောင်သမာဓိက မဖြူက ဆင်ချင်တယ်ဆိုတော့ အင်္ကျီ ပြောင်ပဲဆိုတော့ ဆင်လို့ရတယ်။ ဒါပေမဲ့ အမှောင်အရောင်တွေပဲ သုံးထားတာဆိုတော့ စိန်ကြိုးပေါ့။ စိန်ကြိုးကိုမှ ရိုးရိုးဘယက်မဟုတ် ဘဲ စိန်ကြိုးအရှည်တွေ ခတ်ပေး နိုင်မလားဆိုတော့ မဖြူကလည်း ခတ်ပေးမယ်ဆိုတော့ သူ့ဆီက စိန်ဆွဲကြိုး၊ လက်ကိုင်အိတ်က တော့ မဖြူစီစဉ်ပေးထားတယ်လို့ ပြောတယ်’’ဟု သက်မွန်မြင့်ဝတ် ဆင်မည့် လက်ဝတ်ရတနာများအ ကြောင်း မပုံ့က ပြောသည်။

သက်မွန်မြင့်ကို လက်ဝတ် ရတနာများနှင့် လက်ကိုင်အိတ် အပါအဝင် ကျပ်သိန်းနှစ်ထောင် ဖိုးခန့် ဆင်မြန်းမည်ဖြစ်ကြောင်း အောင်သမာဓိရွှေဆိုင်မှ မဖြူဖြူ အောင်က ပြောသည်။

သက်မွန်မြင့်ကို ‘ချစ်လှစွာ သော အမုန်း’ဇာတ်ကားတွင် ပါဝင်သရုပ်ဆောင်ထားသည့် မိုးစက် မေဇာတ်ရုပ်ဖြင့် ပရိသတ်များအပါအဝင် အနုပညာမောင်နှမများ က ရုပ်ရှင်ထူးချွန်ဆုရရှိနိုင်သည် ဟု ခန့်မှန်းထားသည်။

7Day News Journal