စစ်ပြီး၍ ငြိမ်းချမ်းရေးအစစ်ကိုရအောင် မလုပ်နိုင်ရင် ကျဆုံးသူရဲကောင်းတွေကို သစ္စာဖောက်ရာသာ ကျမည်။ (ဗိုလ်ချုပ်အောင်ဆန်း)လူများသည် တူညီသော အခွင့်အရေးများနှင့်ကိုယ့်ကြမ္မာကိုယ် ဖန်တီးခွင့်ရရှိရေးကို အခြေခံ လျက် ပြည်ထောင်အချင်းချင်း ချစ်ကြည်ရေး ခိုင်မြဲအောင်ဆောင်ရွက်ကာ သင့်လျော်သည့် အစီအမံများဖြင့် ငြိမ်းချမ်းရေးခိုင်မြဲအောင် ကြိုးစားရန်ကိုလည်းကောင်း၊ အမျိုးဘာသာ စကား၊ ကျား၊ မ အယူဝါဒမခွဲခြားဘဲ ပြည်ထောင် အချင်းချင်းဆိုင်ရာ ပြဿနာများကို ဖြေရှင်း ဆောင်ရွက်ရာ၌ ဆောင်ရွက်ခွင့်ရရှိစေရန် အတွက်လည်းကောင်း စသည့် ရည်ရွယ်ချက် များဖြင့် ဖွဲ့စည်းထားသည့်ကုလသမဂ္ဂအဖွဲ့ကြီး ၏ ရည်ရွယ်ချက်များကို အမျိုးသားခေါင်းဆောင် ကြီး ဗိုလ်ချုပ်အောင်ဆန်းက ကြိုဆိုခဲ့ပါသည်။
ထိုကြောင့် အမျိုးသားခေါင်းဆောင်ကြီး ဗိုလ်ချုပ်အောင်ဆန်းက ကုလသမဂ္ဂသည် ကမ္ဘာ့ ငြိမ်းချမ်းရေးနှင့်လုံခြုံရေးအတွက် ထိထိရောက် ရောက် ဆောင်ရွက်နိုင်သည့် အဖွဲ့ကြီးဖြစ်လိုခဲ့ ပါလျှင် နိုင်ငံကြီးငယ်မရွေး သာတူညီမျှဖြစ်စေ ရန် ဂရုပြုသင့်ကြောင်း ၁၉၄၇ ခုနှစ် ဇန်နဝါရီလ က ကျင်းပသည့် ဖဆပလအဖွဲ့ချုပ်ကြီး၏ နိုင်ငံရေးဆိုင်ရာ ညီလာခံကြီး၌ အောက်ပါ အတိုင်း အကြံပြုပြောကြားခဲ့ပါတယ်။
နိုင်ငံပေါင်းစုံ ကုလသမဂ္ဂ
''ယခုအခါ နိုင်ငံပေါင်းစုံ ကုလသမဂ္ဂကို တည်ထောင်ပြီးသည်မှာ မှန်၏။ ယင်းသမဂ္ဂ၏ ရည်ရွယ်ချက်များနှင့် လုပ်ငန်းများမှာလည်း မွန်မြတ်ထောပနာ သြဘာပေးထိုက်ပါပေ၏။ နိုင်ငံပေါင်းစုံ ကုလသမဂ္ဂသည် ကမ္ဘာ့ငြိမ်းချမ်း ရေး၊ ကမ္ဘာ့လုံခြုံရေးအတွက် ထိထိ ရောက် ရောက်ဆောင်ရွက်နိုင်သော အဖွဲ့ကြီးဖြစ်လို ခဲ့ပါလျှင် နိုင်ငံကြီးငယ် စက်ဆုပ်ဖွယ်ကောင်း သော အတန်းအစားခွဲခြားခြင်းတို့ကို ပပျောက် အောင် ပြုလုပ်သင့်ကြပေပြီ''။
ထို့အပြင် အမျိုးသားခေါင်းဆောင်ကြီး ဗိုလ်ချုပ်အောင်ဆန်းက ''ကမ္ဘာပေါ်တွင် အားလုံးသော လူမျိုးတို့သည် လွတ်လပ်စွာ နေထိုင်ပူးပေါင်းဆက်ဆံခြင်း မပြုနိုင်သရွေ့ ကာလပတ်လုံး ငြိမ်းချမ်းရေးကိုတည်မြဲအောင် လုပ်ခြင်းငှာ စွမ်းဆောင်နိုင်မည်မဟုတ်'' ဟု လည်း ငြိမ်းချမ်းရေးနှင့်ပတ်သက်၍ သူ့အမြင်ကို အဆိုပါ သူ့မိန့်ခွန်းတွင် ထောက်ပြထားပါသည်။
ကုလသမဂ္ဂအဖွဲ့ကြီးသည် ကမ္ဘာ့ငြိမ်းရေး ကို ဆောင်ရွက်ရာတွင် ငြင်းခုံမှုများဖြစ်ပွားကာ ရင်ကြားမစေ့ဖြစ်နေသည့် နိုင်ငံများအရေး တွင် ဖျန်ဖြေစေ့စပ်ပေးခြင်းဖြင့် လည်းကောင်း၊ ငြိမ်းချမ်းရေးကို ထိခိုက်စေရန်အကြောင်း ပေါ်စေမည့် ဒေသများကို ကုလသမဂ္ဂနိုင်ငံငယ် များ ထိန်းသိမ်းရေးအဖွဲ့ ထိန်းသိမ်းအုပ်ချုပ်စေ ခြင်းဖြင့်လည်းကောင်း၊ မဖွံ့ဖြိုးသေးသော ဒေသ များသို့ အထူးအဖွဲ့များ စေလွှတ်ရန် စီးပွားရေး အကူအညီများပေး၍ လည်းကောင်း၊ ကမ္ဘာသူ ကမ္ဘာသားတို့အား စီးပွားရေးကပ်ပျက်များ မဆိုက်ရောက်စေရန် လည်းကောင်း ကြိုတင် ကာကွယ်ဆောင်ရွက်ရမည်စသဖြင့် လမ်းစဉ်များ ချမှတ်ထားသည်ကို အမျိုးသားခေါင်းဆောင်ကြီး ဗိုလ်ချုပ်အောင်ဆန်းက ကြိုဆိုခဲ့ပါသည်။ သို့မှသာ ကမ္ဘာ့ဒေသအားလုံးတွင် လွတ်လပ်ရေး၊ ဖွံ့ဖြိုး တိုးတက်ရေး၊ ကြွယ်ဝချမ်းသာရေးတို့ကို ဖန်တီး တည်ဆောက်နိုင်မည်ဖြစ်သည်ဟုလည်း ဗိုလ်ချုပ် အောင်ဆန်း ယုံကြည်မျှော်လင့်ထားကြောင်း နှင့်ဆုမွန်ကောင်းများလည်း တောင်းလိုက်ပါ ကြောင်း ၁၉၄၅ ခုနှစ် သြဂုတ်လ ၂၉ ရက်နေ့က ရန်ကုန်မြို့ မြို့တော်ခန်းမ၌ ကျင်းပသည့်အရှေ့နှင့် အနောက် အသင်းကြီး၏ အစည်းအဝေး၌ အင်္ဂလိပ် ဘာသာစကားဖြင့် ပြောကြားသွားပါသည်။
ငြိမ်းချမ်းရေးဖြစ်ပါစေ
''ကုလသမဂ္ဂအဖွဲ့ကြီးက တည်ဆောက်ရမယ့် ငြိမ်းချမ်းရေးဟာ အမြဲတမ်းရှင်သန်သော ဖန်တီး နိုင်စွမ်းရှိတဲ့ ငြိမ်းချမ်းရေးဖြစ်ပါစေ။ ကမ္ဘာ့ဒေသ အားလုံးမှာ လွတ်လပ်ရေး၊ ဖွံ့ဖြိုးတိုးတက်ရေးနှင့် ကြွယ်ဝချမ်းသာရေးတို့ကို ဖန်တီးတည်ဆောက် နိုင်တဲ့ ငြိမ်းချမ်းရေးဖြစ်ပါစေ၊ ပြီးတော့ ဘယ်အခါ ဘယ်အခြေအနေမှာမဆို သင်္ချိုင်းမြေရဲ့ ငြိမ်းချမ်း ရေးမျိုး မဖြစ်ပါစေနဲ့လို့ ကျွန်တော် ဆုတောင်းလိုက် ပါတယ်။ ဒါကြောင့် ဗြိတိန်လူမျိုး၊ မြန်မာလူမျိုးနဲ့ လူမျိုးအားလုံး တန်းတူညီတူပါဝင်တဲ့ ကျွန်တော် တို့အားလုံးလက်တွဲပြီး ရေရှည်တည်တံ့ပြီး ပြည့်စုံ ကြွယ်ဝတဲ့ ငြိမ်းချမ်းရေးကို တည်ဆောက်သွား ကြရမယ်။ ငြိမ်းချမ်းရေးလို့ ဆိုရာမှာလည်း ကျွန်တော်ပြောခဲ့တဲ့အတိုင်း သင်္ချိုင်းမြေက ငြိမ်းချမ်းရေးမျိုးမဟုတ်ဘဲ ကမ္ဘာပေါ်မှာ လွတ်လပ် ရေး၊ တိုးတက်ဖွံ့ဖြိုးရေးနဲ့ ကြီးပွားတိုးတက်ရေး တို့ကို တည်ဆောက်ပေးမယ့် ငြိမ်းချမ်းရေးတို့ကို ဆိုလိုတာ ဖြစ်ပါတယ်''
အာဇာနည်များ
၁၉၄၇ ခုနှစ် ဇန်နဝါရီလ ၁ရက်နေ့ နံနက်က ရွှေတိဂုံကုန်းတော် အလယ်ပစ္စယံကုန်းမြေမြင့်၌ လွတ်လပ်ရေးတိုက်ပွဲ၊ ဖက်ဆစ်တော်လှန်ရေး တိုက်ပွဲများတွင် ကျဆုံးခဲ့ရသော အာဇာနည်များ အား သတိတရလေးစားသောအားဖြင့် ယာယီ ကျောက်တိုင်စိုက်ထူ၍ အလေးပြုခဲ့သည့် အခမ်း အနား၌ အမျိုးသားခေါင်းဆောင်ကြီး ဗိုလ်ချုပ် အောင်ဆန်းက မြန်မာ့လွတ်လပ်ရေးအတွက် တိုက်ပွဲဝင်ရင်း ကျဆုံးခဲ့ရသည့် ရဲဘော်များ အများအပြားရှိခဲ့ရာ လူငယ်များလည်းပါဝင် ကြောင်း၊ စစ်ပြီး၍ (မြန်မာ နိုင်ငံလွတ်လပ်ရေး ရပြီး) ငြိမ်းချမ်းရေးအစစ်ကို ရအောင်မလုပ်နိုင်ပါ က ကျဆုံးသွားခဲ့ကြသော သူရဲကောင်းများကို သစ္စာဖောက်ရာသာ ကျမည်ဖြစ်ကြောင်း ငြိမ်းချမ်းရေးနှင့် ပတ်သက်၍ သူ့အမြင်ကို ပြောကြားသွားခဲ့သည်။
အမျိုးသားခေါင်းဆောင်ကြီး ဗိုလ်ချုပ် အောင်ဆန်းသည် ဂျပန်တော်လှန်ရေး ပြီးဆုံးသော အခါ ဖဆပလအဖွဲ့ကြီး ခိုင်မာတောင့်တင်းလာ စေရန် စနစ်တကျ ပြန်လည်ဖွဲ့စည်းခဲ့ပါသည်။ ဖဆပလသည် အမျိုးသားတပ်ပေါင်းစုဖြစ်သည့်အတိုင်း ဖဆပလ၏ ရည်ရွယ်ချက်နှင့် လုပ်ငန်းစဉ် ကို နားလည်လက်ခံမှသာ စုစုစည်းစည်းရှိနိုင်မည် ဖြစ်သဖြင့် ဗိုလ်ချုပ်အောင်ဆန်းသည် နိုင်ငံရေး အဖွဲ့အသီးသီးမှ ခေါင်းဆောင်များကို ဖဆပလ အဖွဲ့ချုပ်ကြီးသို့ ဖိတ်ကြားခဲ့ပါသည်။ ထို့နောက် ဗိုလ်ချုပ်အောင်ဆန်းက ငြိမ်းချမ်းရေးကို အဖျက်ဆီးဆုံးဝါဒသည် ဖက်ဆစ်ဝါဒသာဖြစ် ကြောင်း၊ ယင်းဝါဒရှိနေသရွေ့ ငြိမ်းချမ်းရေး လည်းမတည်မြဲနိုင်ကြောင်း၊ ထို့ကြောင့် ဖက်ဆစ် ဝါဒကို ကမ္ဘာမှာ ပပျောက်စေရန် လုပ်ရမည်ဖြစ် ကြောင်း၊ ဒီမိုကရေစီဝါဒသာ လွတ်လပ်ရေးနှင့် ဆီလျော်ပြီး ငြိမ်းချမ်းရေးကိုလည်း အားပေး ကြောင်း စသဖြင့် ၁၉၄၅ ခုနှစ် သြဂုတ်လက စတုတ္ထအကြိမ်မြောက် နိုင်ငံ့ခေါင်းဆောင် အစည်းအဝေးတွင် အောက်ပါအတိုင်း ထောက် ပြပြောကြားသွားခဲ့ပါသည်။
ဒီမိုကရေစီဝါဒ
''ယခုအခါငြိမ်းချမ်းရေးကို အဖျက်ဆီးဆုံး ဝါဒဟာ ဖက်ဆစ်ဝါဒဖြစ်လို့ ဒီဝါဒသာ ကမ္ဘာမှာ ဘယ်နေရာမှာဖြစ်ဖြစ်ရှိနေရင် စစ်ဖြစ်ဦးမှာမို့ ဒီဝါဒပပျောက်အောင် လုပ်ဖို့လိုတယ်။ ဒါတွေရှိ နေသမျှ ငြိမ်းချမ်းရေးဟာ မတည်မြဲနိုင်ဘူး။ ကမ္ဘာ့ငြိမ်းချမ်းရေးဟာ လှုပ်လှုပ်နှင့် ဒါ့ကြောင့် ဖက်ဆစ်ဝါဒ ကမ္ဘာမှာ ပပျောက်ရေးကို ကျွန်တော်တို့ ရည်ရွယ်ချက်ထဲမှာ ထည့်ထား တယ်။ ဒါကြောင့် ကျွန်တော်တို့ဟာ ဒီမိုကရေ စီဝါဒကိုသာ ခေတ်စားအောင်လုပ်ရမယ်။ ဒီမိုကရေစီဝါဒသာ လွတ်လပ်ရေးနှင့် ဆီလျော် တယ်။ ဒီဝါဒသာ ငြိမ်းချမ်းရေးကို အားပေးတယ်။ အဲဒါကြောင့် ဒီဝါဒကိုသာ ရည်ရွယ်ရတယ်''
အချုပ်အားဖြင့်ဆိုရလျှင် အမျိုးသား ခေါင်းဆောင်ကြီး ဗိုလ်ချုပ်အောင်ဆန်းက စစ်ကြီးပြီး၍ ငြိမ်းချမ်းရေးအစစ်ကိုရအောင် မလုပ်နိုင်ပါက မြန်မာနိုင်ငံလွတ်လပ်ရေးအတွက် တိုက်ခိုက်ရင်းကျဆုံးသွားသည့် သူရဲကောင်းများ ကို သစ္စာဖောက်ရာ ကျမည်ဟူ၍ လည်းကောင်း၊ ဘယ်အခါ ဘယ်အခြေအနေမျိုးမှမဆို သင်္ချိုင်း မြေရဲ့ ငြိမ်းချမ်းရေးမျိုးမဖြစ်ပါစေနဲ့ဟူ၍လည်းကောင်း၊ ဒီမိုကရေစီဝါဒသာ လွတ်လပ်ရေးနှင့် ဆီလျော်ပြီး ငြိမ်းချမ်းရေးကိုအားပေးသဖြင့် ဒီမိုကရေစီဝါဒကို ခေတ်စားအောင်လုပ်ရမည် ဟူ၍ လည်းကောင်း စသဖြင့် ငြိမ်းချမ်းရေးနှင့် ပတ်သက်၍ သူ့အမြင်၊ သူ့အယူအဆများဖြင့် တင်ပြရင်း မကြာသောအချိန်ကာလတွင် ကျင်းပ မည့် ပြည်ထောင်စုငြိမ်းချမ်းရေးညီလာခံ (၂၁) ရာစုပင်လုံ တတိယအစည်းအဝေးအား ကြိုဆို လိုက်ရပါသည်။
ဇွဲသန်းသျှင်း (သုံးဆယ်)မြန်မာ့အလင်း
No comments:
Post a Comment