Latest News

Thursday, July 12, 2018

ဘီးလူစည်း လူ့စည်း


ကာကွယ်ရေး ဦးစီးချုပ်၏ ညီလာခံ အဖွင့်မိန့်ခွန်းတွင် တပ်မတော် သည် ပြည်သူကြားမှ ပေါက်ဖွားလာ၍ ပြည်သူကို ကိုယ်စားပြုသည် ဆိုသော စကားရပ်ကြောင့် ဆိုရှယ် မီဒီယာ ပေါ်တွင် ပြင်းထန်စွာ ဝေဖန်ခြင်း ခံလိုက်ရပါတယ်။ ထိုမျှ နှင့် အားမရသေးပဲ ဖေ့စ်ဘုတ်ပေါ်တွင် ဆိုင်းဘုတ်များ ပုံပါအတိုင်း တင်လာခဲ့ကြပြန်ပါတယ်။

တပ်မတော်သည် ၎င်း ပြောသလို ပြည်သူကြားမှ ပေါက်ဖွားလာသည် ဆိုသော်လည်း တပ်မတော်ထဲ ရောက်သွားချိန်မှစ၍ အထက်အမိန့်ကိုသာ သေဆိုသေ ရှင်ဆိုရှင် နာခံကြရသော သူများ အဖြစ် ပြောင်းလဲသွားရပြီ ဖြစ်၍ မည်သို့နည်းနှင့်မျှ ပြည်သူတို့၏ လိုလားချက် အကျိုးစီးပွားကို ဦးထိပ်ပန်ဆင်ခဲ့ခြင်း မရှိသည်မှာ သမိုင်း အဆက်ဆက် သက်သေ ပြပြီး ဖြစ်ခဲ့သည် ဆိုသော အချက်ကို ၀ိုင်းဝန်း ထောက်ပြလာခဲ့ကြပါတယ်။

ထို့အပြင် တပ်မတော် သား များသည် အသက်မွေး ၀မ်းကျောင်း လုပ်ငန်းတခု အဖြစ် မိမိတို့ သဘောအလျောက် တပ်ထဲ ၀င်သွားခဲ့ကြသူများ သာ ဖြစ်၍ ပြည်သူများ က ရွေးချယ် စေလွှတ်ခဲ့သူ တဦးတယောက်မျှပင် မပါဝင်ဟု လည်း ပြောသူများ ရှိလာခဲ့ပါတယ်။ ထိုသို့ ၀င်လာခဲ့သူများ အနေဖြင့် လည်း We serve to protect ဟု တိုင်းပြည်၏ အချုပ်အခြာ အာဏာကို ကာကွယ် ထိမ်းသိမ်းစောင့်ရှောက်ပါမည်ဟု ကတိသစ္စာ ပြုပြီးမှသာ ၀င်ရောက်ခံခဲ့ကြတာလည်း ဖြစ်ပါတယ်။ We serve to represent people ဟူ ၍ မဟုတ်ပေ၊ ထိုနှစ်ချက်ကို ရှင်းလင်းစွာ ပိုင်းခြားသိထားသင့်ပါတယ်။

အခြားသော ၀န်ကြီးဌာန လက်အောက်ခံ အဖွဲ့အစည်းများကဲ့သို့ တပ်မတော်သည် လည်း ကာကွယ်ရေး ၀န်ကြီးဌာန လက်အောက်ခံ အဖွဲ့အစည်းတခုမျှသာ ဖြစ်၍ ကာကွယ်ရေး ဦးစီးချုပ် အနေဖြင့် ပန်းသီး နှင့် လိမ္မော်သီးကို နှိုင်းယှဉ် ပြောသွားသလို ဖြစ်နေတယ်ဟု လည်း ဆိုပါတယ်။

ပြည်သူအများစု က တပ်မတော်သည် လူထုကို ကိုယ်စားပြု ဆိုသည်ထက် တိုင်းရင်းသား ပေါင်းစုံ ပါဝင်သည်ဟု အပြော လျော့စေချင်တာလည်း သဘာဝ ကျပါတယ်။

နိူင်ငံရေး ပါတီများသည် ၎င်းတို့ကို ထောက်ခံသူများ သာ ကိုယ်စားပြုသည် ဆိုသော စကားသည်လည်း သဘာဝ မကျ လှပေ။ ဤသည်က ဒီမိုကရေစီ နည်းလမ်းဖြင့် ပြည်သူအများ ၏ ယုံကြည်ကိုးစားမှုကို ရယူကာ တိုင်းပြည် အာဏာကို အပ်နှင်းခြင်း ခံခဲ့ရသူများ အား သေးသိမ်အောင် ပြောဆိုခြင်း သက်သက်မျှ ဖြစ်ပါတယ်။

သို့သော် နိူ်င်ငံရေး နယ်ပါယ်သို့ ၀င်ရောက် ပြီး တပ်မတော်သည် ပြည်သူကို ကိုယ်စားပြုသည် ဆိုငြားအံ့ တပ်မတော် ကာကွယ်ရေး ဦးစီးချုပ်သည်ပင် ပြည်သူအများက ကိုယ်စားပြု၍ နိူင်ငံတော် အကြီးအကဲအဖြစ် အလိုလိုနေရင်း ရောက်နေသည့် ပုံနှယ် ဖြစ်လာရပါတယ်။

ပြည်သူများက တပ်မတော်သည် မိမိတို့ ကျွမ်းကျင်ရာ နယ်မြေ မဟုတ်သည့် နိူင်ငံရေးတွင် ၀င်ရောက်ပြီး ၎င်းတို့ ယုံကြည်ကိုးစားခြင်း အလျင်းမရှိပဲ ၎င်းတို့၏ အရေး အရာ များကို ၀င်ရောက် စွက်ဖက် ချယ်လှယ်နေကြသည့် အဖြစ်ကို မည်သို့မျှ မရှု့စိမ်မလိုလားကြပဲ လက်နက်အားကိုးဖြင့် အနိူင်ကျင့် ခံရခြင်း သက်သက်မျှဟု သာ သဘောထား နေခဲ့ကြရတာ ဖြစ်ပါတယ်။

လက်တင် အမေရိက တိုက်တွင် Guns or Butter ဟူသော ဆိုရိုး တခုက ရှိခဲ့ဖူးပါတယ်။

တိုင်းပြည်တွင် ဆင်းရဲ ချမ်းသာ ကွာဟမှု က ကြီးမားနေဆဲ ဖြစ်ပြီး နဖူးကချွေး ခြေမကျအောင် ရုန်းကန် လှုပ်ရှားနေရသူများ ၇၀% ခန့် ရှိနေ၍ အများစုကြီး ဟု ဆိုကြပါစို့။

အလွယ်ဆုံး ဥပမာ နှင့် ပြောရလျင်

တပ်မတော်မှ အဆိုပါ လက်လှုပ်မှ ပါးစပ်လှုပ်ရရှာသော လူတယောက်အား ငါတို့ တိုင်းပြည် ငြိမ်းချမ်းရေး ရဖို့ လက်နက်ကိုင် သောင်းကျန်းသူတွေ တိုက်မှ ဖြစ်မယ်ကွာ၊ ဒါမှ ငြိမ်းချမ်းရေး ရမယ်။ ဒီတော့ ငါတို့ လက်နက်တွေ ၀ယ်ဖို့ မင်းတို့ ဒီထက်တော့ ပို အငတ်ခံပေး ဟု ပြောလာသည် ဆိုပါစို့။

အဆိုပါ ဆင်းရဲသား က ကျွုပ်တို့တော့ ဒီထက် အငတ်မခံနိူင်ဖူး၊ ငြိမ်းချမ်းရေး လည်း မရရင် နေဗျာ ဟု ပြောမည်ပင် ဖြစ်သည်။

ထိုအခါ တပ်မတော်က ဒီမျှ နှင့် ရပ်မသွား၊ ဒါဆိုလည်းကွာ ငါတို့လည်း လက်နက်ဝယ်၊ မင်းတို့လည်း မငတ်အောင် ငါတို့ ၀င်ပြီး စီမံအူပ်ချုပ်ရင်ကောကွာ။

အမလေး မောင်မင်းကြီးသားတို့ရယ် ကိုယ့်နေရာ ကိုယ်နေကြပါ၊ ကျုပ်တို့ အရေး ကို စီမံပေးဖို့ ကျုပ်တို့ ယုံကြည်ရတဲ့ နိူင်ငံရေး သမားတွေကိုပဲ ရွေးချယ်ပါရစေ၊ မောင်မင်းကြီးသားတို့ကြောင့် ကျုပ်တို့ကျောတွေမှာလည်း အသားမာ တက်အောင် ခံခဲ့ရပြီးပါပြီဗျာ။ နိူင်ငံရေး သမား ဆိုတာ ကျုပ်တို့ ဒီနေ့ မယုံကြည်တော့ဖူးဆို နောက်တခါ ရွေးကောက်ပွဲမှာ ဖြုတ်ချလို့ရတယ်၊ ကျေးဇူးတင်ပါတယ်၊ အေးအေးသာ နေကြပါ ဟု ပြန်ပြောခဲ့တယ် ဥပမာ ပဲ ဖြစ်ပါတယ်။

မိမိနိူင်ငံတွင်မူကား အထက်က ဆိုခဲ့သည့်အတိုင်း ပြည်သူတို့မှ မိမိတို့၏ အရေး ကို စီမံခန့်ခွဲရန် လွှတ်တော်သို့ ရွေးချယ် စေလွှတ်ခံရသူ များသည် တိုင်းပြည်ရှိ များပြားလှသော စိမ်ခေါ်မှု များကို ရင်ဆိုင်ဖြေရှင်းနေရပြီး ထိုအထဲတွင် အခြားသော ဒီမိုကရေစီ နိူင်ငံများ နှင့် မတူ စိမ်ခေါ်မှု များကို ရင်ဆိုင်ရာတွင် မိမိသွားလိုသော ခရီးကို တည့်တည့်မတ်မတ်သွားလို့မရပဲ နည်းမျိုးစုံ ဖြင့် ရှောင်ကွင်း လုပ်နေရသည့် အမှုကြီးက မားမားကြီး ခံနေရသည်အဖြစ်ကို သိချင်မှ သိပေမည်။

ဤအမှုကား ထစ်ကနဲ ဆို လက်နက်စွဲကိုင်၍ ပြည်သူ့အာဏာ ကို အတင်းအကျပ် ပြန်လည် လုယူမည့် အဖွဲ့အစည်းကြီးက အဆင်သင့် ရှိနေသည် ဆိုခြင်းပင်။

ကမ္ဘာပေါ်ရှိ ပြည်သူ့ ကိုယ်စားလှယ် အစိုးရပေါင်းများစွာ သည် တိုင်းပြည်ရန်စူးရန်ညှောင့် များ ကို ကာကွယ်ရန် လက်နက် အပ်နှင်းခံထားရသော အဖွဲ့အစည်း၏ ဖယ်ရှားခံရ၊ ကဗြောင်းကဗြန် လုပ်ခံရ၊ ဖျက်လို ဖျက်ဆီး လုပ်ခံရသည်မှာ လူ့သမိုင်း အဆက်ဆက် ရှိခဲ့ကြပြီး မဟုတ်ပါလား၊ ထို့အတွက် သွေးထွက်သံယိုမှု များ မဖြစ်ပေါ်ရေး အတွက် အစိုးရများ က ၎င်းအဖွဲ့အစည်း၏ ရိုကျိုးမှု ရရှိရေး နည်းလမ်းပေါင်း များစွာ ကျင့်သုံးရှာဖွေနေရဆဲ လည်း ဖြစ်ပေသည်။

ထို့အတွက် သူများ တနာရီ လောက် လှမ်းရမည့် ခရီးကို ချောင်ကြိုချောင်ကြားမှ လှည့်ပါတ် ရှောင်ကွင်း သွားနေရ၍ နေ့ဝက်လောက်ကြာမှ ရောက်နိူင်ကြရမည့် အဖြစ်ကို နားလည် ပေးသင့်လှပေသည်။
လှစိုးဝေ














No comments:

Post a Comment