`ပေးကားပေး၏မရတဲ့စနစ်နဲ့ ကိုယ်ကျိုးစီးပွါး´
============================
လက်ရှိဧရာတိုင်းမှာ ဘယ်ကနေပဲပြန်စွန့် လွှတ်တဲ့မြေဖြစ်ပါစေ အစိုးရကိုယ်တိုင် သက်ဆိုင်ရာဌာန နဲ့ အစိုးရဟောင်း ကျင့်သုံးနေတဲ့အတိုင်း သက်ဆိုင်ရာ အာဏာပိုင်တွေကို လွှဲနေတုန်းပါပဲ
အဲ့ဒီမှာပဲ အရပ်အခေါ်ကြားပွဲစားလို့ လူသိများတဲ့ တာဝန်ခံလိုလို လူတွေပေါ်ပေါက်လာပြီး သူတို့ကိုယ်ကျိုးစီးပွါးအတွက် ပြန်စွန့်လွှတ်တဲ့မြေတွေကို လက်ရှိလုပ်ကိုင်နေသူကို မရရအောင် နည်းမျိုးစုံသုံး လိမ်ကြပါတော့တယ်
စွန့်လွှတ်လယ်မြေ တွေကိုပေးတဲ့နေရာမှာ လက်ရှိလုပ်ကိုင်နေသူကို ပေးလိုက်တာလား
အသိမ်းခံရတဲ့လယ်သမား လက်ထဲ တကယ်ပြန်ရောက်ရဲ့လား ဆိုတာကို အစိုးရအဖွဲ့ကို ရှင်းရှင်းလင်းလင်းချမပြပဲ လယ်သမားတွေ လက်ထဲဥပဒေအတိုင်း ပြန်လည်ပေးအပ် လိုက်ပါပြီ ဆိုတဲ့အစီရင်ခံစာ တင်ပါတော့တယ်
အရင်အစိုးရ လက်ထက်က လည်းဒီလိုလုပ်ခဲ့သလို အခုလည်း ဒီလမ်းစဉ်အတိုင်းပဲ လုပ်ဆောင်နေတာကို မကြာသေးမီက ဒုသမ္မတလာရောက် ပြီးပေးအပ်ခဲ့တဲ့ ပန်းတနော်နဲ့ဖျာပုံမြို့နယ် တွေကလယ်သမားတွေရဲ့ ပြဿနာက ထင်ထင်ရှားရှားပြသတော့မယ့် ဖြစ်ရပ်တစ်ခုဖြစ်နေပါတော့တယ်
`မျှဝေခြင်း´ကျွန်တော့်အနေနဲ့ မနေ့က လယ်ယာမြေပြန်လည်စွန့်လွှတ်မှုတွေမှာ သမင်မွေးလိုက် ကျားစားလိုက် ဖြစ်နေတဲ့အခြေအနေ ကိုသိသာအောင် Post တစ်ခုတင်ပါတယ်
အဲ့ဒီမှာ အခုလက်ရှိ တကယ်လုပ်ကိုင်နေတဲ့ လယ်သမားတွေက သူတို့ထမင်းအိုးကွဲအောင် အကုန်စွန့်လွှတ်ရမှာလား သဘောမျိုးတွေ ပြောလာတာရှိပါတယ်
ကျွန်တော်အနေနဲ့ အဲ့ဒီသဘောမျိုး ရည်ရွယ်ခြင်းမဟုတ်ပါ ဒါပေမယ့် အဲ့ဒီလယ်ယာမြေကို မူလစတင်ပိုင်ဆိုင်ခဲ့ သူတွေက လက်လွတ်စပယ် အာဏာနဲ့အနိုင်ကျင့် အသိမ်းခံခဲ့ရတာ ဖြစ်တဲ့အတွက် ဘဝတွေနလန်မထူနိုင်အောင် ဖြစ်နေရတယ်ဆိုတာလည်း လက်ရှိလုပ်ကိုင်နေတဲ့ လယ်သမားတွေက ဒေသခံတွေ အတူတူအသိဆုံးဖြစ်မှာပါ
အဲ့ဒီတော့ အစိုးရ။တပ်။ကုမ္ပဏီ တွေကလည်း ပြန်စွန့်လွှတ်ပါပြီ ဆိုရင် ကိုယ်တွေလုပ်ကိုင်နေတဲ့ လယ်ယာမြေရဲ့ တာဝန်ရှိသူတွေ ဌာနတွေကို ပိုက်ဆံလိုက်ထိုးပြီး ဆက်လက်ပိုင်ဆိုင် ဖို့ကြိုးစားနေမယ့်အစား ၃၀ ဧကလောက်ရှိတဲ့သူက ၁၀ ဧကလောက် ဖြစ်ဖြစ်ကိုယ့်ရဲ့ ပိုင်ဆိုင်မှုကို ၃ ချိုး ၁ ချိုး မျှပေးဖို့ပဲညှိုနှိုင်းပြီး လုပ်လိုက်ရင်အဆင်ပြေဖို့ ရည်ရွယ်တာပါ
ဒါကလည်း ထမင်းမျှကျွေးတဲ့ သဘောမျိုးဖြစ်တဲ့အတွက် နတ်လူသာဓုခေါ်မယ့်ကိစ္စဖြစ်မှာပါ ဒါမှမဟုတ်ဘဲ ငါကလက်ရှိလယ်ပိုင်ရှင် ဘယ်လောက်ကုန်ကုန် ငွေနဲ့လိုက်မယ် ဆိုတဲ့စိတ်နဲ့ အကျင့်ပျက်ဌာနတွေကို ငွေနဲ့ပေါက် ခိုင်းစေပြီးဆက်လုပ်မယ် ဆိုရင်တော့ ရွှေထည်ခိုးတဲ့ပြစ်မှုလိုပဲ ပိုင်ရှင်သဘောမတူပဲ ခိုးတဲ့သူက အပေါင်လာခံတာကို လက်ခံထားတဲ့ အပေါင်ဆိုင်လိုပဲ ဘာတစ်ခုမှ မရတော့ပဲ မူလပိုင်ရှင်ကို ပေးဖို့ပြန်အသိမ်းခံ ရမယ့်အချိန်ကို မကြာခင်ရောက်လာတော့မယ်လို့ သတိပေးလိုက်ပါရစေ
မျိုးမင်း ထွန်း
No comments:
Post a Comment