မောင်တာ/ဖေဖော်ဝါရီ၅
ရခိုင်ပြည်နယ်အနောက်ဘက်အစွန်ဆုံးမောင်တောမြို့လမ်းမများပေါ်တွင်ဖေဖော်ဝါရီ၎ရက်နေ့မွန်းလွဲ၁နာရီကျော်ကလူပေါင်း၆၀၀ကျော်ကဆန္ဒဖော်ထုတ်ကာဒေါက်တာအေးမောင်တို့ အားလွတ်ပေးရေး မြောက်ဦးအမှုမှန်ပေါ်ပေါက်ရေးတို့ကိုတောင်းဆိုခဲ့ကြသည်ဟုသိရသည်။
ဆန္ဒဖော်ထုတ်သူများသည်မောင်တောမြို့မြို့မကျောင်းတွင်စုရပ်ပြုလုပ်ပြီးမြို့ထဲနာရီစင်ထိချီတက်ကာကြွေးကြော်သံများကြွေးကြော်ပြီးဒေါက်တာအေးမောင်နှင့်စာရေးဆရာဝေဟင်အောင်တို့အားလွတ်ပေးရေး မြောက်ဦးဖြစ်စဉ်အမှုပေါ်ပေါက်ရေးဖြစ်စဉ်တွင်လူငယ်များအားဖမ်းဆီးထားခြင်းကိုချက်ချင်းရပ်ဆိုင်းရေးတို့ကိုတောင်းဆိုခဲ့ကြသည်ဟုဆန္ဒဖော်ထုတ်ပွဲကိုဦးဆောင်သူဦးစိန်လှဖြူကပြောကြားသည်။
''ဆန္ဒပြတာရည်ရွယ်ချက်ကတာ့ဇန်နဝါရီ၁၆/၂၀၁၈မြောက်ဦးဖြစ်ရပ်အမှုမှန်ပေါ်ပေါက်ရေးအတွက်တောင်းဆိုတယ်။နောက်ဒေါက်တာအေးမောင်နဲ့စာရေးဆရာဝေဟင်အောင်တို့ကိုချက်ချင်းလွတ်ပေးဖို့တောင်းဆိုပါတယ်။မြောက်ဦးလူငယ်များကိုဖမ်းဆီးတာချက်ချင်းရပ်ဖို့တောင်းဆိုတယ်။နောက်ဆုံးအချက်တော့တိုင်းရင်းသားတန်းတူရေးရရှိရေးကိုကျွန်တော်တို့တောင်းဆိုပါတယ်''ဟု၎င်းကဆိုသည်။
မြောက်ဦးဖြစ်စဉ်အားသုတို့အနေဖြင့်ပြင်ပပညာရှင်များပါဝင်သည့်အဖွဲ့ဖွဲ့၍စစ်ဆေးရန်ကိုလည်းတောင်းဆိုကြောင်းသိရသည်။ ဆန္ဒဖော်ထုတ်သူမောင်တောဒေသခံများသည့်မြို့ထဲရှိလမ်းမများမှတစ်ဆင့်နာရီစင်ကိုတစ်ပတ်ပတ်ပြီးမြို့မကျောင်းသို့ပြန်လာကာမွန်းလွဲ၂နာရီခွဲတွင်ဆန္ဒဖော်ထုတ်မှုကိုရပ်နားလိုက်သည်ဟုသိရသည်။
ကျော်လင်းနိုင်
No comments:
Post a Comment