Latest News

Friday, January 29, 2016

မြစ်ကမ်းပါးများ ပြိုကျသဖြင့် ဟင်္သာတခရိုင်ရှိ ကျေးရွာတချို့ ပြောင်းရွှေ့

ဆလိုင်းသန့်စင်| January 29, 2016 |
မြစ်ကမ်းပါးပြိုကျ, ဟင်္သာတ, ဧရာဝတီတိုင်း

မြစ်ရေ တိုက်စားမှုကြောင့် မြန်အောင်မြို့နယ် ရေလယ်ကျွန်း ကျေးရွာအနီးရှိ မြစ်ကမ်းပါးများ ပြိုကျနေသည်ကို မြင်တွေ့ရစဉ် (ဓာတ်ပုံ – ဆလိုင်းသန့်စင်/ဧရာဝတီ)

ဧရာဝတီတိုင်း ဒေသကြီး ဟင်္သာတခရိုင် အတွင်းရှိ မြန်အောင်၊ အင်္ဂပူ နှင့် လေးမျက်နှာ မြို့နယ် များတွင် မြစ်ရေတိုက်စားမှုကြောင့် ကမ်းပါးပြိုကျမှုများ ဆိုးဝါးစွာ ဖြစ်ပေါ်နေသဖြင့် ကျေးရွာတချို့ရှိ လူနေအိမ်များ၊ စာသင်ကျောင်းများနှင့် ဘုန်းတော်ကြီးကျောင်းများ ဘေးလွတ်ရာသို့ ပြောင်းရွှေ့နေရကြောင်း သိရသည်။

အင်္ဂပူမြို့နယ် ညောင်ကုန်းကျေးရွာမှ ဒေသခံ ဒေါ်အေးအေး က“ကမ်းပါးတွေ ပြိုနေတာ ၂ လလောက်ရှိသွားပြီ။ ရေတိုက်စားလို့ ဂွေးတောက်ချောင်း ကျေးရွာမှာ ၀န်ကြီးချုပ်လုပ်ပေးထားတဲ့ ရေကာတာလည်း ပြိုကျသွားပြီ။ အိမ်တွေလည်း ရွှေ့နေရတာ အလုံး ၁၈၀ လောက် ဖြစ်နေပြီ။ ပြီးတော့ ညောင်ကုန်း မူလတန်းကျောင်းကလည်း ကမ်းပြိုမယ့်အထဲ ပါတော့မှာမို့ စာသင်ကျောင်းအသစ်ကြီးကို ဒီအတိုင်းထားခဲ့ပြီး ရွာထဲမှာ ပြောင်းသင်နေရတယ်”ဟု ဧရာဝတီကို ပြောသည်။

ကမ်းပါးပြိုမှုများ ကြုံတွေ့နေရသည့် ကျေးရွာများမှာ အင်္ဂပူမြို့နယ်ရှိ ဂွေးတောက်ချောင်းရွာ၊ ညောင်ကုန်းရွာ၊ မြန်အောင်မြို့နယ်ရှိ ပဲတခွဲ ရေလယ်ကျွန်း ကျေးရွာနှင့် လေးမျက်နှာ မြို့နယ်ရှိ အိုင်သပြု ကျေးရွာတို့ဖြစ်ပြီး ကမ်းပြိုသည့်အန္တရာယ်ကို ကြုံတွေ့နေရသော အိမ်ခြေစုစုပေါင်း ၄၀၀ ကျော် ရှိကြောင်း သိရသည်။

“ကမ်းပြိုတာက တနေ့ကို လက်လံ ၅ လံလောက် ပြိုကျနေတယ်။ လတ်တလောမှာ စိုက်ထားတဲ့ မတ်ပဲ၊ ခရမ်းချဉ်၊ ငရုတ်ပင်တွေဆိုရင် အသီးတွေနဲ့ အပင်လိုက် မြစ်ထဲကို ပြိုကျနေတယ်။ ပြီးတော့ ဘုန်းကြီးကျောင်းနဲ့ စာသင်ကျောင်းက ကမ်းပြိုတဲ့အထဲ ပါခါနီးဖြစ် နေပြီ။ ဒီပုံအတိုင်း ဆက်ပြိုနေလို့ကတော့ နောင် ၂ လလောက် ဆိုရင် ရွာပါ မြစ်ထဲကျသွားမယ် ထင်တယ်”ဟု မြန်အောင်မြို့နယ် ပဲတခွဲ ရေလယ်ကျွန်းကျေးရွာ ဒေသခံဦးမြင့်လွင် က ဧရာဝတီကို ပြောသည်။

မြစ်ရေတိုက်စားမှုကြောင့် လေးမျက်နှာမြို့နယ် အိုင်သပြု ကျေးရွာရှိ နေအိမ် ၄၇ လုံးမှ အိမ်ထောင်စု ၄၇ စုကို ဒေသဆိုင်ရာ တာဝန် ရှိသူများက ဘေးလွတ်ရာ လေးမျက်နှာ – အိုင်သပြု ကားလမ်းနံဘေးသို့ ယခုလ နောက်ဆုံးပတ်အတွင်းက ပြောင်းရွှေ့ပေးခဲ့ရပြီး သဘာဝဘေးသင့် ဒေသခံ ၁၀၀ ကျော် ယာယီတဲများထိုး၍ နေထိုင်လျက် ရှိသည်ဟု ဒေသခံတချို့က ပြောဆိုသည်။

အင်္ဂပူမြို့နယ်ရှိ ဂွေးတောက်ချောင်းနှင့် ညောင်ကုန်းကျေးရွာမှ ဒေသခံများသည် မိမိတို့နေအိမ်များကို မိမိတို့အစီအစဉ်ဖြင့်သာ ဘေး လွတ်ရာ သို့ ရွှေ့ပြောင်းနေရပြီး မြန်အောင်မြို့နယ်ရှိ အစိုးရ ဌာနဆိုင်ရာများက ရေလယ်ကျွန်း ကျေးရွာမှ ဒေသခံများကလည်း ရွာပြောင်းရွှေ့ရန် နေရာသစ်များ ရှာဖွေနေသည် ဆိုသော်လည်း တစုံတရာ လာရောက်ကူညီပေးခြင်း မရှိကြောင်း ဒေသခံများက ပြောပြ ကြသည်။

“အစိုးရဘက်ကတော့ အခုချိန်အထိ ဘာမှလာကူညီတာ မရှိသေးဘူး။ လတ်တလောမှာတင် ကမ်းပြိုလို့ ကျနော့်မြေ ၃ ဧက လောက် တော့ မြစ်ထဲပါသွားပြီ။ ရွာကအိမ်တွေ မထိအောင် ပြောင်းရမယ့်နေရာသစ် ရှာနေတယ်။ အိမ်တွေရွှေ့မယ် ဆိုရင်တောင် အခုကတည်းက ပြင်ဆင်ထားမှဖြစ်မှာ။ မြေပြိုကာမှ ရွှေ့ရရင် မလွယ်ဘူး”ဟု ပဲတခွဲ ရေလယ်ကျွန်း ကျေးရွာ ဒေသခံ ဦးညွန့်ဝေက ပြောသည်။
ကမ်းပါးပြိုမည့်အန္တရာယ် စိုးရိမ်သဖြင့် အစိုးရက လုပ်ပိုင်ခွင့် ပိတ်ပင်ထားသော မြန်အောင်မြို့နယ် ကျောက်ထုတ်လုပ်ရေး လုပ်ကွက် များအတွင်း ကျေးရွာအုပ်ချုပ်ရေးမှူး တချို့က ၂၀၁၅ ခုနှစ်က စတင်၍ တရားမ၀င် ကျောက်ထုတ်မှုများ လုပ်ဆောင်ခဲ့သည်အတွက် ကမ်းပါးပြိုမှုများ ပိုမိုဆိုးဝါးလာခဲ့ခြင်းဖြစ်သည်ဟု မြန်အောင်မြို့ခံ ဦးစန်းဌေးကလည်း ပြောသည်။

ဧရာဝတီတိုင်း အစိုးရအဖွဲ့ဝင် သစ်တောနှင့် သတ္တုတွင်းဝန်ကြီး ဦးစိုးမြင့်ကမူ ကမ်းပါးပြိုမှုများနှင့် တရားမ၀င် ကျောက်စုပ်သည့်ကိစ္စများကို မိမိတို့ဧရာဝတီတိုင်း အစိုးရထံ တိုင်ကြားလာသည့် အတွက် ကွင်းဆင်း စစ်ဆေးမှုများ လုပ်ဆောင်ရန် ပြင်ဆင်နေကြောင်း ဧရာဝတီ ကို ပြောသည်။

“ကမ်းပါးပြိုတဲ့ ကိစ္စတွေရော၊ တရားမ၀င် ကျောက်စုပ်တဲ့ ကိစ္စတွေကိုပါ မြန်အောင်မြို့နယ်၊ မြစ်ကျောက် လုပ်ငန်းရှင်များ အသင်းက ကျနော့်ဆီ တိုင်တန်းထားတဲ့အတွက် ဟင်္သာတခရိုင် အုပ်ချုပ်ရေးဌာနကို ကွင်းဆင်းစစ်ဆေးပြီး ပြန်လည်တင်ပြဖို့ ကျနော်ညွှန်ကြား ထားပြီးပါပြီ။ ဘေးသင့်တဲ့ ဒေသခံတွေကို ကူညီပေးဖို့လည်း စီစဉ်နေပါတယ်”ဟု ဦးစိုးမြင့်က ဆိုသည်။

အစိုရက တရားမ၀င် မြစ်ကျောက်စုပ် လုပ်ကိုင်နေသူများကို ဥပဒေအရ တားမြစ်အရေးယူပေးရန်နှင့် ကမ်းပါးပြိုမှု အန္တရာယ်ကြုံတွေ့နေရသည့် ကျေးရွာများကို ကူညီပေးစေလိုကြောင်း မြန်အောင်မြို့နယ် ရေလယ်ကျွန်း ကျေးရွာမှ ဒေသခံများက ပြောဆိုသည်။
Irrawaddy

Wednesday, January 27, 2016

တယ်လီနောတိုင် စိုက်မည့် စီမံကိန်း လပွတ္တာဒေသခံများ ကန့်ကွက်

ဆလိုင်းသန့်စင်| January 27, 2016 |
တယ်လီနော, လပွတ္တာ

တယ်လီနော ဆက်သွယ်ရေး တာဝါတိုင်တည်ဆောက်နေသည့် လုပ်ငန်းခွင် (ဓာတ်ပုံ – ဆလိုင်းသန့်စင်/ဧရာဝတီ)

လပွတ္တာမြို့ အမှတ် ၉ ရပ်ကွက် ၅ လမ်း၌ တည်ဆောက်နေသည့် တယ်လီနော ဆက်သွယ်ရေး တာဝါတိုင် စီမံကိန်းကို ဒေသခံများက ၀ိုင်းဝန်းကန့်ကွက်နေကြောင်း သတင်းရရှိသည်။

တယ်လီနောတာဝါတိုင်တည်ဆောက်ခြင်းကြောင့် ရေမြောင်းများပိတ်ဆို့ခြင်း၊ ရေကြီးရေလျှံမှုများ ဖြစ်ပေါ်ခြင်း၊ မြေများကျွံကျခြင်းတို့ ဖြစ်ပေါ်မှုကြောင့် ကန့်ကွက်ရခြင်းဖြစ်ကြောင်း အမှတ် ၉ ရပ်ကွက်မှ ဒေသခံ ကိုမင်းမင်းစိုးက ဧရာဝတီကို ပြောသည်။

“တာဝါတိုင်ဆောက်တဲ့အတွက် မြေကြီးတွေကို ရေမြောင်းတွေပေါ်မှာ ပုံလိုက်တော့ မြောင်းတွေ အကုန်ပိတ်ကုန်တယ်။ မိုးတွေလည်းရွာရော ရေတွေလမ်းပေါ်လျှံကုန်ပြီး ရပ်ကွက်ထဲက ပြည်သူတွေရော၊ ကျောင်းသားတွေပါ ဒုက္ခရောက်ရတယ်။ တည်ဆောက်ရာမှာလည်း လမ်းနယ်နိမိတ် ကိုပါ ကျော်ယူပြီး ဆောက်ထားတယ်။ ဒီကိစ္စကို ဧရာဝတီတိုင်းအစိုးရအဖွဲ့အပါအ၀င် ဌာနဆိုင်ရာ တွေကို ၄ ကြိမ်တိုင်ထားပေမယ့် ခုချိန်အထိ ဘာမှလုပ်ပေးတာမရှိဘူး”ဟု သူက ပြောသည်။

အလားတူ တာဝါတိုင် တည်ဆောက်နေသည့် နေရာ အနီးတွင် နေထိုင်သူ ဦးအေးထွန်းကလည်း တာဝါတိုင်တည်ဆောက်ရန် အနီးအနားနေသူများကို အကြောင်းကြား သဘောတူညီချက် ရယူခြင်း မရှိကြောင်း၊ တခြားနေရာသို့ ရွေ့ပြောင်းတည်ဆောက်ရန် လိုလားကြောင်း ပြောသည်။

လက်ရှိ တယ်လီနောတာဝါတိုင် တည်ဆောက်နေသည့်နေရာမှာ အမှတ် ၉ ရပ်ကွက် အုပ်ချုပ်ရေးမှူး ဦးမောင်စိုးပိုင်ဆိုင်သည့်မြေကွက်ဖြစ်ပြီး တယ်လီနောကုမ္ပဏီအား မြေငှားရမ်းခ တလလျှင် ၂ သိန်း ၅ သောင်း ကျပ်နှုန်းဖြင့် ၁၅ နှစ်စာ သဘောတူညီ၍ တည်ဆောက်ခြင်းဖြစ်ကြောင်း သိရသည်။

မြေကွက်ပိုင်ရှင် ၉ ရပ်ကွက် အုပ်ချုပ်ရေးမှူး ဦးမောင်စိုးကမူ တာဝါတိုင်တည်ဆောက်ရာတွင် လမ်း နယ်နိမိတ်ကို ယာယီအသုံးပြုခြင်းသာဖြစ်ကြောင်း၊ တာဝါတိုင် တည်ဆောက်ပြီးသည့်အချိန်၌ ရေမြောင်းများကို စနစ်တကျ ပြန်လည်တည်ဆောက်ပေးသွားမည် ဖြစ်ပြီး စီမံကိန်းအနီးရှိ နေအိမ်တချို့ ထိခိုက်ပျက်စီးမှုများရှိခဲ့ပါကလည်း ကုမ္ပဏီမှ ပြန်လည် တည်ဆောက်ပေးသွားမည်ဖြစ်ကြောင်း ပြောသည်။

ရပ်ကွက်ဒေသခံများကမူ ကန့်ကွက်နေသည့်ကြားက တာဝါတိုင်ကိုဆက်လက်တည်ဆောက်ပါက တယ်လီနော ကုမ္ပဏီနှင့် ဒေသအာဏာပိုင်များကို တရားဝင်ဆန္ဒဖော်ထုတ်သွားမည်ဟု ပြောသည်။
Irrawaddy

Monday, January 25, 2016

ဧရာဝတီတိုင်းရှိ စားကျက်မြေ ဧက ၂ သိန်းနီးပါး လယ်ယာမြေနှင့် ကျေးရွာမြေများအဖြစ် သတ်မှတ်

ဆလိုင်းသန့်စင်| January 25, 2016 |
ဧရာဝတီတိုင်း, စားကျက်မြေ, လယ်ယာမြေ

ဧရာဝတီတိုင်း ဒေးဒရဲ ဒေသရှိ စားကျက်မြေတခု(ဓာတ်ပုံ – ဆလိုင်းသန့်စင် / ဧရာဝတီ)

ဧရာဝတီတိုင်း အတွင်းရှိ စားကျက်မြေဧက ၃ သိန်းကျော် ရှိသည့်အနက် ဧက ၂ သိန်း နီးပါးကို စားကျက်မြေအဖြစ်မှ ပယ်ဖျက်၍ လယ်ယာမြေနှင့် ကျေးရွာမြေများအဖြစ် သတ်မှတ်ရန် ပြည်ထဲရေး ၀န်ကြီးဌာနက ခွင့်ပြုလိုက်ကြောင်း သိရသည်။

“မြေဧက ၂ သိန်းနီးပါးကို စားကျက်မြေအဖြစ် ပယ်ဖျက်ဖို့ ပြည်ထဲရေးဌာနက ခွင့်ပြုပေးလိုက်ပါပြီ။ နှစ်ပေါင်းများစွာ လယ်လုပ် ထား တဲ့ စားကျက်မြေတွေဆိုရင် လယ်ယာမြေ လုပ်ပိုင်ခွင့်လက်မှတ် ပုံစံ ၇ ထုတ်ပေးဖို့နဲ့ ရွာတည်ထားတဲ့ မြေတွေကိုတော့ ရွာမြေအဖြစ် သတ်မှတ်ပေးဖို့ ကိစ္စတွေကို နောက်အစိုးရဆီကို လွှဲပြောင်းပေးသွားမှာ ဖြစ်ပါတယ်”ဟု ဧရာဝတီတိုင်း အစိုးရအဖွဲ့ဝင် လယ်ယာ စိုက်ပျိုးရေးနှင့် မွေးမြူရေးဝန်ကြီး ဦးစန်းမောင်က ဧရာဝတီကို ပြောသည်။

ဧရာဝတီတိုင်းအတွင်း မြို့နယ်ပေါင်း ၂၆ မြို့နယ် ရှိသည့်အနက် သာပေါင်းမြို့နယ်မှလွဲ၍ ကျန် ၂၅ မြို့နယ်မှ ကျေးရွာများနှင့် လယ် ယာ စိုက်ပျိုး လုပ်ကိုင်နေသော တောင်သူလယ်သမားများက စားကျက်မြေအဖြစ်မှ ပယ်ဖျက်ခွင့်ပြုရန် ဧရာဝတီတိုင်း အစိုးရအဖွဲ့ထံ တင်ပြခဲ့ကြရာက တိုင်းအစိုးရက ပြည်ထဲရေးဝန်ကြီးဌာနထံ ထပ်ဆင့် တင်ပြခဲ့ခြင်း ဖြစ်သည်ဟုလည်း ဆိုသည်။

စားကျက်မြေအဖြစ်မှ ပယ်ဖျက်ရန် ပြည်ထဲရေးဝန်ကြီးဌာနက ခွင့်ပြုခဲ့သည့်မြေ ၁၉၂,၂၂၃ ဒသမ ၅၃ ဧကပေါ်တွင် ကျေးရွာပေါင်း ၉၅၃ ရွာ ပါဝင်နေပြီး လွန်ခဲ့သည့်နှစ်ပေါင်း ၃၀ ခန့်မှစ၍ လက်ရှိအချိန်အထိ စိုက်ပျိုးနေသည့် တောင်သူလယ်သမား ၃၄,၀၀၀ ကျော်တို့၏ လယ်ယာစိုက်ပျိုးနေသော စားကျက်မြေများလည်း ပါဝင်နေကြောင်း ဧရာဝတီတိုင်း ဒေသကြီး အစိုးရရုံး စာရင်းများအရ သိရ သည်။

ဧရာဝတီတိုင်းအတွင်း ခရိုင် ၆ ခုရှိသည့်အနက် ပုသိမ်ခရိုင်သည် စားကျက်မြေအဖြစ်မှ ပယ်ဖျက်ခွင့် အများဆုံးရရှိသည့် ခရိုင်ဖြစ်ပြီး ဧကပေါင်း ၇၀,၁၄၀ ဒသမ ၅၄ ဧက ပယ်ဖျက်ခွင့် ရရှိထားသည်ဟု ဆိုသည်။

ထို့ကြောင့် စားကျက်မြေပေါ်တွင် လယ်စိုက်နေသည့် ပုသိမ်ခရိုင်အတွင်းရှိ တောင်သူလယ်သမား ၃,၄၅၅ ဦးကို လယ်ယာမြေ လုပ်ပိုင်ခွင့်လက်မှတ် ပုံစံ ၇ ထုတ်ပေးသွားမည်ဖြစ်ပြီး စားကျက်မြေပေါ်တွင် ရွာတည်ထားသည့် ပုသိမ်ခရိုင်အတွင်းရှိ ကျေးရွာပေါင်း ၃၅၆ ရွာ၏ မြေများကို ရွာမြေအဖြစ် သတ်မှတ်ပေးသွားမည်ဖြစ်ကြောင်း ဧရာဝတီတိုင်း အစိုးရအဖွဲ့က ပြောသည်။

“သက္ကရာဇ် ၂၀၅၀ မှာ မြန်မာတနိုင်ငံလုံးရဲ့ လူဦးရေကို သန်း ၁၀၀ လို့ မှန်းထားတယ်။ မှန်းထားတဲ့အတွက် စိုက်ပျိုးထုတ်လုပ်မှု ဧကတွေ တိုးချဲ့ဖို့ လိုတယ်။ နောက်တခါ အထွက်နှုန်းတွေ တိုးချဲ့ဖို့ လိုပါတယ်။ ဒါကြောင့် တကယ်မလိုအပ်တဲ့ စားကျက်မြေတွေကို တိုးပွားလာမယ့် မြန်မာပြည်လူဦးရေ စားနပ်ရိက္ခာအတွက် လယ်စိုက်ပျိုးဖို့ အသုံးချသင့်တယ်လို့ ဆုံးဖြတ်ပြီး ကျနော်တို့ ပြည်ထဲရေး ဌာနကို တင်ပြခဲ့တာပါ”ဟု ၀န်ကြီး ဦးစန်းမောင်ကလည်း ပြောပြသည်။

လယ်ယာစိုက်ပျိုးနေသည့် ကုန်းတွင်းပိုင်း စားကျက်မြေများကို ပယ်ဖျက်သည့်အပေါ် သဘောတူသော်လည်း သဘာဝဘေး အန္တရာယ် အချိန်မရွေး ကျရောက်နိုင်သည့် ဒေးဒရဲ၊ ဖျာပုံ၊ ဘိုကလေး၊ ငပုတော၊ လပွတ္တာ ဒေသများရှိ ဒီရေတော စားကျက်မြေများကို ဒေသလုံခြုံရေးအတွက် စားကျက်မြေအဖြစ် မူလအတိုင်း ထားရှိသင့်ကြောင်း သဘာဝပတ်ဝန်းကျင်အရေး လှုပ်ရှားသူ ဦးထွန်းထွန်းဦး က ပြောသည်။

“ဒေးဒရဲလို ပင်လယ်နံဘေး ဒေသမျိုးတွေက သဘာဝဘေး အချိန်မရွေး ကျရောက်နိုင်ပါတယ်။ မုန်တိုင်းလို၊ ဆူနာမီလို သဘာဝဘေး ဖြစ်ချိန်မှာ ဒီရေတောတွေကဒေသအတွက် အရမ်းအရေးကြီးတယ်။ ဒေးဒရဲမှာဆိုရင် ဒီရေတော စားကျက်မြေတွေရှိပေမယ့် အာဏာပိုင်တွေက ရောင်းစားလို့ အကုန်လယ်တွေ ဖြစ်ကုန်ပြီ။ အဲဒီတော့ ဒီရေတောအဖြစ်ထားတဲ့ စားကျက်မြေတွေကိုတော့ ဒေသ လုံခြုံရေးအတွက် မပယ်ဖျက်ဘဲ မူလအတိုင်းထားဖို့ လိုပါတယ်”ဟုလည်း ၎င်းက ပြောဆိုသည်။

ဧရာဝတီတိုင်းအတွင်းရှိ စားကျက်မြေ ဧကပေါင်း ၁၉၂၂၂၃ ဒသမ ၅၃ ကို ပြည်ထဲရေး ၀န်ကြီးဌာနက ပယ်ဖျက်ပြီး ဖြစ်သည့်အတွက် စားကျက်မြေ ၁၀၇၉၈၆ ဒသမ ၀၀၈ ဧကနှင့် ရိုးချောင်း ၁၉၃ ဧက ကျန်ရှိနေကြောင်း တိုင်းအစိုးရ အဖွဲ့ရုံး စာရင်းများအရ သိရ သည်။
Irrawaddy

Thursday, January 21, 2016

NLD အစိုးရကို ကူညီမည်ဟု ဧရာဝတီတိုင်း ၀န်ကြီးချုပ် ပြော

ဆလိုင်းသန့်စင်| January 21, 2016 |

ဆလိုင်းသန့်စင်/ဧရာဝတီ

၂၀၁၆ ခုနှစ်တွင် ပေါ်ပေါက်လာမည့် အစိုးရနှင့် လွှတ်တော်တို့အား လူပုဂ္ဂိုလ် တဦးချင်း အနေနှင့် သာမက ပြည်ထောင်စု ကြံ့ခိုင် ရေးနှင့် ဖွံ့ဖြိုးရေးပါတီ အနေဖြင့်ပါ ၀ိုင်းဝန်း ကူညီပေးသွားမည်ဟု ဧရာဝတီတိုင်း ၀န်ကြီးချုပ် ဦးသိန်းအောင်က ပြောဆိုခဲ့သည်။

ပထမအကြိမ် ဧရာဝတီတိုင်း ဒေသကြီး လွှတ်တော်၏ နောက်ဆုံး အစည်းအဝေးဖြစ်သည့် ၁၄ ကြိမ်မြောက် ပုံမှန်အစည်းအဝေးသို့ တက်ရောက်လာသည့် ၀န်ကြီးချုပ် ဦးသိန်းအောင်က အထက်ပါအတိုင်း ပြောဆိုလိုက်ခြင်း ဖြစ်သည်။

၂၀၁၁ ခုနှစ် ဖေဖော်ဝါရီလက စတင်ကျင်းပခဲ့သည့် ပထမအကြိမ် ဧရာဝတီတိုင်း လွှတ်တော်မှာ ယခုလတွင် သက်တမ်း ကုန်ဆုံးသွားပြီဖြစ်ပြီး လာမည့် ဖေဖော်ဝါရီလတွင် ရွေးကောက်ပွဲ အနိုင်ရပါတီ အမျိုးသား ဒီမိုကရေစီ အဖွဲ့ချုပ် ကိုယ်စားလှယ် အများစု ပါဝင်သည့် ဒုတိယအကြိမ် ဧရာဝတီတိုင်း လွှတ်တော် ပြန်လည်ခေါ်ယူမည်ဖြစ်သည်။

ပြီးစီးခဲ့သည့် ပထမအကြိမ် ဧရာဝတီတိုင်း လွှတ်တော်သက်တမ်းအတွင်း ဧရာဝတီတိုင်း ရေချိုငါးလုပ်ငန်း ဥပဒေအပါအ၀င် ဒေသတွင်း အာဏာတည်သည့် ဥပဒေပေါင်း ၁၃ ခု ပြဌာန်းနိုင်ခဲ့ကြောင်း သိရသည်။
Irrawaddy

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post