လေလွင့်ခွေးတွေကို မသတ်ဖို့ ဆန္ဒပြ
ရန်ကုန်မြို့က ပိုင်ရှင်မဲ့ လမ်းဘေးလေလွင့်ခွေးတွေကို အဆိပ်ကျွေးသတ်နေတာတွေ ရပ်တန့်ပေးဖို့အတွက် ရန်ကုန်မြို့ မြို့တော်ခန်းမရှေ့မှာ တိရိစ္ဆာန်ချစ်သူများကွန်ယက် အဖွဲ့ဝင် အယောက် ၄၀ လောက်က ဒီကနေ့ ဆန္ဒပြ တောင်းဆိုကြပါတယ်။
လေလွင့်ခွေးတွေကို မသတ်ဘဲ သင်းကွပ်တာ၊ ခွေးရူးပြန် ကာကွယ်ဆေးထိုးတာ၊ သားဆက်ခြားတာ စတဲ့နည်းတွေနဲ့ ကာကွယ်သင့်တယ်လို့ ဆန္ဒပြရာမှာ ပါဝင်တဲ့ သာကေတမြို့နယ်က မလဲက ပြောပါတယ်။
"လုပ်ဆောင်လို့ရပါတယ် အများကြီးပါ၊ ဒီခွေးတွေကို ထပ်မပွါးအောင်လို့ပေါ့နော်၊ ခွေးမတွေဆိုလို့ရှိရင် သားဆက်ခြားတာလေ၊ အဲလိုမျိုး တားဆေးတွေဘာတွေ ထိုးလို့ရမယ်၊ နောက်ပြီးတော့ ခွေးတွေကိုလည်း ခွေးရူးကာကွယ်ဆေးထိုးမယ်ဆိုရင် အဆင်ပြေမယ်"
အခုရက်ပိုင်းအတွင်း လေလွင့်ခွေးတွေကို အဆိပ်ကျွေးသတ်တာတွေ များပြားလာတယ်လို့ ဆန္ဒထုတ်ဖော်သူတွေက ပြောပါတယ်။
ဒီကိစ္စနဲ့ ပတ်သတ်ပြီး တောင်ဒဂုံမြို့နယ် လွှတ်တော်ကိုယ်စားလှယ်ဦးညီညီက လွှတ်တော်ကို ပြီးခဲ့တဲ့ မတ်လကတည်းက မေးခွန်းမေးမြန်းထားပေမယ့် လွှတ်တော်ကတော့ ပြန်လည်ဖြေကြားတာ မရှိသေးပါဘူး။
တိရိစ္ဆာန်ချစ်သူများကွန်ယက်အနေနဲ့ လေလွင့်ခွေးတွေကို စောင့်ရှောက်ဖို့အတွက် လေလွင့်ခွေး ကယ်ဆယ်ရေး ဂေဟာတွေကို ဖွင့်လှစ်သွားဖို့လည်း ပြင်ဆင်နေတယ်လို့ သိရပါတယ်။
Photo: Kaung Htet Kyaw/ RFA
Subscribe to:
Post Comments (Atom)
No comments:
Post a Comment