ပြိတ္တာဖြစ် ဈေးရောင်းနည်း

“ပြိတ္တာဖြစ် ဈေးရောင်းနည်း”
••••••••••••••••••••••••••••••••••
မြတ်စွာဘုရားလက်ထက်တော်က ရာဇဂြိုလ်ပြည်မှာ“ဈေးသည်အမျိုးသမီး လေးယောက်”ရှိပါတယ်။
သူတို့လေးယောက်မှာ လင်ယောက်ျား နဲ့သားသမီးတွေလည်းကိုယ်စီရှိကြပါတယ်။
သူတို့က ထောပတ်၊ပျားရည်၊ဆန်၊ဆီ၊ဆားစသည်တွေကိုရောင်းပြီး လင်ယောက်ျားနဲ့
သားသမီးတွေကို လုပ်ကျွေးနေကြတာပါ။

ဒါပေမယ့် သူတို့ဈေးရောင်းချမှုဟာ မှန်ကန်မှုမရှိပါဘူး။
အလေးခိုးသလို စဉ်းလဲကောက်ကျစ်တဲ့နည်းတွေနဲ့လည်းရောင်းလေ့ရှိပါတယ်။ဈေးကိုလည်း ပုံမှန်ဈေးထက် ၊ပိုပိုတင်ပြီးရောင်းတတ်ပါတယ်။
ဒီလိုရောင်းတဲ့အတွက် စီးပွါးရေးကခဏလေးတွေနဲ့ တိုးတက်သွားပြီး၊
ခြံကြီးကြီး ၊ အိမ်ကြီးကြီး တွေနဲ့ ဖြစ်သွားပါတယ်။

စီးပွားရေးတွေ အဆင်ပြေနေဆဲကာလမှာပဲဈေးသည်အမျိုးသမီးလေးယောက်ဟာ
အကြောင်းမယ်မယ်ရရမရှိဘဲနဲ့ ရှေ့ဆင့်၊နောက်ဆင့်ကွယ်လွန်သွားကြပါသတဲ့။

ကွယ်လွန်ပြီး ဘယ်ရောက်သွားသလဲဆိုတော့
မြို့ကျုံးရဲ့ အပြင်ဘက်နားမှာ “ပြိတ္တာမ”တွေ သွားဖြစ်ပါသတဲ့။
ဒီတော့ လူ့ပြည်မှာကျန်ခဲ့တဲ့ လင်ယောက်ျားလေးယောက်က သူတို့ဇနီးတွေကို
လွမ်းဆွေးတမ်းတမနေကြပါဘူး။
ကွယ်လွန်ပြီးမကြာခင်မှာဘဲ ယခင်ဇနီးဟောင်းတွေထက်
ချောတဲ့ငယ်တဲ့ ဇနီးသစ်ကလေးတွေကိုကိုယ်စီကောက်ယူလိုက်ကြပါသတဲ့။
ပြီးတော့ ဇနီးဟောင်းတွေရှာခဲ့တဲ့ ပစ္စည်းတွေကို
ဇနီးသစ်ကလေးတွေနဲ့ ဒူးနှံ့ပြီး သုံးဆောင်ခံစားနေကြပါသတဲ့။

ပြိတ္တာဖြစ်နေတဲ့ ဈေးသည် မိန်းမလေးယောက်ဟာ
သူတို့ရှာဖွေခဲ့တဲ့ပစ္စည်းလေးတွေကိုခင်ပွန်းလောင်းနဲ့ နောက်မိန်းမ က
ပျော်ပျော်ပါးပါးခံစားသုံးဆောင်နေကြတာ
တွေ့ရတော့ ပြိတ္တာဖြစ်နေလို့ စိတ်ဆင်းရဲနေရတဲ့အထဲ၊
“လုပ်ရက်လေခြင်း” ဆိုပြီး ပိုစိတ်ဆင်းရဲသွားကြပါသတဲ့။

ဒါကြောင့် ကျုံးအပြင်ဘက်ကနေမြို့ထဲကလူတွေကြားအောင် အသံဆိုးကြီးတွေနဲ့
လှမ်းလှမ်းအော်ပါတော့တယ်။

ဘယ်လိုအော်သလဲဆိုတော့…
●“ငါတို့ဟာ လိမ်လည်ကောက်ကျစ်ပြီးဈေးရောင်းခဲ့တဲ့အတွက် ပြိတ္တာမတွေဖြစ်နေရတယ်။
ငါတို့ရှာခဲ့တဲ့ ပစ္စည်းတွေကိုတော့ ခင်ပွန်းဟောင်းတွေက
နောက်မိန်းမငယ်လေးတွေနဲ့ ခံစားပျော်ပါးနေကြတယ်။
ဥစ္စာပစ္စည်းရှာခဲ့တဲ့ ငါတို့မှာတော့ ကိုယ်ရှာခဲ့တာ
မသုံးဆောင်ရဘဲ၊ဆင်းရဲဒုက္ခမျိုးစုံနဲ့ ကြုံနေရတယ်”လို့အော်ကြပါတယ်။

ညညဆို ကျုံးအပြင်ဘက်ကနေ အသံဆိုးကြီးတွေနဲ့
လှမ်းလှမ်းအော်နေတော့ ၊ မြို့ထဲမှာနေကြတဲ့သူတွေကထိန့်လန့်ကုန်ပါတယ်။

ဒါကြောင့် မြတ်စွာဘုရားအမှူးရှိတဲ့ သံဃာတော်တွေကို
ပင့်ပြီး ဆွမ်းကပ်၊ဆွမ်းကပ်ပြီးတဲ့အခါကျတော့မြတ်စွာဘုရားကို ကျုံးအပြင်ဖက်က
လှမ်းလှမ်းအော်နေကြတဲ့အကြောင်းလျှောက်ပြကြပါတယ်။

ဒီတော့ မြတ်စွာဘုရားက“ဒကာတို့ ဒီအသံတွေက သင်တို့ကို
အန္တရာယ်ပြုမယ့် အသံတွေ မဟုတ်ပါဘူး။
ပြိတ္တာမလေးယောက် ဆင်းရဲခြင်းတွေ နှိပ်စက်နေလို့
အော်နေကြတာပါ။”လို့မိန့်တော်မူပြီးဖြစ်ကြောင်းကုန်စင်ကို မြတ်စွာဘုရားက
ပြန်ဟောပြပါတယ်။

မြတ်စွာဘုရားက တဆက်တည်းမှာသစ္စာလေးပါးကို ဆက်ဟောပြပေးပါတယ်။
တရားဆုံးမှာတော့ တရားနာပရိသတ်တွေ
သောတာပတ္တိဖိုလ်စတဲ့ တရားထူးတွေရသွားကြပါတယ်။
စာထဲမှာတော့ ဈေးသည်ပြိတ္တာမလေးယောက်ပါတရားထူးရသွားတယ်လို့ပြမထားပါဘူး။
တခြားအဖွင့်တွေမှာပြထားရင်တော့ မပြောတတ်ပါဘူး။
ဘာပဲပြောပြော စဉ်းလဲကောက်ကျစ်တဲ့နည်းတွေနဲ့
ဈေးရောင်းတဲ့အတွက် သေတဲ့အခါပြိတ္တာဖြစ်သွားရတာကတော့ အမှန်ပါပဲ။

ဒီခေတ်တွေမှာလည်းတစ်ချို့ပုဂ္ဂိုလ် တွေဟာ
စဉ်းလဲကောက်ကျစ်တဲ့ နည်းမျိုးစုံနဲ့ဈေးရောင်းနေကြတာတွေရှိပါတယ်။
“ကားကိုလိမ်ရောင်းတာ၊တီဗွီကိုလိမ်ရောင်းတာ၊
ထီကိုလိမ်ရောင်းတာ၊ကြက်သားကိုရေထိုးပြီးရောင်းတာ၊
ပဲတွေထဲကို ခဲထည့်ပြီးရောင်းတာ” စသည့်ဖြင့်အများကြီးပါ။
အလိမ်ခံလိုက်ရတဲ့ စားသုံးသူတွေက သူတို့ခံလိုက်ရတဲ့
အကြောင်းတွေ ရေးပြထားတဲ့စာတွေလည်းဂျာနယ်တွေမှာ မကြာခဏဖတ်နေရပါတယ်။

တန်ဖိုးကြီးတဲ့ ပစ္စည်းတွေကို လိမ်ရောင်းတဲ့သူတွေကလိမ်ရောင်းသလို ၊ တန်ဖိုးနည်းတဲ့ ပစ္စည်းတွေကို
လိမ်ရောင်းတဲ့သူတွေကလည်း လိမ်ရောင်းနေကြတာပါပဲ။

ဖရဲသီးရောင်းတဲ့သူတစ်ယောက်ဆိုရင်ရေခွက်လေးထဲမှာ ဆေးသကြားလေးတွေ
ထည့်ထားပါသတဲ့။
ဖရဲသီးလှီးတဲ့ဓားရဲ့ဓားဦးလေးကို လည်းဆေးသကြား ထည့်ထားတဲ့ ရေခွက်လေးထဲ
စိုက်ထားပါသတဲ့။

သာမန်အားဖြင့်ကြည့်ရင် ရေခွက်ထဲကိုဓားဦးလေးစိုက်ထားတဲ့ ပုံစံလေးပါ။
ဈေးဝယ်သူလာတဲ့အခါ ဖရဲသီးကို နမူနာမြည်းကြည့်ရအောင် ဆိုပြီး ဆေးသကြား
တို့ထားတဲ့ဓားဦးကလေးနဲ့ လက်တစ်ဆစ်စာ
လောက်ကလေး ဝိုက်လှီးပြီး၊ကျွေးပါသတဲ့။
ဈေးဝယ်သူကလည်း
“ဟယ် …ချိုလိုက်တာ”ဆိုပြီး ဝယ်သွားပါသတဲ့။ဒါလေးက ကြားဖူးတာပါ။

ဈေးရောင်းသူက ကိုယ်ကောက်ကျစ်လိုက်တာကိုဈေးဝယ်သူ မသိဘူးဆိုပြီး ကိုယ့်ကိုယ်ကိုယ်တော့
ဟုတ်လှပြီ ထင်နေမှာပါ။

ဒါပေမယ့် ကျန်တဲ့သူတွေတာ မသိရင်သာနေမယ်။
ဈေးရောင်းသူကိုယ်တိုင်တော့ သိနေခဲ့ပါပြီ။
ကိုယ့်ရဲ့အပြုအမူဟာ မဟုတ်မမှန်ဘူးဆိုတာလည်း
သိတယ်။ သိလျက်နဲ့လည်း ပြုမူတယ်ဆိုတာ
ကိုယ်ရထားတဲ့ လူ့ဘဝကို လုံးဝတန်ဖိုးမထားတာပါ။

ကံဆိုတာပြုပြီးရင်မြောက်သွားတာပါ။ဘာမှ ပြန်လုပ်လို့ မရတော့ပါဘူး။
မြောက်သွားတဲ့ကံက အလကား နေတော့မှာမဟုတ်ပါဘူး။
အခွင့်အခါသင့်တာနဲ့ ပြန်အကျိုးပေးတော့မှာပါ။
ကောက်ကျစ်စဉ်းလဲတဲ့ ကံတွေများရင်
များသလောက်အကျိုးပေးမှာပါ။
ကိုယ်က ပြုပြီး ၊စားသောက်ပြီး၊ မေ့ချင်မေ့နေမယ်။
ကံကတော့ မမေ့ပါဘူး။အချိန်တန်ရင် သူ့အလုပ်သူလုပ်မှာပါ။

အထက်မှာ ကောက်ကျစ်စဉ်းလဲစွာ ဈေးရောင်းခဲ့တဲ့
ဝတ္ထုလေးပြခဲ့လို့ ကောက်ကျစ်စဉ်းလဲတဲ့အကြောင်းတွေ
ပြောနေရတာပါ။မှန်မှန်ကန်ကန်နဲ့ မေတ္တာစေတနာအပြည့်နဲ့
ဈေးရောင်းနေကြတဲ့ ဈေးသည်တွေလည်းအများကြီးပါ။

ကိုယ်ကမှန်မှန်ကန်ကန် ရောင်းခဲ့တဲ့အတွက်၊မေတ္တာစေတနာထား ရောင်းခဲ့တဲ့အတွက်၊
ကိုယ်ပြုခဲ့တဲ့ကံကလည်းအလကားနေမှာမဟုတ်ပါဘူး။
သူ့အကျိုးအားလျော်စွာ တုန့်ပြန်မှာပါ။

“မေ့ခြင်း သုံးမျိုး”
~~~~~~~~~~~
ကိုယ့်ရဲ့ အပြုအမူတွေကို
“မေ့ခြင်း သုံးမျိုး” နဲ့ ချိန်ကြည့်လို့ရပါတယ်။
မေ့ခြင်းသုံးမျိုးက
(၁)။အမေ့ကြီး မေ့နေတာရယ်၊
(၂)။အသင့်အတင့် မေ့နေတာရယ်။
(၃)။မမေ့သင့်တာကို မေ့နေတာရယ်။

●အမေ့ကြီးမေ့နေတယ် ဆိုတာ “ငွေရဖို့ အဓိက၊
ပစ္စည်းဥစ္စာရဖို့ အဓိက၊ရာထူးအာဏာရဖို့ အဓိက၊
ရာထူးအာဏာရဖို့ အဓိက၊အောင်မြင်ကျော်ကြားဖို့ အဓိက”
အဲဒီလို နှလုံးသွင်းပြီး မသမာတဲ့နည်း ၊စဉ်းလဲကောက်ကျစ်တဲ့နည်း၊
ဒုစရိုက်နည်းတွေနဲ့ စီးပွါးရှာနေကြတာပါ။
အဲဒီလို ပုဂ္ဂိုလ် မျိုးသေရင်ပြိတ္တာဖြစ်ရင်ဖြစ်၊မဖြစ်ရင် အပ္ပါယ်ငရဲကျမှာပါ။

●နောက်ဒုတိယ အသင့်အတင့်မေ့တယ်ဆိုတာက
ကာမဂုဏ်အာရုံတွေမှာ စိတ်ညွှတ်ပြီး၊ကုသိုလ်ကောင်းမှုပြုဖို့ ၊ တရားအားထုတ်ဖို့ မေ့နေတာပါ။

“အဆင်းကောင်းကောင်း၊အသံကောင်းကောင်း၊အနံ့ကောင်းကောင်း၊အရသာကောင်းကောင်း၊
အတွေ့အထိကောင်းကောင်း”ဆိုတဲ့အာရုံငါးပါး ကာမဂုဏ်တရားတွေမှာပဲ စိတ်ညွှတ်ပြီး၊
ကုသိုလ်ကောင်းမှုပြုဖို့ မေ့နေကြတဲ့ ပုဂ္ဂိုလ်တွေပေါ့။
☆ကိုးရီးယားဇာတ်ကားလေးကြည့်ပြီးမေ့နေတာ၊
☆ဘောလုံးပွဲတွေကို ည ၁ နာရီ ၊၂နာရီ အထိ
စောင့်ကြည့်ပြီးမေ့နေတာ၊
☆မင်္ဂလာဆောင်ဧည့်ခံပွဲတွေမှာ မချိမဆန့်မီးကုန်ယမ်းကုန် ဝတ်လာပြီး၊ “ငါ့ရဲ့
ဝတ်စားဆင်ယင်မှုက သူတို့ထက်သာတယ်”
ဆိုပြီး ကိုယ့်ဝတ်စားဆင်ယင်မှုကိုသာယာပြီးမေ့နေတာ၊
☆“ငါ့ဘဝမှာ ကိုကိုသာ အဓိက” ဆိုပြီးကိုယ့်ကိုကို ရဲ့ဝေယျာဝစ္စတွေနဲ့ပဲ အချိန်ကုန်ပြီး၊
တရားအားထုတ်ဖို့မေ့နေတာ၊
☆ကိုယ့်ရဲ့မြေးလေးနဲ့ပဲအချိန်ကုန်ပြီးအားထုတ်ဖို့မေ့နေတာ စသည်စသည်ဖြင့်ပေါ့။
အဓိကကတော့ အဲဒီ အာရုံတွေကြောင့်တရားအားထုတ်ဖို့၊တရားဝင်ဖို့ မေ့နေတာမျိုးကို
ဆိုလိုတာပါ။
ဒီမေ့ခြင်းတွေက အပါယ်ငရဲကို ကျစေတတ်တဲ့မေ့ခြင်းတွေတော့ မဟုတ်ပါဘူး။
ဒါပေမယ့် သံသရာရှည်ပြီး နိဗ္ဗာန်နဲ့တော့ဝေးဝေးနေတတ်ပါတယ်။

●နောက်တတိယ “မမေ့သင့်တာကိုမေ့နေတယ်”ဆိုတာကတော့ တရားရိပ်သာဝင်တဲ့အခါမှာ
အမှတ်တွေ ကျဲကျဲနေတာကို ပြောတာပါ။
တရားထိုင်တဲ့အခါ စိတ်တွေ တောရောက်၊တောင်ရောက်၊ အိမ်ရောက်၊ရုံးရောက်နဲ့
သမာဓိတွေကျဲနေတာပါ။

ဒီမေ့ခြင်းကလည်း ငရဲကိုကျစေတတ်တဲ့မေ့ခြင်းတော့ မဟုတ်ပါဘူး။
ဒါပေမယ့် တရား အတွေ့နှေးနေတတ်ပါတယ်။
မေ့ခြင်းသုံးမျိုးထဲမှာ လူသားတစ်ယောက်အနေနဲ့လုံးဝမရှိသင့်တဲ့ မေ့ခြင်းကတော့ “ပထမမေ့ခြင်း” ပါ။

ဘာဖြစ်လို့လဲဆိုတော့ ပထမမေ့ခြင်းနဲ့ မေ့ရင်“အပါယ်”ကို ဧကန်မုချ ကျမှာမို့လို့ပါ။

အထက်ကဈေးသည် မိန်းမလေးယောက်ကပထမမေ့ခြင်းမျိုးနဲ့ မေ့ခဲ့တဲ့ အတွက်ပြိတ္တာမတွေ
ဖြစ်သွားရတာပါ။
တကယ်စဉ်းစားကြည့်ရင် စဉ်းလဲကောက်ကျစ်တဲ့နည်းတွေနဲ့
စီးပွားရှာ၊သေတဲ့အခါကျတော့ အဲဒီပစ္စည်းတွေထားခဲ့ပြီးတော့
ငရဲကျ၊အတွေးထဲမှာတောင်မရှိသင့်တဲ့မေ့ခြင်းပါ။
ကိုယ့်ဘဝအတွက် “အရှုံးကြီး ရှုံးတဲ့ မေ့ခြင်း”ပါ။
စဉ်းလဲကောက်ကျစ်တဲ့နည်းတွေ နဲ့ပစ္စည်းတွေဘယ်လောက်ပဲ ရထား၊ရထား
အဲဒီလူဟာ ဘယ်တော့မှ မငြိမ်းချမ်းနိုင်ပါဘူး။
တစ်မျိုးမဟုတ် တစ်မျိုးတော့ ပူလောင်နေမှာပါ။
ဗုဒ္ဓဘာသာဝင်တစ်ယောက်ရဲ့ ပန်းတိုင်အစစ်ဟာ
ပစ္စည်းဝတ္ထုတွေ၊ရာထူးဌာနန္တရတွေမဟုတ်ပါဘူး။
ပန်းတိုင်အစစ်က “နိဗ္ဗာန်” ပါ။
တကယ်လို့ နိဗ္ဗာန်မရသေးခင်တောင်“ဘဝကို ငြိမ်းငြိမ်းချမ်းချမ်းလေးနေသွားရဖို့အဓိက”ပါ။

ပစ္စည်းတွေတော့ ပေါပါရဲ့။
ဒါပေမယ့် ဘဝက မငြိမ်းချမ်းဘူး ဆိုရင်လည်းဘဝက အဓိပ္ပါယ်မရှိလှပါဘူး။

ဘာပဲပြောပြော ပြိတ္တာဖြစ်စေတဲ့စီးပွားရှာနည်းတွေကိုတော့
အထူးရှောင်ဖို့ပဲ အရေးကြီးပါတယ်။

မေ့ခြင်းသုံးမျိုးကို “သဒ္ဓမ္မရံသီဆရာတော် ဘုရားကြီး”ရဲ့
လင်္ကာလေးနဲ့ ကပ်မှတ်ထားလိုက်ကြရအောင်ပါ။
●ဒုစရိုက်သာ၊ ပြုလုပ်ခါ၊နေတာမေ့နေမည်။
●ကာမဂုဏ်မှာ၊စိတ်ညွှတ်ခါ၊ နေတာမေ့နေမည်။
●ဘာဝနာမှာ၊စိတ်လွတ်ခါ၊ နေတာမေ့နေမည်။
-【စာရိုက်ပူဇော်သူ - Admin Team of
Young Buddhist's Association】
ကျမ်းကိုး-
၁။ပေတဝတ္ထု အဋ္ဌကထာ
ဘောဂသံဟဏပေတဝတ္ထု
၂။ပေတဝတ္ထု မြန်မာပြန်
သာသနာ့မဏ္ဍိုင်ဆရာတော်။
၃။ ပေတဝတ္ထုတော်ကြီး
အရှင်ဓမ္မသာမီဘိဝံသ။
၎။သောတာပန်၏ ဝဋ်သုံးပါးပယ်ပုံတရားတိတ်ခွေ
“သဒ္ဓမ္မရံသီဆရာတော် ဘုရားကြီး”
-【ဆရာတော်အရှင်ရာဇိန္ဒ (ရဝေနွယ် - အင်းမ)
၏“အတွေးများ နဲ့ မိတ်ဖွဲ့ခြင်း”
နှာ ၁၂၃ - ၁၂၈ မှ ကူးယူဖော်ပြပါသည်။】
Posted by
www.facebook.com/youngbuddhistassociation.mm
(ရုပ်ရှင်တေးကဗျာမဂ္ဂဇင်း၊ဒီဇင်ဘာ၂၀၀၅)
အပ္ပမာဒေန သမ္ပာဒေထ။ ။
[“လွတ်လပ်စွာ Share နိုင်ပါသည်။ပေ့ခ်ျများအနေဖြင့်၊ Blog များအနေဖြင့်
share မည်ဆိုရင် စာရေးသူ ဆရာတော် အမည်နဲ့စာရိုက်ပူဇော်သူ - Admin Team of
Young Buddhist Association ကိုcredit လေးပေးပါရန် မေတ္တာရပ်ခံအပ်ပါသည်။”]
(✦“ရိုးသားမှုသည် တခါတရံ၌ ရှုံးနိမ့်စေတတ်၏။သို့သော် တစ်သက်လုံးကား
လိပ်ပြာလုံစေတော့၏။။”✦)