ထိုင်း မြန်မာနယ်စပ်မြို့ဖြစ်တဲ့ ရှမ်းပြည်အရှေ့ပိုင်း တာချီလိတ်မြို့မှာ ကျပ်ငွေသိန်းပေါင်း ခြောက်ထောင်ကျော် တန်ဖိုးရှိတဲ့ မူးယစ်ဆေးဝါးတွေကို မတ်လ ၁၈ ရက်နေ့ မနေ့ညနေက ဖမ်းဆီးရမိပါတယ်။
မူးယစ်ဆေးတွေ ဖမ်းဆီးရမိတဲ့နေရာက တာချီလိတ်မြို့အထွက် လွယ်တော်ခမ်း ပူးပေါင်းစစ်ဆးရေးဂိတ်မှာ မိုင်းဆတ်မြို့ဖက်ကိုသွားတဲ့ Vigo ကားတစ်စီးပေါ်က ဖမ်းဆီးရမိခဲ့တာ ဖြစ်တယ်လို့ တာချီလိတ် မူးယစ်တပ်ဖွဲ့က ဒုတပ်ကြပ် တိုးမြင့်အောင် က RFA ကို ပြောပါတယ်။
"ဒီတာချီလိတ်ဖက်ကနေ မုိုင်းဆတ်ဖက်ကို သွားမှာပေါ့ အဲ့ကားက၊ ယာဉ်မောင်းနဲ့ နောက်က ၂ ယောက် ပါတာပေါ့။ စုစုပေါင်း သုံးယောက်၊ သူတို့က ဘာပစ္စည်းမှ မတင်လာဘူး ခါလီပေါ့ ၁၉:၁၀ အချိန်လောက် ရောက်လာတော့ အဲ့မှာ ပူးပေါင်းအဖွဲ့တွေနဲ့ စစ်ဆေးတဲ့အချိန်မှာ အဲ့မှာ အနောက်က ကြမ်းခင်းကို နှစ်ထပ်လုပ်ပြီးမှ အံဝှက်ထဲမှာ ထည့်လာတဲ့ စိတ်ကြွဆေးမှုန့် အထုတ်တွေ တွေ့တာပေါ့၊ အားလုံး ကီလိုကတော့ ၄၀ ဒသမ ၈ ကီလိုပေါ့။ စုစုပေါင်း တန်ဖိုးကတော့ ကျပ်သိန်းပေါင်း ၆၁၂၀ ပေါ့"
ကားပေါ်ပါသူ ၃ ဦးကို တာချီလိတ်မြို့မ ရဲစခန်းမှာ အရေးယူထားတယ်လို့ သိရပါတယ်။
ပြီးခဲ့တဲ့ မတ်လ ၈ ရက်နေ့ကလည်း တာချီလိတ်မြို့က မဲခေါင်ရပ်ကွက်မှာ ကျပ်ငွေ သိန်းတစ်သောင်းခွဲကျော် တန်ဖိုးရှိတဲ့ မူးယစ်ဆေးဝါးတွေနဲ့ အတူ မူးယစ်ဆေးထုတ်လုပ်ရာမှာ အသုံးပြုတဲ့ပစ္စည်းတွေကို ဖမ်းဆီးရမိခဲ့ပါသေးတယ်။
Photo: Aung Moe Myint/ RFA
No comments:
Post a Comment