ပြိုင်ပွဲတွင် မြန်မာအသင်း ယှဉ်ပြိုင်မည်
ရန်ကုန် စက်တင်ဘာ ၁
အာဆီယံဘောလုံးအဖွဲ့ချုပ်က ၂ဝ၁၉ ခုနှစ်တွင် ပထမဆုံး ကျင်းပမည့် အာဆီယံ ယူ-၂၂ ပြိုင်ပွဲတွင် မြန်မာ ယူ-၂၂ အသင်း ဝင်ရောက်ယှဉ်ပြိုင်မည်ဖြစ်သည်။
မြန်မာနိုင်ငံဘောလုံးအဖွဲ့ချုပ်သည် ၂ဝ၁၉ အာဆီယံ ယူ-၂၂ ပြိုင်ပွဲကို ၂ဝ၁၉ ဆီးဂိမ်းပြိုင်ပွဲယှဉ်ပြိုင်မည့် မြန်မာ ယူ-၂၂ အသင်းဖြင့် ဝင်ရောက်ယှဉ်ပြိုင်မည်ဖြစ်ပြီး နည်းပြချုပ်အဖြစ် ဦးကြည်လွင်က ကိုင်တွယ်မည်ဖြစ်သည်။ အာဆီယံဘောလုံးအဖွဲ့ချုပ်သည် လက်ရှိတွင် အာဆီယံ အဆင့် ယူ-၁၅/ယူ-၁၆ အမျိုးသားပြိုင်ပွဲနှင့် အမျိုးသမီး ပြိုင်ပွဲ၊ ယူ-၁၈/ ယူ-၁၉ အမျိုးသားပြိုင်ပွဲနှင့် အမျိုးသမီး ပြိုင်ပွဲ၊ အာဆီယံဆူဇူကီးဖလား အမျိုးသားပြိုင်ပွဲနှင့် အာဆီယံ အမျိုးသမီးပြိုင်ပွဲတို့ ကျင်းပလျက်ရှိပြီး လက်ရွေးစင်အဆင့်နှင့် ယူ-၁၉ ကြားတွင် ပြိုင်ပွဲမရှိသော ကြောင့် ယူ-၂၂ ပြိုင်ပွဲကို စတင်ကျင်းပခြင်းဖြစ်သည်။ ထို့ကြောင့် လာမည့်နှစ်တွင် အရှေ့တောင်အာရှအသင်းများ အနေဖြင့် အာရှနှင့် အာဆီယံအဆင့် ယူ-၂၂ ပြိုင်ပွဲသုံးပွဲ အထိ ယှဉ်ပြိုင်ရမည်ဖြစ်ပြီး အာဆီယံ ယူ-၂၂ ပြိုင်ပွဲအပြင် အာရှ ယူ-၂၃ ခြေစစ်ပွဲနှင့် ဆီးဂိမ်းပြိုင်ပွဲတို့ပါ ယှဉ်ပြိုင် ရမည်ဖြစ်သည်။
အာဆီယံဘောလုံးအဖွဲ့ချုပ်သည် ပြီးခဲ့သည့်ရက်ပိုင်း က ကျင်းပသည့် အာဆီယံဘောလုံးအဖွဲ့ချုပ်ကောင်စီ အစည်းအဝေးတွင် အတည်ပြုခဲ့ပြီး အိမ်ရှင်နိုင်ငံအဖြစ် ကမ္ဘောဒီးယားနိုင်ငံအား ရွေးချယ်ခဲ့သည်။
ရှိုင်းထက်ဇော်
No comments:
Post a Comment