Latest News

Thursday, May 10, 2018

စက်သုံးဆီဈေးနှုန်းကျဆင်းရန် ရန်ကုန်တိုင်းဒေသကြီးအစိုးရ ဆောင်ရွက်ရန်ရှိ

စက်သုံးဆီဈေးနှုန်းကျဆင်းရန် ရန်ကုန်တိုင်းဒေသကြီးအစိုးရ ဆောင်ရွက်ရန်ရှိ

ရန်ကုန်  မေ   ၉

စက်သုံးဆီများကို ကမ္ဘာ့စက်သုံးဆီပေါက်ဈေးနှုန်းအတိုင်းရရှိစေရန် ရန်ကုန် တိုင်းဒေသကြီးအစိုးရအဖွဲ့အနေဖြင့် အစီအမံများ   ချမှတ်ဆောင်ရွက်ရန် ရှိသည်ဟု ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမပုံမှန် အစည်းအဝေး ၂၅ ရက်မြောက်နေ့တွင် တိုင်းဒေသကြီး စီမံကိန်းနှင့်ဘဏ္ဍာရေး ဝန်ကြီး ဦးမြင့်သောင်းက ဖြေကြားသွားသည်ဟု သိရသည်။

ပုဂ္ဂလိက စက်သုံးဆီဆိုင်များသည် လက်ဝါးကြီးအုပ်စနစ်ဖြင့် စက်သုံးဆီ ဈေးနှုန်းကို တူညီစွာသတ်မှတ်ရောင်းချနေခြင်းသည် ကုန်ဈေးနှုန်းကြီးမြင့်ခြင်းကို တွန်းပို့နေကြောင်း   ရန်ကုန်တိုင်းဒေသကြီးအတွင်း စီးပွားရေး  ပိုမိုဖွံ့ဖြိုး တိုးတက်စေရေးနှင့်  ကုန်ဈေးနှုန်းကျဆင်းရေးတို့အတွက် တိုင်းဒေသကြီးနှင့် ဆိုင်သောစီမံချက်၊    စီမံကိန်းများချမှတ်အကောင်အထည်ဖော်ဆောင်ရန်  အစီအစဉ်  ရှိ၊ မရှိဆိုသော မင်္ဂလာတောင်ညွန့်မြို့နယ်  မဲဆန္ဒနယ်အမှတ်(၁) တိုင်းဒေသကြီးလွှတ်တော်ကိုယ်စားလှယ်  ဦးလှဌေး၏  မေးမြန်းခြင်းအပေါ် အထက်ပါအတိုင်း ဝန်ကြီးက ဖြေကြားခြင်းဖြစ်သည်။

ဧပြီ ၁၉  ရက်မှ  ၂၃  ရက်အတွင်း ပြည်ပမှ  မှာယူတင်သွင်းလာသော စက်သုံးဆီများ၏ ဆိပ်ကမ်းအရောက် ပျမ်းမျှအရင်းဈေးမှာ  အောက်တိန်း ၉၂  တစ်လီတာ ငွေကျပ် ၇၇ဝ၊ အောက်တိန်း  ၉၅ တစ်လီတာ  ၈ဝ၂  ကျပ်၊ ဒီဇယ်တစ်လီတာ  ၈၂၇ ကျပ်၊ အဆင့်မြင့် ဒီဇယ်တစ်လီတာ  ၈၃၇  ကျပ် ဖြစ်သည်။

ရန်ကုန်မြို့တွင်း စက်သုံးဆီအရောင်းဆိုင်များတွင် ဧပြီလနောက်ဆုံးပတ် အစပိုင်း အောက်တိန်း ၉၂ တစ်လီတာ ၇၈၅/၈ဝ၅ ကျပ်၊ အောက်တိန်း၉၅   တစ်လီတာ ၈၃၅/၈၅ဝ ကျပ်၊ ဒီဇယ်တစ်လီတာ ၈၂ဝ/၈၃၅ ကျပ်၊ အဆင့်မြင့် ဒီဇယ်တစ်လီတာ  ၈၃၅/၈၅ဝ ကျပ်နှုန်း  အသီးသီးဖြင့် ရောင်းချနေသည်ဟု သိရသည်။ ဧပြီလကုန်ပိုင်းမှ  မေလ  ဒုတိယပတ်အစပိုင်းအထိ  အောက်တိန်း  ၉၂  တစ်လီတာ  ၈ဝဝ/၈၁၅ ကျပ်၊ အောက်တိန်း  ၉၅  တစ်လီတာ  ၈၅ဝ/ ၈၆ဝ ကျပ်၊  ဒီဇယ်တစ်လီတာ  ၈၃၅/၈၄၅ ကျပ်၊ အဆင့်မြင့်  ဒီဇယ် တစ်လီတာ  ၈၄၅/၈၆ဝ ကျပ်   အသီးသီးဈေးနှုန်းဖြင့်   ရောင်းချသည်ကို ဆိုင်ရှေ့ရှိ ဈေးနှုန်းဖော်ပြထားခြင်းများနှင့်   စက်သုံးဆီဝယ်ယူသူများ၏ပြောပြချက်တို့အရ သိရသည်။

ပြည်တွင်းစက်သုံးဆီဈေးကွက်တွင် ပြည်ပစက်သုံးဆီဈေးနှုန်း တက်လာ ချိန်တွင်  တစ်ပြေးညီပြည်တွင်းရောင်းဈေးနှုန်း မြင့်တက်လာတတ်သော်လည်း ပြည်ပဈေးကျချိန်တွင်မူ ဈေးကျခြင်းတစ်ပြေးညီမဖြစ်သည်ကို ကြုံတွေ့နေရဆဲ ဖြစ်သည်ဟု စက်သုံးဆီဝယ်ယူသုံးစွဲနေသူများက ဆိုသည်။

လျှပ်စစ်နှင့်စွမ်းအင်ဝန်ကြီးဌာနလက်ဝယ်ရှိ ဓာတ်ဆီဂါလန်  သုံးသန်းကို ဈေးကွက်အတွင်း ဖြည့်ဆည်းရောင်းချပေးခြင်းဖြင့် စက်သုံးဆီဈေးနှုန်းကျဆင်း လာရန် လုပ်ဆောင်မည်ဟုလည်း သိရသည်။

ပြည်တွင်းစက်သုံးဆီရောင်းချခြင်းတွင်    နိုင်ငံခြားကုမ္ပဏီကြီးများ လာရောက်   ရင်းနှီးမြှုပ်နှံလုပ်ကိုင်ခွင့်ပြုထားသော်လည်း ယနေ့အထိ မမြင် တွေ့ရသေးကြောင်း၊   မိမိကုမ္ပဏီအမှတ်တံဆိပ်နှင့် ဝယ်ယူသုံးစွဲသူများအပေါ် အလေးထားလုပ်ကိုင်ဆောင်ရွက်သော  ပြည်ပရင်းနှီးမြှုပ်နှံမည့်ကုမ္ပဏီများ၏ပြည်တွင်းစက်သုံးဆီဖြန့်ဖြူးရောင်းချခြင်းရှိလာမည့်အပေါ်    ပြည်တွင်းရှိ   စက်သုံးဆီဝယ်ယူသုံးစွဲနေရသူအများစုက မျှော်လင့်နေကြောင်း အိမ်စီးယာဉ်နှင့် ကုန်တင်ယာဉ်ပိုင် ဦးလှဦးက ဆိုသည်။

စက်သုံးဆီအရည်အသွေး   အခြင်အတွယ်ဈေးနှုန်းစသည်တို့အပေါ် ဝယ်ယူသုံးစွဲနေသူများ စိတ်ကျေနပ်မှုရရှိခြင်း အားနည်းနေရာမှ ဈေးကွက် စီးပွားရေးပီပြင်လာမှု၏ အသီးအပွင့်ရလဒ်အဖြစ် စက်သုံးဆီဝယ်ယူသုံးစွဲ သူများ ခံစားလာနိုင်ရန်   ပြည်တွင်းစက်သုံးဆီဈေးကွက်တွင်    ပြည်ပရေနံ ကုမ္ပဏီများ လာရောက်ရင်းနှီးမြှုပ်နှံရောင်းချပေးသည့် အကျိုးတူ မဟုတ်သည့် ပီပြင်သောဖြစ်စဉ်များကို မျှော်လင့်နေကြသည်။

စက်သုံးဆီဈေးနှုန်းကမ္ဘာ့ပေါက်ဈေးနှုန်းနှင့်အညီ ဝယ်ယူသုံးစွဲလာနိုင်ပါက စက်သုံးဆီဈေးမြင့်ခြင်းနှင့် ဆက်နွှယ်နေသော  သယ်ယူပို့ဆောင်ခ ဈေးမြင့် လာခြင်း၊   ကုန်ဈေးနှုန်းကြီးမြင့်လာခြင်းများကိုပါ လျော့ကျလာစေနိုင်မည်ဟု ကုန်ကားပိုင်ရှင် ကိုရဲဝင်းချိုက ပြောသည်။

မောင်စေအောင်(The Mirror)

No comments:

Post a Comment