Latest News

Wednesday, July 19, 2017

၆၆(ဃ)ဖြင့် လယ်ဝေးမြို့နယ်တွင် NLD ပါတီဝင်(၂)ဦး ဖမ်းဆီးခံရ

၆၆(ဃ)ဖြင့် လယ်ဝေးမြို့နယ်တွင် NLD ပါတီဝင်(၂)ဦး ဖမ်းဆီးခံရ

နေပြည်တော်(ဇူလိုင် ၁၉ရက်၊ ၂၀၁၇ခုနှစ်)။ ။ လယ်ဝေးမြို့နယ်အတွင်းရှိ အမျိုးသားဒီမိုကရေစီအဖွဲ့ချုပ်(NLD) ပါတီဝင်(၂)ဦးအား ဆက်သွယ်ရေးဥပဒေပုဒ်မ ၆၆(ဃ)ဖြင့် လယ်ဝေးမြို့နယ်ရဲစခန်းက ဇူလိုင် ၁၉ရက်၊ မွန်းလွဲ ၁နာရီခွဲတွင် ဖမ်းဆီးသွားကြောင်း သတင်းရရှိသည်။

“ဟုတ်ပါတယ်။ ၆၆(ဃ)နဲ့ ဖမ်းထားတာပါ” ဟု လယ်ဝေးမြို့နယ်ရဲစခန်းမှ တာဝန်ကျ ရဲအရာရှိတစ်ဦးက မဇ္ဈိမကို အတည်ပြုသည်။

ဖမ်းဆီးခံထားရသည့် NLD ပါတီဝင်(၂)ဦးမှာ လယ်ဝေးမြို့နယ်၊ အေလာမှ  NLD အလုပ်အမှုဆောင် ဒေါ်သက်သက်မော်နှင့် ဒလန့်ချွန်ကျေးရွာမှ ကိုကျော်မျိုးလွင်တို့ ဖြစ်သည်။

“ဒီကနေ့ နေ့လည် ၁နာရီခွဲမှာ လယ်ဝေးရဲစခန်းက ကိုကျော်မျိုးလွင်ကို ဒုရဲအုပ်တစ်ယောက်နဲ့ ရဲတပ်သားတစ်ယောက် လာခေါ်သွားတယ်။ သူတို့က ၆၆(ဃ)နဲ့ပတ်သက်ပြီး လာပြီးတော့ ဖမ်းတာလို့ ပြောတယ်” ဟု ကိုကျော်မျိုးလွင်၏ ဖခင်ဖြစ်သူ ဦးသိန်းလွင်က ပြောသည်။

ရံပုံငွေအလွဲသုံးစားလုပ်မှုဖြင့် တရားရင်ဆိုင်နေရသူ ဒလန့်ချွန်ကျေးရွာ အုပ်ချုပ်ရေးမှူး ဦးတင်ဌေးအား လက်ထိပ်ဖြင့် တရားရုံးအထွက်တွင် ဒေါ်သက်သက်မော်က ဓာတ်ပုံရိုက်ပြီးနောက် လူမှုကွန်ယက် ဖေ့စ်ဘွတ်(Facebook)တွင် ရေးသား၊ ဖော်ပြခဲ့သဖြင့်  ဒလန့်ချွန်ကျေးရွာမှ ဦးမောင်ဝင်းဆိုသူက တရားလိုပြုလုပ်ကာ ၆၆(ဃ)ဖြင့် တရားစွဲဆိုခဲ့ခြင်း ဖြစ်သည်။

ဒေါ်သက်သက်မော်၏ ဖေ့စ်ဘွတ်တွင် ရေးသား၊ ဖော်ပြချက်အား ပြန်လည် မျှဝေ(Share)ခဲ့သဖြင့် ကိုကျော်မျိုးလွင်ကိုပါ တရားစွဲဆိုခဲ့ခြင်းဖြစ်သည်ဟု ဖခင်ဖြစ်သူ ဦးသိန်းလွင်က ဆိုသည်။

“၂၀၁၅-၁၆ဘဏ္ဍနှစ်မှာ လယ်ဝေးမြို့နယ်၊ ဒလက်ချွန်ကျေးရွာအတွက် သိန်း ၆၀ရံပုံငွေချပေးတယ်။ အဲ့ဒါကို ရပ်/ကျေး အုပ်ချုပ်ရေးမှူး တင်ဌေးက အလွဲသုံးစားလုပ်တယ်။ အဲ့ဒီကိစ္စကို ရွာသားတွေက တိုင်တဲ့အခါကျတော့ လယ်ဝေးတရားရုံးမှာ အမှုရင်ဆိုင်နေရတယ်” ဟု ဦးသိန်းလွင်က ပြောသည်။

အမှုဖွင့်ထားသူ တရားလို ဦးမောင်ဝင်းဆိုသူအား မဇ္ဈိမက ဆက်သွယ်နိုင်ခြင်း မရှိခဲ့ပေ။

ဖမ်းဆီးခံထားရသူ(၂)ဦးအား လယ်ဝေးမြို့နယ်တရားရုံးတွင် မနက်ဖြန် ရုံးထုတ်မည်ဖြစ်သည်။

ဆက်သွယ်ရေး ဥပဒေ ပုဒ်မ ၆၆(ဃ) တွင် ဆက်သွယ်ရေး ကွန်ရက်တခုခုကို အသုံးပြုပြီး ပုဂ္ဂိုလ် တဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရား တားဆီးကန့်ကွက်ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်း(သို့မဟုတ်) ခြိမ်းခြောက်ခြင်းလုပ်သူများကို အရေးယူရန် ပြဌာန်းထားသည်။ ဥပဒေတွင် ယင်းပုဒ်မသည် အာမခံ မရနိုင်ကြောင်း ဖော်ပြထားသေးသည်။ ထိုပုဒ်မအတွက် ပြစ်ဒဏ် သတ်မှတ်ချက်သည် သုံးနှစ်ထက် မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ခံရမည် ဖြစ်ကြောင်း ပြဌာန်းထားသည်။

လက်ရှိတွင်မူ ဆက်သွယ်ရေးဥပဒေကိုပြင်ဆင်သည့် ဥပဒေကြမ်းတစ်ရပ်အား လွှတ်တော်တွင် စတင် ဆွေးနွေးနေပြီဖြစ်သည်။
Mizzima

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post