နေပြည်တော် ဖေဖော်ဝါရီ ၁၃
မွန်ပြည်သစ်ပါတီ (NMSP)နှင့် လားဟူဒီမိုကရက်တစ်အစည်းအရုံး (LDU) ကိုယ်စား မွန်ပြည်သစ်ပါတီဥက္ကဋ္ဌ နိုင်ထောမွန် ပြောကြားသည့် မိန့်ခွန်းအပြည့်အစုံမှာ အောက်ပါအတိုင်း ဖြစ်ပါသည်-
ဆုမွန်ကောင်းတောင်း
ကြွရောက်လာကြတဲ့ လေးစားအပ်ပါသော နိုင်ငံတော်သမ္မတကြီး နှင့်တကွ နိုင်ငံတော်၏အတိုင်ခံပုဂ္ဂိုလ်၊ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်အတူ NCAလက်မှတ်ရေးထိုးထားကြသော တိုင်းရင်းသားလက်နက်ကိုင် တော်လှန်ရေးအဖွဲ့အစည်းအသီးသီးမှ ခေါင်းဆောင်များ၊ အစိုးရ၊ လွှတ်တော်၊ တပ်မတော်၊ တိုင်းရင်းသားအသီးသီးမှ ကိုယ်စားလှယ်အပါအဝင်၊ နိုင်ငံတကာမှ အစိုးရသံအရာရှိများ၊ NGOs, INGOs မှ မိတ်ဆွေကိုယ်စားလှယ်များအားလုံး ကို မင်္ဂလာအပေါင်းနဲ့ ပြည့်စုံပါစေကြောင်း၊ ပြည်ထောင်စုကြီး ငြိမ်းချမ်းသာယာပါစေကြောင်း၊ မွန်ပြည်သစ်ပါတီနှင့် လားဟူဒီမို ကရက်တစ် အစည်းအရုံးကိုယ်စား ပဏာမဆန္ဒပြု ဆုမွန်ကောင်း တောင်းအပ်ပါတယ်။
ဒီအခမ်းအနားကို တက်ရောက်လာသူများအားလုံး ကိုလည်း ကိုယ်စိတ်နှစ်ပါး ပြည့်စုံကောင်းမွန်စေကြောင်း ဆုတောင်းမေတ္တာ ပို့ပါတယ်။ ဤဖြစ်စဉ်ကို အချိန်ယူ စေ့စပ်ညှိနှိုင်းဆွေးနွေးကာ အကောင်းဆုံးရလဒ်တစ်ခုဖြစ်အောင် ဆောင်ရွက်ပေးခဲ့သော နိုင်ငံတော်အစိုးရမှ ငြိမ်းချမ်းရေး ကော်မရှင် (PC)နှင့် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC)မှ နိုင်ငံရေးဆိုင်ရာ ဆွေးနွေး ညှိနှိုင်းရေးကိုယ်စားလှယ် (DPN) အဖွဲ့ဝင်များကို ကျေးဇူး တင်ရှိပါကြောင်းနှင့် NCA လက်မှတ်ရေးထိုးတဲ့အခါမှာ အသိသက်သေအဖြစ် လက်မှတ်ရေးထိုးကြသည့် ပြည်တွင်း ပြည်ပ ခေါင်းဆောင်များကိုလည်း အထူးပင်ကျေးဇူးတင်ရှိ ပါကြောင်း ပြောကြားလိုပါတယ်။
ဖက်ဒရယ်ပြည်ထောင်စုတည်ဆောက်ရေး
ငြိမ်းချမ်းရေးနဲ့ပတ်သက်လာရင် အပစ်အခတ်ရပ်စဲရေး၊ တိုင်းရင်းသားဒေသဖွံ့ဖြိုးတိုးတက်ရေးနဲ့ နိုင်ငံရေးအရ ဖြေရှင်း ရေးဆိုပြီး ချဉ်းကပ်မှုသုံးမျိုးနဲ့ ရှုမြင်တတ်ကြပါတယ်။ တကယ် တော့ ဒီချဉ်းကပ်မှု သုံးမျိုးဟာ တစ်ခုနဲ့တစ်ခု ဆက်စပ်နေတာ ပါပဲ။ ဒါကြောင့် ကျွန်တော်တို့အနေနဲ့ကတော့ ငြိမ်းချမ်းရေးကို မျက်နှာစာ နှစ်ရပ်ဖြစ်သည့် လက်နက်ကိုင်ပဋိပက္ခ ချုပ်ငြိမ်းရေး၊ တန်းတူရေးနဲ့ ကိုယ်ပိုင်ပြဋ္ဌာန်းခွင့်ရှိတဲ့ ဖက်ဒရယ်ပြည်ထောင်စု တည်ဆောက်ရေးလို့ပဲ ရှုမြင်ကြည့်ပါတယ်။
ပထမမျက်နှာစာဖြစ်တဲ့ လက်နက်ကိုင်ပဋိပက္ခချုပ်ငြိမ်း ရေးဟာ အပစ်အခတ်ရပ်စဲရေးမှာ အခြေခံပြီး လုံခြုံရေးစနစ် တစ်ခုလုံး ပြုပြင်ပြောင်းလဲရေး (SSR) အထိ အကျုံးဝင်သွား ပါတယ်။ ဒီမျက်နှာစာတစ်ခုတည်းနဲ့လည်း ငြိမ်းချမ်းရေးဟာ မပြည့်စုံပါဘူး။ တစ်ဖက်နဲ့ တစ်ဖက် တိုက်ခိုက်ချေမှုန်းတဲ့ လက်နက်တွေကို ထိန်းချုပ်ရုံ၊ ဖြုတ်သိမ်းရုံနဲ့ ပြဿနာတွေ ပဋိပက္ခတွေ မပြေလည်ပါဘူး။ တစ်ဖက်နဲ့တစ်ဖက် ရန်ပြုတိုက် ခိုက်ချေမှုန်းစရာ မလိုတော့တဲ့ အခြေအနေရောက်အောင် ဆောင်ရွက်နိုင်မှသာ ငြိမ်းချမ်းရေးဟာ တည်မြဲမှာဖြစ်ပါ တယ်။ ဒီအတွက် ပြည်ထောင်စု မြန်မာနိုင်ငံတော် ငြိမ်းချမ်း ရေးအတွက် ဒုတိယမျက်နှာစာဖြစ်တဲ့ တန်းတူရေးနဲ့ ကိုယ်ပိုင် ပြဋ္ဌာန်းခွင့်ရှိတဲ့ ဖက်ဒရယ်ပြည်ထောင်စုတည်ဆောက်ရေးဟာ လိုအပ်နေတာပဲ ဖြစ်ပါတယ်။ ဖက်ဒရယ်ပြည်ထောင်စု တည်ဆောက်ရေးသာလျှင် နိုင်ငံရေးအရ ပြဿနာကိုဖြေရှင်း ခြင်း၊ မျှတပြီး အရှည်တည်တံ့မယ့် ဖွံ့ဖြိုးတိုးတက်ရေးတွေကို အာမခံနိုင်မှာဖြစ်ပါတယ်။
ဒါကြောင့် အပစ်အခတ်ရပ်စဲရေး NCA လက်မှတ်ထိုး တာဟာ လက်နက်ကိုင်ပဋိပက္ခတွေ ချုပ်ငြိမ်းရေးအတွက် အရေးပါတဲ့ ပထမခြေလှမ်းဖြစ်သလို ဖက်ဒရယ်ပြည်ထောင်စု တည်ဆောက်ရေးအတွက် နိုင်ငံရေးအရ ဆွေးနွေးအဖြေရှာ နိုင်မယ့် လမ်းစဖြစ်လာမယ်လို့ မျှော်လင့်ထားပါတယ်။ NCA ဟာ ကျွန်တော်တို့ရဲ့ ပန်းတိုင်မဟုတ်ပါဘူး။ နိုင်ငံရေးပြဿနာ ကို အဖြေရှာမည့် လမ်းကြောင်းတစ်ရပ်သာဖြစ်တယ်။ တက်လှမ်း ရမယ့် လှေကားထစ်သဖွယ်သာဖြစ်တယ်ဆိုတာကို အလေး အနက် ထောက်ပြပြောဆိုလိုပါတယ်။ ဒါကြောင့် ဒီလမ်းကြောင်း မှန်မှ ကျွန်တော်တို့ မျှော်မှန်းတဲ့ ပဋိပက္ခချုပ်ငြိမ်းရေးနဲ့ ဖက်ဒရယ်ပြည်ထောင်စု တည်ဆောက်ရေးပန်းတိုင်ကို ရောက် မယ်ဆိုတာ ရှင်းလင်းလှပါတယ်။
ဒါပေမယ့် ဒီလမ်းကြောင်းဟာ အကွေ့အကောက်မရှိဘူး။ ဖြောင့်ဖြောင့်ဖြူးဖြူးပဲဆိုတဲ့ စိတ်ကူးယဉ်မျိုး ကျွန်တော် တို့မှာ မရှိပါဘူး။ ကျွန်တော်တို့ဟာ မူပေါ်မှာရပ်တည်သလို တိုင်းရင်းသားပြည်သူတွေ အကျိုးအတွက်၊ ပြည်ထောင်စု အကျိုးအတွက် လက်တွေ့ကျတဲ့ ရွေးချယ်မှုတွေကို ပြုလုပ်ဖို့ လည်း မတွန့်ဆုတ်ပါဘူး။
ကျွန်တော်တို့ရဲ့ ရွေးချယ်မှုဟာ မွန်ပြည်သစ်ပါတီနဲ့ လားဟူ ဒီမိုကရက်တစ် အစည်းအရုံးဆိုတဲ့ အဖွဲ့နှစ်ဖွဲ့တည်း အကျိုးစီးပွား အတွက် ကွက်ပြီးလုပ်ဆောင်ခဲ့တာ မဟုတ်ပါဘူး။ ကျွန်တော်တို့ မျှော်မှန်းတဲ့ ပြည်ထောင်စုကြီးတစ်ခုလုံးရဲ့ အနာဂတ်မျှော်မှန်း ချက်ကို ဦးတည်ပါတယ်။ ကျွန်တော်တို့ အမျိုးသားတွေရဲ့ အကျိုးစီးပွားနဲ့ ပြည်ထောင်စုကြီးရဲ့ အကျိုး၊ စစ်မှန်တဲ့ ဒီမိုကရေစီစနစ်ရဲ့ အကျိုး၊ ဖက်ဒရယ်ပြည်ထောင်စုစနစ်အရ အကျိုးစီးပွားဟာ တစ်ဆက်တစ်စပ်တည်း တစ်သားတည်း ခွဲခြားမရအောင် ဆက်စပ်နေပါတယ်။ ပြည်ထောင်စုဝင်အားလုံး လူမျိုးဘာသာ ဆူကြုံနိမ့်မြင့် မခွဲခြားဘဲ ပဋိပက္ခချုပ်ငြိမ်းခြင်းရဲ့ အကျိုး၊ တရားဥပဒေစိုးမိုးမှုရဲ့ မျှဝေကျင့်သုံးတဲ့ အချုပ်အခြာ အာဏာပိုင်စိုးခြင်းရဲ့ အကျိုး၊ လူမှုစီးပွားရေးဖွံ့ဖြိုးမှုနဲ့ တိုင်းရင်းသားများ စာပေယဉ်ကျေးမှုပေါင်းစုံ ရှင်သန်ခွင့်ရတဲ့ အကျိုးကျေးဇူးအထွေထွေကို ခံစားနိုင်ဖို့အတွက်ဆိုတဲ့ မျှော်မှန်း ချက်နဲ့ ဒီလမ်းကိုလျှောက်လှမ်းဖို့ ဆုံးဖြတ်ခဲ့တာပါ။
အားလုံးရဲ့သဘောထားကို ရယူမှာဖြစ်
NCA စာချုပ်နဲ့အညီ မကြာခင်မှာ အမျိုးသားအဆင့် ဆွေးနွေးပွဲတွေ ကျင်းပမှာဖြစ်ပါတယ်။ မွန်နဲ့ လားဟူဒေသမှာ ရှိတဲ့ ဆရာတော်သံဃာတော်တွေရဲ့ သြဝါဒကို ခံယူမယ်။ ဒေသအတွင်းမှာ ဖြန့်ကြက်နေထိုင်ကြတဲ့ တိုင်းရင်းသားလူမျိုး အသီးသီး၊ နိုင်ငံရေးပါတီတွေ၊ အရပ်ဘက်လူမှုအဖွဲ့အစည်း တွေ၊ မီဒီယာတွေ၊ စီးပွားရေးလုပ်ငန်းရှင်တွေ၊ ကျန်းမာရေး၊ ပညာရေးပိုင်းဆိုင်ရာကစပြီး အုပ်ချုပ်ရေးနယ်ပယ်အသီးသီးမှ ဝန်ထမ်းတွေအပြင် နိုင်ငံအသီးသီးမှာ ရောက်ရှိနေကြတဲ့ မွန်နဲ့လားဟူမျိုးချစ်တွေ အားလုံးနဲ့တိုင်ပင်နှီးနှောပြီး အားလုံး ရဲ့သဘောထားကို ရယူမှာဖြစ်ပါတယ်။
ကျွန်တော်တို့ ရွေးချယ်မှုနဲ့ပတ်သက်ပြီး သံသယဖြစ် သူတွေ၊ သဘောမတူသူတွေလည်း ရှိနိုင်တာကို အသိအမှတ် ပြုပါတယ်။ အဲ့ဒီကွဲလွဲသူများရဲ့ အမြင်သဘောထားတွေကို လည်း အလေးအနက်ထားပါတယ်။ ကျွန်တော်တို့နဲ့အမြင်၊ နည်းနာပိုင်းမှာ သဘောထားကွဲပေမယ့် စေတနာနဲ့ မျှော်မှန်း ချက်မှာတော့ မကွဲလွဲဘူးလို့လည်း ခံယူထားပါတယ်။ ကျွန်တော် တို့ဟာ ဒီနည်းနာလမ်းကြောင်းကို အားလုံးက လက်တွေ့ကျကျ ပါဝင်ပြီး အားလုံးပိုင်ဆိုင်တဲ့ (Ownership) ငြိမ်းချမ်းတဲ့၊ သာယာဝပြောတဲ့၊ သိက္ခာရှိတဲ့ပြည်ထောင်စု တည်ဆောက် ရေးမှာ ပါဝင်ကြပါလို့ မေတ္တာရပ်ခံလိုပါတယ်။
မြန်မာနိုင်ငံဟာ တိုင်းရင်းသားပေါင်းစုံနဲ့ ဖွဲ့စည်းထားတဲ့ ပြည်ထောင်စုဖြစ်ပေမယ့် ပြည်ထောင်စုရဲ့ အနှစ်သာရဖြစ် တဲ့ ဖက်ဒရယ်စနစ်ကို ခုချိန်ထိ တန်းတူမခံစားကြရသေးတဲ့ အတွက် ပြည်တွင်းစစ်မီးဟာ မငြိမ်းနိုင်သေးဖြစ်နေရတာပါ။ အခုချိန်ထိ NCA ဖြစ်စဉ်မှာ မပါဝင်နိုင်သေး၊ ပါဝင်ခွင့်မရ သေးတဲ့ တိုင်းရင်းသားတော်လှန်ရေးအဖွဲ့အသီးသီးနဲ့ ပဋိပက္ခ တွေရဲ့ဒဏ်ကို ခါးစည်းခံနေရသေးတဲ့ တိုင်းရင်းသားညီအစ်ကို မောင်နှမတွေ ရှိပါသေးတယ်။ ကျွန်တော်တို့ ကိုယ်လွတ် မရုန်းပါဘူး၊ သစ္စာမမဲ့ဘူးဆိုတာ အခိုင်အမာ ပြောပါမယ်။ ဖက်ဒရယ်ပြည်ထောင်စုကြီး ပေါ်ထွန်းရေးအတွက် ပေးဆပ်ခဲ့တဲ့ တိုင်းရင်းသားတော်လှန်ရေးသမားတွေအားလုံးကို တိုင်တည် သစ္စာဆိုပါတယ်။ ဒါဟာ ကျင့်ဝတ်အရ သစ္စာပြု တာဝန်ခံမှု သာမက နိုင်ငံရေးအရလည်း တိုင်းရင်းသားတွေအားလုံး အကျိုးမခံစားဘဲ၊ ကိုယ်ပိုင်ပြဋ္ဌာန်းခွင့်မရှိဘဲ၊ NCA လက်မှတ် ထိုးရုံနဲ့ ပြီးပြည့်စုံမယ်လို့ မျှော်လင့်မထားဘူးဆိုတာ ပြောကြား လိုပါတယ်။
လမ်းအလွဲမခံဘူးဆိုတာ ကတိပြု
အားလုံးမျှော်မှန်းတဲ့ ဖက်ဒရယ်ပြည်ထောင်စုကို NCA လက်မှတ်ရေးထိုးပြီးသား တိုင်းရင်းသားညီနောင်များနဲ့ရော၊ မထိုးထားသေးတဲ့ ညီနောင်များနဲ့ပါ လက်တွဲပြီး ဒီ NCAလမ်းကို လမ်းမှန်ဖြစ်ရုံသာမက ဖြောင့်ဖြူးတဲ့လမ်းဖြစ်အောင် ဆောင်ရွက်သွားမယ်။ ဖက်ဒရယ်ပြည်ထောင်စု မျှော်မှန်းချက်ကို မျက်ခြည်မပြတ်၊ လမ်းအလွဲမခံဘူးဆိုတာ ကတိပြုပါတယ်။
တစ်စပ်တည်းမှာလည်း နိုင်ငံတော်အစိုးရနဲ့ တပ်မတော် ခေါင်းဆောင်များကို ပြောပြလိုတာက တိုင်းရင်းသားတွေဟာ သမိုင်းကြောင်း အတွေ့အကြုံအရ သံသယနဲ့ စိုးရ်ိမ်စိတ်တွေ ရှိနေပေမယ့်၊ ဒီငြိမ်းချမ်းရေးဖြစ်စဉ်မှာ ပူးပေါင်းဆောင်ရွက် လိုစိတ်ရှိကြပါတယ်။ ဘယ်သူမှ နောက်ချန်မနေချင်သလို ဖျက်မြင်းလည်း မဖြစ်ချင်ကြပါဘူး။ ပြည်တွင်းစစ်ဒဏ်ကို တကယ်နာကျင်ခံစားခဲ့ကြသူတွေ၊ ခံစားနေရဆဲဖြစ်သူ တွေမို့ စစ်ကိုရပ်စဲပြီး ငြိမ်းချမ်းရေးကို ခိုင်မြဲစေချင်ကြပါတယ်။ ဒါကြောင့် နိုင်ငံတော်အကြီးအကဲတွေ၊ တပ်မတော်ခေါင်းဆောင် တွေအနေနဲ့ စိတ်ရှည်ရှည်ထားပြီး အားလုံးပါဝင်ရေးအတွက် ဆွေးနွေးညှိနှိုင်းအဖြေရှာဖို့ ဒီထက်ဆတိုးအားထုတ်ပေးပါ။ သဘောထားကြီးမှုရှိရှိနဲ့ ထိုးစစ်ဆင်မှုတွေကို အမြန်ဆုံးရပ်စဲ ပါလို့ တိုက်တွန်းပါရစေ။
အနာဂတ်ကို ဦးတည်
ပြည်ထောင်စုကြီးတစ်ခုလုံး မျှော်မှန်းတဲ့ ငြိမ်းချမ်းဝပြော လွတ်လပ်တဲ့၊ စိတ်ဓာတ်ပွင့်လင်းမြင့်မြတ်တဲ့၊ မေတ္တာနဲ့ ခ္တီတရားထွန်းကားတဲ့ အနာဂတ်ကို ဦးတည်ဖို့ ကျွန်တော်တို့ မွန်ပြည်သစ်ပါတီရော၊ လားဟူဒီမိုကရက်တစ်အစည်းအရုံးကပါ ပိုင်းဖြတ်ထားကြောင်း ပြောကြားရင်း နိဂုံးချုပ်ပါတယ်။
အားလုံးကို ကျေးဇူးတင်ပါတယ်။
မြန်မာ့အလင်း (သတင်းအဖွဲ့)
No comments:
Post a Comment