ပြီးခဲ့တဲ့၂၀၁၆ ခုနှစ်ကနေ ၂၀၁၇ ခုနှစ် ဖေဖော်ဝါရီလအထိ တစ်နှစ်ကျော်ကာလအတွင်းမှာ တရုတ်နိုင်ငံဘက် တရားမဝင်သယ်ယူမယ့် ခန့်မှန်း ကျပ်သိန်းပေါင်း ၁ ထောင်ကျော်တန်ဖိုးရှိတဲ့ ကျွဲ၊ နွား အကောင်ရေ နှစ်ရာကျော်ကို ဖမ်းဆီးရမိပြီး လူ ၅၀ ကို ကချင်ပြည်နယ်ရဲတပ်ဖွဲ့ရုံး အရေးယူထားပါတယ်။
နယ်မြေစိုးမိုးမှုအလှမ်းဝေးတဲ့ ကချင်ပြည်နယ်နဲ့ ရှမ်းပြည်နယ်မြောက်ပိုင်း ဒေသတဝိုက်က ရှောင်ကွင်းလမ်းတွေကနေတဆင့် တရုတ်ပြည်ဘက် သယ်ယူဖို့ကြိုးစားချိန်မှာ ဖမ်းဆီးရမိတာဖြစ်တယ်လို့ ပြည်နယ်ရဲတပ်ဖွဲ့ရုံးရဲ့ ပြောရေးဆိုခွင့်ရှိသူ ဒုတိယရဲမှူးကြီး မျိုးသူရနောင် က ပြောပါတယ်။
"၂ဝ၁၆ ခုနှစ်မှာ ကျွဲနွားအကောင်ရေ ၁၃ဝ ကျော်၊ အခုလက်ရှိ ၂ဝ၁၇ မတ်လ ပထမပတ်မှာ ကျွဲနွားအကောင်ရေ ၁၄ဝ ကျော် စုစုပေါင်း ၂၇ဝ ကျော်ရှိသွားပြီ၊ အခုကာလတန်ဖိုးနဲ့ဆို သိန်း ၁ဝဝဝ ကျော်ဖိုးလောက်ရှိမှာပေါ့၊ အများစုက ဖမ်းဆီးရမိတာကတော့ နယ်မြေလုံခြုံရေးစိုးမိုးမှု အလှမ်းဝေးတဲ့နေရာတွေက ရှောင်ကွင်းလမ်းတွေကို အသုံးပြုပြီးတော့ သယ်ဆောင်ကြတာပေါ့"
တပ်မတော်က နယ်မြေရှင်းလင်းရေးတွေ ဆောင်ရွက်ချိန်မှာ ဖမ်းမိလို့ ရဲတပ်ဖွဲ့ကို လွှဲပြောင်းပေးတာရှိသလို၊ ရဲတပ်ဖွဲ့၊ အုပ်ချုပ်ရေးနဲ့ ဋ္ဌာနဆိုင်ရာတွေ ပူးပေါင်းဖမ်းဆီးရမိတာတွေလည်းရှိတယ်လို့ ပြောပါတယ်။
ဖမ်းဆီးရမိသူတွေကို အရေးကြီး ကုန်စည်နဲ့ ၀န်ဆောင်မှု ဥပဒေ ပုဒ်မ ၅ နဲ့ အရေးယူဆောင်ရွက်နေတယ်လို့ ပြောပါတယ်။
Photo: Kyaw Myo Min/RFA
( ကချင်ပြည်နယ်ရဲတပ်ဖွဲ့ရုံးက ဦးစီးအရာရှိ ပထမတန်း ဒုတိယရဲမှူးကြီး မျိုးသူရနောင် ကို ၂၀၁၇ ခုနှစ် မတ်လ ၁၀ ရက်နေ့ကတွေ့ရစဉ် )
No comments:
Post a Comment