Latest News

Wednesday, August 2, 2017

H1N1နဲ့ သေဆုံးသူ ၁ ဦးထပ်တိုး၊ ရောဂါပိုးတွေ့ရှိသူ ၂၃ ဦး တိုး


မွန်ပြည်နယ် မော်လမြိုင်မြို့မှာ H1N1 ရောဂါကြိုတင်ကာကွယ်နိုင်ရန် နှာခေါင်းစည်းတွေကို လိုက်လံဝေငှနေစဉ်။ Photo: Kyaw Lwin Oo/ RFA
ရာသီတုပ်ကွေး (H1N1) ရောဂါကြောင့် ၁ ဦး ထပ်မံသေဆုံးသွားပြီး ရောဂါပိုးတွေ့ရှိသူ ၂၃ ဦး ထပ်တိုးလာတယ်လို့ သိရပါတယ်။

တစ်နိုင်ငံလုံးအတိုင်းအတာနဲ့ ဒီနေ့ မွန်းလွဲ ၂ နာရီအထိစာရင်းအရ သေဆုံးသူ ၁၃ ဦး နဲ့ ရောဂါပိုး တွေ့ရှိသူ ၉၉ ဦး အထိရှိလာတယ်လို့ ပြည်သူ့ကျန်းမာရေး ဦးစီးဌာန ဒုတိယညွှန်ကြားရေးမှူးချုပ် ဒေါက်တာ သန်းထွန်းအောင် က ပြောပါတယ်။

" မွန်းလွဲ ၂ နာရီအထိပေါ့နော်၊ ဒီ H1N1 ရောဂါပိုးတွေ့သူပေါင်းက ၉၉ ဦး ရှိပါတယ်၊ သေဆုံးသူ ကတော့ ၁၃ ဦး ရှိပါတယ်"

ထပ်မံသေဆုံးသွားသူဟာ ရန်ကုန်ပြည်သူ့ဆေးရုံကြီးမှာ တက်ရောက်ကုသနေတဲ့ ဧရာဝတီတိုင်းဒေသကြီး၊ အသုတ်တိုက်နယ်ဆရာဝန်ရဲ့ဇနီးဖြစ်တယ် လို့ ဒေါက်တာ သန်းထွန်းအောင် က အတည်ပြုပြောပါတယ်။

ဒါ့အပြင် တစ်နိုင်ငံလုံးအတိုင်းအတာအရ ပြင်းထန်အဆုတ်ရောင်ရောဂါနဲ့ ဆေးရုံတက် ကုသနေရသူပေါင်း ၂၈၄ ဦး အထိရှိလာပြီ ဖြစ်ပါတယ်။

အဲဒီရောဂါပိုးရဲ့လက္ခဏာတွေဟာ သာမန်တုပ်ကွေးလိုမျိုး ချောင်းဆိုးတာ၊ အဖျားတက်တာ၊ နှာရည်ယိုတာ ၊ ခေါင်းကိုက်၊ ကိုယ်/လက်ကိုက်တာမျိုးတွေဖြစ်တယ် လို့လည်း သိရပါတယ်။

RFA Burmese
http://www.rfa.org/burmese

No comments:

Post a Comment