Latest News

Friday, March 31, 2017

အင်းစိန်ထောင်အတွင်းမှ ဂန္ထ၀င် လူမိုက်ကြီးများအကြောင်း အပိုင်း (၈) - ဇော်သက်ထွေး


တကယ်တော့ စိုးမြတ်ကြီးဟာ ၁၉၈၈ ခု န၀တအစိုးရ အာဏာသိမ်းပြီးတဲ့အချိန် ထောင်ထဲဝင်တော့ “တန်းဝင်” လူမိုက်ကြီးစာရင်း မ၀င်သေးပါဘူး။ စိုးမြတ်ကြီးရဲ့ ထောင်တွင်းဘ၀ကို ကြီးကျယ်ခမ်းနားအောင် “အတောင်ပံ တပ်” ပေးလိုက်တဲ့သူ နှစ်ယောက်ကတော့ ကြည့်မြင်တိုင်လူမိုက်ကြီး ကိုစံငြိမ်းနဲ့ ထောင်ပိုင်ကြီး ဦးဇော်အုန်းတို့ပဲ ဖြစ်ပါတယ်။ အသားဖြူဖြူ ရုပ်ချောချော သန့်ပြန့်တဲ့ ဥပဓိရုပ်ပိုင်ရှင် စိုးမြတ်ကြီးဟာ အလုံအရေးအခင်း ခေါင်းဖြတ်အမှုမှာ မခြူးနဲ့အတူ ထောင်ကျခဲ့တာ ဖြစ်ပါတယ်။ အမှုတွဲထဲမှာ ဂါးဂါးကြီး၊ ဂါးဂါးလေး၊ မင်းဦးနဲ့ နဂါးလေးတို့ ပါဝင်ပြီး မခြူးတစ်ယောက်သာ သေဒဏ်ကျခဲ့တာ ဖြစ်ပါတယ်။

စိုးမြတ်ကြီး ကံကောင်းတာက အာဏာသိမ်းပြီးခါစအချိန်၊ ထောင်ခါပြီးခါစမို့လို့ ထောင်ထဲမှာ လူကလည်း နည်းတယ်။ စိုးမြတ်ကြီးကလည်း အပြောအဆိုကောင်းတော့ ထောင်ပိုင် ဦးဇော်အုန်းက ချက်ချင်း သဘောကျသွားတယ်။ ထောင်အာဏာပိုင်တွေရဲ့ ထုံးစံအတိုင်း စိုးမြတ်ကြီးကို ပိုက်ဆံမြိုးမြိုးမြက်မြက်ရတဲ့ အချုပ်ဆောင်တွေမှာ တန်းစီးအရာ ပေးလိုက်တယ်။ တစ်ခုကောင်းသွားတာက စိုးမြတ်ကြီး ထောင်ကျတဲ့အမှုဟာ လူသတ်၊ ပစ္စည်းယူ၊ ဓားပြတိုက်တာမဟုတ်ဘဲ အရေးအခင်း ခေါင်းဖြတ်အမှု ဖြစ်တဲ့အတွက် ထောင်ထဲကို ရောက်လာတဲ့ နိုင်ငံရေးသမားတွေက သူ့ကို “တန်း” တစ်ခုပေးပြီးဆက်ဆံတယ်။ သူကလည်း အဲဒီလို ဆက်ဆံခံရတာကို သဘောကျတယ်။ တခြားလူဆိုး၊ လူမိုက်တွေကိုလည်း နိုင်ငံရေးသမားတွေက သူ့အပေါ်မှာ တန်ဖိုးထားဆက်ဆံတဲ့ အကြောင်းကိုလည်း မကြာခဏ ထုတ်ပြောပြီး ကြွားတတ်တယ်။ တစ်နည်းအားဖြင့် နိုင်ငံရေးသမားတွေက သူ့နောက်မှာ ရှိနေတယ်ဆိုတဲ့ သဘောပေါ့။ ဒါကြောင့်လည်း နိုင်ငံရေးသမားတွေ လုပ်ချင်တာကို အာဏာပိုင်တွေ မသိအောင် လိုက်လျောတယ်။ သူကတော့ နိုင်ငံရေးသမားတွေနဲ့ ပတ်သက်ပြီး ထောင်အာဏာပိုင်ကို “ချွန်”တာ၊ “တက်”တာ မရှိဘူး။ ဒီလိုနဲ့ စိုးမြတ်ကြီးဟာ အင်းစိန်ထောင်ထဲမှာ ထင်ရှားလာပါတော့တယ်။ သူ့ရဲ့နာမည် တရှိန်ရှိန် တက်နေတဲ့အချိန်မှာ စိုးမြတ်ကြီးက သူကောင်းကောင်း ကျွမ်းကျင်တဲ့ PR (Public Relation) ကို ကောင်းကောင်း အသုံးချပါတယ်။ သူ့အပေါ် သစ္စာရှိမယ်လို့ထင်တဲ့ လူတွေကို တပည့်အဖြစ်မွေးပြီး ကောင်းကောင်း ကျွေးထားတယ်။ ပြီးတော့ ဦးနှောက်နည်းတဲ့ လူဆိုးတွေ သူ့အပေါ် ပိုပြီးတိမ်းညွှတ်လာအောင် သူ့ပုံစံကိုပါ ပြောင်းလဲလိုက်တယ်။ သူ့ကျောကုန်းမှာ ထိုးထားတဲ့ လောကနတ်ရုပ်က တော်တော်လှပါတယ်။ ဒီအရုပ်ကို အင်းစိန် တစ်ထောင်လုံး တက်တူးထိုးတာနဲ့ ပတ်သက်ပြီး အတော်ဆုံးလို့ဆိုတဲ့ ဌေးဝင်းက အကောင်းစား ဆေးတွေကို နိုင်ငံခြားကမှာပြီး ထိုးပေးထားတာ ဖြစ်ပါတယ်။ အဲဒီအချိန်က ထောင်ထဲမှာ တက်တူးဆရာကြီးဆိုလို့ ဌေးဝင်းနဲ့ ကဗျာ (မူးယစ်အမှုတွဲနှစ်ယောက်)ပဲ ရှိပါတယ်။

ညနေဘက် ထောင်ပိတ်ရင် ကျသစ်တွေကို စိုးမြတ်ကြီးက မိန့်ခွန်းခြွေလေ့ရှိတယ်။ သူပြောလေ့ ရှိတဲ့စကားကတော့ “ငါ့ညီတို့ကို တစ်ခုပြောချင်တယ်၊ စာရေးဆရာ မင်းသိင်္ခ ၀တ္ထုတွေ ဖတ်ဖူးမှာပေါ့။ သူ့ဇာတ်ကောင်တွေထဲမှာ လူတွေ သဘောအကျဆုံးကတော့ ဆားပုလင်းနှင်းမောင်ပဲ။ ဆားပုလင်းနှင်းမောင်က ရုပ်ဖြောင့်တယ်၊ သတ်္တိရှိတယ်၊ အားနည်းတဲ့သူဘက်က ရပ်တည်တယ်၊ မတရားတာ လုပ်လာရင် ဘယ်သူ့ကိုမှ မကြောက်ဘူး။ ဒီဇာတ်ကောင်မျိုး ၀တ္ထုထဲမှာမို့လို့ အပြင်မှာမရှိဘူး မထင်နဲ့။ အပြင်မှာလည်း ဆားပုလင်းနှင်းမောင်လို လူတစ်ယောက်ရှိတယ်။ သူကတော့ အင်းစိန်ထောင်ထဲက စိုးမြတ်လို့ခေါ်တဲ့ ကျုပ်ပဲ” လို့ ပြောတတ်တယ်။ ဒီလိုအပြောချိုချိုလေးရဲ့ နောက်မှာတော့ ထောင်ထဲမှာ တရားမ၀င်လုပ်နေတဲ့ လောင်းကစားဝိုင်းတွေကို မသိချင်ယောင်ဆောင်ပြီး ခွင့်ပြုထားတယ်။ မူးယစ်ဆေးဝါး သုံးစွဲတာတွေကို မျက်ကွယ်ပြုထားတယ်။ ကုန်ကုန်ပြောရရင် တက်တူးထိုးတာ၊ လိင်တူဆက်ဆံတာကအစ ချုပ်ကိုင်ထားတာ ဖြစ်တဲ့အတွက် စိုးမြတ်ရဲ့သြဇာက ထောင်ထဲမှာ တဖြည်းဖြည်း ကြီးမားလာတယ်။ အကျဉ်းသားတွေကလည်း လောင်းကစားကို ဘယ်လောက်တောင် ၀ါသနာထုံလဲဆိုရင် စိတ်ပုတီးက ပုတီးစေ့တွေနဲ့လည်း လုပ်တတ်တယ်။ ထောင်ထဲမှာရှိနေတဲ့ ခဲလုံးနဲ့လည်း ကစားတတ်တယ်။ ဘာမှမရှိရင် တောင်ယာမှာ စိုက်ပျိုးထားတဲ့ မုန်ညှင်းခင်း၊ ကိုက်လန်ခင်းထဲက အပင်တွေမှာ ပွင့်တဲ့ ပန်းပွင့်တွေကို လက်ညိုးထိုးပြီး “စုံ”၊ “မ”၀ှက်တယ်။ ပြီးမှ အပင်မှာသွားပြီး အပွင့်ရေကြတယ်။ သူတို့ကို ဘာနဲ့မှအရေးယူလို့ မရပါဘူး။ အလောင်းအစားကတော့ ၀တ်ထားတဲ့အင်္ကျီတွေ၊ ပုဆိုးတွေ၊ အနွေးထည်တွေ၊ စောင်တွေ၊ အိပ်ရာလိပ်တွေ ရှိသမျှ အကုန်လောင်းကြတာပါပဲ။



ထောင်မင်းသား ဖြစ်လာတဲ့ စိုးမြတ်ကြီးဟာ ထောင်အာဏာပိုင်တွေရဲ့ မျက်နှာသာပေးမှုကြောင့် ကြိုက်သလို နေထိုင်တယ်။ အကျဉ်းသားတွေ စီးခွင့်မရှိတဲ့ ကတ္တီပါဖိနပ်ကို စီးတယ်၊ အကျဉ်းသားဝတ်စုံ မ၀တ်ဘဲ ပလေကပ်လုံချည်နဲ့ တီရှပ်ကိုဝတ်တယ်၊ တီရှပ်အပေါ်မှာ လယ်သာဂျက်ကက် ထပ်ဝတ်ပြီး ရေဘင် မျက်မှန်တောင် တပ်လိုက်သေးတယ်။ တစ်ထောင်လုံးကို ကြိုက်သလို သွားခွင့်ရှိပြီး ၀ါးဆစ်ပိတ် ကိုင်ထားတဲ့ သက်တော်စောင့် ရှေ့နှစ်ယောက် နောက်နှစ်ယောက် အနည်းဆုံးပါတယ်။ စိုးမြတ်ကြီးစားတဲ့ ထမင်းဝိုင်းကိုလည်း ကြည့်ပါဦး။ သူစားဖို့အတွက် ကြွေပန်းကန်နဲ့ ထမင်းခူးပေးထားပြီး အကျဉ်းသားတွေ ကိုင်ခွင့်မရှိတဲ့ ဇွန်းနဲ့ခက်ရင်းကို ချပေးထားရတယ်။ ဟင်းခွက်က အနည်းဆုံး လေးငါးဆယ်ခွက်ကနေ ခွက် ၂၀ လောက်ရှိတယ်။ သူအကြိုက်ဆုံးဖြစ်တဲ့ ၀က်ဆီဖတ်နဲ့ ငါးပိရည်မပါရင် မစားဘူး။ ထမင်းစားတဲ့ အချိန်ကိုလည်း ကြည့်လိုက်ဦး။ လက်ဆေးဇလုံကို ရှေ့ချထားပြီး ထမင်းစားမယ့် အချိန်မှာ လက်ကိုဆန့်တန်းပေးလိုက်ရုံပဲ။ တပည့်တစ်ယောက်က သေချာလက်ဆေးပေးတယ်။ ပြီးတော့မှ ထမင်းကို ငါးပိရည်နဲ့နယ်ပြီး အားပါးတရစားတယ်။ ထမင်းစားပြီးတော့လည်း လက်ကိုပြန်ပြီး ဆန့်တန်းပေးလိုက်ရုံပဲ။ တပည့်တွေက ရေနဲ့တစ်ထပ် ဆပ်ပြာနဲ့ တစ်ထပ် ဆေးပေးရတယ်။ တစ်ခါတရံမှာ မိန်းဂျေးလ် ထောင်မှူးနဲ့ တစ်ဝိုင်းတည်းစားတယ်။ ထောင်ထဲမှာ အကျဉ်းသားနဲ့ ထောင်မှူး အတူတူ ထမင်းစားခွင့်မရှိပါဘူး။ ဒါပေမဲ့ စိုးမြတ်ကြီးအတွက်တော့ ထောင်ဥပဒေက ခြွင်းချက်ပေ့ါ။ ဒီလို နာမည်ကြီးတဲ့ စိုးမြတ်ကြီးဟာ ထောင်ထဲမှာ သူ့ကို ယှဉ်လာနိုင်မယ့် လူမိုက်တွေကိုတော့ အမြဲဂရုစိုက်ပြီး စောင့်ကြည့်လေ့ရှိတယ်။ ခေါင်းထောင်တက်မလာအောင် နည်းမျိုးစုံနဲ့ ဖိထားလေ့ရှိတယ်။ ဖိထားလို့မရတဲ့သူကို တပည့်အဖြစ် စည်းရုံးသိမ်းသွင်းလိုက်တယ်။ ဒီလိုနည်းနဲ့ ပြိုင်ဘက်တွေကို ချုပ်ကိုင်ထားနိုင်တယ်။ ဒီကြားထဲမှာတောင် (၃) ဆောင်မှာ ၅ (ည) တွေနဲ့ ထိပ်တိုက် ပြဿနာတစ်ခု ဖြစ်သေးတယ်။ ကျောင်းသားတွေဖြစ်တဲ့ တင့်လွင်တို့ ဂျင်ဘရောင်းတို့နဲ့ပေါ့။ ဒီပြဿနာဖြစ်တော့ စိုးမြတ်ကြီးလည်း စစ်ခွေးတိုက် ရောက်သွားသေးတယ်။ ဒီကတည်းက နှစ်ဖက်ရန်ဖြစ်တာ အကျိုးမရှိဘူးဆိုပြီး စိုးမြတ်ကြီးက ၅ (ည) တွေကို အမြဲရှောင်ပါတယ်။ ဒါကြောင့်လည်း ထောင်ထဲမှာ သူ့ရဲ့အခန်းကဏ္ဍနဲ့ သြဇာအာဏာကို ဖြန့်ကြက်နိုင်တာပေါ့။ သူ့ကို ကျော်နိုင်မယ့်သူ ထောင်ထဲမှာ တစ်ယောက်မှ ပေါ်မလာသေးဘူး။ ဒီလိုအချိန်မှာပဲ တစ်နေ့တော့ အင်းစိန်ထောင်ထဲကို သတင်းတစ်ခု ၀င်လာတယ်။ ဒီသတင်းကတော့  မြန်မာနိုင်ငံ နယ်စပ်မှာ နာမည်ကြီးတဲ့ လူမိုက်တစ်ယောက်ကို ဖမ်းမိပြီး အင်းစိန်ထောင်ကို ရောက်လာတော့မယ်ဆိုတဲ့ သတင်းပဲ။



သူ့ကို အင်းစိန်ထောင်ကိုပို့ဖို့အတွက် ရဲတပ်ဖွဲ့ဝင်တွေကိုသာမက စစ်ထောက်လှမ်းရေး အဖွဲ့တွေကိုပါ လုံခြုံရေးအတွက် တာဝန်ပေးခဲ့ရတယ်ဆိုတဲ့ သတင်းကြောင့် နာမည်ပိုကြီးသွားတယ်။ သူ့နာမည်ကို မေးကြည့်လိုက်တော့ ကျော်သူတဲ့။ ကျော်သူကို ထောင်ထဲက လူဆိုးတွေက စိတ်ဝင်စားနေတယ်။ ဒါကြောင့် စိုးမြတ်ကြီးကလည်း ကျော်သူလာရင် ဦးချိုးဖို့ စဉ်းစားထားတယ်။ ကျော်သူကို နယ်စပ်ကနေဖမ်းပြီး အင်းစိန်ထောင်ကို ပို့လိုက်တာဆိုတော့ တော်ရုံလူတော့ မဖြစ်နိုင်ဘူးဆိုပြီး တပည့်တွေနဲ့လည်း ဖြိုဖို့ တိုင်ပင်ထားတယ်။ စိုးမြတ်ကြီးက အချုပ်ရုံးကိုလည်းပိုင်တော့ အချုပ်ရုံးသွားပြီး ကျော်သူရဲ့ ကိုယ်ရေးရာဇ၀င်ဖိုင်ကို သူ့ နည်းသူ့ဟန်နဲ့ တောင်းကြည့်တယ်။



ကျော်သူရဲ့ ကိုယ်ရေးရာဇ၀င်ဖိုင်ကို လှန်ကြည့်လိုက်တဲ့အခါ ကျော်သူရဲ့ အမည်နေရာမှာ ကျော်သူ(ခ) မြွေဖြူလေးလို့ တွေ့လိုက်ရတဲ့အတွက် စိုးမြတ်ကြီး ချက်ချင်း ခေါင်းနားပန်းကြီးသွားတယ်။ ဒါကြောင့် ကျော်သူလာရင် ဦးချိုးမယ့် စိုးမြတ်ကြီးရဲ့ အစီအစဉ်တွေဟာ ပြောင်းပြန်ဇောက်ထိုး ဖြစ်သွားပါတော့တယ်။

(ဆက်လက်ဖော်ပြပါမည်)
ဇော်သက်ထွေး

http://www.tomorrow.com.mm/?q=articles/3381


  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း အပိုင်း (၁)
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း အပိုင်း (၂)
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း အပိုင်း (၃) -
  •  အင်းစိန်ထောင်အတွင်းမှ ဂန္တ၀င်လူမိုက်ကြီးများ အကြောင်း အပိုင်း (၄) - ဇော်သက်ထွေ
  •  အင်းစိန်ထောင်အတွင်းမှ ဂန္တ၀င်လူမိုက်ကြီးများ အကြောင်း အပိုင်း (၅)
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း (၆)
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း (၇)
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း (၈)
  • အင်းစိန်ထောင်အတွင်းမှ ဂန္တ၀င်လူမိုက်ကြီးများအကြောင်း အပိုင်း(၉)
  • No comments:

    Post a Comment