ပုဂ္ဂလိက လုပ်ငန်းရှင်တွေထံက ကောက်ခံတဲ့ ၀န်ဆောင်မှုအခွန် သုံးရာခုိုင်နှုန်း ကင်းလွတ်ခွင့်ပြုလိုက်တာလည်း နုိုင်ငံရဲ့ဝင်ငွေ လျှော့နည်းစေတယ်လို့ဆိုပါတယ်။
နေပြည်တော်၊ ဒီဇင်ဘာ ၁၉
အခုအစိုးရသစ်လက်ထက် ခြောက်လအတွင်းဝင်ငွေက လွန်ခဲ့တဲ့သုံးနှစ်အတွင်း အနည်းဆုံးပမာဏဖြစ်နေတယ်လို့ ပြည်ထောင်စုလွှတ်တော် ပြည်သူ့ငွေစာရင်း ကော်မတီက သုံးသပ်ပါတယ်။
နှစ်တစ်နှစ်ရဲ့ပထမခြောက်လပတ်ဖြစ်တဲ့ ဧပြီလကနေ စက်တင်ဘာလအတွင်း နိုင်ငံ့ဝင်ငွေတွေထဲမှာ သုံးနှစ်တာအတွင်း နှိုင်းယှဉ်ကြည့်ရင် အခုနှစ်ကအနည်းဆုံးဖြစ်နေ တာပါ။
အခု ဘဏ္ဍာနှစ်အတွက် ပထမနှစ်ဝက်အစီရင်ခံစာကိုတင်သွင်းရာ ပြီးခဲ့တဲ့ နှစ်ရဲ့ခြောက်လအတွင်းရငွေက ကျပ် ၁၇၀၆ ဘီလျံကျော်ရှိခဲ့ပြီး ယခုနှစ်မှာတော့ ကျပ် ၆၅၁ ဘီလျံကျော်သာရှိခဲ့ပါတယ်။ ၂၀၁၄-၂၀၁၅ ခုနှစ်တုန်းက ဆိုရင်ရည်မှန်းချက်ထက် ၅၈၉ ကျပ်ဘီလျံကျော်ရရှိခဲ့တယ်လို့လည်း ပြည်သူ့ငွေစာရင်းကော်မတီ အစီရင်ခံစာ အရသိရပါတယ်။
နိုင်ငံရဲ့ ၀င်ငွေလျော့နည်းရခြင်းက မြန်မာ့ကျောက်မျက်ရတနာလုပ်ငန်းမှာ ကျောက်ရောင်းရငွေအပေါ်မှာ ခွဲဝေရမယ့် အချိုး ၄၀ ရာခိုင်နှုန်းမှ ၂၅ ရာခိုင်နှုန်းသို့လျှော့ချပေး ရခြင်းကျောက်မျက်ဥပဒေအရ ပုဂ္ဂလိကလုပ်ငန်းရှင်တွေထံက ကောက်ခံတဲ့ဝန်ဆောင်မှုအခွန်သုံးရာခိုင်နှုန်း ကင်းလွတ်ခွင့်ပြုလိုက်ခြင်းလဲပါဝင်တယ်လို့ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းက ပြည်ထောင်စုလွှတ်တော်မှာ ပြည်သူ့ငွေစာရင်းကော်မတီရဲ့ အစီရင်ခံစာကိုပြန်လည်ဖြေရှင်းရာမှာပြောပါတယ်။
မြန်မာ့သစ်လုပ်ငန်းမှာ ပြည်ပကိုသစ်အလုံးလိုက်တင်ပို့ရောင်းချမှု ရပ်ဆိုင်းခဲ့တဲ့အတွက်ကြောင့် ရငွေများလျော့နည်းသွားခြင်း၊ မြန်မာ့ဆက်သွယ်ရေးလုပ်ငန်းမှာ KDDI ကုမ္မဏီနဲ့ချုပ်ဆိုတဲ့ လုပ်ငန်းစာချုပ်အရအမျှဝေစုရဲ့ ၅၀ ရာခိုင်နှုန်းသာရရှိတာကြောင့် ရငွေလျော့နည်းသွားတာဖြစ်ပါတယ်။
ဒါ့အပြင် လျှပ်စစ်နှင့်စွမ်းအင်ဝန်ကြီးဌာန အောက်မှာရှိတဲ့ ရန်ကုန်မြို့တော်လျှပ်စစ်ဓာတ်အားပေးရေး အဖွဲ့နဲ့ ရန်ကုန်လျှပ်စစ်ဓာတ်အားပေးကော်ပိုရေးရှင်းတို့မှာ လျှပ်စစ်ဓာတ်အားဖြန့်ဖြူးရေး လုပ်ငန်းတွေနဲ့ မန္တလေးလျှပ်စစ်ဓာတ်အားပေးကော်ပိုရေးရှင်းတွေကို ပြည်ထောင်စုရဲ့ ဘဏ္ဍာရန်ပုံငွေပြင်ပကနေဆောင်ရွက်တဲ့ နိုင်ငံတော်ပိုင်စီးပွားရေးအဖွဲ့အစည်းအဖြစ်ပြောင်းလဲ ဖွဲ့စည်းခဲ့ခြင်းတို့ကြောင့် ဖြစ်တယ်လို့ ဒုဝန်ကြီးက ဆိုပါတယ်။
‘အခွန်အကောက်နှင့် သာမန်ရငွေတွေတိုးမြှင့်ရရှိရေး ဖိဖိစီးစီးဆောင်ရွက်နိုင်ရန်အတွက် ပြည်ထောင်စုအစိုးရအဖွဲ့ကို တင်ပြပြီးတော့ ကြပ်မတ်ဆောင်ရွက်သွားမှာ ဖြစ်ပါတယ်လို့ ဒုဝန်ကြီးက ပြောပါတယ်။
ပြီးခဲ့တဲ့ နှစ်ဝင်ငွေများရခြင်းက သာမန်သုံးငွေတွေမှာ ဘဏ္ဍာရေးဝန်ကြီးဌာနက လှည့်ပတ်ရန်ပုံငွေစာရင်းတွေကို ပိတ်သိမ်းခဲ့ပြီး နိုင်ငံတော်သို့ပေးသွင်းခဲ့တာနဲ့ မော်တော်ဆိုင်ကယ်တွေကို စီမံချက်ဆောင်ရွက်ခဲ့တဲ့ နှစ်ဖြစ်လို့ရငွေများပြားရတာဖြစ်တယ်လို့ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းက ပြောပါတယ်။
အခွန်အကောက်နဲ့ရပ်တည်မယ်လို့ဆိုတဲ့ အစိုးရသစ်လက်ထက်မှာ အခွန်အကောက်ရငွေကလည်း ဘဏ္ဍာနှစ်တစ်နှစ်လုံးရငွေ ရည်မှန်းချက်ရဲ့ ၃၇.၈၂ ရာခိုင်နှုန်းသာ ရရှိခဲ့ပါတယ်။ သည်နှုန်းထားကတော့ ပထမငါးလရဲ့ အကောင်အထည်ဖော်မှုသာဖြစ်တယ်လို့လည်းသိရပါတယ်။အခွန်အကောက်တွေ ကောက်ခံရာမှာ ယိုပေါက်တွေရှိနေတယ်ဆိုတာ အမှန်ပဲဖစ်ပါတယ်၊ ပြည်တွင်းအခွန်များဦးစီးဌာနကကောက်ခံတဲ့ အခွန်တွေကိုတော့ အခွန်ကင်း လွတ်ခွင့် ပြုမှုတွေကိုလျှော့ချတာ၊ အခွန်တိမ်းရှောင်မှုတွေကိုဖော်ထုတ်တာစတဲ့ ကိစ္စတွေကို ဆောင်ရွက်လျက်ရှိပါတယ်လို့ ဒုဝန်ကြီးကပြောပါတယ်။
ပြည်တွင်းအခွန်များဦးစီးဌာနက ကောက်ခံတဲ့ဝင်ငွေခွန်ခေါင်းစဉ်အောက်မှ နိုင်ငံပိုင်ကဏ္ဍမှာ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနအောက်ရှိ မြန်မာ့သစ်လုပ်ငန်းမှသစ်ထုတ် လုပ်မှုလျော့နည်းခဲ့တာ၊ လျှပ်စစ်စွမ်းအင်ဝန်ကြီးဌာနအောက်ရှိ လျှပ်စစ်စွမ်းအင်တွေ၊ မြန်မာ့ရေနံနှင့်သဘာဝဓာတ်ငွေ့လုပ်ငန်း၊ မြန်မာ့ရေနံထွက်ပစ္စည်းရောင်းဝယ်ရေးလုပ်ငန်းတွေက ဝင်ငွေတွေလျော့နည်းသွားတယ်လို့သိရပါတယ်။
Sources : ချိုဇင်မာဝင့် Kumudra
No comments:
Post a Comment