Latest News

Tuesday, February 28, 2017

ရွှေတိဂုံစေတီတော်ကို ကမ္ဘာ့ရှေးဟောင်းယဉ်ကျေးမှု အမွေအနှစ် စာရင်း တင်သွင်းမည်

ရွှေတိဂုံစေတီတော်ကို ကမ္ဘာ့ရှေးဟောင်းယဉ်ကျေးမှု အမွေအနှစ်

စာရင်း တင်သွင်းမည်


ရွှေတိဂုံစေတီ တော်ကို ကုလသမဂ္ဂပညာရေး၊ သိပ္ပံနှင့် ယဉ်ကျေးမှုအဖွဲ့ (UNESCO)အသိအမှတ်ပြု ကမ္ဘာ့ရှေးဟောင်းယဉ်ကျေးမှုအမွေအ နှစ်စာရင်းသို့ ၂၀၁၉ တွင် တင် သွင်းမည်ဟု သာသနာရေးနှင့် ယဉ်ကျေးမှုဝန်ကြီး သူရဦးအောင် ကိုက ဖေဖော်ဝါရီ ၂၈ ရက်၌ ပြောကြားသည်။

နေပြည်တော်၌ ကျင်းပ သည့် အမျိုးသားလွှတ်တော်အ စည်းအဝေးသို့ တက်ရောက်သည့် ၀န်ကြီးသူရဦးအောင်ကိုက ကမ္ဘာ့ ယဉ်ကျေးမှုအမွေအနှစ်စာရင်းအ တွက် ပုဂံဒေသကို ၂၀၁၇ စက် တင်ဘာခန့်၊ ရခိုင်ပြည်နယ် မြောက်ဦးမြို့နယ်ရှိ သာသနိက အဆောက်အအုံများကို ၂၀၁၈ နှင့်ရန်ကုန်မြို့ရှိ ရွှေတိဂုံစေတီတော် ကို ၂၀၁၉ တွင် အသီးသီးတင် သွင်းနိုင်ရေး ဆောင်ရွက်နေသည် ဟု မီဒီယာများအား ပြောကြား သည်။

‘‘ရွှေတိဂုံစေတီတော်နဲ့ ပတ် သက်လို့ကတော့ အချက်အလက် ကိန်းဂဏန်းတွေက ပြည့်စုံစွာရှိ ပြီးဖြစ်လို့ မြောက်ဦးမှာရှိတဲ့ ယဉ် ကျေးမှုအမွေအနှစ်တွေ တင်ပြီး တာနဲ့ ၂၀၁၉ မှာ ရွှေတိဂုံကို ဆက်လက်တင်သွားမှာဖြစ်ပါတယ်။ အဲဒီ   ယဉ်ကျေးမှုအမွေအနှစ် သာသနိက အဆောက်အအုံ တွေကို နောင်နှစ်ပေါင်းရာထောင် ချီတည်တံ့ခိုင်မြဲအောင် ထိန်းသိမ်း တဲ့နေရာမှာ ယူနက်စကိုရဲ့ ဆက် သွယ်ပေါင်းစပ်ပေးမှုနဲ့ နည်းပညာအကူအညီတွေ ရရှိမှာဖြစ်ပါ တယ်။ အဲဒီလိုထိန်းသိမ်းဖို့အ တွက်ကိုလည်းလိုအပ်တဲ့ ရန်ပုံငွေတစ်စိတ်တစ်ပိုင်းကို ယူနက်စကို က တစ်ဆင့်ကမ္ဘာ့အလှူရှင်နိုင်ငံ များကနေ အလှူခံပေးမှာ ဖြစ်ပါတယ်။ ဥပမာကမ္ဘောဒီးယားနိုင်ငံ မှာရှိတဲ့ အန်ကောဝပ်ဘုရား ကျောင်းတော်ကြီး ထိန်းသိမ်းဖို့ အတွက် နှစ်စဉ်ထောက်ပံ့ငွေ ဒေါ် လာ ခြောက်သန်းခန့်ရတယ်လို့ သိရပါတယ်’’ဟု ဆိုသည်။

ပုဂံဒေသ၊ မြောက်ဦးဒေသ နှင့် ရွှေတိဂုံစေတီတော်တို့ကို ကမ္ဘာ့ယဉ်ကျေးမှုအမွေအနှစ်စာ ရင်းတင်သွင်းနိုင်ရေး စီမံချက်များ ကို UNESCO နှင့် ပူးပေါင်းပြီး ပညာရှင်များက ရေးဆွဲလျက်ရှိ သည်ဟု ပြည်ထောင်စုဝန်ကြီးက ပြောသည်။

ကမ္ဘာ့ရှေးဟောင်းယဉ်ကျေး မှုအမွေအနှစ်စာရင်းဝင်ရေး အဆိုပြုရာတွင် ရှေးဟောင်းအ မွေအနှစ်နှင့် ပတ်သက်သည့် ထိန်းသိမ်းကာကွယ်ရမည့် ဥပဒေကြမ်းနှင့် စီမံချက်ကို စတင်ဆောင်ရွက်ရကြောင်း၊ ရှေးဟောင်းအမွေအ နှစ်သတ်မှတ်ရန် ပြည်တွင်း၊ ပြည်ပဘုရားဖူးများ၊ ခရီးသွားများလာရောက်ရန် လိုအပ်သည့်  စီမံချက်၊ ရေရှည်တည်တံ့ခိုင်မြဲ အောင် ထိန်းသိမ်းမည့် လုံခြုံရေးစီမံချက်၊ ရှေးဟောင်းအမွေအနှစ် ဆိုင်ရာပစ္စည်းများ ထိန်းသိမ်းမည့် စီမံချက်ဟူ၍ Master Plan ရေး ဆွဲရသည်ဟု ပြည်ထောင်စုဝန် ကြီးက ရှင်းပြသည်။

ကမ္ဘာ့ရှေးဟောင်းယဉ်ကျေး မှုအမွေအနှစ်စာရင်းဝင်ရေး မြန်မာနိုင်ငံက အဆိုပြုထားသည့် နေရာဒေသရှစ်ခုရှိရာ မြန်မာနိုင်ငံ အလယ်ပိုင်းရှိ ပျူမြို့ဟောင်း သုံးမြို့ကို ကမ္ဘာ့ယဉ်ကျေးမှုအမွေ အနှစ်အဖြစ် UNESCO က အသိ အမှတ်ပြုထားသည်။

 
7Day News Journal

No comments:

Post a Comment