မဟာဓာတ်အားလိုင်းမရောက်မီ မီးလင်းစေမည်
မြန်မာနိုင်ငံ၏ လူဦးရေ ၇ဝ ရာခိုင်နှုန်းကျော်သည် ကျေးလက်ဒေသများတွင် နေထိုင် သူများဖြစ်သည့်အားလျော်စွာ ထိုဒေသများမှ ပြည်သူများအတွက် အဓိက အရေးပါ သည့် လျှပ်စစ်ဓာတ်အား ထုတ်လုပ်ဖြန့်ဖြူးပေးနိုင်ရေးကို အစိုးရအဆက်ဆက်က မဟာဗျူဟာများ ချမှတ်ဆောင်ရွက်ခဲ့ရာမှာ ယခုအခါ မဟာဓာတ်အားလိုင်းဆက် သွယ်ခြင်းနှင့် မဟာဓာတ်အားလိုင်းပြင်ပစနစ်များဟူသည့် စနစ်နှစ်မျိုးဖြင့် အကောင် အထည်ဖော် ဆောင်ရွက်နေသည်။
မဟာဓာတ်အားလိုင်းဖြင့် ဆက်သွယ်ဆောင်ရွက်ခြင်းစနစ်ကို အများပြည်သူက လျင်လျင်မြန်မြန်ပင် မျက်စိထဲ ပုံဖော်ကြည့်နိုင်မည်ဖြစ်သော်လည်း မဟာဓာတ်အား လိုင်းပြင်ပစနစ်များဆိုသည်ကိုတော့ ဝေဝေဝါးဝါးဖြစ်နေကြသူတွေ အတော်များ မည်ဟု ယူဆရပါသည်။ အဘယ်ကြောင့်နည်း။ လျှပ်စစ်မီးလင်းရေးလုပ်ငန်းများကို အများအားဖြင့် လျှပ်စစ်နှင့် စွမ်းအင်ဝန်ကြီးဌာနက ဆောင်ရွက်သဖြင့် မဟာ ဓာတ် အားလိုင်းကြိုးများမှ လျှပ်စစ်ရကြောင်း အများစုက မျက်မြင်ဖြစ်နေချိန်တွင် မဟာဓာတ်အားလိုင်း ပြင်ပစနစ်က ဘယ်လိုတွေကနေ လျှပ်စစ်ပေးနေသည်ကို သိရှိသူ နည်းသေးသောကြောင့်ဟု ဆိုရပေမည်။
မဟာဓာတ်အားလိုင်း ပြင်ပစနစ်
မဟာဓာတ်အားလိုင်း ပြင်ပစနစ်ဆိုသည်မှာ မဟာဓာတ်အားလိုင်းများ ဆက် သွယ်ဆောင်ရွက်နေသည့် လုပ်ငန်းစဉ်သည် ကျေးလက်ဒေသ နေရာအနှံ့၊ ဝေးလံ ခေါင်ဖျားသည့် နေရာများသို့ မရောက်လာသေးမီ စပ်ကြားကာလတွင် လျှပ်စစ်မီး မသုံးရသည့်အဖြစ် မရှိရလေအောင် ကြားကာလတွင် လျှပ်စစ်ဓာတ်အားရရှိစေရန် ဆောင်ရွက်သည့် စနစ်တစ်ခုဖြစ်သည်။
ဧရိယာနယ်မြေအကျယ်အဝန်းကြီးမားသည့် မြန်မာနိုင်ငံအတွက် တစ်နိုင်ငံလုံး အနှံ့ လျှပ်စစ်ဓာတ်အားရရှိစေရန် ဆောင်ရွက်ရခြင်းမှာ အချိန်တိုအတွင်းတော့ မဖြစ်လာနိုင်သေးပေ။ ထို့ကြောင့် မြို့နှင့်နီးသော ဒေသများတွင် လျှပ်စစ်သုံးစွဲခွင့် ရနေချိန်တွင် ဝေးလံခေါင်ဖျားသော၊ မဟာဓာတ်အားလိုင်းမှ အနည်းဆုံး ၁ဝ မိုင် အထက်ကွာဝေးသော ဒေသများအတွက် လျှပ်စစ်မီးဆိုသည်မှာ အိပ်မက်သာသာ ဖြစ်နေသည်။
ထို့ကြောင့် အစိုးရတာဝန်ရှိသူများအနေဖြင့် မဟာဓာတ်အားလိုင်း မရနိုင်သေး၊ မရောက်နိုင်သေးသည့် အချိန်ကာလ၊ ထိုနေရာများအတွက် လျှပ်စစ်သုံးစွဲနိုင်ရန် မဟာဓာတ်အားလိုင်း ပြင်ပစနစ်ဖြင့် လျှပ်စစ်ပေးနိုင်ရန် ကြံရွယ်လုပ်ဆောင်ခဲ့ခြင်း ဖြစ်သည်။ ထိုသို့လုပ်ဆောင်နိုင်ရန်အတွက် အမျိုးသားလျှပ်စစ်ဓာတ်အားရရှိရေး စီမံကိန်း ခေါင်းစဉ်အောက်တွင် က္ဘာ့ဘဏ်ချေးငွေ အမေရိကန်ဒေါ်လာ သန်း ၉ဝ ကို ရယူကာ ၂ဝ၁၅ ခုနှစ်တွင် စီမံကိန်း စတင်ခဲ့သည်။
အမျိုးသား လျှပ်စစ်ဓာတ်အားရရှိရေးစီမံကိန်း
ထိုစနစ်အတွက် လက်ရှိတွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနက မဟာဓာတ်အားလိုင်း ပြင်ပစနစ် စီမံကိန်းများကို တာဝန်ယူဆောင်ရွက်လျက်ရှိကာ ၂ဝ၁၆ ခုနှစ်မှ ၂ဝ၂၁ ခုနှစ်အထိ ငါးနှစ်တာကာလအတွင်း အိမ်ထောင်စုပေါင်း ခြောက်သိန်းကျော်တွင် လျှပ်စစ်မီးရရှိစေဖို့ လျာထားဆောင်ရွက်နေသည်။ ထိုကဲ့သို့ လျှပ်စစ်ဓာတ်အား ထုတ်လုပ်ဖြန့်ဝေပေးနိုင်ရန်အတွက် တစ်အိမ်သုံးဆိုလာစနစ်နှင့် အသေးစားဓာတ်အားစနစ်ဟူ၍ စနစ်နှစ်မျိုးခွဲကာ ဆောင်ရွက်နေသည်။
တစ်အိမ်သုံးဆိုလာစနစ်
တစ်အိမ်သုံးဆိုလာစနစ်ဆိုသည်မှာ မဟာဓာတ်အားလိုင်းမှ အနည်းဆုံး ၁ဝ မိုင် ကွာဝေးကာ နောင်ဆယ်နှစ်အတွင်း လျှပ်စစ်မီးမရနိုင်သေးသည့် ကျေးရွာများတွင် တစ်နိုင်တစ်ပိုင် အိမ်သုံးဆိုလာပြားများ တပ်ဆင်ပေးခြင်းဖြစ်သည်။ ထိုသို့တပ်ဆင် ရာတွင် သတ်မှတ်အချိုးကျ ပြည်သူ့ထည့်ဝင်ငွေကို ကောက်ခံပြီး ပမာဏရာခိုင်နှုန်း အများစုကို စီမံကိန်းက ကျခံဆောင်ရွက်ပေးခြင်းဖြစ်သည်။
တစ်အိမ်သုံးဆိုလာစနစ်များကို စီမံကိန်းစတင်စဉ်က ဝပ်အားအသေးများအဖြစ် ၃ဝ ဝပ်၊ ၄၅ ဝပ်နှင့် ၆ဝ ဝပ်များသာ စတင်တပ်ဆင်ပေးခဲ့သော်လည်း ဒုတိယနှစ်မှ စတင်ကာ ဝပ် ၆ဝ နှင့် ဝပ် ၁ဝဝ များကို တပ်ဆင်ပေးခဲ့သည်။ အဆိုပါ အိမ်သုံးဆိုလာ စနစ်များအပြင် အများပြည်သူသုံး ဆိုလာစနစ်များအဖြစ် လမ်းမီးများ၊ ဘာသာရေး အဆောက်အအုံများ၊ စာသင်ကျောင်းနှင့် ဆေးပေးခန်းများတွင် ဝပ် ၁၈ဝ မှ ၄၈ဝ ကြားရှိသည့် ဆိုလာများကိုလည်း အခမဲ့တပ်ဆင်ပေးသည်။ တစ်အိမ်သုံးဆိုလာ စနစ်များတပ်ဆင်ခြင်း လုပ်ငန်းဆောင်ရွက်မည့် ပြည်တွင်းပြည်ပကုမ္ပဏီများကို International Competitive Bidding စနစ်ဖြင့် ရွေးချယ်ခေါ်ယူခဲ့ခြင်း ဖြစ်ကာ စံချိန်စံညွှန်းများနှင့်ကိုက်ညီစေရန် ရည်ရွယ်ဆောင်ရွက်လျက်ရှိသည်။
တစ်အိမ်သုံးဆိုလာစနစ်များကို ၂ဝ၁၆-၂ဝ၁၇ ဘဏ္ဍာရေးနှစ်နှင့် ၂ဝ၁၇-၂ဝ၁၈ ဘဏ္ဍာရေးနှစ်အတွင်း ကျေးရွာပေါင်း ၄ဝ၇၄ ရွာမှ အိမ်ခြေစုစုပေါင်း ၂၃ဝဝဝဝ ခန့်နှင့် အများပြည်သူဆိုင်ရာအဆောက်အအုံ ၃ဝဝဝဝ ကျော်တို့တွင် တပ်ဆင်ခဲ့ပြီး ဖြစ်သည်။
တစ်အိမ်သုံးဆိုလာစနစ်များသည် တပ်ဆင်ရလွယ်ကူပြီး လျှပ်စစ်ဓာတ်အားကို အလျင်အမြန်ရနိုင်သည့်နည်းလမ်းဖြစ်သဖြင့် ယခင်က ရေနံဆီမီးအိမ်၊ ဖယောင်း တိုင်များဖြင့် ဖြတ်သန်းခဲ့ရသည့် ကျေးရွာများမှာ တစ်အိမ်သုံးဆိုလာစနစ်များကို ရယူလိုသည့်နှုန်း ပိုမိုများပြားလာသည်ကို လေ့လာတွေ့ရှိရသည်။
အထူးသဖြင့် လျှပ်စစ်မီးရဖို့ အိပ်မက်ပင် မမက်ခဲ့ရသည့် ဝေးလံခေါင်ဖျား တိုင်းရင်းသားဒေသများမှ တိုင်းရင်းသားများမှာ ထိုတစ်အိမ်သုံးဆိုလာစနစ်များကို အထူး နှစ်သက်သဘောကျကြကြောင်း စီမံကိန်း၏ ကွင်းဆင်းလေ့လာချက်များမှ သိရှိရသည်။ နေ့ဘက်တွင်သာမက ညဘက်တွင်ပါ လျှပ်စစ်မီးအလင်းရောင် ရရှိလာ ကြသဖြင့် တစ်နိုင်တစ်ပိုင် အိမ်တွင်းလုပ်ငန်းများ တိုးချဲ့လုပ်ကိုင်လာနိုင်ခြင်း၊ ကလေးငယ်များ ညဘက်တွင်ပါ စာကြည့်လာနိုင်ခြင်း စသည်တို့အပြင် ကျန်းမာရေး ဆေးပေးခန်းများတွင်လည်း ၂၄ နာရီ လျှပ်စစ်ဓာတ်အား ရပြီဖြစ်သဖြင့် လူမှုရေး၊ စီးပွားရေးများပါ အဆင်ပြေလာကြသည်ကတော့ အထူးဖော်ပြန်ရန်ပင် လိုမည် မထင်ပေ။
အသေးစားဓာတ်အားစနစ်
တစ်အိမ်သုံးဆိုလာစနစ်အပြင် အလားတူဆောင်ရွက်နေသည့် စီမံကိန်းမှာ အသေးစားဓာတ်အားစနစ်မှ လျှပ်စစ်မီး ထုတ်လုပ်ဖြန့်ဖြူးခြင်းဖြစ်သည်။ ထိုစနစ်ကို ၂ဝ၁၆-၂ဝ၁၇ ဘဏ္ဍာရေးနှစ်တွင် ရှေ့ပြေးစီမံကိန်း ရှစ်ခုအဖြစ် ဆိုလာစနစ်အသုံး ပြုကာ ကျေးရွာ ၁ဝ ရွာတွင် ဆောင်ရွက်ခဲ့ရာ အောင်မြင်မှုရရှိခဲ့သဖြင့် ၂ဝ၁၇-၂ဝ၁၈ ဘဏ္ဍာရေးနှစ်တွင် စီမံကိန်း ၂၆ ခုကို ကျေးရွာစုစုပေါင်း ၃၅ ရွာတွင် ဆောင်ရွက် လျက်ရှိသည်။ ထို့အပြင် ၂ဝ၁၈-၂ဝ၁၉ ဘဏ္ဍာရေးနှစ်မှစတင်ကာ တစ်နှစ်လျှင် စီမံကိန်း ၁ဝဝ ခန့်အထိ ဆက်လက်လုပ်ဆောင်သွားရန် ဆောင်ရွက်လျက်ရှိနေသည်။
အသေးစားဓာတ်အားစနစ်ဆိုသည်မှာ လျှပ်စစ်ဓာတ်အားရယူလိုသည့် ဒေသ များမှ ကျေးရွာများတွင် ရေအား၊ လေအား၊ နေစွမ်းအင်၊ ဇီဝဒြပ်ထု၊ ဇီဝဓာတ်ငွေ့ စသည့် နည်းလမ်းများဖြင့် အသေးစား လျှပ်စစ်ဓာတ်အားပေးစက်ရုံများ တည် ဆောက်၍ မီးလိုင်းများသွယ်တန်းပြီး ကျေးရွာများအတွင်းသို့ လျှပ်စစ်ဓာတ်အား ဖြန့်ဖြူးပေးသည့် နည်းလမ်းဖြစ်သည်။
မြန်မာနိုင်ငံ၏ ပထဝီအနေအထားအရ ဆိုလာစွမ်းအင်စနစ်မှာ အလားအလာအကောင်းဆုံးစနစ်ဖြစ်သဖြင့် ဆိုလာစနစ်စက်ရုံများတည်ဆောက်ကာ လျှပ်စစ် ဓာတ်အားဖြန့်ဖြူးနိုင်ရန် ပုဂ္ဂလိကကုမ္ပဏီများကို တင်ဒါစနစ်ဖြင့် အဆင့်ဆင့် ရွေးချယ်ခေါ်ယူခဲ့ပြီး စည်းကမ်းနည်းလမ်းများချမှတ်၍ ဆောင်ရွက်နေခြင်းဖြစ်သည်။ ယခုနှစ်အတွင်းတွင် ရေအားစနစ်နှင့် ဇီဝဒြပ်ထုမှ ဓာတ်အားထုတ်လုပ်ခြင်းကိုလည်း ဆောင်ရွက်နေပြီဖြစ်ရာ ဒေသနှင့်ကိုက်ညီသည့်ထုတ်လုပ်မှုကို တင်ပြနိုင်သော ကုမ္ပဏီဖြစ်ပါက စည်းကမ်းများနှင့်အညီ ရွေးချယ်သွားမည်ဖြစ်သည်။
အသေးစားဓာတ်အားစနစ်ရယူလိုသည့် ကျေးရွာများကို ရွေးချယ်ရာတွင်လည်း လုပ်ငန်းဆောင်ရွက်သည့် ကုမ္ပဏီ၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် ကျေးရွာများမှ တာဝန်ရှိသူများ ပူးပေါင်းဆောင်ရွက်ကြခြင်းဖြစ်သည်။ ထို့အတွက် စီမံကိန်းရင်းနှီးမြှုပ်နှံငွေကို ကျေးလက်ဒေသဖွံ့ဖြိုးတိုးတက်ရေး ဦးစီးဌာနက ၆ဝ ရာခိုင်နှုန်း၊ ကုမ္ပဏီနှင့် ကျေးရွာက ၂ဝ ရာခိုင်နှုန်းစီ ထည့်ဝင်ကြခြင်းဖြစ်သည်။
ထိုသို့ထည့်ဝင်ပြီးနောက် လျှပ်စစ်မီးဖြန့်ဖြူးရာတွင် ကျေးရွာများက သတ်မှတ် ထားသည့် လျှပ်စစ်သုံးစွဲခကို ကုမ္ပဏီသိုို့ ပေးဆောင်ရသည်။ ကုမ္ပဏီက လုပ်ငန်းဆောင်ရွက်ခွင့်ရသည့်ကာလမှာ အနည်းဆုံး ခြောက်နှစ်မှ ၁၅ နှစ်အတွင်းဖြစ်ကာ ထိုကာလကျော်လွန်သွားပါက အဆိုပါကုမ္ပဏီနှင့် ဆက်လက်ဆောင်ရွက်မည်၊ မဆောင်ရွက်မည်ကို ကျေးလက်ဒေသဖွံ့ဖြိုးတိုးတက်ရေးဦးစီးဌာနက ဆုံးဖြတ်သွား မည်ဖြစ်သည်။
အားသာချက်များ
အသေးစားဓာတ်အားစနစ်များ၏ အားသာချက်များတွင် ကျေးရွာများ၏ စီးပွားရေးလုပ်ငန်းများကိုပါ အထောက်အကူပေးနိုင်ခြင်းက အဓိက အခန်းကဏ္ဍမှ ပါဝင်နေသည်ကို တွေ့နိုင်မည်ဖြစ်သည်။ အသေးစား အိမ်တွင်းစက်မှုလက်မှုလုပ်ငန်း များကို ဆောင်ရွက်နိုင်သဖြင့် ဒေသခံတို့အတွက် လျှပ်စစ်မီးအလင်းရောင်အပြင် အိမ်၏ဝင်ငွေကိုပါ တိုးစေသည်က အသေးစားဓာတ်အားစနစ်များကို လူကြိုက်များ လာရခြင်း၏ အားသာချက် ဖြစ်နေသည်။
ထိုအသေးစားဓာတ်အားစနစ် စီမံကိန်းများသည် လျှပ်စစ်သွယ်တန်းစနစ်ဖြင့် ဓာတ်အားဖြန့်ဖြူးထားသောကြောင့် ထိုကျေးရွာသို့ မဟာဓာတ်အားလိုင်းစနစ် ရောက်ရှိလာသည့်ကာလတွင် ကျေးရွာအတွင်းရှိမီးလိုင်းများနှင့် ဆက်စပ်သွားမည် ဖြစ်သဖြင့် မီးမရရှိသေးမီကာလအတွက် များစွာအဆင်ပြေစေနိုင်မည်ဖြစ်သလို မဟာဓာတ်အားလိုင်းမှ မီးရရှိချိန်တွင်လည်း ကျေးရွာအနေဖြင့် ရင်းနှီးမြှုပ်နှံမှုများ ထပ်မံလုပ်ဆောင်ရန် မလိုတော့ပေ။
ထို့ကြောင့် အသေးစားဓာတ်အားစနစ်စီမံကိန်းများ ဆောင်ရွက်၍ရနိုင်သည့် အလားအလာရှိသောဒေသများမှ ကျေးရွာများအနေဖြင့် စီမံကိန်းများ အကောင် အထည်ဖော်လိုကြောင်း တင်ပြချက်များကို ယခုနှစ်များအတွင်း ပိုမိုရရှိလာသည် မှာလည်း အသေအချာပင်ဖြစ်နေသည်။
ကျေးလက်နှင့် မြို့ပြ ကွာခြားမှုများ ကျဉ်းသထက်ကျဉ်းလာစေရန် အခရာ ကျသည့် လျှပ်စစ်မီးလိုအပ်ချက်ကို ဖြည့်ဆည်းပေးရန်အတွက် မဟာဓာတ်အားလိုင်း ပြင်ပ လျှပ်စစ်ဓာတ်အားရရှိရေးစီမံကိန်းများမှာ လတ်တလောတွင် မဟာဓာတ်အား လိုင်း မရောက်လာနိုင်မီစပ်ကြား အကောင်းဆုံးသော နည်းလမ်းတစ်ခုဖြစ်သော ကြောင့် ပိုမိုအောင်မြင်လာစေရန် ဆောင်ရွက်နေကြောင်းလည်း အမျိုးသားလျှပ်စစ် ဓာတ်အားရရှိရေးစီမံကိန်းက သတင်းထုတ်ပြန်ထားသည်။ ။
ဆုမွန်
No comments:
Post a Comment