ဗိုလ်တထောင် မြို့နယ်၊ အမှတ်( ၁) ရပ်ကွက် ၊ ကမ်းနားလမ်း ရှိ ကုန်သေတ္တာ တင်ယာဉ်ဝင်းအတွင်း ဖြစ်ပွားခဲ့တဲ့ လူသတ်မှုဖြစ်စဉ်မှာ ထွက်ပြေးသွားတဲ့ ပြစ်မှုကျုးလွန်သူကို ဖမ်းဆီးရမိတယ်လို့သိရပါတယ်။
မတ်လ၁၀ရက်နေ့မှာ ကမ်းနားလမ်းရှိ ကုန်သေတ္တာယာဉ်ဝင်းအတွင်းမှာ ကုန်သေတ္တာမောင်းနှင်သူ ယာဉ်မောင်းသိန်းဇော် (ခ) စုတ်ဖွား ဆိုသူ ယာဉ်မောင်းအတက်အဆင်းပြုလုပ်တဲ့နေရာမှာသေဆုံးနေတာကိုတွေ့ ရတဲ့အတွက် ဗိုလ်တထောင်ရဲစခန်းကသွားရောက်စစ်ဆေးခဲ့ရပါတယ်။
သေဆုံးသူမှာ လည်ဂုတ် ထိုးသွင်းဒဏ်ရာ (၁)ချက် ၊ ၀ဲလက်ပြင်ထိုးသွင်းဒဏ်ရာ (၂)ချက်၊ ယာပခုံးထိုးသွင်းဒဏ်ရာ(၁)၊ ၀ဲလက်မောင်းပွန်းခြစ် ဒဏ်ရာ(၁)ချက်၊ ရင်ညွှန့်ထိုးသွင်းဒဏ်ရာ(၁)ချက် နဲ့ ဦးခေါင်းဝဲ/ယာဂျိုစောင်း ပွန်းခြစ်ဒဏ်ရာ(၂)ချက် ကိုတွေ့ရှိခဲ့တယ်လို့လည်းသိရပါတယ်။
ရဲအရာရှိတွေ စစ်ဆေးတဲ့အချိန်မှာ ယာဉ်နောက်လိုက်တဲ့ အောင်ဇော်မင်းကလည်း ပျောက်ဆုံးနေတဲ့အပြင် ကိုင်ဆောင်နေတဲ့လက်ကိုင်ဖုန်းကလည်း စက်ပိတ်ထားတာကိုစစ်ဆေးတွေ့ရှိခဲ့ပါတယ်။
အဆိုပါ ယာဉ်နောက်လိုက် အောင်ဇော်မင်းကို မတ်လ ၁၃ရက်နေ့ ၁၀နာရီခွဲအချိန်ခန့်က မအူပင်မြို့နယ် ၊ ပန်းခွာလေးကျေးရွာမှာ ဖမ်းဆီးရမိခဲ့တယ်လို့သိရပါတယ်။
အောင်ဇော်မင်းကို ဖမ်းဆီးစစ်ဆေးရာ လွန်ခဲတဲ့ (၂)လခန့်က ရန်ကုန်မြို့ကိုရောက်လာပြီးတော့ ကျောက်တံတားမြို့နယ် ညပိုင်းမှာဖွင့်လှစ်တဲ့ ထမင်းကြော်ဆိုင်မှာစားပွဲထိုးလုပ်နေတဲ့အချိန်မှာ သေဆုံးသွားတဲ့ သိန်းဇော်(ခ) စုတ်ဖွား ခင်မင်ရင်းနှီးခဲ့ပြီးတော့ ယာဉ်နောက်လိုက် စပယ်ယာလုပ်ကိုင်ခဲ့တယ်လို့လည်းသိရပါတယ်။
အခင်းဖြစ်ပွားတဲ့နေ့က သိန်းဇော် (ခ) စုတ်ဖွားနဲ့ အောင်ဇော်မင်းတို့က ကားနောက်ခန်းမှာ အရက်အတူတူသောက်ရင်း စကားများတဲ့အခါမှာ သိန်းဇော်(ခ)စုတ်ဖွားက အောင်ဇော်မင်း လက်သီးနဲ့ထိုးခဲ့တယ်။ အောင်ဇော်မင်းကလည်း ၀က်အူလှည့်နဲ့ပြန်ထိုးပြီး ငွေကျပ် (၁)သိန်းခွဲထည့်ထားတဲ့ လွယ်အိတ်၊ SAMSUNG J3 အမျိုးအစားလက်ကိုင်ဖုန်းနဲ့ MICR အမျိုးအစား key Pad လက်ကိုင်ဖုန်း (၁)လုံးတို့ကိုယူဆောင်ခဲ့တယ်လို့သိရပါတယ်။
ဗိုလ်ထထောင်ရဲစခန်းက အောင်ဇော်မင်းဆီက အမှုနဲ့ပတ်သက်တဲ့ သက်သေခံ ပစ္စည်းများကိုလည်း ပြန်လည်သိမ်းဆည်းထားပြီး (ပ) ၄၇/ ၂၀၁၇ လူသေမှု ၃၀၂နဲ့ အမှုဖွင့်အရေးယူထားတယ်လို့လည်းသိရပါတယ်။
နှင်းနှင်း
Credit: KUMUDRA
No comments:
Post a Comment