နှစ်သစ်အကြိုအဖြစ် ရွာသွန်းခဲ့သော သင်္ကြန်လက်ဆေး မိုးကြောင့် ရန်ကုန်မြို့၏ လမ်းအချို့တွင် ရေများကြီးခဲ့သည်။ နှစ်စဉ်နှစ်တိုင်း ကြုံတွေ့ရလေ့ရှိသော ရန်ကုန်မြို့ ရေကြီး ခြင်းကို တာဝန်ရှိသူတို့က ပိုမိုအားထုတ်လုံ့လပြု ဆောင် ရွက်နေသည်ကိုလည်း နွေရာသီအတွင်းမှာပင် နေ့ညနေရာ မရွေးတွေ့မြင်ခဲ့ရသည်။ ရေနုတ်မြောင်းများအတွင်းရှိ အမှိုက်သရိုက်များရှင်းလင်းခြင်း၊ မြောင်းချေးများ ဆယ်တင် ခြင်းတို့ကို ရန်ကုန်စည်ပင်ဌာနများ ဝိုင်းဖွဲ့ ကာ ကြိုးစားပမ်းစား ဆောင်ရွက်လျက်ရှိကြသည်ကိုလည်း ယခင်နှစ်များကထက် အကြိမ်ရေများစွာ တွေ့မြင်ခဲ့ရသည်။ ပြည်သူလူထု၏ ပူးပေါင်းမူကို ရယူကာ မြို့တော်သန့်ရှင်းရေးအတွက် လူမှုအဖွဲ့အစည်းများ၊ အစိုးရအဖွဲ့ အစည်းများ လက်တွဲအကောင်အထည်ဖော်ခြင်းကလည်း ယခင်ကထက် အကြိမ်ရေပိုစိပ်လာခဲ့သည်။
သို့သော်ငြားလည်း စည်းကမ်းမဲ့အမှိုက်စွန့်ပစ်မှုများကား နေရာအနှံ့ရှိဆဲပင်။ ဓာတ်တိုင်များတွင် စီးပွားရေးကြော်ငြာ ကပ်မှုများကား ရှိနေဆဲပင်။ နေ့စဉ်အမှိုက်သိမ်းလှည်းရှိပါလျက် ညစဉ်လမ်းမကြီးများတွင် အမှိုက်ထုပ်များ ရောက်ရှိနေဆဲပင်။ သက်ဆိုင်ရာအဖွဲ့အစည်းများအနေဖြင့် လူထုအသိပညာပေးမှုများ ပြုလုပ်နေသော်လည်း အချို့က လိုက်နာရန်ပျက်ကွက်နေဆဲပင်။ ထိုမျှကြီးမားသော သန့်ရှင်းရေး ပြဿနာပေါင်းစုံကို ယခုထက်ပိုမိုအသိပညာပေးရန် လိုအပ်လျက်ရှိသည်။ လမ်းအလိုက်ရှိ နေသော ရေနုတ်မြောင်းငယ်များကို နှစ်အလိုက်ခေတ်နှင့်အညီအနက်နှင့် အကျယ်ကို ချဲ့ထွင်သင့်ပေသည်။ မိသားတစ်စုချင်းစီ စွန့်ထုတ်နေသော ရေနုတ်မြောင်းအတွင်းသို့ အိမ်ထောင်စု ငါးဆယ်ခန့်အသုံးပြု မည်ဆိုပါက လမ်းပေါ်ရေလျှံရုံမှတစ်ပါး အခြားမရှိပြီကို သတိမူသင့်သည်။ လူအလစ် တွင် ချသွားသောအမှိုက်များကား မြို့တော်သန့်ရှင်းရေးအတွက် လွန်စွာအကျည်းတန် သည်ကို လူတိုင်းအသိတရား လက်ကိုင်ထားသင့်ပေသည်။
မကောင်းသော အနံ့အသက်များအကြား ပင်ပန်းဆင်းရဲခြင်းကြီးစွာ တာဝန် ထမ်းဆောင်နေရသော သန့်ရှင်းရေးဝန်ထမ်းများအပေါ် ကိုယ်ချင်းစာစိတ်ဖြင့် ကရုဏာ ထားသင့်ပေသည်။ နေပူမိုးရွာမရှောင် တစ်လမ်းဝင်တစ်လမ်းထွက် အချိန်မှန်ရောက်ရှိ လာတတ်သော သန့်ရှင်းရေးလှည်းများအပေါ် ပူးပေါင်းလိုစိတ်ဖြင့် ဝိုင်းဝန်းကူညီ သင့်ပေသည်။ လမ်းပေါ်ချထားခဲ့သော လက်ကမ်း ကြော်ငြာမှန်သမျှကို လူအုပ်ကြားထဲ တိုးဝှေ့ရင်း ပတ်ဝန်းကျင်သန့်ရှင်းရေး ဆောင်ရွက်နေကြသော ဝန်ထမ်းများကို မိမိတစ်နိုင်ကူညီသင့်ပေသည်။ အမှိုက်များစွန့်ပစ်ရာတွင်လည်း အမှိုက်စို၊ အမှိုက် ခြောက်နှင့် ဆေးရုံသုံးစွန့်ပစ်အမှိုက်တို့ကို သက်ဆိုင်ရာဌာနမှ အသိပေးလုပ်ငန်း စဉ်များအတိုင်း သတ်မှတ်အမှိုက်အိတ်များဖြင့် စနစ်တကျစွန့်ပစ်သင့်ပေသည်။ သို့မှသာ မလိုလားအပ်သော ပြဿနာပေါင်းစုံကို ရန်ကုန်လူထုမှ ရှောင်ရှားနိုင်မည်ဖြစ် သည်။
မကြာမီကာလအတွင်း မိုးရာသီသို့ ရောက်ရှိလာတော့မည်ဖြစ်ရာ သစ်ပင်စိုက်ပျိုး မည့် ကျောင်းများ၊ အဖွဲ့အစည်းများ၊ ဌာနဆိုင်ရာများအနေဖြင့် စိုက်ပျိုးရန် မြေနေရာကို ကြိုတင် သတ်မှတ်သင့်ပေသည်။ လျှပ်စစ်မီးကြိုးများ၊ တယ်လီဖုန်းလိုင်း ကြိုးများ အစရှိသော ရေရှည်တွင်အန္တရာယ်ဖြစ်ပွားလာနိုင်သည့်နေရာမျိုးတွင် သစ်ပင်စိုက်ပျိုးခြင်း ကို ရှောင်ရှားသင့်ပေသည်။ သို့မဟုတ်ပါက အချိန်တန် အရွယ်ရောက်လာသော သစ်ပင်တစ်ပင်သည် အကြောင်းအမျိုးမျိုးကြောင့် ခုတ်လှဲခံရမည်သာဖြစ်သည်။ သစ်တောဦးစီးဌာနကဲ့သို့သော နားလည်တတ်ကျွမ်းသည့် ပညာရှင်များ၏ အကြံပြုနေရာ များတွင်သာ သစ်ပင်စိုက်ပျိုးပါက ရေရှည်တည်တံ့အောင် ထိန်းသိမ်းထားနိုင်မည်ဖြစ်သည်။ ယခုနှစ်မိုးရာသီကာလတွင် သစ် ပင်စိုက်ပျိုးမည့်သူများအနေဖြင့် သတ်မှတ်အပင်အရေအတွက်စိုက်ပျိုးရုံသာမက ရေရှည်တည်တံ့ထိန်းသိမ်းထားနိုင်မည့် နေရာမျိုး၌သာ စိုက်ပျိုးသင့်ကြောင်း အကြံပြုပြောကြားလိုပါသည်။
မိုးရာသီကာလအတွင်း ဖြစ်ပွားလာနိုင်သည့် သစ်ပင် သစ်ကိုင်းကျိုးကျပြိုလဲမှုအန္တရာယ်၊ လျှပ်စစ်အန္တရာယ်၊ လမ်းမီး အလင်းရောင်နည်းခြင်းကြောင့် မြင်ကွင်းမရှင်းလင်းဘဲ ဖြစ်ပွားလာနိုင်သည့် ယာဉ်အန္တရာယ်၊ လမ်းအန္တရာယ်၊ မိုးတွင်းကာလ ကျန်းမာရေးဆိုင်ရာပြဿနာများအတွက် ကြိုတင်ညှိနှိုင်း အဖြေရှာဆောင်ရွက်သင့်ပေသည်။ လျှပ်စစ်မီးကြိုးများနှင့် သစ်ပင်သစ်ကိုင်းများ ထိမိပြီးဖြစ်ပေါ်လာနိုင်သည့် အန္တရာယ်ကိုလည်း ကြိုတင်ကာကွယ်သည့်အနေဖြင့် စောစီးစွာ ရှင်းလင်းထား သင့်ပေသည်။
သို့မှသာ မိုးတွင်းကာလတွင် ပြည်သူများ လျှပ်စစ်ဓာတ်အားကို အပြည့်အဝ အသုံးချနိုင်ပေမည်။
တစ်စီးနှင့်တစ်စီး ထိမိရုံ နီးနီးကပ်ကပ် မောင်းနှင်နေကြ သော မြို့တော်ရန်ကုန်အနှံ့မှ မော်တော်ယာဉ်များအနေဖြင့် လည်း ရေသုတ်တံအပါအဝင် ဘီးတာယာများ၊ လမ်းပေါ်သို့ ဆီယိုစိမ့်ခြင်းကင်းဝေးရန် မိုးကြိုကာလ၌ စစ်ဆေးပြင်ဆင်သင့် ပေသည်။ သို့မှသာ မိုးရွာချိန်တွင် မိမိမော်တော်ယာဉ်ကို အန္တရာယ်ကင်းရှင်းစွာ မောင်းနှင်နိုင်ပေမည်။
အချုပ်အားဖြင့် တင်ပြရသော် ရန်ကုန်မြို့တော်တွင် နေထိုင် သူများအဖို့ ဘေးအန္တရာယ်ကင်းကင်းဖြင့် မိုးဥတုကို ကျော်ဖြတ် ရန် အစိုးရအဖွဲ့အစည်း အသီးသီးသာမက မြို့တော်တွင် နေထိုင် သော မြို့တော်သူ မြို့တော်သားအားလုံးမှလည်း တစ်ဦးနှင့်တစ်ဦး ဝိုင်းဝန်းကူညီ ဖေးမစောင့်ရှောက်နိုင်ကြပါစေကြောင်း. . .
ထင်ပေါ်ဝင်း
ဓာတ်ပုံ-တင်စိုး(မြန်မာ့အလင်း)
No comments:
Post a Comment