ဖုန်းကြော်ငြာမက်ဆေ့ခ်ျတွေကြောင့် စိတ်အနှောင့်အယှက်ဖြစ်မှုကို ဘယ်လိုတားဆီးကြမလဲ

ဖုန်းကြော်ငြာမက်ဆေ့ခ်ျတွေကြောင့် စိတ်အနှောင့်အယှက်ဖြစ်မှုကို ဘယ်လိုတားဆီးကြမလဲ

မြန်မာနိုင်ငံတွင် ဆင်းမ်ကတ်များကို လိုသလောက်ဝယ်ယူနိုင်ပြီးနောက် မိုဘိုင်းဖုန်းသုံးစွဲမှုမှာလည်း ပြည်သူများအကြားတွင် အလွန်တွင် ကျယ်လာခဲ့သည်။ ယခင်က မြန်မာ့ဆက်သွယ်ရေး လုပ်ငန်းတစ်ခုတည်းသာရှိခဲ့ရာမှ ယခုအခါ တယ်လီနော၊ အူရီဒူး စသည့်ပြည်ပဆက်သွယ်ရေး အော်ပရေတာများ ၀င်ရောက်လာခဲ့ပြီးနောက် ၀န်ဆောင်မှုများကို အပြိုင်အဆိုင်လုပ်ကိုင်လာကြသည်။ မကြာမီတွင် Mytel ဆိုသည့် လေးခုမြောက် ဆက်သွယ်ရေးအော်ပရေတာမှာလည်း ပေါ်ပေါ်လာဦးမည် ဖြစ်သည်။

ထိုအခြေအနေတွင် မြန်မာနိုင်ငံမှာလည်း အခြားနိုင်ငံများနည်းတူ ဖုန်းပြောဆိုမှု ၀န်ဆောင်မှုတစ်ခုတည်းဖြင့် ဆက်သွယ်ရေးအော်ပရေ တာများမှာ ရပ်တည်၍မရနိုင်တော့ဘဲ အင်တာနက်ဝန်ဆောင်မှုများ၊ အခြားအွန်လိုင်းဝန်ဆောင်မှုများနှင့် ကြော်ငြာဝန်ဆောင်မှုများမှာလည်း တိုးပွားလာခဲ့သည်။ ယခင်က မရှိခဲ့သော ထပ်တိုးဝန်ဆောင်မှုများမှာလည်း အများအပြားပေါ်ပေါ်လာပြီး သုံးစွဲသူများကို အထောက်အကူ ပြုခြင်းများရှိသကဲ့သို့ စိတ်အနှောင့်အယှက်ဖြစ်စရာများ၊ လွဲမှားစွာရယူ မိခြင်းများကြောင့် ငွေကြေးပိုမို ကုန်ကျရခြင်းများကိုလည်း သုံးစွဲသူများအနေဖြင့် ကြုံတွေ့လာကြရသည်။

ထို့ထက်ပိုဆိုးသည်မှာ မိမိက ရွေးချယ်ထားခြင်းမဟုတ်ဘဲ ဖုန်းခေါ်ဆို၍ကြော်ငြာခံရခြင်း၊ ဖုန်းမက်ဆေ့ခ်ျအမြောက်အမြား ပေးပို့ခံရပြီး  ကြော်ငြာခံရခြင်းများမှာ သုံးစွဲသူများ နေ့စဉ်ကြုံတွေ့ရင်ဆိုင်နေရသော ကိစ္စရပ်များတွင် ပါဝင်လာခဲ့သည်။

ယင်းကဲ့သို့ ကြော်ငြာများမှာ အလွန်အလုပ်များသူများ၊ စီးပွားရေး လုပ်ငန်းရှင်များနှင့် ပညာရှင်များအတွက် စိတ်အနှောင့်အယှက်ဖြစ်စရာ ကြုံတွေ့လာရပြီး သုံးစွဲသူအများစုမှာလည်း နှစ်သက်ခြင်းမရှိဘဲ ယင်းသို့သော ကြော်ငြာများအပေါ် လျစ်လျူရှုရာမှ အရေးကြီးသော မက်ဆေ့ခ်ျများနှင့် လွဲချော်ခြင်းတို့ကို ဖြစ်ပေါ်စေကြောင်း သုံးစွဲသူများထံမှ သိရသည်။

“အရေးကြီးတဲ့ဖုန်းကို စောင့်နေချိန်မှာ နံပါတ်သုံးလုံးပူးနဲ့ ဖုန်းတစ်ခုဝင်လာပြီး ကြိုတင်အသံသွင်းထားတဲ့ အမျိုးသမီးလေသံနဲ့ ကြော်ငြာတစ်ခုကိုပြောသွားတယ်။ ဒါက တော်တော် စိတ်အနှောင့်အယှက် ဖြစ်စရာကောင်းတဲ့ကိစ္စပါ။ ကြော်ငြာ မက်ဆေ့ခ်ျတွေနဲ့တောင် တော်တော် စိတ်အနှောင့်အယှက် ဖြစ်နေရတာ။ ဖုန်းဆက်ပြီး ကြော်ငြာတာကတော့ လွန်သွားပါပြီ” ဟု မိုဘိုင်းဖုန်းသုံးစွဲသူ ကိုစိုးမိုးဝင်းက ပြောကြားခဲ့သည်။

“ဒီလိုမျိုးဖုန်းဆက်ပြီး ကြော်ငြာခံရတာကို မကြိုက်ရင် Call Center ကိုအကြောင်းကြားပြီးတော့  Block လုပ်ထားခိုင်းလို့ရပါတယ်။ ဒီလိုပဲ SMS ကို ပိတ်ချင်တယ်ဆိုရင်လည်း ၅၀၀ ကို dndon ဆိုပြီး ပို့လိုက်ရင် တယ်လီနောမက်ဆေ့ခ်ျမှန်သမျှ ၀င်လာတော့မှာ မဟုတ်ပါဘူး။ ပြန်ဖြုတ်ချင်ရင်၊ SMS တွေ ပြန်ဝင်စေချင်ရင်တော့ dndoff ဆိုပြီး ပြန်ပို့လိုက်ရုံပါပဲ။ ကြော်ငြာမက်ဆေ့ခ်ျ တစ်ခုတည်းကို ကွက်ပြီးပိတ်ထားချင်လို့တော့ မရပါဘူး။ ဖုန်းဆက်ပြီး ကြော်ငြာတဲ့ဝန်ဆောင်မှုကလည်း သိပ်အများကြီးတော့ မရှိပါဘူး။ ပေါ်စတုန်းကတော့ လှမ်းပြီး Complain တက်ကြတာတွေရှိတယ်။ နောက်ပိုင်းမှာတော့ ပြောသံသိပ်မကြားရတော့ပါဘူး” ဟု တယ်လီနောမြန်မာမှ တာဝန်ရှိသူက ပြောကြားသည်။

မြန်မာ့ဆက်သွယ်ရေးလုပ်ငန်းမှ တာဝန်ရှိသူကမူ “MPT မှာတော့ ဖုန်းခေါ်ပြီးကြော်ငြာတာမျိုး မရှိပါဘူး။ ဘာကြောင့်မရှိတာလဲဆိုတာတော့ ပြောလို့မရပါဘူး။ Call Center အနေနဲ့ ၁၀၆ ဆိုတဲ့နံပါတ်နဲ့ ၀န်ဆောင်မှုပဲရှိမယ်။ တခြားဖုန်းဆက်ပြီး ကြော်ငြာတာမျိုးတွေ မရှိပါဘူး” ဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူက ပြောကြားသည်။

“နံပါတ်သုံးလုံးပူးနဲ့ ဖုန်းဆက်တယ်ဆိုတဲ့ကိစ္စမှာ အူရီဒူးရဲ့ ၀န်ဆောင်မှုနဲ့ပတ်သက်ပြီး ရှင်းပြချင်တာတွေ၊ စစ်တမ်းကောက်တာတွေ အတွက်ပဲ ဆက်သွယ်တာ ဖြစ်ပါတယ်။ ဘယ်လိုအကြောင်းအရာမျိုးတွေလဲ ဆိုတာကတော့ တစ်ခါနဲ့တစ်ခါ မတူလို့ ပုံသေပြောလို့မရပါဘူး။ တခြားကြော်ငြာတာမျိုးတွေတော့ မရှိပါဘူး။ Block SMS ၀န်ဆောင်မှုကတော့ စီးပွားရေးလုပ်ငန်းသုံး အစီအစဉ်တွေမှာ မရှိသေးသလို တစ်ဦးချင်းအစီအစဉ်တွေမှာလည်း မရှိပါဘူး။ Bulk SMS ဆိုတာကတော့ တစ်ကြိမ်တည်းနဲ့ SMS အများကြီး ပို့နိုင်တဲ့ဝန်ဆောင်မှုဖြစ်ပြီး ဘယ်ဖုန်းနံပါတ်ကိုမဆို ပို့လို့ရပါတယ်။ ဒီဝန်ဆောင်မှုက စီးပွားရေးလုပ်ငန်းသုံး Plan မှာပဲ အသုံးပြုခွင့်ရနိုင်ပါတယ်။ Bulk SMS ၀န်ဆောင်မှုက အူရီဒူးဆီမှာပဲ ရှိပါတယ်။ တခြားနိုင်ငံတွေမှာတော့ ကြော်ငြာ မက်ဆေ့ခ်ျတွေ ၀င်မလာအောင် ထပ်ယူရတဲ့ ၀န်ဆောင်မှုမျိုးတွေ ရှိပါတယ်။ ဒီမှာတော့ မရှိသေးပါဘူး” ဟု အူရီဒူး မြန်မာမှ တာဝန်ရှိသူက ပြောကြားသည်။

“အရင်တုန်းကတော့ ဆက်သွယ်ရေးအော်ပရေတာတွေရဲ့ ၀န်ဆောင်မှုနဲ့ ပတ်သက်တာမျိုးကိုပဲ  ဖုန်းခေါ်ပြီး ကြော်ငြာတာကြုံခဲ့ရပေမယ့် အခုနောက်ပိုင်းမှာ တခြားကုမ္ပဏီတွေ၊ တခြားအမှတ်တံဆိပ်တွေနဲ့ ၀န်ဆောင်မှုတွေအတွက် ကြော်ငြာတာကိုပါ ကြုံလိုက်ရတာပါ” ဟု မိုဘိုင်းဖုန်းသုံးစွဲသူ ကိုထွန်းနိုင်ဝင်းက ဆိုသည်။

သုံးစွဲသူများ စိတ်အနှောင့်အယှက်ဖြစ်စရာ ကြုံတွေ့နေရသော ကိစ္စရပ်များတွင် ထပ်တိုးဝန်ဆောင်မှုအချို့ကို အခမဲ့ စမ်းသပ်သုံးစွဲခွင့်ပေးရာမှ သတ်မှတ်ရက်ပြီးဆုံးသွားချိန်တွင် ပျက်ပြယ်သွားခြင်းမရှိဘဲ အခကြေးငွေ ကောက်ခံသော ၀န်ဆောင်မှုအဖြစ် ပြောင်းလဲသွားကာ ဆက်လက်တည်ရှိနေခြင်း၊ အဆိုပါ ၀န်ဆောင်မှုကို ပြန်လည်ဖြုတ်ပစ်သော လုပ်ဆောင်မှုပြုလုပ်မှသာ ပျက်ပြယ်သွားခြင်း၊ ပရိုမိုးရှင်းပေးသော သုံးစွဲခွင့်များမှာ  သတ်မှတ်ကာလ တိုတောင်းလွန်းပြီး မရရှိခြင်းများလည်း ရှိနေခြင်း၊ အော်ပရေတာများမှ ပေးပို့သော မက်ဆေ့ခ်ျများမှာ လိုအပ်သည်ထက် ပိုမိုများပြားလွန်းနေခြင်း၊ 4G/ LTE ၀န်ဆောင်မှုများ တိုးချဲ့လာပြီးနောက်  ဒေတာကုန်ကျမှု ပမာဏများ မြင့်တက်လာခြင်း စသည်တို့ကို ကြုံတွေ့နေရသည်။

“ဖုန်းကိုင်ထားတဲ့အချိန်မှာ သီချင်းသံမြည်တဲ့ ၀န်ဆောင်မှုကို အခမဲ့ပေးသုံးလို့ စမ်းကြည့်မိပါတယ်။ သူတို့သတ်မှတ်ထားတဲ့ ရက်ပြည့်သွားတဲ့အခါ အဲဒီဝန်ဆောင်မှုက ပျောက်မသွားဘဲ ဆက်ရှိနေတယ်။ အဲဒီအချိန်မှာ အသုံးပြုခကောက်ခံပါပြီ။ နောက်တော့ စုံစမ်းကြည့်တော့မှ ဒီအတိုင်း ပြန်ပျောက်မသွားဘဲ အဲဒီဝန်ဆောင်မှုကို ပြန်ဖြုတ်ပစ်မှသာ ဖယ်ရှားလို့ရမယ်ဆိုတာ သိလိုက်ရတယ်” ဟု သုံးစွဲသူတစ်ဦးက ပြောကြားသည်။

“အပိုသုံးစွဲခွင့်ရမယ်ဆိုတဲ့ ပိုက်ဆံပမာဏက ရောက်မလာတော့ သက်ဆိုင်ရာ Call Center ကို စောဒကတက်တယ်။ ဒါနဲ့သူတို့က ဖြေရှင်းပေးပါမယ်ဆိုပြီး အကြောင်းပြန်တယ်။ ဒါပေမဲ့ နောက်ဆုံးမှာ အပိုသုံးစွဲခွင့်ပြုတဲ့ ပိုက်ဆံပမာဏက သူ့သတ်မှတ်ချိန်ဖြစ်တဲ့ ည ၁၂ နာရီထိုးခါနီး အချိန်ရောက်မှ ၀င်လာတယ်။ အဲဒီတော့ အဲဒါကို သုံးစွဲဖို့ဆိုတာ ဘယ်လိုမှ မဖြစ်နိုင်တော့ဘူး” ဟု ဆက်သွယ်ရေးအော်ပရေတာများ၏ ၀န်ဆောင်မှုကိုသုံးစွဲနေသူတစ်ဦးက ပြောကြားသည်။

ထို့ပြင် 4G/LTE ၀န်ဆောင်မှုများ ကျယ်ပြန့်လာပြီးနောက် သုံးစွဲသူများအနေဖြင့် Data Usage ပမာဏ မြင့်တက်လာမှုများကို ရင်ဆိုင်နေရပြီး အင်တာနက်ဖိုး ပိုမိုကုန်ကျလာခြင်းကြောင့် စိတ်အနှောင့်အယှက်ဖြစ်ခြင်းများ ရှိနေကြောင်းလည်း သိရသည်။

“အင်တာနက်မြန်နှုန်းမြင့်လာတဲ့အခါ သတိပြုရမှာက ကိုယ်အစအဆုံး မကြည့်ပေမယ့်လည်း ဒေတာသုံးစွဲမှုရှိသွားနိုင်တယ်ဆိုတာကိုပါ။ ဥပမာ- Youtube မှာပဲဖြစ်ဖြစ် Facebook ဖြစ်ဖြစ် ကိုယ်ဆုံးအောင် မကြည့်ဖြစ်ဘဲ ၀င်ကြည့်လိုက် ထွက်လိုက်လုပ်တာတွေရှိတယ်။ အဲဒီအခါ ကိုယ်ကတစ်ဝက်တစ်ပျက်ကြည့်တာ ဖြစ်ပေမယ့်လည်း အင်တာနက် မြန်နှုန်းအရမ်းကောင်းမွန်တဲ့အခါ ဗီဒီယိုဖိုင်အဆုံးအထိ Download ချပြီးသားဖြစ်သွားတာမျိုးတွေ ရှိတယ်။ ဗီဒီယိုဖိုင်တစ်ခုကို အထစ်အငေါ့မရှိဘဲ ကြည့်နိုင်တဲ့အခါ Download ချပြီးသားက ကိုယ်ကြည့်နေတဲ့ နေရာထက် ရှေ့ရောက်နေတတ်တယ်။ အဆုံးအထိ မကြည့်ပေမယ့်လည်း Data Usage က ရှိသွားတာမျိုးပေါ့” ဟု ဆက်သွယ်ရေးအော်ပရေတာတစ်ခုမှ တာဝန်ရှိသူက ပြောကြားသည်။

အင်တာနက်ဘီလ်ကုန်ကျမှု များပြားနေခြင်းတွင် အင်တာနက်  Package တစ်ခုခု ၀ယ်မသုံးဘဲ မိုဘိုင်းဖုန်းအင်တာနက်ကို Pay As You Go (1MB လျှင် ရှစ်ကျပ် စသည်ဖြင့်) ဖြင့်သာ သုံးစွဲနေခြင်းများကို တွေ့ရှိခဲ့ရကြောင်း တယ်လီနောက ပြောကြားသည်။

“အင်တာနက်ဘီလ်တွေ ဖြစ်သင့်တာထက် ပိုကုန်ကျနေတယ်ဆိုတဲ့ ကိစ္စတွေမှာ Data Pack တစ်ခုခု ၀ယ်မသုံးဘဲ Pay As You Go နဲ့အသုံးများတဲ့ သူတွေဖြစ်နေတာကို တွေ့ရတယ်။ ဒီတစ်ခုတည်းကြောင့်တော့ မဟုတ်ပါဘူး။ ဘာမှမသုံးဘဲ အင်တာနက်ပမာဏတွေ ကုန်ဆုံးသွားတဲ့ထဲမှာ Hotspot ကို အမြဲဖွင့်ထားတဲ့ သူတွေလည်းတွေ့ရတယ်။ Wifi Hotspot လွှင့်မယ်ဆိုရင်တောင် လုံခြုံရေးအတွက် Password ပေးထားတာမျိုး လုပ်သင့်ပါတယ်။ ဒါဆိုရင် ကိုယ်လွှင့်ထားတဲ့ဝိုင်ဖိုင်ကို တခြားတစ်ယောက်ယောက်က အလွယ်တကူ ၀င်ချိတ်ဆက်ပြီး သုံးစွဲတာမျိုး လုပ်လို့မရတော့ပါဘူး။ ပြောရရင် ကျွန်တော်တို့အနေနဲ့ ဘီလ်ဖြတ်တောက်မှုတွေ မှန်မမှန်ကို စစ်ဆေးပေးတဲ့အဖွဲ့တွေက အမြဲစစ်ဆေးနေတာ ဖြစ်ပါတယ်။ ရုံးတွင်းအဖွဲ့ မဟုတ်ဘဲ ပြင်ပကနေခေါ်ယူ ငှားရမ်းထားတဲ့ အဖွဲ့အစည်းတွေ ဖြစ်ပါတယ်။ ဒါကလည်း သုံးစွဲသူဘက်က သဘောတူမှသာ၊ အသေးစိတ် အချက်အလက်တွေရမှသာ စစ်ဆေးပေးတာဖြစ်ပြီး ဒီအတိုင်းနေရင်တော့ သုံးစွဲသူ တစ်ဦးချင်းစီရဲ့ သုံးစွဲမှုတွေကို လိုက်စစ်ဆေးလို့ မရပါဘူး” ဟု တယ်လီနောမြန်မာ၏ ဈေးကွက်ဖော်ဆောင်ရေးအရာရှိချုပ် Joslin Myrthong က ပြောကြားသည်။

တယ်လီနောက ဖုန်းဘီလ်ကုန်ဆုံးမှု မြန်ဆန်များပြားနေခြင်းနှင့် ပတ်သက်၍ အချက်လေးချက်ကို အကြံပြုခဲ့ပြီး ယင်းတို့မှာ အင်တာနက် သုံးစွဲမှုများအတွက် Data Package များကို ရွေးချယ်ဝယ်ယူသုံးစွဲခြင်း၊ ဗီဒီယိုရုပ်ထွက်အတွက် ရွေးချယ်ကြည့်ရှုခြင်း၊ မိုဘိုင်းဆော့ဖ်ဝဲများကို နောက်ကွယ်မှ Update လုပ်နေခြင်းများကို တားမြစ်ထားခြင်း၊ Wifi Hotspot လွှင့်ရာတွင် အကာအကွယ်ပြုလုပ်ထားခြင်းတို့ ဖြစ်သည်။

ငါးမိနစ်အတွင်း အင်တာနက်သုံးစွဲမှု 500 MB ကုန်ဆုံးသွားသော ကိစ္စတစ်ခုမှာ 4G အင်တာနက် မြန်နှုန်း 30 Mbps ရှိနေခြင်း၊ မိနစ် ၂၀ အတွင်း အင်တာနက်ပမာဏ 1 GB ကျော် ကုန်ဆုံးသွားသည့်ပြဿနာ တစ်ခုမှာမူ Hotspot ကို Password မခံဘဲဖွင့်ထားမိခြင်းတို့ အဖြစ်အဖြေရှာတွေ့ရှိခဲ့ရကြောင်း တယ်လီနောက ပြောကြားသည်။

ဖုန်းပြောဆိုမှုအတွက် အခြေခံနှုန်းထားမှာ တစ်မိနစ်လျှင် ၂၇ ကျပ်ထက်မပိုနိုင်သော်လည်း အင်တာနက်သုံးစွဲမှုတွင်မူ တစ်မိနစ်အတွင်း ကုန်ကျနိုင်ခြေမှာ အမျိုးမျိုးဖြစ်နိုင်ကြောင်းလည်း သတိပေး ပြောကြားခဲ့သည်။

ဆက်သွယ်ရေးအော်ပရေတာများ၏ ၀န်ဆောင်မှုအမျိုးမျိုး ရှုပ်ထွေးနေခြင်းများနှင့် ပတ်သက်၍ ဆက်သွယ်ရေးညွှန်ကြားမှုဦးစီးဌာနက ခေါ်ယူသတိပေးခြင်း၊ အကြောင်းကြားခြင်းများရှိခဲ့သည်။ ဆက်သွယ်ရေး အော်ပရေတာများ အနေဖြင့်လည်း ၀န်ဆောင်မှုအမျိုးအစားများကို ပြန်လည်ပြင်ဆင်ခြင်းများရှိခဲ့ပြီး ၀န်ဆောင်မှုပုံစံများမှာ ဆင်တူနီးပါးဖြစ်လာခဲ့သည်။

ထို့ပြင် ဆက်သွယ်ရေး အော်ပရေတာသုံးခုဖြစ်လာပြီးနောက် သုံးစွဲသူများအကြားတွင်ဝေဖန်မှု အများဆုံးအကြောင်းအရာတစ်ခုမှာ မိမိတို့ အမှန်တကယ်သုံးစွဲခြင်းထက် အသုံးပြုခများ ပိုမိုကုန်ကျနေသည်ဟူသော ဝေဖန်မှုများဖြစ်ပြီး ဆက်သွယ်ရေး အော်ပရေတာ အသီးသီးတွင် ဝေဖန်မှုများစွာအမြဲလို ရှိနေတတ်ကြောင်း သိရသည်။ သို့သော်လည်း ဆက်သွယ်ရေးအော်ပရေတာများအပေါ် ထိန်းကျောင်း ကြပ်မတ်ရသော ဆက်သွယ်ရေး ညွှန်ကြားမှု ဦးစီးဌာနအနေဖြင့် အဆိုပါ အကြောင်းအရာနှင့်ပတ်သက်၍ ၀င်ရောက်ဖြေရှင်းဆောင်ရွက်ပေးရခြင်း တစ်ခုမျှမရှိဟုဆိုသည်။

“အသုံးပြုခတွေပိုကောက်ခံတယ်။ ပိုကုန်ကျနေတယ်ဆိုတာတွေနဲ့ ပတ်သက်ပြီး ဆက်သွယ်ရေးညွှန်ကြားမှု ဦးစီးဌာနအနေနဲ့ ဖြေရှင်း ဆောင်ရွက်ပေးရတာမျိုး မရှိပါဘူး။ အများအားဖြင့်တော့ သုံးစွဲသူတွေအနေနဲ့ ဆက်သွယ်ရေး အော်ပရေတာတွေရဲ့ Call Center ကို Complaint တက်ကြတာများပါတယ်။ အဲဒီအခါ ဆက်သွယ်ရေး အော်ပရေတာတွေကလည်း ပြန်တိုက်ဆိုင်စစ်ဆေးပေးပြီး ဘာတွေသုံးလို့ ဘာတွေကုန်ကျခဲ့လဲဆိုတာကို အချက်အလက်ထုတ်ပေးပါတယ်။ မှားယွင်းတာမျိုးရှိရင်လည်း ပြန်ပြီးဖြေရှင်း ဆောင်ရွက်ပေးလိုက်တာမျိုး ရှိပါတယ်။ တစ်ခါတလေမှာ သုံးစွဲသူအနေနဲ့လည်း ကိုယ်ရယူထားတဲ့ ၀န်ဆောင်မှုတွေအတွက် ပုံမှန်ကုန်ကျမှုရှိနေတာကို သတိလက်လွတ် ဖြစ်သွားတတ်တာမျိုးလည်း ရှိပါတယ်။ အများအားဖြင့်တော့ ဆက်သွယ်ရေးအော်ပရေ တာတွေကပဲ ဖြေရှင်းပေးပြီး အဆင်ပြေသွားတာများပါတယ်” ဟု ဆက်သွယ်ရေးညွှန်ကြားမှု ဦးစီးဌာနမှ တာဝန်ရှိသူက ပြောကြားခဲ့သည်။

ထို့ပြင် သုံးစွဲသူများအကြားတွင် လွဲမှားသော သုံးစွဲမှုပုံစံများကလည်း သုံးစွဲသူအချင်းချင်းစိတ် အနှောင့်အယှက်ဖြစ်စရာများကို ဖြစ်ပေါ်စေကြောင်း သုံးသပ်ကြသည်။

လက်ရှိတွင် စားသုံးသူအခွင့်အရေးနှင့် အကျိုးစီးပွား ထိခိုက်နစ်နာပါက စားသုံးသူရေးရာဦးစီးဌာနမှ စားသုံးသူ သတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) များသို့ တိုင်ကြားလာနိုင်ပြီး တိုင်းဒေသကြီးနှင့် ပြည်နယ်များတွင် ခရိုင်အဆင့်အထိ ဖွင့်လှစ်ထားသည်။ ကုန်စည်ပိုင်းဆိုင်ရာနှင့် ၀န်ဆောင်မှုများတွင် အဆင်မပြေမှုများ၊ နစ်နာမှုများအတွက် တိုင်ကြားနိုင်ပြီး လက်ရှိတွင် ၀န်ဆောင်မှုကဏ္ဍများအတွက် တိုင်ကြားမှု များပြားလျက်ရှိကြောင်း သိရသည်။

စားသုံးသူအကာအကွယ်ပေးရေး ဥပဒေကို ၂၀၁၄ ခုနှစ် မတ် ၁၄ ရက်တွင် ပြည်ထောင်စုလွှတ်တော်တွင် ပြဋ္ဌာန်းခဲ့ပြီး ခေတ်နှင့်လျော်ညီကာ ဥပဒေအရ ပိုမိုအကာအကွယ်ပေးနိုင်ရန်အတွက် ပြင်ဆင်ရေးဆွဲရန် ဆောင်ရွက်နေကြောင်း သိရသည်။

“စားသုံးသူ အကာအကွယ်ပေးရေး ၂၀၁၄ ခုနှစ်မှာ လိုအပ်ချက်တွေ ရှိနေတဲ့အတွက် အစားထိုးပြင်ဆင် ရေးဆွဲဖို့ ဒုတိယညွှန်ကြားရေးမှူးချုပ်ဦးဆောင်တဲ့ ဌာနတွင်း ပြင်ဆင်ရေးဆွဲရေးအဖွဲ့နဲ့ ဆောင်ရွက်ခဲ့ပါတယ်။ ဒီလိုဆောင်ရွက်တဲ့နေရာမှာ ပြည်ထောင်စုရှေ့နေချုပ်ရုံးကို တင်ပြပြီး သူတို့ရဲ့ အကြံပြုချက်တွေလည်း ရယူခဲ့ပြီးဖြစ်ပါတယ်။ အခု ပြည်ထောင်စုအစိုးရအဖွဲ့နဲ့ လွှတ်တော်အဆင့်ဆင့်ကို တင်ပြနိုင်ဖို့ ဆောင်ရွက်လျက်ရှိပါတယ်။ ပြင်ဆင်ထားတဲ့ ဥပဒေကိုခန့်မှန်းအနေနဲ့ ယခုနှစ် နှစ်ကုန်ဒါမှမဟုတ်ရင် လာမယ့်နှစ် နှစ်ဦးပိုင်းမှာ ပြဋ္ဌာန်းနိုင်မယ်လို့ ခန့်မှန်းပါတယ်” ဟု စားသုံးသူရေးရာဦးစီးဌာနမှ ဒုတိယညွှန်ကြားရေးမှူး ဦးစိုးအောင်က ပြောကြားခဲ့သည်။

“ဥပဒေသစ်မှာ UN Guidelines အရ စားသုံးသူတွေရရှိနိုင်မယ့် အခွင့်အရေးရှစ်ရပ်လုံးကို ထည့်သွင်း ဖော်ပြထားပါတယ်။ ဥပဒေသစ်မှာ စီးပွားရေးလုပ်ငန်းရှင်တွေအတွက် သူတို့ထုတ်လုပ်တဲ့ ကုန်စည်အပေါ် ထုတ်ကုန်လုံခြုံစိတ်ချရမှု၊ ထုတ်ကုန်အပေါ်တာဝန်ရှိမှု၊ Labeling နဲ့ Market Surveillance တွေကို အခန်းတစ်ခန်းစီထည့်သွင်းဖော်ပြထားပါတယ်။ စားသုံးသူ အကာအကွယ်ပေးနိုင်ဖို့အတွက် ဥပဒေသစ်မှာ ဦးစီးဌာနက တရားလိုပြုလုပ်ပြီးတော့ အမှုဖွင့်တရားစွဲဆိုနိုင်မှာ ဖြစ်ပါတယ်။ အရင် ဥပဒေအရဆိုရင် တိုင်တန်းမှသာ တရားစွဲဆိုနိုင်ပြီးတော့ ဗဟိုကော်မတီ၊ သက်ဆိုင်ရာ စားသုံးသူ အငြင်းပွားမှုဖြေရှင်းရေးအဖွဲ့တွေမှာသာ အရေးယူ ပိုင်ခွင့်ရှိခဲ့ပါတယ်။ ဒီအချက်တွေက ဥပဒေသစ်ရဲ့ အားသာချက်တစ်ခု ဖြစ်ပါတယ်” ဟု ၎င်းက ဆက် လက်ပြောကြားသည်။

UN Guidelines အရ စားသုံးသူများရရှိနိုင်မည့် အခွင့်အရေးရှစ်ရပ်မှာ စားသုံးသူများ ကုန်စည်နှင့် ၀န်ဆောင်မှုများ ဘေးအန္တရာယ် ကင်းရှင်းစွာ အသုံးပြုခွင့်ရရှိစေရေး၊ ကုန်စည်နှင့်ဝန်ဆောင်မှုများ၏ မှန်ကန်ပြည့်စုံသော သတင်းအချက်အလက်များ ရရှိစေရေး၊ ကုန်စည်နှင့် ၀န်ဆောင်မှုများအား စိတ်ကြိုက်ရွေးချယ်နိုင်ခွင့် ရရှိစေရေး၊ ကုန်စည်နှင့် ၀န်ဆောင်မှုများကြောင့် နစ်နာဆုံးရှုံးမှုများနှင့် စပ်လျဉ်း၍ ပါဝင်ကြားနာခွင့်ရရှိစေရေး၊ ကုန်စည်နှင့် ၀န်ဆောင်မှုများနှင့်စပ်လျဉ်း၍ စားသုံးသူ၏ အခြေခံလို အပ်ချက်များပေါ်တွင် စိတ်ကျေနပ်မှု ရရှိစေရေး၊ ကုန်စည်နှင့် ၀န်ဆောင်မှုများကြောင့် ဖြစ်ပေါ်သောဆုံးရှုံး နစ်နာမှုများကို ကုစားခွင့်ရရှိစေရေး၊ ကုန်စည်နှင့် ၀န်ဆောင်မှုများနှင့် ပတ်သက်သည့် အသိပညာများ၊ အခွင့်အရေးနှင့် အချက်အလက်များကို သိရှိလေ့လာခွင့် ရရှိစေရေး၊ ကျန်းမာဝပြောသည့် ပတ်ဝန်းကျင် ကောင်းတွင် ရှင်သန်နေထိုင်ခွင့်ရရှိ စေရေးတို့ဖြစ်ကြောင်း သိရသည်။

အဆိုပါ ဥပဒေကိုပြင်ဆင်ရေးဆွဲနိုင်ရန်အတွက် သက်ဆိုင်ရာဝန်ကြီးဌာနများ၊ UNFCCI နှင့် စားသုံးသူအရေးဆောင်ရွက်နေသည့် မြန်မာစားသုံးသူများ သမဂ္ဂနှင့်ပူးပေါင်းအဖွဲ့ ဖွဲ့စည်း၍ အကြံပြုချက်များလည်း ရယူခဲ့သည့်အပြင် USAID ၏ ပူးပေါင်းကူညီမှုဖြင့် တိုင်းဒေသကြီးနှင့် ပြည်နယ်များရှိ မြို့ကြီးများတွင် အလုပ်ရုံဆွေးနွေးပွဲများပြုလုပ်ကာ အကြံပြုချက်များရ ယူရေးဆွဲခဲ့ကြောင်း သိရသည်။

မည်သို့ပင်ဖြစ်စေ မိုဘိုင်းဖုန်းများ တိုးပွားများပြားလာခြင်းမှာ ဆက်သွယ်ရေးကဏ္ဍအတွက် ပိုမိုကောင်းမွန်သော အချင်းအရာ တစ်ခုသို့ ဦးတည်နေခြင်းသာ ဖြစ်သင့်သည်။ ထို့အတူ ပြဿနာများ ပိုမိုရှုပ်ထွေးလာခြင်းထက် မိမိတို့၏နေ့စဉ်ဘ၀ကို အထောက်အကူပြုလာခြင်းသာ ဖြစ်သင့်ပါသည်။ သို့သော် အရာရာတိုင်းတွင် သုံးတတ်လျှင်ဆေး၊ မသုံးတတ်လျှင်ဘေးဆိုသည့်အတိုင်း အကျိုးပြုနိုင် မပြုနိုင်ဆိုခြင်းမှာသုံး စွဲသူအပေါ်တွင်မူတည် နေခြင်းရှိသကဲ့သို့ စနစ်များကောင်းမွန်ရန်နှင့် သုံးစွဲသူများအပေါ် အကာအကွယ်ပေးထားမှုများလည်း လိုအပ်ပါသည်။ ကောင်းမွန်သော အရာများအတွက် အကန့်အသတ် မလိုသော်လည်း မကောင်းမွန်သော အရာများအတွက်မူ အကန့်အသတ်လိုမည် ဖြစ်ပါသည်။

Eleven Media Group