အဓမ္မပြုကျင့်ဖို့နှစ်ကြိမ်ကြံစည်တဲ့ကိစ္စ တိုင်ကြားခံရ
၂၊မတ်၊ရန်ကုန်။ . ။ စစ်ကိုင်းဒေသကြီး ဒီပဲယင်းမြို့ နယ် ရဲစခန်းမှာ အချုပ်ကျနေတဲ့ အမျိုးသမီးတစ်ဦးကို တာဝန်ကျအစောင့် ရဲတပ်သားက အဓမ္မပြုကျင့်ဖို့  နှစ်ကြိမ်နီးပါး ကြံစည်နေတာ သွားရောက်ကြည့်ရှု ပေးဖို့  အကူအညီတောင်းလာတာကြောင့် တိုင်းဒေသကြီး လွတ်တော်ကိုယ်စားလှယ်က သွားရောက်ကြည့်ရှုခဲ့တယ်လို့ သိရပါတယ်။
ဒီပဲယင်းရဲစခန်းက အမျိုးသမီး အချုပ်ခန်းမှာ အဲသည့်အမျိုးသမီး တစ်ဦးသာရှိတာ ဖြစ်တယ်လို့  သိရပါတယ်။
”အမျိုးသမီးအချုပ်ထဲမှာ သူတစ်ယောက်တည်းရှိတယ်။ အခြားအချုပ်သားက မရှိဘူး။ တာဝန်ကျရဲတပ်သားက မူးလာရင် သူ့အခန်းဝင်လာပြီး ပုခုံးဆွဲတာတွေ လုပ်တယ်။နောက် သူနဲ့ မပတ်သက်လို့ ဆိုပြီး ဆဲဆို၊မာန်မဲနေတယ်။ နောက်ရက်လည်း လာတယ်လို့  ပြောတယ်။ အုပ်ထိန်းသူကတော့မဟုတ်ဘူး။ သူနဲ့ နီးစပ်တဲ့ တစ်ယောက်က အကူအညီတောင်းလို့  သွားကြည့်တာ သွားတွေ့ တော့လည်း အဲ့လိုပဲပြောတယ်” လို့ ဒီပဲယင်းမြို့ နယ် တိုင်းဒေသကြီးလွတ်တော်ကိုယ်စားလှယ် ဒေါ်နှင်းခိုင်စိုးက ပြောပါတယ်။ ဒါပေမယ့် အဲသည်အမျိုးသမီးကို သွားရောက်တွေ့ ဆုံနေချိန်မှာ ကြောက်လန့် နေလို့ သေသေချာချာမေးမြန်းလို့  မရဘဲ နောက်တစ်ခါ မနှောင့်ယှက်အောင် ပြောပေးဖို့ ဆိုတာကိုသာ တောင်းဆိုတယ်လို့ ဒေါ်နှင်းခိုင်စိုးက ပြောပါတယ်။
အဲသည်မျိုးသမီးဟာ ပုဒ်မ ၃၆၀ ခိုးမှုနဲ့  အချုပ်ကျနေတာဖြစ်ပြီး အချုပ်ရက်ပေါင်း ၁၂၀( ၄လ) ရှိပြီဖြစ်တယ်လို့ သိရပါတယ်။
” အမျိုးသမီးအချုပ်ခန်းနဲ့  အမျိုးသား အချုပ်ခန်းနဲ့က နီးတယ်။ အမျိုးသားတွေ အိမ်သာတက်ရင်လည်း မြင်ရတယ်။ အမျိုးသား အချုပ်သား ၁၄ ယောက်ရှိတယ်။ ကျွန်မသွားတွေ့ တော့ အချုပ်သား သုံးလေးယောက်လောက်က ထွက်လာတာ နှစ်ခါလောက်မြင်ရတယ်လို့  ပြောတယ်။ အမှန်ကတော့ လိင်နဲ့ ပတ်သက်ပြီးတော့ နှောင့်ယှက်တာပေ့ါ။ ကောင်မလေးက လက်မခံတော့ ဆဲဆိုကြိမ်းမောင်းတယ်။ အဲဒါကိုကြောက်လန့် နေလို့  သေသေချာချာမေးလို့ မရဘူး။ အပြစ်ပေးဖို့  တိုင်တန်းချင်လားဆိုပြီး မေးတော့ နောက်တစ်ခါမဖြစ်အောင် ပြောပေးရင်ရပါတယ်လို့  ပြောတယ်” လို့  ဒေါ်နှင်းခိုင်စိုးက ပြောပါတယ်။
အဆိုပါကိစ္စနဲ့ပတ်သတ်ပြီး ဒီပဲယင်းမြို့နယ် ရဲစခန်းကိုဆက်သွယ်မေးမြန်းရာမှာ ဒီပဲယင်းမြို့ နယ် ရဲစခန်းမှူး ရဲအုပ်ကျော်ကျော်က ”ဒီကလေးမလေးကို ကျွန်တော်တို့ ရဲတပ်သားနဲ က အမှုသွားအမှုလာတွေမှာ အကူအညီတောင်းလို့  သွားသွား လာလာရှိပါတယ်။။ အဲဒါဘယ်လို ပြဿသနာဖြစ်သလဲတော့ မသိဘူး။အဖုအထစ်တွေ ဖြစ်တယ်ပဲထင်ပါ တယ်။ဒေါ်နှင်းခိုင်စိုး လာကြည့်လို့  ကျွန်တော် အဲဒီကလေးမလေးကို အေးဆေးသွားတွေ့ တယ်။မေးတယ်။ မကြောက်ဖို့  ပြောတယ်။ ကလေးမလေးက နောက်တစ်ခါ မနှောင့်ယှက်ရင် ရပါတယ်လို့ ပြောတယ်။ အရေးယူစေချင်လားဆိုတော့လည်း နောက်တစ်ခါ မနှောင့်ယှက်အောင်ပဲ ပြောပါဆိုတာပဲ ထွက်လာတယ်။ လွန်လွန်ကျူးကျူးတော့ မဖြစ်သေးဘူးလို့  ပြောပါတယ်” လို့  ဆိုပါတယ်။ အဲသည်ဖြစ်စဉ်နဲ့ ပတ်သက်ပြီး နှောင့်ယှက်ခဲ့တဲ့ တာဝန်ကျရဲတပ်သားကိုလည်း စစ်ဆေးမေးမြန်းတာတွေ ပြုလုပ်နေတယ်လို့  သူကပြောပါတယ်။
ချမ်းသာ
Kumudra
No comments:
Post a Comment