သောကြာနေ့က ရိုက်တာ သတင်းဌာနမှ စစ်တွေ မြို့မှ မြောက်ဖက် မိုင် ၃၀ ကွာဝေးသော အင်ဒင် ရွာတွင် လုံခြုံရေး တပ်ဖွဲ့ဝင်များက ဘင်္ဂါလီ ဆယ်ဦးကို သတ်ဖြတ်ပြီး မြေမြုပ်ခဲ့သည့် အကြောင်းအား အသေးစိတ် စုံစမ်း စစ်ဆေးပြီး အစီရင်ခံစာ ထုတိပြန်ခဲ့ပါတယ်။
မြန်မာပြည်အပေါ် အပြစ်ရှာချင်နေတဲ့ ကုလသမဂ္ဂ နှင့် နိူင်ငံများ အကြား ဆူညံ ပွက်လောရိုက်ပြီး ပွဲကြီးပွဲကောင်း ဖြစ်နေပါတယ်။
တကယ်တော့ အဆိုပါ လူသတ်မှုကြီးအား စက်တင်ဘာ ၂ ရက်နေ့တွင် လုံခြုံရေး တပ်ဖွဲ့ဝင်များ ကျုးလွန်ခဲ့ကြောင်း စုံစမ်းသိရှိခဲ့ရသည်ဟု တပ်မတော်က ဇန်န၀ါရီလ ထဲမှာ တင် ထုတ်ဖေါ် ၀န်ခံထားခဲ့ပြီး ဖြစ်ပါတယ်။
နယ်မြေရှင်းလင်းရေး စစ်ဆင်ရေး ဆင်နွှဲနေစဉ် လုံခြုံရေး တပ်ဖွဲ့ဝင်များက ၎င်းတို့အား တိုက်ခိုက်ခဲ့သည်ဟု ယူဆရသော ကျေးရွာသား ဆယ်ဦးကို လက်ရဖမ်းဆီးမိခဲ့ပြီး အခြေအနေအရ ဖမ်းဆီးခေါ်ဆောင်သွားရန် မဖြစ်နိူင်၍ သတ်ဖြတ်ခဲ့ကြတဲ့ အမှားကို ကျုးလွန်ခဲ့ကြခြင်း ဖြစ်တယ်လို့ ဆိုခဲ့ပြီး ဖြစ်ပါတယ်။
၎င်းတို့အဖိုက အဆိုပါ ရိုဟင်ဂျာ ၆၇၀၀ ခန့် သတ်ဖြတ်ခံခဲ့ရသည်ဟု မဆုပ်မနစ် ကြွေးကြော်နေခဲ့သော်လည်း တကယ်တမ်း တွင် သက်သေ အထောက်အထားနဲ့ တင်ပြနိူင်ခဲ့ကြတာ ဆိုလို့ တပ်မတော် မှ ကျုးလွန်ခဲ့ပါသည်ဟု ၀န်ခံထားသော အမှုသာ ရှိပါသေးတယ် ဆိုတဲ့ အချက်ကိုက အတော်ကို မခံချိ မခံသာ ဖြစ်စေပြီး အခြား ဘာကိုမှ လည်း ရှာဖွေတွေ့ရှိခဲ့ခြင်း အလျင်း မရှိပါဘူး၊
အဆိုပါ ဖြစ်ရပ်ကြီးအား အကြောင်းပြု၍ ၎င်းတို့မှ လွတ်လပ်စွာ ၀င်ရောက်စစ်ဆေးခွင့်ပြုရန် တောင်းဆိုလာနေခဲ့ပါတယ်။
မြန်မာနိူင်ငံဖက်က မိမိတို့ အနေဖြင့် လူ့အခွင့်အရေး ဖေါက်ဖျက်မကျုးလွန်ခဲ့ပါဟု မည်သည့်အခါမျှ မျက်စိမှိတ် ငြင်းဆိုခဲ့ခြင်း မရှိပဲ၊ သက်သေအထောက်အထား ခိုင်လုံစွာ ဖြင့် မိမိတို့ထံ တင်ပြလာပါက တည်ဆဲ ဥပဒေများနှင့်အညီ စုံစမ်း အရေးယူ သွားမှာ ဖြစ်တယ်လို တသမတ်တည်း ပြောကြားထားခဲ့ပြီးလည်း ဖြစ်ပါတယ်။
အဆိုပါ ကိစ္စကို ဖေါ်ထုတ်ရန် ကြိုးပမ်းခဲ့သော သတင်းထောက် နှစ်ဦးကလည်း ၎င်းတို့တွေ့ရှိချက်များကို မိမိတို့ အစိုးရထံ အရေးယူပေးဖို့ ဖေါ်ထုတ်တင်ပြရန် မဟုတ်ပဲ ပြည်ပ သတင်းဌာနအသီးသီး သို့ ဖြန်ဝေရန် ရည်ရွယ်ချက် ဖြင့် ကြိုးစားခဲ့ကြခြင်းသာ ဖြစ်တဲ့ အတွက် အရေးယူခြင်း ခံနေခဲ့ရတာ ဖြစ်ပါတယ်။
ယခုလည်း ၎င်းတို့၏ လုပ်ရပ်များကြောင့် သတင်းထောက် နှစ်ဦး ခမျာ နှစ်ရှည် ထောင်ထဲမှာ နေသွားရဖို့ ရှိပြီး မေ့လောက်မှ ပြန်လွှတ်ခြင်း ခံရဖို့ ကြိမ်းသေသွားပြီ ဖြစ်ပါတယ်။
ရန်သူ နယ်မြေတွင် စစ်ဆင်ရေး များ ဆောင်ရွက်နေစဉ် အမှာမကင်းသော စစ်တပ်ဆို၍ အဘယ်မှာလျင် ရှိပေမည်နည်း၊ အဆိုပါ ပြောဆိုနေကြသော နိူင်ငံကြီးများ အနေဖြင့် အီရတ် ၊အာဖဂန်နစ္စတန်၊ ပါကစ္စတန် နှင့် လစ်ဗျား တို့တွင် ကော အပြစ်ကင်းစွာ ဆောင်ရွက်နိူင်ခဲ့ကြပါ၏ လောဟု ကိုယ့်ဘာသာ အရင် မေးခွန်းထုတ် ဆန်းစစ်ဖို့ လိုနေပါတယ်။ အဆိုပါ ဖြစ်စဉ်များ အတွက် နိူင်ငံတကာမှ ၀င်ရောက်စစ်ဆေးရန် တောင်းဆိုခဲ့သည်ကိုကော မည်သည့်အခါမှ ခွင့်ပြုခဲ့ခြင်း မရှိကြပေ။ collateral damage (မရည်ရွယ်ပဲ သေဆုံးခဲ့ရမှုများ) ဟု ဆိုကာ ဖျောက်ဖျက်ပြစ်ခဲ့တာ များပါတယ်။
၎င်းတို့အဖို့က သူတို့အား အာခံခြင်သည့် နိူင်ငံများကို လူ့အခွင့်အရေး ဟု ရမယ်ရှာကာ နလံမထူနိူင်အောင် ဟန်ချက်ညီညီ အမြဲလို ကြိုးပမ်းခဲ့ကြပြီး ဖြစ်ပါတယ်။
မည်သည့်နိူင်ငံကကော မိမိတို့ ပြည်တွင်းရေး ကို အခုလို စွက်ဖက်ရန် တွန်းတွန်းတိုက်တိုက် လုပ်လာခဲ့ခြင်းကို အလျော့ပေး လိုက်လျောသည့် ထုံးစံ ရှိပါ၏လော၊ ၎င်းတို့နိူင်ငံတွင်း ဖြစ်ရပ်များကို ထိုကဲ့သို့ လုပ်ရန် တောင်းဆိုပါက လိုက်လျောပါမည်လော၊
အမေရိကန် ဆိုက ၎င်းတို့ စစ်တပ်၏ အလွန်အကျွံ လုပ်တတ်မှုများ ကို ကြိုတင်သိထားခဲ့ပြီး ဖြစ်သဖြင့် နိူင်ငံတကာ ရာဇ၀တ်မှုများ ဆိုင်ရာ တရားရုံးမှာ အဖွဲ့ဝင် အဖြစ် ပါဝင်ဖို့ ငြင်းဆိုထားခဲ့ပြီး ဖြစ်ပါတယ်။ သို့မှသာ ၎င်းတို့၏ တပ်ဖွဲ့ဝင်များကို နိူင်ငံတကာ တရားရုံးမှာ ရုံးတင် စစ်ဆေးခြင်းမှ ကင်းလွတ်မှာ ဖြစ်ပါတယ်။ မြန်မာနိူင်ငံလည်း အလားတူ ပါဝင်ထားခဲ့ခြင် မရှိပါဘူး။
နိူင်ငံ ခေါင်းဆောင်များ ဆိုသည်ကား မိမိတို့အား လူထုက အားနည်းသူများ အဖြစ် မည်သည့်အခါမျှ အမြင်မခံလိုကြ၊ ထို့အတွက် အနိူင်ကျင့် ဗိုလ်ကျမှု များကို အရေးတယူ မလုပ်ပဲ မိ မိနိူင်ငံ၏ အကျိုးကို ရှေးရှု လုပ်ဆောင်ကြစမြဲသာ ဖြစ်တယ်။
ယခုအခါ မြန်မာအပေါ် ဖိအားပေးနိူင်ရန် ၎င်းတို့ဖူးဖူးမှုတ်ထားခံနေရသည့် ဘင်္ဂလားဒေ့ရှ် ၀န်ကြီးချုပ်က အခြေအနေကို အခွင့်ကောင်းယူကာ ယခင်ဝန်ကြီးချုပ်ဟောင်း ဖြစ်သူ ခါလီဒါ အား သက်သေအထောက်အထား မဆိုစလောက်လေးနဲ့ အကျဉ်းချ လိုက်ပြီး လာမယ့် ရွေးကောက်ပွဲမှာ သူမကို ခြိမ်းခြောက်နေတဲ့ အကြီးမားဆုံး အတိုက်အခံ ပါတီကြီးကို ဖြိုခွင်းလိုက်တဲ့ လုပ်ရပ်ကို မည်သူမျှ လည်း အရေးတယူ မပြောကြတော့ပေ။
လှစိုးဝေ
No comments:
Post a Comment