Latest News

Tuesday, July 25, 2017

ကျောက်မီးသွေးလျှပ်စစ်စက်ရုံတွေ အကောင်အထည်ဖော်မှာ မဟုတ်ကြောင်း တိုင်းဝန်ကြီးချုပ်ပြော

ကျောက်မီးသွေးလျှပ်စစ်စက်ရုံတွေ အကောင်အထည်ဖော်မှာ မဟုတ်ကြောင်း တိုင်းဝန်ကြီးချုပ်ပြော

ကျောက်မီးသွေးသုံး ဓာတ်အားပေးလျှပ်စစ်စက်ရုံတွေကို တနင်္သာရီတိုင်းဒေသကြီးမှာ အကောင်အထည်ဖော်မှာ မဟုတ်ကြောင်း တိုင်းဝန်ကြီးချုပ် ဒေါက်တာလဲ့လဲ့မော် က မနေ့က ပြောကြားခဲ့ပါတယ်။

ပြည်ထောင်စုအစိုးရက ဖိအားပေးတာတွေရှိပေမယ့် သူတာဝန်ယူနေစဉ်ကာလအတွင်း လုပ်မှာမဟုတ်ဘူးလို့ ဝန်ကြီးချုပ် ဒေါက်တာလဲ့လဲ့မော်က တိုင်းအစိုးရရဲ့ ဆောင်ရွက်ချက်တွေနဲ့ ပတ်သက်ပြီး မနေ့က ရှင်းလင်းပွဲပြုလုပ်ရာမှာ သတင်းသမားတွေကို ပြောခဲ့တာဖြစ်ပါတယ်။

တနင်္သာရီတိုင်းက ဒေသခံတွေက ကျောက်မီးသွေးသုံး ဓာတ်အားပေးစက်ရုံတွေကို လက်မခံကြောင်း ဆန္ဒပြတာတွေရှိနေတဲ့အပြင် လျှပ်စစ်ရရှိဖို့အတွက် တခြားရင်းမြစ်တွေရှိနေတာကြောင့် မလုပ်တာဖြစ်တယ်လို့ တိုင်းဒေသကြီး သယံဇာတနဲ့ ပတ်ဝန်းကျင်ထိန်းသိမ်းရေးဝန်ကြီး ဦးမြင့်မောင် က ပြောပါတယ်။

လက်ရှိမှာတော့ ထားဝယ်၊ ရေဖြူ၊ လောင်းလုံ၊ သရက်ချောင်းမြို့နယ်တွေကို ကုမ္ပဏီတွေက သဘာဝဓာတ်ငွေ့ သုံးလျှပ်စစ်ဓာတ်အား ဖြန့်ပေးနေတာဖြစ်ပါတယ်။ မဟာဓာတ်အားလိုင်း မရရှိသေးတဲ့ မြိတ်ခရိုင်နဲ့ ကော့သောင်းခရိုင်တွေမှာတော့ ပုဂ္ဂလိက လျှပ်စစ်မီးနဲ့ တစ်ယူနစ်ကို ကျပ် ၄၀၀ ကနေ ၆၀၀ အထိပေးပြီး သုံးစွဲနေရတာဖြစ်ပါတယ်။

Photo: Tanintharyi Regional Government FB

RFA

No comments:

Post a Comment