Latest News

Tuesday, October 31, 2017

ဘတ်ဂျက်ငွေ သိန်း(70) ၂ နှစ်ပဲခံနိုင်ရည်ရှိတဲ့ မြောင်းမြနာနတ်တောင်က သစ်ပွသားတံတား


တခါတလေမှာ.. တခါတလေမှာဆိုတဲ့ စကားကိုအခြေခံထားပြီ ဆိုရင်ဖြင့်.. အလွဲတွေကိုထောက်ပြတော့မည်ဆိုတဲ့ သင်္ကေတတစ်ခုပါပဲလေ..
ကျွန်တော်တို့ပြည်သူတွေဟာ သူတို့ချစ်တဲ့ ပြည်သူအစိုးရလက်ထက်မှာ မည်သည့်အရာကိုမျှ ရင်ဖွင့်ကြလေ့မရှိပဲ ရင်ငုံနှုတ်ပိတ်ထားလေ့ရှိကြတယ်.. ဒါဟာလည်း သူတို့ရဲ့ယုံကြည်ချက်အရ လူထုခေါင်းဆောင် အမေစုကို ချစ်ကြတဲ့အကြောင်းသက်သေပြကြတဲ့ သဘောပါ..

ဒါပေမဲ့.. ပြည်သူတွေရဲ့ ဘဝမှာ အခက်အခဲတွေနဲ့ ရင်ဆိုင်ကြုံတွေ့ရတဲ့အခါမှာ.. အမေကြီးရယ်.. သားသမီးတို့ကို့ကြည့်နေတော့မှာလား ဆိုတဲ့.. အတွေးအခေါ်အယူအဆတွေပေါ်ပေါက်လာပါတယ်..
ယခုဖြစ်နေတဲ့.. ဒုက္ခတရားဟာ.. ကမကိုင်ကျေးရွာအုပ်စု၊ နာနတ်တောင်ရွာမှာနေကြတဲ့.. ဒေသခံပြည်သူ အိမ်ခြေ (၃၅၀) ဝန်းကျင်ဟာ.. ပုံမှာပြဆိုထားတဲ့..အတိုင်း.. ချောင်းကူးတံတားကို အမှီပြုပြီးသွားလာနေကြတဲ့.. ကျေးရွာကြီး တစ်ရွာဖြစ်ပါတယ်.. သို့သော်.. ၂၀၁၅ ဘတ်ဂျက်နှစ်မှာ.. မြောင်းမြမြို့ ကျေးလက်ဒေသဖွံ့ဖြိုးရေးဦးစီးဌာန မှ ကျေးရွာ၏ ကိုယ်ထူကိုယ်ထ သစ်သား တံတားငယ်အား ပြင်ဆင်စရိတ်အဖြစ်.. ငွေကျပ်သိန်း (၇၀) ကျပ်အားသုံးစွဲပြီး.. နာနတ်တောင်ရွာ ချောင်းကူး တံတားငယ်ကို ပြုပြင်ခဲ့ပါတယ်.. ဒီနေရာမှာ သစ်ပွသားများကို အဖြစ်သဘောအနေနဲ့ အသုံးပြုခဲ့ပြီး ဘတ်ဂျက်၏ သုံးချိုးတစ်ချိုးမျှသာ သုံးခဲ့သည်မှာ ပုံပါ သက်သေအတိုင်းဖြစ်ပါတယ်..ယခုအခါ မှာ တော့ ၎င်း တံတားဟာ ပျက်စီးယိုယွင်းကာ ကျိုးကျနေသဖြင့် ဒေသခံပြည်သူများဟာ သွားရေး လာရေးအတွက် အခက်အခဲများစွာနဲ့ ရင်ဆိုင်ကြုံတွေ့နေကြရပါတယ်.

.လောလောဆယ်မှာ ဆိုင်ကယ်များလုံးဝ ဖြတ်သန်းသွားလာလို့မရပါ.. ဒါတွေဟာ..မြောင်းမြမြို့နယ် ကျေးလက်ဒေသဖွံဖြိုးရေးဦးစီးဌာနမှုး #ဦးဗိုလ်ဗိုလ်မြင့်.. လက်ထက်က အလွယ်တကူ လက်စားပြီး ဆောင်ရွက်ခဲ့တဲ့ ကိစ္စများဖြစ်သလို.. ယနေ့ ဖြစ်ပေါ်နေသည့် အခက်အခဲကိစ္စတို့ကို မည်သူမှ တာဝန်ယူမည်နည်း။ မည်သည့်ဌာနမှာတာဝန်ရှိပါသနည်း။ ဘတ်ဂျက်ငွေ သိန်း(70) ဟာ ၂ နှစ်ပဲခံနိုင်ရည်ရှိတဲ့ သစ်ပွသားတံတား အဖြစ်နဲ့ ပြည်သူတွေ ယခုလို ဒုက္ခတွေ နဲ့ ခံစားကြရတော့မည်လား...???
အမှန် မှာတော့ ဒေသခံပြည်သူတို့၏ သွားလာရေး၊လမ်းပန်းဆက်သွယ်ရေး၊ကျမ္မာရေး၊စီးပွားရေး၊
လိုအပ်ချက်ဟူသမျှဟာ..

 ပြည်သူ့အစိုးရ၏ဦးဆောင်မှုနောက်မှာရှိကြတဲ့.. ဒေသဆိုင်ရာ ဌာနအသီးသီး၏
တာဝန်သာဖြစ်ပါတယ်..၎င်း တံတား၏ ကိစ္စများကိုလည်း.. ဒေသဆိုင်ရာ
လွှတ်တော်ကိုယ်စားလှယ်များဖြစ်ကြတဲ့၊ သက်ဆိုင်ရာ မြောင်းမြမြို့မှ လွှတ်တော်အမတ် များလည်း
သိရှိပြီးဖြစ်ပါတယ်..

ပြောချင်တဲ့.. ကြောင်းအရင်းကတော့.. အရင်အစိုးရအဆက်ဆက် ဦးသိန်းစိန် အစိုးရလက်ထက်အထိ မှာခဲ့၊လက်စားခဲ့တဲ့အမှားအယွင်းများကို.. အခုလက်ရှိ ဒုက္ခတရားနဲ့ရင်ဆိုင်နေရသောပြည်သူတွေအနေနဲ့ ခါးဆီးခံရတော့မည်လား... ???.. လက်ရှိအခက်အခဲက နာနတ်တောင်ရွာသားများဟာ...
#မည်သည့်နေရာမှသွားလာလို့မရတော့ပါ.. ရွာသူ ရွာသားများမှာ သွားလာရေးအတွက်
၎င်း ဆက်သွယ်ရေး တံတားဟာ အဓိကဖြစ်နေပါသည်။..

ပြည်သူ့အစိုးရအနေနဲ့.. နာနတ်တောင်ရွာ၏ အိမ်ခြေပေါင်း (၃၅၀) ဝန်းကျင့်တို့၏ ဘဝ အခက်အခဲများကို အဆင်ပြေသောနည်းလမ်း တစ်ခုခုဖြင့် ဖြေရှင်းပေးမည်လားဟူသော.. အဖြေတစ်ခုကို စောင့်မျှော်နေမည်ဖြစ်ကြောင်း..
တိုင်းဒေသကြီးအစိုးရအဖွဲ့။
တိုင်းဒေသကြီးလမ်းပန်းဆက်သွယ်ရေးဝန်ကြီး။
ဒေသဆိုင်ရာလွှတ်တော်အမတ်။
ဧရာဝတီတိုင်းဒေသကြီးကျေးလက်ဦးစီးဌာနညွှန်မှုကြီး။
မြောင်းမြမြို့နယ်အထွေထွေအုပ်ချုပ်ရေးမှူး။
မြောင်းမြကျေးလက်ဦးစီးဌာနမှုး။
အပါအဝင်.. ပြည်သူ့မျက်နှာကိုသာကြည့်ကြသော လူကြီးမင်းအပေါင်းတို့အား.. အသိပေး၍ နာနတ်တောင်ရွာ၏ တံတားအခြေအနေအား မေတ္တာရပ်ခံတင်ပြလိုက်ရပါသည်။
AungKoLatt









No comments:

Post a Comment