ပုသိမ်၊ ဖေဖေါ်ဝါရီ ၁၃
ဧရာဝတီ တိုင်းဒေသကြီး ကန်ကြီးထောင့်မြို့နယ်ရှိ ကွင်းယားကျေးရွာ အုပ်စုအတွင်းရှိ ပေါ်တော်မူကျေးရွာ မူလတန်းကျောင်းနှင့် သရက်ချောင်းကျေးရွာ မူလတန်းကျောင်းများတွင် ယနေ့ (ဖေဖော်ဝါရီ ၁၃ ရက်) မွန်းလွဲ ၃ နာရီခွဲဝန်းကျင်က ကျောင်းသား ကျောင်းသူ ၉၅ ဦး အစာ အဆိပ်သင့်မှု ဖြစ်ပွားခဲ့သည်။ ကန်ကြီးထောင့် ဆေးရုံမှ သိရှိရသည်။
ရန်ကုန်မြို့မှ အော်ဒါမှာယူသည့် ခေါက်ဆွဲကျော်အား စားမိရာမှ အော့အန်ခြင်း၊ ၀မ်းသွားခြင်း၊ ဝေဒနာဖြစ်ကာ အစာ အဆိပ်သင့်ခဲ့ရခြင်းဖြစ်ကြောင်း ကန်ကြီးထောင့်မြို့နယ် ပညာရေးမှူး ဒေါ်သိန်းသိန်းက ပြောကြားသည်။
“ကလေးတွေကို လာလှူတာပါ။ နေ့လယ် ၁၂ နာရီလောက်ကစားတာ ညနေ ၃ နာရီခွဲ ကျောင်းမဆင်းမီ စဖြစ်ကြပါတယ်။ ပထမရွာက ကျေးလက်သူနာပြု ဆရာမနဲ့ ကုနေတာ ဖြစ်တဲ့သူတွေ များလာလို့ ဆေးရုံ ပို့ကြတာပါ”ဟု ၎င်းကဆိုသည်။
ဝေဒနာခံစားနေသူ အားလုံး ည ၉ နာရီအချိန်တွင် ဆေးကုသမှုပြီးစီးနေပြီး အသက်အန္တရာယ် စိုးရိမ်ရသည့် အခြေအနေ မရှိကြောင်း ကန်ကြီးထောင့်ဆေးရုံမှ တာဝန်ကျ ဆရာဝန်က ပြောကြာသည်။
အစာ အဆိပ်သင့်သည့် ကျောင်းသားများမှာ မနက်ဖြန် (ဖေဖေါ်ဝါရီ လ ၁၄ ရက်)တွင် အတန်းတင် စာမေးပွဲ ဖြေကြရမည်ဖြစ်သော်လည်း စာမေးပွဲ ဖြေရမည့်ရက်ကို ရွှေ့ဆိုင်းပေးထားမည်ဖြစ်ပြီး မြို့နယ်ကျန်းမာရေးဌာနမှ အစာနှင့်ပတ်သက်၍ စစ်ဆေးမှုများကို ဆောင်ရွက်သွားမည်ဖြစ်ကြောင်း မြို့နယ်ပညာရေးမှူး ဒေါ်သိန်းသိန်းက ပြောကြားသည်။
Sources : The Voice
No comments:
Post a Comment