Latest News

Saturday, October 6, 2018

ဓနုဟင်းလျာ ပဲလုံးဟင်းချို၊ ဂျူးမြစ်ကြော်၊ ပဲပုပ်ကင်

ဓနုဟင်းလျာ ပဲလုံးဟင်းချို၊ ဂျူးမြစ်ကြော်၊ ပဲပုပ်ကင်

ပင်းတယဘက်မှာ ခြံစိုက်နေတဲ့ ငယ်ပေါင်း မိတ်ဆွေကြီးတစ်ဦးထံ အလည်ရောက်အသွား မှာ  တိုင်းရင်းသားရိုးရာစာတွေအကြောင်း စာရေးနေတာဖတ်ရလို့    ရောက်တုန်း ရောက်ခိုက်  ဓနုဟင်းချက်ကျွေးမယ်ဆိုပြီး မီးဖိုထဲဝင်ကာ စီမံပါတော့တယ်။ ပဲလုံးဟင်းချို၊ ပဲပုပ်ကင်နဲ့   ဂျူးမြစ်ကြော်ပါတဲ့။   အချိုပွဲက ပင်းတယမုန့်လက်ကောက်ကြော်လို့   ဆိုပါ တယ်။

သူက တောင်ကြီးမှာ အလုပ်တာဝန်ကျပြီး ပင်စင်ယူတော့ အေးဆေးတဲ့ ပင်းတယဘက်ကို သဘောကျတယ်လို့ဆိုပြီး မြေတစ်ကွက်ဝယ် ကာ ခြံစိုက်ရင်း အခြေချနေတာပါ။ သူချက် မယ့် ဟင်းရံတွေအားလုံးက သူ့ခြံထွက်ချည်းပဲ မို့ ဈေးထွက်ဝယ်မနေရပါဘူး။ ပဲလုံးဟင်းချို ချက်ဖို့အတွက် ခဲသဲသန့်ထားတဲ့ ပဲလုံးနို့ဆီဘူး တစ်ဘူးသာသာကို ရေဆေးပြီး နူးနေအောင် ပြုတ်ပါတယ်။ ပဲလုံးက အကြားအကြားလေး တွေမို့  မေးကြည့်တော့  ပင်းတယပဲလုံးလို့ ခေါ်ပါသတဲ့။

ပဲလုံးတွေနူးတော့     အဲဒီအိုးထဲကိုပဲ ချင်းနဲ့ ကြက်သွန်ဖြူဓားပြားရိုက်ထည့်၊ ဆား၊ နနွင်းခတ်၊       ဆီပါလေကာဆမ်းပြီး ရေအသင့်အတင့်နဲ့ အဖုံးပိတ်ပြီး တည်ပါတော့ တယ်။  ပဲအိုးဆူလောက်တော့  အိုးအဖုံးဖွင့် မွှေပြီး အပေါ့အငန်မြည်းခိုင်းလို့ မြည်းကြည့် တော့ ချင်းနံ့မွှေးမွှေးလေးနဲ့ ဟင်းခတ်မှုန့် မလိုအောင်ကို ပဲကချိုတာပါ။ ပဲလုံးလေးတွေ အနူးမြန်တာကိုလည်း သတိထားမိပါတယ်။

ပဲလုံးဆေးခါးချက်မယ်ဆိုရင်တော့ အဲဒီ ဟင်းအိုးထဲ အသင့်ထောင်းထားတဲ့ ဆေးခါး မှုန့်ခတ်လိုက်ရုံပဲလို့ပြောပါတယ်။  ဂျူးမြစ် ကြော်ဖို့အတွက်ကိုတော့ သူ့ခြံထွက်ဂျူးမြစ်တွေ ကို သန့်စင်ပြီး အနေတော်ဖြတ်၊ ကြက်သွန်နီ၊ ဖြူ၊   ခရမ်းချဉ်သီးနဲ့  ရွှေအပ်ငရုတ်သီးလေး တွေကိုလှီးချွတ်ပြီး ပန်းကန်ထဲအသင့်ပြင်ထား ပါတယ်။ အားလုံးပြီးတော့ ဒယ်အိုးထဲဆီထည့် ပြီး ဆီကျက်တဲ့အခါ ကြက်သွန်ဖြူ၊ နီထည့် ပါတယ်။  ပြီးမှကျန်တဲ့အမယ်တွေလောင်း ထည့်၊ ဆားလေးဖြူးပြီး ရေအနည်းငယ်ထည့် ကြော်ပါတယ်။ ဆီဆူသံပေးလာတော့ အပေါ့ အငန်မြည်းပြီး မီးဖိုမှချပါတယ်။

ဂျူးမြစ်ကြော်ဒယ်အိုးအချမှာ ပင်းတယ ပဲပုပ် လေး၊ ငါးချပ်ကို    မီးဖိုမှာအသာပြ ကင်ရုံနဲ့တင် အကျက်မြန်တာတွေ့ရပါတယ်။ အဲဒီနေ့က သူကျွေးတဲ့ ဓနုဟင်းလျာအတွဲ အစပ်ဖြစ်တဲ့ ပဲလုံးဟင်းချို၊ ဂျူးမြစ်ကြော်နဲ့ ပဲပုပ်ကင်က  ရိုးစင်းတဲ့ဟင်းလျာဖြစ်ပေမယ့် စိမ်းစိုလတ်ဆတ်ခြင်းရဲ့  အရသာနဲ့  ဓာတ်မြေ သြဇာကင်းတဲ့ သဘာဝအသီးအရွက်စစ်စစ် တွေကို ခူးဆွတ်ချက်ပြုတ်စားသုံးရတယ်ဆိုတဲ့အသိက   မိမိရဲ့စိတ်ကို  ပျော်ရွှင်ကျေနပ် အားရစေတာ အမှန်ပါ။       

 စံလွင် (ငါးဦးစီး)

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Trailer Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post