ခုနစ်ရာကျော် ပိုရဟုဆို
ကျိုက်ထိုမြို့နယ်ရှိ ကျိုက်ထီးရိုးစေတီဘုရားပွဲတော် ပင်မအလှူငွေရရှိမှုသည် ယခင်နှစ်ထက် ကျပ်သိန်း ၇၀၀ ကျော် ပိုရခဲ့ကြောင်း ဂေါပကအဖွဲ့ဝင် ဦးကျော်ဝင်းလှိုင်က ပြောသည်။
၂၀၁၆ ဘုရားပွဲဖွင့်ပွဲတွင် ပင်မအလှူငွေ ကျပ် ၁၂၇ သိန်း သာ ရရှိပြီး ၂၀၁၇ ဖွင့်ပွဲတွင် ဘုရားဖူးဦးရေ ယခင်နှစ်ထက် ပိုများသဖြင့် (အောက်တိုဘာ ၁ ရက်မှ ၈ ရက်အထိ) အလှူငွေ ကျပ် ၈၉၂ သိန်းအထိ ရရှိခဲ့သည်။
‘‘ဒီနှစ်က ဘုရားဖူးတွေ တိုး မပေါက်အောင်များတော့ အလှူ ငွေပိုခဲ့တယ်။ ဒီငွေတွေက ပင်မ အလှူခံဌာနကရတဲ့ ငွေတစ်ခု တည်းပါ။ တခြားအလှူငွေတွေ မပါသေးဘူး။ တခြားအလှူငွေ တွေလည်း ပိုရရှိထားတယ်။ စာရင်း အတိအကျတွက်ရဦးမယ်’’ဟု ဦးကျော်ဝင်းလှိုင်က ပြောသည်။
ယခင်နှစ်များက ဖွင့်ပွဲနေ့ တွင် လူဦးရေ တစ်သိန်းခန့်သာ လာရောက်ပြီး ယခုနှစ်ဖွင့်ပွဲတွင် လူဦးရေ ၁၅၀,၀၀၀ ကျော်အထိ လာရောက်ခဲ့ကြောင်း ဂေါပကအဖွဲ့က ဆိုသည်။
ထို့အပြင် ယခုနှစ် ဘုရားပွဲ ရာသီ၌ ကျိုက်ထီးရိုးစေတီပေါ် တွင် တောရိုင်းတိရစ္ဆာန် အသား များနှင့် ဘုရားပုံတော်ပါ အ၀တ် အထည်များရောင်းချခြင်းကို ပိတ် ပင်ထားပြီး ဂေါပကအဖွဲ့မသိဘဲ ဈေးတင်ရောင်းချပါက တင်းကျပ် စွာ အရေးယူမည်ဖြစ်ကြောင်း ဂေါပကအဖွဲ့က ထုတ်ပြန်ထားသည်။
ယခုနှစ် ဘုရားပွဲတော် ဖွင့်ပွဲ နေ့ကစ၍ ဘုရားဖူးသူများ စိတ်အနှောင့်အယှက်မဖြစ်စေရန် စေတီရင်ပြင်တော်တွင် ပျံကျဈေးသည် ၃၀ ကျော်ကို ဖမ်းဆီးအရေးယူထားပြီး ဆေးမြစ်စုံဆိုင်တစ်ဆိုင်၊ စတိုးဆိုင်နှစ်ဆိုင်တို့ကို စည်းကမ်းဖောက်ဖျက်သဖြင့် ရောင်းချခွင့် ခေတ္တပိတ်ထားကြောင်း ဦးကျော်ဝင်းလှိုင်က ဆိုသည်။
ကျိုက်ထီးရိုးဘုရားပွဲကာလ သည် သီတင်းကျွတ်လပြည့်မှ ကဆုန်လပြည့်အထိ ဖြစ်ပြီး ဖွင့်ပွဲ ကာလအတွင်း ပြည်တွင်း၊ ပြည်ပ ဘုရားဖူးဧည့်သည် တစ်ရက်လျှင် သိန်းချီလာရောက်ကြကြောင်း ဘုရားဂေါပကအဖွဲ့က ပြော သည်။
7Day News
No comments:
Post a Comment