စစ်ပွဲများ၏ အနာဂါတ်(၁)

(၁)

စစ် ဆိုသည်က မိမိ၏ လိုလားချက်များကို တဖက်မှ လိုက်နာလာစေရန် အင်အားသုံး၍ အတင်းအကျပ် ပြုလုပ်ကြခြင်းပင် ဖြစ်သည်။

အတိတ်က အနာဂါတ် တွင် ဖြစ်ပေါ်လာနိူင်သော စစ်ပွဲများ နှင့် ပါတ်သက်၍ တိုးတက်လာမည့် နည်းပညာ အသစ်များ နှင့် စစ်ရေး မဟာဗျူဟာများ အပေါ် အဓိကထား ခန့်မှန်းခဲ့ကြပေသည်။

၁၉ ရာစုနှစ်အတွင်း ပရပ်ရှား စစ်တပ်က ပြင်သစ်တို့အပေါ် ၁၈၇၀ တွင် အလျင်အမြန် အောင်ပွဲခံနိူင်ခဲ့မှုကို မျက်ဝါးထင်ထင် တွေ့မြင်ခဲ့ကြရသော ဥရောပ စစ်ဗိုလ်ချုပ်ကြီးများသည် တပ်များကို မီးရထား ဖြင့် အလျင်အမြန် ရွှေ့ပြောင်းပေးနိူင်ခြင်း၊ အမြှောက်ကြီးများ ဖြင့် အလျင်အမြန် ပြစ်ခတ်လာနိူင်ခဲ့မှုများကြောင့် စစ်ပွဲအား တိုတိုတောင်းတောင်းနှင့် ပြတ်ပြတ်သားသား အောင်ပွဲခံနိူင်ခဲ့ခြင်း ဖြစ်သည်ဟု ယူဆလာခဲ့ကြသည်။ ထို အယူအဆများကို ပထမကမ္ဘာစစ် အစပိုင်းတွင် စမ်းသပ် အသုံးပြုခဲ့ကြသည်။ သို့သော် လေးနှစ်တာမျှ အနောက်ဖက် စစ်မျက်နှာ တလျှောက်တွင် ကတုတ်ကျင်းများ ဖြင့် သူနိူင် ကိုယ်နိူင် ကြဲလာခြင်းသာ အဖတ်တင်ခဲ့သဖြင့် ၎င်းတို့၏ ယူဆချက်များ မှားယွင်းခဲ့ကြောင်း သိရှိလာခဲ့ကြပြန်သည်။

၁၉၃၀ ကျော်ကာလများတွင် စစ်ပွဲကြီးများ ဖြစ်လာက ရန်သူနိူင်ငံ၏ မြို့ကြီးများကို လေကြောင်းမှ အပြင်းအထန် ဗုံးကြဲတိုက်ခိုက်နိူင်ခြင်းဖြင့် ချက်ချင်းဆိုသလို လက်နက်ချ အညံ့ခံသည့် အနေအထားကို ရောက်ရှိနိူင်မည်ဟု ယုံကြည်ခဲ့ကြပြန်သည်။ သို့သော် ထိုယူဆချက်က နောက်ပိုင်း ဆယ်နှစ်ကျော်ကြာတွင် ညူကလီယား လက်နက်များ တီထွင်လာနိူင်ခဲ့မှု ဖြင့်သာ မှန်ကန်ကြောင်း သက်သေပြနိူင်လာခဲ့ကြသည်။

၁၉၉၀-၉၁ ပထမ ပင်လယ်ကွေ့ စစ်ပွဲကြီးအတွင်း အမေရိကန်တို့ က ပြစ်မှတ်ကို တိကျစွာ ပြစ်ခတ်နိူင်သော ပဲံထိန်းတပ် ဒုံးလက်နက်များ၊ ထောက်လှမ်း ရေး နှင့် ကင်းထောက်နည်းပညာ အသစ်များ ၊ အာကာသ အခြေစိုက် ဆက်သွယ်ရေး စနစ်နှင့် ရန်သူ မမြင်အောင် ခိုးကြောင်ခိုးဝှက် လှုပ်ရှားနိူင်သည့် နည်းပညာ များ ပေါင်းစပ်ကာ အောင်မြင်စွာ သက်သေပြလာခဲ့ကြသည်။ ထို့အတွက် နောက်ပိုင်း စစ်ပွဲများတွင် အနောက်အုပ်စု အနေဖြင့် အဆိုပါ နည်းပညာများ ဖြင့် အလျင်အမြန် နှင့် အထိအခိုက်နည်းပါးစွာ အောင်ပွဲ ခံလာနိူင်ကြတော့မည်ဟု ယူဆလာခဲ့ကြပြန်သည်။

သို့သော်လည်း ၂၀၀၁ စက်တင်ဘာ ၁၁ ရက်နေ့တွင်ကား အဆိုပါ ယူဆချက်များ ပြောင်းလဲလာခဲ့ကြသည်။

ပြီးခဲ့သည် ရာစုနှစ်ဝက်အတွင်း နိူင်ငံအချင်းချင်း ဖြစ်ပွားသော စစ်ပွဲများက အတော်ကို ရှားပါးလှည်ဟု ဆို၍ ရပေသည်။ အင်အားကြီး နိူင်ငံကြီးများ အချင်းချင်း နှင့် ၎င်းတို့မဟာမိတ်များ အကြား စစ်ပွဲကြီးများက မူ မရှိသလောက်စု ဆိုရမည် ဖြစ်သည်။ ဤသည်ကားလည်း အပြန်အလှန် ဖျက်ဆီးပြစ်နိူင်စွမ်း ရှိသော ညူလက်နက်များ ပိုင်ဆိုင်လာခြင်း၊ နိူင်ငံတကာ အသင်းအဖွဲ့များ နှင့် ဥပဒေများ ပြဌာန်းလာခြင်း နှင့် လူဘောင်အဖွဲ့အစည်းများ ကြွယ်ဝချမ်းသာလာခဲ့ခြင်းများကြောင့် အကြမ်းဖက်လိုစိတ်များ လျော့နည်းကျဆင်း လာခြင်းများကြောင့် ဖြစ်သည်။

သို့သော် တဖက်တွင် ပြည်တွင်းစစ်ပွဲများက မူ ကြောက်ခမန်းလိလိ ဖြစ်ပေါ်လာခဲ့ရပြီး စစ်ပွဲ များက ရေရှည် ဆင်နွှဲလာခဲ့ရသည်။ ယခုအခါ ရာသီဥတု ပြောင်းလဲခြင်း၊ လူဦးရေများ ကြီးထွားလာခြင်း နှင့် ဘာသာရေး နှင့် လူမျိုးရေး အစွန်းရောက်မှုများကြောင့် အဆိုပါ စစ်ပွဲများက ဆက်လက် ဖြစ်ပေါ် လာနေအုန်းမည် ဖြစ်သည်။

ထိုသို့ ဖြစ်ပေါ်လာသော စစ်ပွဲများက မြို့ကြီးများ တ၀ိုက်တွင် ဖြစ်ပေါ်လာဖို့ ရှိနေပြန်ပေသည်။ ၂၀၄၀ တွင် ကမ္ဘာ့ လူဦးရေ၏ သုံးပုံ နှစ်ပုံသည် မြို့ပြများတွင် နေထိုင်လာကြမည်ဟု ခန့်မှန်းထားသောကြောင့် ဖြစ်သည်။

လူဦးရေ ဆယ်သန်း ကျော်ရှိသော မြို့ကြီး များ အရည်အတွက် သည် လွန်ခဲ့သော နှစ် ၂၀ အတွင်း ၂၉ မြို့ အထိ တိုးတက်လာခဲ့သည်။ မကြာမီက အယ်လာပို နှင့် မွန်ဆူး တွင် ဖြစ်ပေါ်ခဲ့သော မြို့တွင်း စစ်ပွဲများကို ကြည့်ခြင်းအားဖြင့် ပိတ်မိနေသော လူများ နှင့် အပြစ်မဲ့ လူအများအား တံတိုင်းကြီးများ သဖွယ် အသုံးပြုနေခဲ့ကြသဖြင့် မဆင်မခြင် သတ်ဖြတ် ခံရမည့် အရေးကြောင့် စိတ်ရင်းကောင်းဖြင့် ၀င်ရောက် စွက်ဖက် ကူညီလိုကြသည့် အနောက်အုပ်စု တပ်များအဖို့ အခက်အခဲများ ဆက်လက် ဖြစ်ပေါ်နေအုန်းမည်သာ ဖြစ်သည်။ နည်းပညာ များ တီထွင် ဖန်ဆီးကာ အဆိုပါ အခက်အခဲ များ ကို ကျော်လွှားနိူင်ကောင်း နိူင်မည် ဖြစ်သော်လည်း အနီးကပ်တိုက်ပွဲများ တအိမ်တက်ဆင်း တိုက်ခိုက်ရမှုများကိုမူ လျှောင်လွှဲ၍ ရနိူင်ကြမည် မဟုတ်ပေ။

ဆက်လက် တင်ပြပါမယ်။
လှစိုးဝေ

ရည်ညွှန်း ။ ။ THE FUTURE OF THE WORLD ( the Economist January 27th 2018)