၂ဝ၁၈ ခုနှစ် တက္ကသိုလ်ဝင်စာမေးပွဲအောင်မြင်သော ကျောင်းသား ကျောင်းသူများအတွက် ယခုနှစ်မှစတင်၍ ရန်ကုန်နှင့် မန္တလေးမြို့တို့ရှိ ရန်ကုန်တက္ကသိုလ်၊ မန္တလေးတက္ကသိုလ်၊ ရန်ကုန်နည်းပညာတက္ကသိုလ်၊ မန္တလေးနည်းပညာတက္ကသိုလ်၊ နည်းပညာတက္ကသိုလ်(မန္တလေး)၊ ရန်ကုန်နိုင်ငံခြားဘာသာတက္ကသိုလ်၊ မန္တလေးနိုင်ငံခြားဘာသာတက္ကသိုလ်၊ ရန်ကုန် စီးပွားရေးတက္ကသိုလ်၊ ရန်ကုန်ပညာရေးတက္ကသိုလ်၊ ရန်ကုန် သတင်းအချက်အလက်နှင့် နည်းပညာတက္ကသိုလ်၊ မန္တလေးသတင်း အချက်အလက်နှင့် နည်းပညာတက္ကသိုလ် စသည့် တက္ကသိုလ် (၁၁)ခု၌ တက္ကသိုလ်ဝင်ခွင့်ရွေးချယ်ရေးကို ကိုယ်ပိုင်အစီအစဉ်ဖြင့် ခေါ်ယူတော့ မည်ဟု ကြားသိရသဖြင့် အဆိုပါ တက္ကသိုလ် (၁၁)ခုတွင် ပါဝင်သော နိုင်ငံခြားဘာသာ တက္ကသိုလ်(ရန်ကုန်) ပါမောက္ခချုပ် ဒေါက်တာကြည် ရွှင်နှင့် ကြေးမုံမှ သွားရောက်တွေ့ဆုံမေးမြန်းခဲ့သည်ကို ဖော်ပြလိုက်ပါ သည်။
မေး။ ။ ၂ဝ၁၈ ခုနှစ်မှာ တက္ကသိုလ်ဝင်တန်းစာမေးပွဲ အောင်တဲ့ကျောင်း သားတွေဟာ တက္ကသိုလ်(၁၁)ခုရဲ့ ဝင်ခွင့်တွေကို ဖြေဆိုခွင့်ရမယ်။ အဲဒီလို ဝင်ခွင့်စနစ် ပြောင်းလဲ လိုက်တဲ့အပေါ်မှာ အားသာချက်၊ အားနည်း ချက်လေးတွေကို သုံးသပ်ပြောကြားပေးပါဦး။
ဖြေ။ ။ အခုပြောင်းလဲလိုက်တဲ့စနစ်က အရင်စနစ်တွေ ထက် နှိုင်းယှဉ် လိုက်ရင်တော့ ပိုပြီးအားသာချက်တွေများ တဲ့စနစ်လို့ ပြောချင်ပါတယ်။ စနစ်ပြောင်းလဲလိုက်တဲ့အတွက် အားနည်းချက်ရှိကောင်းရှိလိမ့်မယ်။ ဒါပေမယ့် အဲဒီစနစ် အားသာချက်၊ အားနည်းချက်တွေကို စနစ်တကျဆောင် ရွက် နေပါတယ်။ ပထမဦးဆုံး အားသာချက်အနေနဲ့ ကျွန်တော် တို့ တက္ကသိုလ်ကို စိတ်ပါဝင်စားတဲ့ ကျောင်းသား ကျောင်း သူတွေကို တိုက် ရိုက်ခေါ်ယူခွင့်ရမယ်။ ကျောင်းသားတွေ ရဲ့စိတ်ဝင်စားမှု၊ စိတ်မဝင်စားမှုက ဘယ်အပေါ်မှာ မူတည် လဲဆိုတော့ ရွေးချယ်မှုအပေါ်မှာ မူတည်ပါတယ်။
အရင်တုန်းက ပညာရေးဝန်ကြီးဌာန အဆင့်မြင့်ပညာ ဦးစီးဌာနက တာဝန် ယူပြီး မြန်မာနိုင်ငံမှာရှိတဲ့ တက္ကသိုလ် အားလုံးကိုယ်စား ဆေးတက္ကသိုလ် အစ ခေါ်လိုက်တော့ ကျောင်းသားတွေရဲ့ စိတ်ဝင်စားမှု၊ မဝင်စားမှုကို သိတော့ မသိနိုင်ဘူး။ သို့သော် ကျောင်းသားတွေကတော့ သူတို့ စိတ်ဝင် စားရာ လျှောက်ကြမှာပဲ။ လျှောက်ရမယ့်တက္ကသိုလ် စာရင်း စုစုပေါင်း ၂ဝ လောက်ပါနေတယ်ဆိုတော့ ကျွန်တော်တို့ကျောင်းကို ကျောင်းတက်ဖို့ ရောက်လာတဲ့ အချိန်မှ နာမည်အရ လက်ခံလိုက်ရတယ်။ အမှန်တကယ် စိတ်ဝင်စားမှုရှိ၊ မရှိ မသိရဘူး။ လေ့လာဆန်းစစ်မှုအရ ဆေးတက္ကသိုလ်၊ နည်းပညာတက္ကသိုလ်၊ ကွန်ပျူတာ တက္ကသိုလ်၊ ပညာရေးတက္ကသိုလ် မဝင်နိုင်တဲ့ ကျောင်းသား ကျောင်းသူတွေ မတက်နိုင်တော့ ကျွန်တော်တို့ ကျောင်းကို ရောက်လာတယ်။ ဒီကို ရောက်လာတဲ့ကျောင်းသားတွေ အမှတ်ကမြင့်ပါတယ်။
ဒါပေမယ့် သူတို့တွေ ပထမဦးစားပေးတက္ကသိုလ် မဟုတ်ဘဲနဲ့ ကျွန်တော် တို့ကျောင်းကို ရောက်လာတယ်။ အခု ဒီစနစ်ကျတော့ ကျွန်တော်တို့ တက္ကသိုလ်ကို အမှန်တကယ် စိတ်ဝင်စားတဲ့ကျောင်းသားတွေပဲ လျှောက်ကြ တော့မယ်ဆိုတဲ့ ရာခိုင်နှုန်းက များလာပြီ။ တကယ်စိတ်ဝင် စားတဲ့သူတွေ ဝါသနာပါတဲ့သူတွေကို ဆန်းစစ်ရွေးချယ် နိုင်မှာဖြစ်တဲ့ အတွက် အကောင်းဆုံးအားသာချက်လို့ ပြောလို့ ရပါတယ်။ အားနည်းချက် အနေနဲ့ကတော့ ရေးဖြေစာမေးပွဲ မရှိဘူး။ နှုတ်ဖြေစာမေးပွဲပဲ ဖြေရမယ်လို့ ကြေညာလိုက် တယ်။ ကြေညာလိုက်တဲ့အခါမှာ နှုတ်ဖြေစာမေးပွဲကြီးက လာဘ်ပေးလာဘ်ယူမှုတွေ မပေါ်လာနိုင်ဘူးလားလို့ ပြည်သူ လူထုက တုံ့ပြန်ကြတယ်။
ဒါနဲ့ပတ်သက်လို့ ပြောချင်တာက ကျွန်တော့် တက္ကသိုလ်ကို ရွေးချယ်မယ့် ကျောင်းသား ကျောင်းသူတွေ ကို ရွေးချယ်မယ့် စည်းမျဉ်း စည်းကမ်းကို ရှင်းပြချင်ပါတယ်။ နံပါတ်တစ်အနေနဲ့ တက္ကသိုလ်ဝင်တန်း အောင်တဲ့အမှတ် ကို အလေးအနက်ထား စဉ်းစားမယ်။ ဒီကျောင်းသားကို ဝင်ခွင့်ပြုသင့်၊ မပြုသင့်ဆိုတဲ့အထဲမှာ ရာခိုင်နှုန်းအများစု ကတော့ တက္ကသိုလ်ဝင်တန်း စာမေးပွဲ အမှတ်အနည်းအများ ကို တန်းစီမှာပါ။ အရင်နှစ်တုန်း ကလည်း ကျွန်တော်တို့ ကျောင်းကို အမှတ်မြင့်တဲ့သူတွေ တက်ကြတယ်။ အမြင့်ဆုံး ဆိုရင် ၅၁၇ မှတ်ရှိတယ်။ အနိမ့်ဆုံးဆိုရင် ၄၃ဝ လောက်ရှိတယ်။ ဒီနှစ်မှာ ပြိုင်ဆိုင်မှုက ပိုပြီးပြင်းထန်မယ်လို့တော့ထင်တယ်။ ဘာဖြစ်လို့လဲဆိုတော့ အရင်နှစ်က အထိ အောက်မြန်မာပြည် ကျောင်းသား ကျောင်းသူတွေ ကိုပဲ ရွေးချယ်ခဲ့တယ်။ ဒီနှစ်မှာတော့ မြန်မာ တစ်နိုင်ငံလုံးက ကျောင်းသား ကျောင်းသူတွေထဲက ရွေးချယ်မှာဆိုတော့ ကျွန်တော်တို့ကျောင်းကို စိတ်ပါ ဝင်စားလို့ ရောက်လာမယ့် ပြည်နယ်နဲ့တိုင်းဒေသကြီးက ကျောင်းသား ကျောင်းသူတွေ ရာခိုင်နှုန်းတော်တော်များများ ပါလာမယ်လို့ထင်တယ်။ အဲဒီအတွက် အောက်မြန်မာပြည်က ကျောင်းသား ကျောင်းသူတွေချည်း ယှဉ်ပြိုင်တာ ထက်စာရင် အထက် မြန်မာပြည်က အမှတ်ကောင်းတဲ့ ကျောင်းသားတွေ ဆင်းလာမယ်။ ပြိုင်ဆိုင်မှုက ပိုပြင်းထန်လာမယ်။
ဒါကြောင့် တက္ကသိုလ်ဝင်တန်း အမှတ်များများရရှိ ထားခြင်းက အရေး ကြီးနေဦးမှာပဲ။ ကျွန်တော်တို့ ဝင်ခွင့်ပြု သင့်၊ မပြုသင့် စဉ်းစားတဲ့ အခါ မှာလည်း ဒီအချက်ကို အဓိကထား စဉ်းစားဦးမှာပါ။ လာဘ်ပေးလာဘ်ယူ ကိစ္စ တွေနဲ့ ပတ်သက်လို့လည်း လူတွေကို အသိပညာပေးဖို့ လိုတယ် လို့တော့ ထင်ပါတယ်။ ဘာကြောင့်လဲဆိုတော့ လူတွေရဲ့အမြင် မှာ အထူးသဖြင့် ကျောင်းသား ကျောင်းသူ မိဘတွေရဲ့အမြင်မှာ ပါမောက္ခချုပ်၊ သက်ဆိုင်ရာပါမောက္ခ၊ ဌာနမှူးတွေကို ချဉ်းကပ်မယ်ဆိုရင် ငါ့သားသမီးကို ရွေးချယ်ခံရနိုင်တယ်ဆိုတဲ့ အထင်အမြင်လွဲမှားမှုတွေရှိနိုင် တယ်။ အဲဒီအချက်ကတော့ မှားနေတယ်လို့ ကျွန်တော့် အနေနဲ့ ပြောချင်ပါတယ်။ ကျွန်တော့်အနေနဲ့ပြောရရင် ဝင်ခွင့်ရွေးချယ်တဲ့စနစ်ကြီးတစ်ခုလုံးကို တည်ဆောက်တဲ့သူ တာဝန်အရှိဆုံးလူက ကျွန်တော်ပဲ။ သို့သော် ကျောင်းသား တစ်ယောက်ကို ကျွန်တော်က ရွေးပိုင်ခွင့်မရှိဘူးဆိုတာကို ရှင်းရှင်းလင်းလင်း ပြောချင်တယ်။ အထူးသဖြင့် ငါနဲ့ခင်လို့၊ ငါ့အသိမိတ်ဆွေ မို့လို့၊ လာကန်တော့လို့ ဒီလူကို ထည့်လိုက် ပါဆိုတဲ့စနစ် ထည့်မထားဘူး။
အဲဒီလိုပဲ သက်ဆိုင်ရာဘာသာရပ်ရဲ့ ပါမောက္ခကို လည်း လုပ်ပိုင်ခွင့်ပေး မထားဘူး။ ကျောင်းသားတစ်ယောက် ကို လူတွေ့စစ်ဆေးပြီး အမှတ်ပေး တဲ့လူတွေထဲမှာ ပါမောက္ခချုပ်သော်လည်းကောင်း၊ သက်ဆိုင်ရာပါမောက္ခ သော်လည်းကောင်း ပါ၊ မပါဆိုတာ မပြောနိုင်ဘူး။ မပြော နိုင်အောင်လည်း လုပ်ထားပါတယ်။ ဒါကြောင့် ကျောင်း သားတစ်ယောက်ဟာ ကျွန်တော့်ကျောင်းထဲကို နှုတ်ဖြေ စာမေးပွဲဖြေဖို့ဝင်လာတယ်ဆိုရင် သူဟာ ဘယ်သူနဲ့ တွေ့ရ မယ်ဆိုတာ သူမသိပါဘူး။ လူနည်းစုက ဝိုင်းစစ်ဆေးမှာ လည်း မဟုတ်ဘူး။ စစ်ဆေးမယ့်အဖွဲ့ကို ကြီးကြီးမားမား ဖွဲ့စည်းထားပါ တယ်။ အဲဒီမှာ အဖွဲ့ ၁၊ ၂၊ ၃ ဆိုပြီး ခွဲထား မယ်။ ဒီနေ့ လူ ၂၅ဝ အင်တာ ဗျူးခေါ်မယ် ဆိုရင် လူ ၂၅ဝ ကိုပဲ ကြေညာလိုက်မယ်။ အဲဒီလူတွေဟာ ကျောင်းထဲကို ရောက်လာမယ်။ ၉ နာရီ အင်တာဗျူးစမယ်ဆိုရင် ၈ နာရီ ခွဲလောက်မှ ကျွန်တော်က ကွန်ပျူတာပရိုဂရမ်တစ်ခုကိုRun လိုက်မယ်။ ဘယ်သူဟာ ဘယ်အုပ်စုထဲကို ရောက်သွား မယ်ဆိုတဲ့ အဖြေထွက် လာ မယ်။ အဲဒီတော့မှသာ ကျောင်း သားတွေဟာ သတ်မှတ်ထားတဲ့နေရာကို သွားရမှာဖြစ် တယ်။ ဒါကြောင့် အားနည်းချက်တွေ ရှိကောင်းရှိနိုင်သော် လည်း ကျွန်တော်ကတော့ လာဘ်ပေးလာဘ်ယူမှု လုံးဝ ကင်းစင်နိုင်အောင် အဓိက စီစဉ်ဆောင်ရွက်ထားပါတယ်။
မေး။ ။ ဝင်ခွင့်လျှောက်လွှာတွေကို စခေါ်မယ့်ရက်ရယ်၊ ရွေးချယ်မယ့် လုပ်ငန်းစဉ်အကြောင်းလေးတွေကိုလည်း ပြောပြပေးပါဦး။
ဖြေ။ ။ တက္ကသိုလ်ဝင်စာမေးပွဲ အောင်စာရင်းထွက်ပြီးတာ နဲ့ သတင်းစာထဲ ကနေ ရက်သတ်မှတ်ပြီး ကြေညာမှာပါ။ ကျောင်းသား ကျောင်းသူတွေရဲ့ လျှောက်လွှာကို အချိန်ယူ စောင့်ဆိုင်းပြီး လက်ခံမယ်။ ကာလအားဖြင့် တစ်လ သို့မဟုတ် တစ်လခွဲလောက် ကြာသွားနိုင်တယ်။ လျှောက်လွှာ ကိုလည်း ဝင်ခွင့်အိတ်တွေထဲမှာ ထည့်ပေးဖို့ ကြိုးစားနေ တယ်။ ရန်ကုန်နိုင် ငံခြားဘာသာတက္ကသိုလ်ရဲ့ ဝက်ဘ်ဆိုက်၊ ပညာရေးဝန်ကြီးဌာနရဲ့ ဝက်ဘ် ဆိုက်တွေမှာလည်း အလွယ် တကူ မိနစ်ပိုင်းအတွင်း ရယူနိုင်အောင် တင်နိုင်တယ်။ ဒါကြောင့် ကျောင်းသားတစ်ယောက်ဟာ တက္ကသိုလ်ဝင် တန်း အောင်မြင်ပြီး မိမိရဲ့အမှတ်ကို သိရှိပြီးတဲ့အချိန်မှာ ချက်ချင်းပဲ ကျွန်တော်တို့ဆီကို လျှောက်လွှာတွေပို့နိုင်တယ်။ စာတိုက်ကတစ် ဆင့် လည်း ပို့နိုင်သလို ကျောင်းဝင်းထဲကို လည်း လူကိုယ်တိုင် လာရောက် ပို့နိုင်ပါတယ်။ လျှောက်လွှာ ပုံစံရယူနိုင်ဖို့က သတင်းစာထဲမှာလည်းပါမယ်။ ဝက်ဘ်ဆိုက် တွေမှာတင်ထားမယ်။ တက္ကသိုလ်မှာလည်း ရောင်းပေး မယ်။ လျှောက်လွှာရဖို့အတွက် အဆင်မပြေမှုမရှိအောင် လုပ်ထားမယ်။ လျှောက်လွှာလက်ခံတာလည်း စာတိုက်က နေ မှတ်ပုံတင်ပြီးပို့လိုက်တာနဲ့ သတ်မှတ်ထားတဲ့နေ့မှာ အကုန်ရောက်လာမယ်။ လျှောက်လွှာတွေ ကျွန်တော်တို့ဆီ ရောက်လာတဲ့အခါ ကျောင်းသားတွေကို
စိစစ်ပါမယ်။ စိစစ်တဲ့အခါ အင်္ဂလိပ်ဘာသာရပ်ကို လျှောက်တာလား၊ ဂျပန်ဘာသာရပ်ကိုလျှောက်တာလား၊ ကိုရီးယားဘာသာရပ် ကို လျှောက် တာလား စသည်ဖြင့် စိစစ်ပြီးမှ အမှတ်အနည်း အများလည်း တန်းစီပါမယ်။ ခေါ်သင့်ခေါ်ထိုက်တဲ့ ကျောင်း သားတွေကို အင်တာဗျူးခေါ်မှာဖြစ်ပါတယ်။ ဥပမာ- အင်္ဂလိပ် စာ လူ ၁၅ဝ ခေါ်မယ်ဆိုရင် လူ ၃ဝဝ ကျော်လောက်ကို အင်တာဗျူးခေါ်မယ်။ သေသေချာချာစိစစ်မယ်။ အရင် တုန်းကလိုတော့ အမှတ်နဲ့ တန်းစီပြီး ဖြတ်လိုက်တာမျိုး မဟုတ်ဘူး။ အင်တာဗျူးရက် ဖြစ်နိုင် တာကတော့ သြဂုတ် လဆန်းလောက် ကြေညာချက်ထဲမှာပါမှာပါ။ အဲဒီလောက် အင်တာဗျူးမယ်။ ကျွန်တော်တို့တက္ကသိုလ်ဟာ စုစုပေါင်း ကျောင်းသား ကျောင်းသူ ၁ဝ၅ဝ ကို လက်ခံမှာဖြစ်ပြီး အများဆုံး လူ ၅ဝဝဝ အထိ အင်တာဗျူးမယ်လို့ မှန်းထား ပါတယ်။ ဒါကြောင့် အနယ်နယ် အရပ်ရပ်က ကျောင်းသား ကျောင်းသူ အများစုဟာ ကိုယ့်ရဲ့စွမ်းရည်တွေကို ပြသ ခွင့်ရမှာ ဖြစ်ပါတယ်။
မေး။ ။ ကျောင်းသား ကျောင်းသူတွေအနေနဲ့ ကိုယ် ဝင်ခွင့်ဖြေမယ့် ဘာသာ ရပ်တွေကို ဘယ်လိုမျိုး ကြိုတင် လေ့လာထားသင့်တယ် ဆိုတာ ကိုလည်း ရှင်းပြပေးပါဦး။
ဖြေ။ ။ ကျွန်တော်တို့အနေနဲ့ ကျောင်းသား ကျောင်းသူ တွေကို ကြိုတင်လေ့လာ ထားစရာ မလိုအောင်တော့ စီစဉ် ထားပါတယ်။ ကျောင်းသား ကျောင်းသူတစ်ယောက်ဟာ တက္ကသိုလ်ဝင် စာမေးပွဲဖြေပြီး ပြီဆိုရင် အောင်မြင်တယ် ဆိုရင်၊ သတ်မှတ်ထားတဲ့အမှတ်တွေ မီတယ် ဆိုရင် တစ်ခါ တည်းဖြေလို့ရအောင် လုပ်ထားပါတယ်။ သို့သော် ကျောင်း သား ကျောင်းသူတွေကို ပြောချင်တာကတော့ ကျွန်တော် တို့ အင်တာဗျူး တဲ့အခါမှာ တကယ့်ကျောင်းသားကောင်း တစ်ယောက် ရွေးချယ်ဖို့တော့ ဆရာ ဆရာမတစ်ယောက် အနေနဲ့ စဉ်းစားထားတယ်။ ကျောင်းသား ကျောင်းသူတွေ ဟာ ကျောင်းသားကောင်းတစ်ယောက်ဆိုတာ ဘာလဲ ဆိုတာ သိထားဖို့လိုတယ်။ ဘာကြောင့် ဒီစကားကို ပြောတာလည်း ဆိုရင် ခုခေတ်ပညာသင်ကြားရေးမှာ လွဲမှားနေတဲ့ အတွေး အခေါ်လေးတွေဟာ ကျောင်းသား ကျောင်းသူတွေမှာ ရှိနေတယ်။ လက်ရှိ ကျောင်းသား ကျောင်း သူတွေဟာ ဆရာ ဆရာမတွေကို အားကိုးလွန်းတယ်။ ဆရာ ဆရာမ တွေ နှုတ်တိုက်သင်ပေးမှ တတ်ကြတယ်။ ဆရာ ဆရာမရဲ့ သင်ကြားမှုကို အပြည့်အဝခံယူပြီးမှပဲ စာတတ်ချင်ကြတယ်။
အမှန်က စာတတ်တယ်ဆိုတာ အသိပညာ ကျွမ်းကျင်မှု၊ ကိုယ်ရည် ကိုယ်သွေး ဒါတွေကို ရယူတဲ့အခါမှာ တော့ ကျောင်းသားတွေဟာ အရေး ကြီးတယ်။ မိမိ တတ်မြောက်လိုတဲ့ ပညာကို မိမိကိုယ်တိုင်အားထုတ်မှသာ တတ်ရမယ်ဆိုတဲ့ အတွေးအခေါ်ပြောင်းဖို့ လိုပါတယ်။ ကျွန်တော်တို့ ကတော့ အဲဒါနဲ့ပတ်သက်တဲ့ မေးခွန်းလေးတွေ နည်းနည်းပါးပါးမေးမှာပါ။ ဆရာ ဆရာမတစ်ကြိမ်သင်ပြီးရင် ကိုယ်က ၁ဝ ကြိမ်စာလောက် လေ့လာ ရမယ်။ လေ့လာတဲ့ အခါမှာ နည်းလမ်းမျိုးစုံနဲ့ လေ့လာရမယ်။ ဒီအပေါ်မှာ သူ့ရဲ့ စိတ်အားထက်သန်မှုကိုလည်း ပြရမယ်။ ကိုယ်တတ် ချင်တဲ့ပညာ အတွက် ကိုယ်တိုင်လေ့လာအားထုတ်မှ ရမယ် ဆိုတဲ့ စိတ်ဓာတ်တွေ ရှိနေဖို့လိုတယ်။ ဒါတွေအတွက်လည်း မေးခွန်းတချို့ မေးဖို့လိုလိမ့်မယ် ထင်ပါတယ်။ ကျွန်တော် တို့ ကျောင်းဟာ စည်းကမ်းပိုင်းနဲ့ ပတ် သက်ပြီးတော့ လည်း အထိုက်အလျောက် စည်းကမ်းကြီးတဲ့ကျောင်း ဖြစ်ပါတယ်။ ဝတ်စားဆင်ယင်မှုကအစ ကျောင်းစည်းကမ်းလေးတွေကို လိုက်နာနိုင်မှုရှိ၊ မရှိ မေးပါမယ်။ နောက်တစ်ချက်က ပြောင်းလဲနေတဲ့ ပညာရေးစနစ်ထဲမှာ ကျောင်းအပ်နှံတဲ့အခါ မှာပဲဖြစ်ဖြစ်၊ ဝင်ခွင့်တင်တဲ့နေ ရာမှာပဲဖြစ်ဖြစ် ငွေရေး ကြေးရေးအရ၊ ဘဏ္ဍာရေးအရ ဝန်ထမ်းအင် အားတွေ သိပ်မသုံးတော့ဘူး။ AGD Bank ကပဲ လာလုပ်ပေးတယ်။
ကျောင်းသားတွေဟာ ကတ်စနစ်နဲ့သုံးပြီးတော့ ကျောင်း အပ်နှံတာတွေ ဆောင်ရွက်ရမှာ ဖြစ်ပါတယ်။ ဒါလေးတွေနဲ့ ပတ်သက်ပြီး ကျောင်းသားတွေ အဆင်သင့်ဖြစ်မှု၊ မဖြစ်မှု မေးခွန်းလေးတွေထဲမှာ ထည့်မေးမယ်။ နောက်တစ်ချက်က ဘာသာစကား အထုံဝါသနာပါမှု မြန်မာစာတို့၊ အင်္ဂလိပ်စာ တို့ကို ပြန်ပြီး ကျက်မှတ်စရာမလိုဘူး။ သင်တန်းတက်စရာ လည်း မလိုဘူး။ သာမန်လေးပဲ စကားလုံးအရ ရှစ်တန်း၊ ကိုးတန်း၊ ၁ဝ တန်းလောက် မြန်မာစာအင်္ဂလိပ်စာကို ရင်းနှီးမယ်ဆိုရင် ပေါ့ပေါ့ပါးပါး ဖြတ်သန်းနိုင်မယ့်ဟာလေး တွေကိုပဲ မေးမှာဖြစ်တယ်။ အဲဒီလိုပြော လိုက်တဲ့အတွက် လည်း ရှစ်တန်း၊ ကိုးတန်းစာတွေကို ပြန်ကြည့်စရာ မလိုဘူး။ ဒါတွေကို သူကျွမ်းကျင်ထားတယ်ဆိုရင် နေရာဌာနအလိုက် သူပြောတတ်သလား၊ မေးတတ်သလား၊ ဘာသာပြန်တတ် သလား ဆိုတာလေးတွေကိုပဲ မေးမှာဖြစ်တယ်။ အဓိက အချက်ကတော့ ကျောင်း သား ကျောင်းသူတစ်ယောက်ကို အထွေထွေဗဟုသုတမေးခွန်း လုံးဝမမေး ပါဘူး။ ဒုတိယ အချက်က ဒီဝင်ခွင့်နဲ့ပတ်သက်ပြီး ဘာကျူရှင်သင်တန်းမှ မတက်စေချင်ဘူး။ ကိုယ့်ရဲ့စွမ်းရည်၊ ကိုယ့်ရဲ့ဝါသနာကိုပဲ အမှန်အတိုင်း၊ အရှိအတိုင်း လာခဲ့ဖို့ ဆုံးဖြတ်စေချင်တယ်။
မေး။ ။ ဝင်ခွင့်ဖြေဆိုကြမယ့် ကျောင်းသား ကျောင်းသူ တွေအတွက် ဘယ်လို အကြံပြုချက်မျိုး ပေးချင်ပါသလဲ။
ဖြေ။ ။ စောစောကပြောခဲ့သလိုပဲ။ ကျောင်းသား ကျောင်း သူတွေဟာ လွဲမှား မှုအချို့လေးတွေ ရှိနေတယ်။ ဘွဲ့လက်မှတ်ကို အားကိုးလွန်းတယ်။ အောင်လက်မှတ် တစ်ခုရှိရင် အဲဒီလက်မှတ်ကိုအသုံးပြုပြီးမှ ဘဝ လမ်းကြောင်း ကို တည်ဆောက်ချင်တယ်ဆိုတဲ့ စိတ်ကူးဟာ မှားနေတယ်။ ဘွဲ့လက်မှတ်တွေဟာ တစ်ဦးချင်းစီရဲ့ စွမ်းရည်တွေကို မဖော်ပြနိုင်ဘူး။ ကမ္ဘာမှာ အကြီးဆုံးတက္ကသိုလ်ကြီးက ဆင်းလာတဲ့ ကျောင်းသား ၁ဝ ယောက်ရှိရင်တောင်မှ လုပ်ငန်းရှင်တစ်ယောက်က အဲဒီ ၁ဝ ယောက်ကို အလုပ် ပေးဖို့ဆိုရင် အတူတူ မစဉ်းစားဘူး။ ကိုယ်ရည်ကိုယ်သွေးနဲ့ တတ်မြောက်မှုက အဓိကကျတယ်။ ဒါကြောင့် ကျွန်တော့် ကျောင်းကို လာတဲ့အခါမှာ ဘွဲ့လက်မှတ်အတွက်နဲ့ မလာပါ နဲ့။ ရန်ကုန်နိုင်ငံခြား ဘာသာတက္ကသိုလ်လို့ပြောရင် အလုပ် ရှာဖွေမှုမှာ လွယ်ကူကောင်း လွယ်ကူ လိမ့်မယ်။ ဒါက နည်းလမ်းတစ်ခု သို့သော်လည်းပဲ ကိုယ်ပိုင် တတ်မြောက် မှုက ပိုအရေးကြီးပါတယ်။ ကျွန်တော်တို့ကျောင်းမှာ ပြုပြင် ပြောင်းလဲမှုကိုလုပ်တဲ့အခါမှာ ကျောင်းသားတွေရဲ့ ကိုယ်ပိုင် တတ်မြောက် မှုကို အလေးအနက်ထားတယ်။
ဒါကြောင့် အမှန်တကယ်ကြိုးစားအားထုတ်လိုပြီး အမှန်တကယ် တတ်မြောက်လိုတဲ့စိတ်ရှိတဲ့လူ၊ ဘဝ ရည်မှန်းချက် ပြတ်သားခိုင်မာတဲ့လူမှပဲ ကျွန်တော်တို့ လက်ခံချင်တယ်။ အဲဒီအတွက် ဒီကျောင်းကို ရည်မှန်းချက် ပြတ်သားခိုင်မာစွာနဲ့ လာစေချင်ပါတယ်။ ကျွန်တော်တို့ ကျောင်းပညာရေး ဟာ ကမ္ဘာပေါ်မှာ ဆွဲဆောင်မှုရှိတဲ့ ပညာရေး ဟုတ်ချင်မှလည်း ဟုတ်မယ်။ ထိုက်သင့်တဲ့နေရာ မှာ ကျွန်တော်တို့ပညာနဲ့ တိုင်းပြည်နဲ့ လူမျိုးကို အထောက် အကူပြုနေတဲ့အတွက် တကယ်ကြိုက်မှလာခဲ့စေချင်တယ်။ လာပြီဆိုရင်လည်း တကယ်တတ်မြောက်အောင် ကြိုးစား စေချင်တယ် ဆိုတာ ကို ကျွန်တော့်အနေနဲ့ အလေးအနက် ထား အကြံပြုပြော ကြားချင် ပါတယ်။ ကျောင်းသားမိဘတွေ ကိုလည်း မိမိသားသမီး ဒီတက္ကသိုလ် ဝင်ခွင့်ရဖို့ အတွက် ဖြတ်လမ်းနည်းတွေနဲ့ မကြိုးစားပါနဲ့။ မိဘဆိုတဲ့အမျိုးက စိုးရိမ်စိတ်လွန်ကဲတယ်။ သားသမီးတွေကို အချစ်လွန်တယ်။ ကျွန်တော်တို့ အင်တာဗျူးမှာလည်း ကျောင်းသားတွေကို မျက်နှာသာမပေးအောင်လည်း စီစဉ်ထားတယ်။ အဲဒီ အတွက် မိဘများကို တိုက်တွန်းချင်တာကတော့ မိမိ သားသမီးဘဝရှေ့ရေးအတွက် မိမိရဲ့ဆုံးဖြတ်ချက်ကို ကူညီ တဲ့ အခါမှာ လွဲမှားတဲ့နည်းလမ်းတွေ မသုံးကြပါနဲ့လို့ တိုက်တွန်းအကြံပြုချင်ပါတယ်။
ယခုလို မေးမြန်းခဲ့သည်များကို ဖြေကြားပေးခဲ့တဲ့ အတွက် အထူးကျေးဇူး တင်ပါတယ်။
တက္ကသိုလ်ဝင်ခွင့်စနစ် ပြောင်းလဲကျင့်သုံးမည့် ရန်ကုန် နှင့် မန္တလေးတို့မှ တက္ကသိုလ်ပါမောက္ခချုပ်တို့နှင့် အလျဉ်း သင့်သလိုတွေ့ဆုံ၍ မိဘများနှင့် ကျောင်းသား ကျောင်းသူ တို့ သိလိုသည်များကို မေးမြန်းဖော်ပြသွားပါမည်။
တွေ့ဆုံမေးမြန်း-ဌေးမင်း၊ ဓာတ်ပုံ-ခင်မောင်ဝင်း(ကြေးမုံ)
No comments:
Post a Comment