On Sun, 2016-05-22 06:30
Locationရန်ကုန်
Issue No.No.1096 Sunday, May 22, 2016
မေလ ၂၁ ရက်က လေပြင်းတိုက်ခတ်မှုကြောင့် ခေါင်မိုးလန်ပျက်စီးသွားသည့် ဒဂုံဧရာအဝေးပြေးဝင်းအတွင်းရှိ အဆောက်အအုံအချို့ကို တွေ့ရစဉ် (ဓာတ်ပုံ − စိုင်းဇော်)
ရွန်နူဆိုင်ကလုန်းမုန် တိုင်း အဖျားခတ်ခဲ့သော မြန်မာ နိုင်ငံဒေသအချို့တွင် လေပြင်း ကျပြီး မိုးသည်းထန်စွာ ရွာသွန်း ခဲ့သော်လည်း ပျက်စီးဆုံးရှုံးမှုနည်းပါးကြောင်း လူမှုဝန်ထမ်း၊ ကယ်ဆယ်ရေးနှင့် ပြန်လည်နေ ရာချထားရေးဝန်ကြီးဌာနမှ သ တင်းရရှိသည်။
ရွန်နူ ဆိုင်ကလုန်းမုန်တိုင်း သည် ဘင်္ဂလားဒေ့ရ်ှနိုင်ငံ စစ် တကောင်းမြို့သို့ မေလ ၂၁ ရက် မွန်းလွဲပိုင်းက ဝင်ရောက်ခဲ့ပြီး မုန်တိုင်းအရှိန်ကြောင့် ရခိုင်၊ ချင်း၊ စစ်ကိုင်း၊ ဧရာဝတီနှင့် ရန်ကုန်တိုင်း ဒေသကြီးတို့တွင် နေရာကွက်၍ မိုးကောင်းခဲ့ပြီး လေပြင်းလည်း ကျရောက်ခဲ့ သည်။
‘‘ဆိုင်ကလုန်း မုန်တိုင်းနှင့် ပတ်သက်၍ ရခိုင်ပြည်နယ်တွင် အေးချမ်းလျက်ရှိသည်။ ချင်းပြည် နယ် ဖလမ်းမြို့တွင် လေးခန်းတွဲ ကျန်းမာရေးဝန်ထမ်း နေအိမ် မြေ ပြိုဘေး လုံခြုံမှုမရှိ၍ ပြောင်းရွှေ့ ထား။ မတူပီတွင် လိုင်လင်းတီး မြို့ကွက်သစ် အထကကျောင်း ပျက်စီးမှုရှိ။ မင်းတပ်တွင် ဆိုင် ကယ်တစ်စီးပျက်စီး လူအထိအ ခိုက်မရှိ။ ပလက်ဝတွင် မော်တော်ယာဉ်လိုင်းများ ရပ်ဆိုင်းထား၊ အခြားအဆောက်အအုံ လူအထိအခိုက်မရှိ’’ ဟု လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာ ဝင်းမြတ်အေး၏ ဖေ့စ်ဘွတ်ခ်တွင် ယမန်နေ့ည ၈ နာရီခွဲ၌ ရေးသားထားသည်။
မုန်တိုင်းတိုက်ရိုက်ဝင်ရောက်ခဲ့သော ဘင်္ဂလားဒေ့ရ်ှနိုင်ငံတွင်မူ လူ ၂၁ ဦးသေဆုံးပြီး ၁၀၀ ကျော် ဒဏ်ရာရရှိခဲ့ကြောင်း ဘင်္ဂလားဒေ့ရ်ှသတင်းဌာနများက ဖော်ပြသည်။
ဖလမ်းမြို့တွင် မေလ ၂၁ ရက်က မိုးသည်းထန်စွာရွာသွန်းပြီး မြေပြိုမှုဖြစ်ပွားပြီးနောက် တွေ့ရစဉ် (ဓာတ်ပုံ − Tha Nang Facebook)
ချင်းပြည်နယ်
ချင်းပြည်နယ်တွင် မေလ ၂၁ ရက်က တစ်နေ့လုံး နီး ပါး မိုးသည်းထန်စွာ ရွာခဲ့သည်။ ချင်းပြည်နယ် ဖလမ်းမြို့ ဗလိုင် ရပ်ကွက် ဆောက်လုပ်ရေးဝန် ထမ်းအိမ်ရာမြေထိန်းနံရံပြိုကျမှု မှ လွဲ၍ ကျန်မြို့နယ်များ ပျက်စီး ဆုံးရှုံးမှုမရှိခဲ့ကြောင်း ချင်းပြည် နယ်အစိုးရ သဘာဝဘေးစီမံခန့် ခွဲမှုကော်မတီ ဒုတိယဥက္ကဋ္ဌ ဒေါက်တာဆလိုင်းအိုက်ဇက်ခင်က ပြော သည်။ ဖလမ်းမြို့ လျှပ်စစ်မီးပေး သည့် ရုံ မြေကျွံကျခဲ့၍ မီးလည်း ပြတ်တောက်ခဲ့ပြီး ဆောက်လုပ် ရေးဝန်ထမ်း အိမ်ရာမြေထိန်းနံရံ ပြိုကျမှုကြောင့် လူဦးရေ ၄၀ အား ယာယီစောင့်ရှောက်ပေးထားကြောင်း သတင်းရရှိသည်။
မတူပီမြို့တွင် အထက်တန်းကျောင်းတစ်ကျောင်း အမိုးလန်ခဲ့ပြီး မင်းတပ်မြို့တွင် ဆိုင်ကယ်တစ်စီးတောင်စောင်းမှ ပြုတ်ကျခဲ့သည်။ ချင်းပြည်နယ်တွင် သဘာဝဘေးကြောင့် လူထိခိုက်မှုမရှိခဲ့ကြောင်း ကနဦးသတင်းရရှိသည်။
‘‘ဖလမ်းမှာပဲ အများဆုံးဖြစ် တာပါ။ ကျန်မြို့နယ် ကိုးမြို့နယ် မှာ ထိခိုက်မှု မရှိသလောက်ပါပဲ။ သတိလည်း ပေးထားတော့လေ။ သဘာဝဘေးစီမံခန့်ခွဲမှုကော်မ တီ၊ အရေးပေါ်စီမံခန့်ခွဲမှုဌာနကို ပြည်နယ်အစိုးရအဖွဲ့ရုံးမှာ ဒီနေ့ စတင်ရုံးထိုင် ဆောင်ရွက်နေပါ တယ်။ မြို့နယ်အသီးသီးကို အသင့်အနေအထားရှိနေဖို့ အကြောင်းကြားထားပြီးဖြစ်ပါတယ်’’ ဟု ဒေါက်တာဆလိုင်းအိုက် ဇက်ခင်က ပြောသည်။
ရခိုင်ပြည်နယ်
ရခိုင်ပြည်နယ်သို့ မေလ ၂၁ ရက် နံနက်တွင် လေပြင်းတိုက်ခတ်ပြီး မိုးသည်းထန်စွာရွာသွန်းခဲ့ သော်လည်း လူသေဆုံးပျက်စီးဆုံး ရှုံးမှုမရှိခဲ့ပေ။ မေလ ၂၁ ရက်နံနက်မှစ၍ ညနေအထိ မောင်တော၊ဘူးသီးတောင်၊ ကျောက်ဖြူနှင့် စစ်တွေမြို့တို့တွင် မိုးသည်းထန် စွာ ရွာသွန်းကာ လေပြင်းတိုက်ခတ်ပြီး ပင်လယ်ကမ်းစပ်များ၌ လှိုင်းပြင်းထန်ခြင်းနှင့် နေရာကွက်မိုးသည်းထန်စွာ ရွာသွန်းခဲ့သည်။ သို့သော် ပျက်စီးဆုံးရှုံးမှုမရှိခဲ့ပေ။
စစ်ကိုင်းတိုင်းဒေသကြီး
မုန်တိုင်းအရှိန်ကြောင့် စစ် ကိုင်းတိုင်းဒေသကြီးတွင် လေပြင်းနှင့် မိုးသတိပေးထားခဲ့ပြီး မေလ ၂၁ ရက်လုံး နေရာကွက်မိုးကောင်းခဲ့ကြောင်း စစ်ကိုင်းတိုင်းဒေသကြီး မိုးလေဝသဌာနခွဲမှ သတင်းရရှိ သည်။ စစ်ကိုင်းတိုင်းဒေသကြီး တွင်လည်း လေပြင်းနှင့်မိုးကြောင့် ထိခိုက်မှုမရှိခဲ့ကြောင်း လူမှုဝန် ထမ်းကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန၊ ကယ်ဆယ်ရေးဦးစီးဌာနမှ ဒုတိယညွှန်ချုပ်က ပြောသည်။
ဧရာဝတီတိုင်းဒေသကြီး
ရခိုင်ပြည်နယ်နှင့် နယ်ချင်း ထိစပ်နေသည့် ဧရာဝတီတိုင်းဒေသကြီး မြို့နယ် အချို့တွင် နေရာကွက်မိုးကောင်းကာ လေ ပြင်းလည်း တိုက်ခတ်ခဲ့သည်။ သို့ သော် ထိခိုက်ပျက်စီးမှုမရှိခဲ့ ကြောင်း ဧရာဝတီတိုင်းဒေသကြီး အစိုးရအဖွဲ့မှ သတင်းရရှိသည်။
ရန်ကုန်တိုင်းဒေသကြီး
ရန်ကုန်တိုင်းဒေသကြီး မြို့ နယ်အများစုတွင် မေလ ၂၁ ရက် နေ့လယ်က မိုးကောင်းခဲ့သည်။ ရန်ကုန်မြို့တွင် မိုးအနည်းငယ်ရွာ ခဲ့ပြီး လှိုင်သာယာမြို့နယ်၌လေပြင်းကျခဲ့ကာ တဲအိမ် ၂၀ ကျော်ပျက်စီးခဲ့သည်။ အောင်မင်္ဂလာ အဝေးပြေး ကားဝင်းအတွင်း ကြော်ငြာဆိုင်းဘုတ်အချို့ လဲကျ ကာ သစ်ကိုင်းများ ကျိုးကျခဲ့သည်။ဒဂုံဧရာအဝေးပြေးယာဉ်ရပ်နား စခန်း နားနေဆောင်ပြိုကျခဲ့ပြီး ခရီးသည်တစ်ဦး ဒဏ်ရာရရှိခဲ့သည်။
ကြိုတင်ပြင်ဆင်မှုများ ပြုလုပ်ထားခြင်းနှင့် မိုးနှင့်လေမှာလည်း ပုံမှန်ထက် အနည်းငယ်သာပိုခဲ့၍ ထိခိုက်ပျက်စီးမှုနည်းပါးခဲ့ခြင်းဖြစ်ကြောင်း လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန အမြဲတမ်းအတွင်းဝန် ဦးစိုးအောင်က ပြောသည်။ ပျက်စီးထိခိုက်မှုအခြေအနေကိုမူ စောင့်ကြည့်ရန်လိုသေးသည်ဟု ၎င်းက သုံးသပ်သည်။ မုန်တိုင်းသည် ကုန်းတွင်းအရောက်တွင် မြန်မြန်ဆန်ဆန်အားပျော့ပျက်ပြယ်သွားမည်ဖြစ်ပြီး မုန်တိုင်းကြောင့် မြန်မာနိုင်ငံ သို့ အနောက်တောင်မုတ်သုံလေ ၀င်ရောက်လာကာ မိုးရစေခဲ့ ကြောင်း ဒေါက်တာထွန်းလွင်က ပြောသည်။ မုတ်သုံမိုးကြောင့် မိုး ဆက်လက်ရွာသွန်းနိုင်ပြီး တောင် ပေါ်ဒေသများ မြေပြိုမှုအန္တရာယ် ဂရုစိုက်ရန် ၎င်းကသတိပေးသည်။
မိုး ဇလကမူ မေလ ၂၁ ရက် ညတွင် ကုန်းတွင်းမုန်တိုင်းငယ်အ ဖြစ် ချင်းပြည်နယ်သို့ ၀င်ရောက်ခဲ့ ပြီး မေလ ၂၂ ရက် နံနက်၌ အား ပျော့ ပျက်ပြယ်မည်ဖြစ်ကြောင်း ထုတ်ပြန်သည်။ မိုးကြီးမည်သတိ ပေးချက်ကိုမူ ထုတ်ပြန်ထားဆဲ ဖြစ်သည်။
မေလ ၂၁ ရက် တစ်နေ့လုံး မုန်တိုင်းအခြေအနေနှင့်ပတ်သက် ၍ မိုးလေ၀သပညာရှင် ဒေါက် တာ ထွန်းလွင်က သတင်းထုတ် ပြန်မှု အကြိမ်နှစ်ဆယ် ပြုလုပ်ခဲ့ ပြီး မိုးဇလဌာနက ဆယ်ကြိမ်ထုတ်ပြန်ခဲ့သည်။
7Daydaily
No comments:
Post a Comment