Latest News

Thursday, August 3, 2017

တုပ်ကွေး နဲ့ပြိုင် မေမေ နိုင်မလား ...

တုပ်ကွေး နဲ့ပြိုင် မေမေ နိုင်မလား ...

သီဟသွေး

 နိုင်ငံအနှံ့အပြားမှာ စစ်မျက်မှာဖွင့်ပြီး ပျောက်ကြားစစ်အသွင်သဏ္ဌာန် နဲ့ ခြုံခိုတိုက်ခိုက်ခဲ့လာတဲ့ H1N1 ပြင်းထန်ရာသီ တုပ်ကွေး ကူးဆက်ရောဂါပိုး ၊ ပူးပေါင်းအဖွဲ့ H5N1 တို့ နဲ့ အုပ်ချုပ်ရေးအတွေ့အကြုံ သွေးပူခါစ တနှစ်သား အရပ်သား အစိုးရသစ် တို့အကြား ဇူလိုင်လအတွင်း ရင်ဆိုင်ထိတွေ့မှု တိုက်ပွဲကာလဟာ အခုဆိုရင် ရက်သတ္တပတ် ၂ ပတ် နီးပါးအချိန်ကိုရောက်ရှိလာပြီဖြစ်ပါတယ် ။ နောက်ဆုံးရရှိထားတဲ့ အတည်ပြုပြီး သတင်းအချက်အလက်တွေ အရ ပြည်သူလူထု ၆၂ ဦး တိုက်ခိုက်ခံခဲ့ရပြီး အဲဒီ အထဲက ၁၂ ဦး ဟာ H1N1 လက်ချက်နဲ့  သေဆုံးသွားခဲ့ရပြီဖြစ်ပါတယ်။ လက်ရှိအနေအထားအရ တစ်နိုင်ငံလုံးမှာ ရှိတဲ့ ပြည်သူလူထုတွေဟာ အဆိုပါ H1N1 ရာသီတုပ်ကွေးကို ရင်ဆိုင်ကြဖို့ စိုးရိမ်တကြီး နဲ့ပြင်ဆင်လှုပ်ရှားလျက်ရှိကြပါတယ် ။ အထူးသဖြင့် ရန်ကုန်မြို့ အပါအဝင် လူဦးရေ အထူထပ်ဆုံး မြို့ပြတွေမှာ စိုးရိမ်မှုတွေ အလွန်အမင်းမြင့်တက်နေပါတယ် ။ ဒီ ရာသီတုပ်ကွေး ကူးစက်ရောဂါ ဖြစ်ပွားလျက်ရှိတာကို အများပြည်သူတွေ အနေနဲ့ စတင်သိရှိကြတဲ့အချိန်မှာ ဒီရောဂါ နဲ့ သေဆုံးသူတွေ ရှိနေပြီဖြစ်တာကြောင့် သတင်းကွန်ယက်တွေ နဲ့ ထိဆက်နေတဲ့ လူ့အသိုင်းအဝိုင်းတစ်ခုလုံးမှာ ယူဆပြောဆိုချက်တွေ တမဟုတ်ချင်း ပေါ်ပေါက်ခဲ့ပြီး စိုးရိမ်မှုတွေဟာ တဖြည်းဖြည်း တညီးညီး နဲ့ တောက်လောင်လာခဲ့ပါတယ် ။ ဒီလို နဲ့ H1N1 နဲ့ H5N1 တွေ့ရှိမှုသတင်းတွေ ဟာ နေ့စဉ် ရက်ဆက်ဆိုသလို  ပေါ်ထွက်လာခဲ့ပြီး လွယ်ကူမြန်ဆန်တဲ့ အင်တာနက် လူမှုကွန်ယက်တွေကြောင့် အစိုးရ တာဝန်ရှိသူတွေ က အတည်ပြုထုတ်ပြန်တဲ့ သတင်းတွေ ထွက်ပေါ် မလာသေးခင် H1N1 ကူးစက်ရောဂါသည်တွေ့ရှိမှုတွေနဲ့ ရောဂါ ကြောင့် သေဆုံးမှု စတဲ့ သတင်းပေါင်းစုံဟာ အင်တာနက် လူမှုကွန်ယက်ကနေတဆင့် လူထုအကြားမှာ အမျိုးမျိုးပျံ့နှံ့မှုတွေ ရှိလာခဲ့ပြီး ကောလာဟလသတင်းများပါ ပျံ့နှံ့ရိုက်ခတ်ကုန်ပါတယ် ။ ရောဂါပြန့်ပွားမှု နဲ့ သေဆုံးမှုသတင်းတွေ အလျင်အမြန်ပေါ်ထွက်လာနေပေမယ့် တစ်ဖက်မှာ  ဒီကူးဆက်ရောဂါ ပျံ့နှံ့နေမှုကို ရပ်တန့်စေပြီး တိုက်ဖျက်နိုင်မယ့် အစိုးရရဲ့  ရောဂါကာကွယ် တိုက်ဖျက်ရေး ကျန်းမာရေးအစီအမံတွေ ကို ရုတ်တရက်မမြင်မတွေ့ကြရတဲ့ အတွက် အစိုးရ ကို အားမလို အားမရဝေဖန်မှုတွေ ပြစ်တင်မှုတွေလည်းပေါ်ပေါက်လာခဲ့ပါတယ် ။ တကယ်လည်း ဒီကူးစက်ရောဂါဟာ ကပ်ရောဂါအဖြစ် ကူးပြောင်းသွားမယ်ဆိုရင် တိုင်းပြည်အတွက် မကြုံဖူးလောက်အောင် ဆိုးရွားတဲ့ ကြမ္မာဆိုးကြီး နဲ့ ရင်ဆိုင်ကြုံတွေ့ကြရမှဖြစ် ပြီး လူ့ အသက်ပေါင်းများစွာလည်း ပျက်စီး ဆုံးရှုံးကြရမှာ မလွဲပါဘူး ။ ဒါကြောင့် ဒီ H1N1 ရာသီတုပ်ကွေးဟာ ဘယ်လောက်အထိ ကျယ်ပြန့်နေပြီလဲ ၊ ဘယ်လောက်အထိ ဆိုးရွားနေပြီလဲ ၊ အစိုးရအနေနဲ့ ဒီပြဿနာအရေး ကို ဘယ်လိုကိုင်တွယ်ဖြေရှင်းနေသလဲဆိုတာ ကျွန်တော်တို့သိနားလည်ဖို့လိုပြီဖြစ်ပါတယ် ။

ပထမဆုံး ပြောချင်တာကတော့ အခု ရာသီတုပ်ကွေးအရေးအခင်းမှာ အစိုးရဟာ နယ်ပယ် နှစ်ခုကို အာရုံစိုက်ပြီး စီမံ ဆောင်ရွက်နေရပါတယ် ။ ပထမ နယ်ပယ်တစ်ခုက အားလုံးသိကြတဲ့အတိုင်း ကျန်းမာရေးနယ်ပယ် ဖြစ်ပါတယ် ၊ ဒုတိယ နယ်ပယ်တစ်ခုကတော့ အုပ်ချုပ်ရေးနယ်ပယ်ပဲဖြစ်ပါတယ် ။ ကျွန်တော်တို့ ပြည်သူ အများစုအနေနဲ့ အခုလို ကူးစက်ရောဂါကြောင့် ဖြစ်ရတဲ့ ကျန်းမာရေး ပြဿနာကို ရိုးရိုးပဲ ကျန်းမာရေး ပြဿနာလိုမြင်ကြတာဖြစ်တာကြောင့် အစိုးရရဲ့ လုပ်ဆောင်ချက်တွေ ကို နှေးကွေးတယ် ၊ မထိရောက်ဘူး၊ မလုံလောက်ဘူး လို့ ယူဆပြီး ပြစ်တင်ပြောဆိုနေကြတာဖြစ်ပါတယ် ။ တကယ်တော့ ဒီကျန်းမာရေး ပြဿနာ အနောက်မှာ အရိပ်လိုကပ်ပါလာတဲ့ အုပ်ချုပ်ရေးပြဿနာ ဆင့်ကဲဖြစ်စဉ်တွေဖြစ်တဲ့ စီးပွားရေး ၊ အုပ်ချုပ်ရေး တည်ငြိမ်မှု ပျက်ပြားခြင်း နောက်ဆက်တွဲ ပြဿနာတွေ ရှိနေပါတယ် ။ အစိုးရအနေနဲ့ ဒီနောက်ဆက်တွဲ ပြဿနာတွေ ကို သတိထား မဆင်ခြင်လို့ မရဘူးဆိုတာ အသေအချာပဲဖြစ်ပါတယ် ။ မြန်မာနိုင်ငံရဲ့ လက်ရှိ နိုင်ငံရေး အခြေအနေတွေကလည်း မူလ ကတည်းက သိပ်ပြီးတည်ငြိမ်လှတယ်လည်း မဟုတ်ဘူးဆိုတာ အားလုံးသိကြပါတယ် ။ ၂၂-၇-၂၀၁၇ နေ့မှာ H1N1 ရာသီတုပ်ကွေး ရောဂါ ဖြစ်ပွားနေမှုကိုအစိုးရက အတည်ပြုထုတ်ပြန်ပြီးတဲ့နောက်မှာ အင်တာနက်သတင်းစာမျက်နှာတွေမှာ " အိမ်နီးချင်းနိုင်ငံတွေက မြန်မာနိုင်ငံဘက်က လူဝင်မှုတွေကို တားမြစ်ပိတ်ပင်လိုက်ပြီ " ဆိုတဲ့ သတင်းမျိုး ၊ နိုင်ငံတကာလေဆိပ်တွေမှာ မြန်မာနိုင်ငံသား ဆိုရင် ဖမ်းဆီးထိန်းသိမ်းနေတယ် " ဆိုတဲ့ လုပ်ကြံသတင်းတွေထွက်ပေါ်လာခဲ့ပါတယ် ။ အခုလို  လူသေဆုံးမှုတွေ ရှိနေတဲ့ အပြင် မမြင်နိုင်တဲ့ ရောဂါပိုးပျံ့နှံ့မှုတွေလည်းရှိနေတာကြောင့် တိုင်းပြည်မှာ အရေးပေါ် အခြေအနေ ကြေညာပေးဖို့ လောဆော်တဲ့ အသံတွေလည်း ထွက်ပေါ်လာခဲ့ပါတယ် ။ သို့သော်လည်း လက်တွေ့မှာတော့ အစိုးရအနေနဲ့ အခုလို နောက်ဆက်တွဲ ထွက်ပေါ်လာတဲ့ ကောလာဟလသတင်းတွေ ၊ အထိတ်တလန့်ဖြစ်စေနိုင်မယ့် ချဲ့ကား ခြောက်လှန့်တဲ့ သတင်းတွေကို တည်တည် ငြိမ်ငြိမ် နဲ့ ရင်ဆိုင်သွားတာကို တွေ့ရပါတယ် ။ ဒီနေရာမှာ ကျွန်တော်တို့ ရုတ်တရက်မမြင်မိတဲ့ အုပ်ချုပ်ရေး ပြဿနာတွေ ရှိပါတယ် ။ စိုးရိမ် သတိဆိုတာ ပိုတယ်လို့ မရှိဘူးဆိုပေမယ့် စိုးရိမ်စိတ်ပြင်းထန်မှုကြောင့် ရရှိမယ့် အထွေထွေဘေးဥပါဒ် ကိုလည်း သတိထားဆင်ခြင်နိုင်ရမှာဖြစ်လို့ အစိုးရအနေနဲ့ ကျန်းမာရေးကိစ္စကိုတင် စီမံနေရတာမဟုတ်ဘဲ အကြောက်တရားလွန်ကဲမှု ၊ ကစင့်ကလျားဖြစ်စေမှုကိုပါ တွက်ဆ စီမံနေရတာဖြစ်ပါတယ် ။ ရောဂါ ပြန့်ပွားမှု အပေါ်မှာ အကြောက်တရားနဲ့ နောက်ဆက်တွဲ သံသယတွေ ကြီးထွားလာရင် ဟိုဘက်ရပ်ကွက်က ဒီဘက်ရက်ကွက်ကို အလာမခံတာ၊ ဟိုမြို့ကနေ ဒီမြို့ ကို အကူးမခံတာတွေ လူထု နဲ့ ချီပြီးဖြစ်လာရင် မတည်ငြိမ်မှုတွေ ပေါက်ဖွားလာမှာဖြစ်လို့ ကုန်စည်စီးဆင်းမှုတွေပါ ရပ်တန့်သွားမှာဖြစ်ပါတယ်။ အဲ့ဒီလို နေရာ အနှံ့အပြားမတည်ငြိမ်မှုတွေ ဖြစ်လာရင် အရပ်ဘက် အုပ်ချုပ်ရေး ယန္တယားတွေ ရပ်တန့်သွားမှာလည်းဖြစ်ပါတယ် ။ မမြင်နိုင်တဲ့ ရောဂါဘယ ဆိုတာ လူတွေအပေါ် ကြီးမားတဲ့ အကြောက်တရားကို ဖြစ်စေနိုင်တာကြောင့် တည်ငြိမ်မှုပျက်သွားရင် လွယ်လွယ် နဲ့ ယုံကြည်စိတ်ချရမှု ပြန်လည်ထူထောင်နိုင်မှာမဟုတ်ပါဘူး ။ လက်ရှိ H1N1ရာသီ တုပ်ကွေး ကူးစက်ရောဂါဖြစ်ပွားနေမှုအပေါ် အစိုးရ ရဲ့ စီမံဆောင်ရွက်နေမှုနဲ့ ပတ်သက်ပြီး သုံးသပ်ကြည့်မယ်ဆိုရင်လည်း အစိုးရရဲ့ လက်ရှိ ဆောင်ရွက်မှုတွေဟာ အခုအချိန်အထိ လုံလောက်မှုရှိတယ် လို့ပဲပြောရပါလိမ့်မယ် ။ တကယ်တော့ ကမ္ဘာပေါ်က ဘယ်နိုင်ငံ၊ အစိုးရမှာမှ လေထဲမှာပျံ့နှံ့နေတဲ့ ၊ အရာ ၀တ္ထုတွေ အပေါ်မှာ စွဲကပ်လျက်ရှိနေတဲ့ ၊ လူ့ခန္ဓာထဲရောက်နေပေမယ့် အစွမ်းမပြသေးတဲ့  H1N1 ရောဂါပိုးကို ဒီအတိုင်းမျက်လုံး နဲ့ ကြည့်ရုံနဲ့ မြင်နိုင်တဲ့ အစွမ်းမရှိကြပါဘူး ။ H1N1 ရောဂါပိုးဟာ လူ့ ခန္ဓာကိုယ်ထဲကိုဝင်ရောက်ပြီး တုပ်ကွေးရောဂါလက္ခဏာ ပြလာမှ သာ သတိပြုနိုင်မှာဖြစ်ပါတယ် ။ ဒါကြောင့် အခု အချိန်မှာ ပြည်သူတွေ အနေနဲ့ မိမိကိုယ်တိုင်မှာ သို့မဟုတ် မိမိပတ်ဝန်းကျင်က တစ်စုံတစ်ယောက်မှာ တုပ်ကွေးလက္ခဏာပြလာပြီဆိုရင် နီးစပ်ရာ ဆေးရုံဆေးခန်းကို အမြန်ဆုံးသွားရောက် စမ်းသပ်စစ်ဆေးမှု ခံယူရပါမယ် ။ ပြည်သူလူထုက ဒီလိုဆောင်ရွက်သော်လည်းပဲ အစိုးရ ကျန်းမာရေးဌာနတွေအနေနဲ့ ချက်ချင်းဆောင်ရွက်ခြင်း မရှိဘူးဆိုရင်တော့ ဒါဟာ အစိုးရရဲ့ တာဝန်လစ်ဟင်း ပေါ့လျော့မှုလို့ ပြောနိုင်ပါတယ် ။ အခုအချိန်မှာတော့ အစိုးရအနေနဲ့ H1N1 ရာသီတုပ်ကွေး ကူးစက်ရောဂါ ဖြစ်ကြောင်းအတည်ပြုနိုင်တဲ့ ဖြစ်စဉ်တွေမှာ ဖြစ်ပွားရာနေရာဒေသဝန်းကျင်တွေမှာ လိုအပ်တဲ့ ရောဂါရှာဖွေ ထောက်လှမ်းရေး ၊ ပျံ့နှံ့ ကူးစက်နိုင်မှုများ ခြေရာခံရေး လုပ်ငန်းတွေကို ချက်ချင်းဆောင်ရွက်နေတာကို တွေ့ရပါတယ်။ အစိုးရအနေနဲ့ အဓိက ဆောင်ရွက်နေတဲ့ ဗျူဟာကတော့ ကြိုတင်ကာကွယ်ရေးနဲ့ ထိန်းချုပ်ရေးပါပဲ ။ ဒါကြောင့် လူကြားထဲသွားလာတဲ့အခါ Mask နှာခေါင်းစည်းတွေကို အသုံးပြုကြဖို့ ၊ လက်များကို အမြဲ ဆေးကြာသန့်စင်ထားဖို့ အသိပေးနှိုးဆော်နေပါတယ် ။ ဒီပြဿနာဟာ အခုလောက်ဆောင်ရွက်ထားရင် ကူးစက်ပျံ့နှံ့မှုကို ထိန်းချုပ်နိုင်ဖို့ လုံလောက်ပါတယ်။ အရေးကြီးတဲ့ နောက်တစ်ချက်ကတော့ ခရီးဝေးကနေ ကူးသန်းလာရောက် ပါဝင်ရတဲ့ လူထုအစည်းအဝေး ပွဲလမ်းသဘင်တွေကို မလုပ်ဖို့ ၊ ဒါမှမဟုတ် အဲဒီလိုပွဲလမ်းသဘင်တွေမှာ တင်ကြို စောင့်ကြည့်စစ်ဆေးမှုတွေလုပ်ဖို့ပဲဖြစ်ပါတယ် ။ ဒီနေရာမှာ မန္တလေးတိုင်း အစိုးရအနေနဲ့ တောင်ပြုံး နတ်ပွဲသဘင် ကျင်းပခွင့်ကို ရပ်ဆိုင်းဖို့ ဆုံးဖြတ်ခဲ့တာ အလွန်မှန်ကန်တဲ့ဆုံးဖြတ်ချက်ဖြစ်ပါတယ် ။ သို့သော်လည်း ရန်ကုန် မန္တလေး အပါအဝင် နိုင်ငံ အနှံ့အပြားက အချက်အချာကျတဲ့ မြို့ကြီးတွေ ၊ ကုန်သွယ်လမ်းဆုံမြို့ကြီးတွေ၊ လူဦးရေထူထပ်တဲ့မြို့ကြီးတွေ၊ ရာသီတုပ်ကွေး အတည်ပြုချက်ရရှိထားတဲ့ ဖြစ်စဉ် ဖြစ်ပွားရာ ဒေသတွေ စတဲ့ နေရာဒေသတွေမှာ အစိုးရအနေနဲ့ ကွင်းဆင်းစစ်ဆေး ရှာဖွေမှုတွေကို ကွက်ကျား လက်တည့်စမ်း ( Random )နည်းနဲ့ လုပ်ဆောင်သင့်ပါတယ်။

အခုလို H1N1 ရာသီတုပ်ကွေး ဖြစ်ပွားမှုဟာ အရပ်သား အစိုးရသစ်အတွက်ရော ပြည်သူလူထုအတွက်ပါ ကြီးမားတဲ့ စိန်ခေါ်မှုတစ်ရပ်ဖြစ်ပြီး အတွေ့ အကြုံကောင်းအဖြစ် သဘောထားပြီး တက်ညီလက်ညီရင်ဆိုင်ကြမယ်ဆိုရင် တိုင်းပြည် အနာဂတ် ကျန်းမာရေး တည်ဆောက်ရေးအတွက်အကောင်းဆုံး အခွင့်အရေးလည်းပဲဖြစ်ပါတယ် ။ ဒီနေရာမှာ လတ်တလော သင်ခန်းစာယူစရာတွေလည်းရှိပါတယ်။ အဲဒါကတော့ သတင်းထုတ်ပြန်ဆောင်ရွက်မှုတွေပဲဖြစ်ပါတယ် ။ လက်ရှိ ခေတ်ကာလ ရဲ့ သတင်းနည်းပညာ ဖွံ့ဖြိုးတိုးတက်မှုတွေကြောင့် ဆေးရုံတစ်ရုံမှာ တုပ်ကွေး လူနာတစ်ယောက်တွေ့ရှိရပြီ သို့မဟုတ် သေဆုံးသွားပြီ ဆိုရင် သက်ဆိုင်ရာတာဝန်ရှိသူတွေက အဆင့်ဆင့်တင်ပြနေချိန်မှာ Facebook လူမှုကွန်ယက်တွေ နဲ့ ပုဂ္ဂလိကသတင်းဌာနတွေမှာ ဒီသတင်းဟာ ဖေါ်ပြပြီးဖြစ်နေတာကို တွေ့ကြပါလိမ့်မယ် ။ အင်တာနက် လူမှုကွန်ယက်ပေါ်မှာ သတင်းမှန်တွေ ထွက်ပေါ်လာတာဟာ ပြဿနာ လို့ မဆိုနိုင်တဲ့အပြင် တခါတလေ ရောဂါကူးစက်ပြန့်ပွားမှု ဖြစ်စဉ်သစ်တွေကိုလည်း ထောက်လှမ်းတွေ့ရှိနိုင်ပါတယ်။ သို့သော်လည်း ဒီသတင်းအရှိန်အဟုန်နဲ့ အားကို အသုံးချပြီး ဘေးကနေ၊ နောက်ကနေ ကပ်လိုက်လာမယ့် ကောလာဟလက အသုံးပြုထိုးနှက်မှုတွေရှိနေပါတယ် ။ ဥပမာ တုပ်ကွေး ကုသတဲ့ဆေးတွေ ပြတ်ကုန်ပြီ ၊ Mask နှာခေါင်းစည်းတွေ ပြတ်ကုန်ပြီ ၊ သုံးရေ ဘယ်နှစ်ရက် ပြတ်လပ်မယ် ၊ ကူးစက်ရောဂါသည်လူနာတွေ တင်ဆောင်ထားတဲ့ ကားတွေ ဘယ်မြို့ကို ဦးတည်ပြီးထွက်သွားပြီ ဆိုတာမျိုးတွေဖြစ်ပါတယ်။ ဒီလို အတည်ပြုလို့မရနိုင်တဲ့ သတင်းတွေဟာ လူတွေရဲ့စိတ်မှာ စိုးရိမ်မှုမြင့်တက်လာအောင် ထွက်ပေါ်လာရုံသက်သက်ပဲဖြစ်ပါတယ် ။ ဒါမျိုးတွေကိုတော့ အစိုးရ အနေနဲ့ တားဆီးချေဖျက်နိုင်ဖို့လိုပါတယ်။ အင်တာနက် စာမျက်နှာတွေနဲ့ လူမှုကွန်ယက်တွေမှာ ကြေညာချက်တွေ ထုတ်နေရုံ နဲ့ မလုံလောက်ပါဘူး။ လေးပင်တဲ့ စကားလုံးတွေ ၊ ဘာသာရပ်ဆိုင်ရာ အခေါ်အဝေါ်တွေများတဲ့ ကြေညာချက်တွေဟာလည်း သာမန်အရပ်သားနားမလည်နိုင်တဲ့အတွက် အသိပေး၊ ပညာပေးကြေညာချက်တွေကို ရိုးရှင်းတိုတောင်းပြီး ထိရောက်တဲ့ ပုံသဏ္ဌာန်နဲ့လည်းထုတ်ပြန်သင့်ပါတယ် ။ ဒီတုပ်ကွေး အရေးအခင်းဟာ အစိုးရအတွက်ရော ပြည်သူလူထုအတွက်ပါ အသုံးချသင့်တဲ့ လက်တွေ့ လေ့ကျင့်ရေး  ဆောင်ရွက်ရေး သင်ခန်းစာတွေဖြစ်ပါတယ် ။ တကယ်တန်း အခုထက်ဆိုးရွားတဲ့ ဘေးရောဂါ ကပ်ဆိုးတွေ ကြုံတွေ့ရတဲ့အခါ အကောင်းဆုံး ပြင်ဆင်ရင်ဆိုင်နိုင်ကြမှာပဲဖြစ်ပါတယ် ။

အခုလို စိုးရိမ်စိတ်ကြီးထွားမှုတွေရဲ့ အဓိက အခြေခံသဘောတရားကတော့ လူနာသေဆုံးမှုတွေပဲဖြစ်ပါတယ် ။ ရောဂါကူးစက်ခံထားရတဲ့ လူနာတွေ သေဆုံးနေတဲ့ သတင်းတွေ ထွက်ပေါ်နေသမျှ ဒီအကြောက်တရားနဲ့စိုးရိမ်ပူပန်မှုတွေ တည်ရှိနေမှာပဲဖြစ်ပါတယ် ။ ဒါကြောင့် အခုတွေ့ရှိထားတဲ့ ၆၂ ဦးသော ကူးဆက်ခံ လူနာတွေ ထဲက ကျန်ရှိနေသေးတဲ့ သူတွေရဲ့အသက်ကို ထပ်မံဆုံးရှုံးမှုမရှိရလေအောင် ကြပ်ကြပ်မတ်မတ် ကုသပေးဖို့လိုပါတယ်။ ဒီ ရာသီတုပ်ကွေးရောဂါ H1N1 ဟာ အချိန်မီ ကုသလို့ ပျောက်ကင်းနိုင်တယ် ဆိုတာ သေချာခိုင်မာလာတာနဲ့အမျှ စိုးရိမ်စိတ်တွေဟာလည်း တဖြည်းဖြည်းလျော့ကျသွားမှာဖြစ်ပါတယ် ။ ဒါကြောင့် လူမှာ ဒီရောဂါကိုတွေ့ရှိမှုတွေ ရုတ်တရက်ပပျောက်မသွားနိုင်ရင်တောင် ရောဂါကို နိုင်နိုင်နင်းနင်း တိုက်ဖျက်နိုင်စွမ်းကို ပြသနိုင်မယ်ဆိုရင် ကျွန်တော်တို့ ဒီတစ်ပွဲတော့ နိုင်လိုက်ပြီလို့ ပြောနိုင်မှာဖြစ်ပါတယ် ။ နောက်တခါ အရေးပါတဲ့ ရောဂါဗေဒ ဆိုင်ရာ သီအိုရီပြဿနာတစ်ခုလည်းရှိပါသေးတယ် ။ အဲဒါကတော့ အခု လတ်တလော မြန်မာနိုင်ငံမှာတွေ့ရှိနေတဲ့ H1N1 / H5N1 / H3N1 တွေပေါင်းပြီး  ထိန်းမနိုင်သိမ်းမရ အဆင့်ရှိနိုင်တဲ့ ပိုးသစ်တမျိုးပေါက်ဖွားလာနိုင်တယ်ဆိုတဲ့ အယူအဆတွေထွက်ပေါ်လာတာပဲဖြစ်ပါတယ် ။ ဒီကိစ္စဟာ ပညာရှင်တွေ သိုသိုသိပ်သိပ်ရှာဖွေတွက်ချက်ရမယ့် ကိစ္စဖြစ်ပါတယ် ။ ဆေးပညာ ဗဟုသုတ အဆင့်မမြင့်မားလှ တဲ့ သာမန် လူထုအကြားမှာ ပျံ့နှံ့သွားရင် A little knowledge is a dangerous thing " လို့ ဆိုတဲ့ အတိုင်း လူထုအသိုင်းအဝိုင်းအကြားမှာ ဘာမှန်းမသိတဲ့ကြောက်စိတ်တစ်ခုပိုလာတာပဲ အဖတ်တင်ပါလိမ့်မယ် ။ ဒါကို ဝိုင်းဝန်းထိန်းသိမ်းကြဖို့လိုပါတယ် ။ ပညာရှင်တွေ နဲ့ အစိုးရတာဝန်ရှိသူတွေ အနေနဲ့ကတော့ ဒီလို အကျိုးဆက် ရောဂါဆန်း ပေါက်ဖွားမှုကိုတော့ အလေးအနက်ဆင်ခြင် စူးစမ်း ရှာဖွေ နေရမှာကတော့ အမှန်ပဲဖြစ်ပါတယ် ။

နောက်ဆုံးအနေနဲ့ ကျွန်တော်ပြောချင်တာတစ်ခုကတော့ လက်ရှိ H1N1 ရာသီတုပ်ကွေးအရေးဟာ ပေါ့ဆမနေသင့်တာ လျှော့တွက်မထားသင့်တဲ့ စိန်ခေါ်မှုပြဿနာ ဖြစ်တယ်ဆိုပေမယ့်လည်း အကြောက်လွန် စိုးရိမ်လွန်ပြန်ရင် ည်း တစ်ဘက်မှာ နောက် ဆက်တွဲ ဘေးဥပဒ်ကလည်းကြီးမားပါတယ် ။ ဒါကြောင့် အားလုံး သတိတရားရော အသိတရားပါ မြင့်မြင့်မားမားထားကြစေချင်ပါ တယ် ။ လက်ရှိအနေအထားနဲ့ ပတ်သက်တစ်ခုထောက်ပြချင်ပါတယ် ။ ဂျပန်၊ အမေရိကန် ၊ ဗြိတိန် နဲ့ ဥရောပနိုင်ငံတွေဟာ တိုင်းတပါးမှာ ရောက်ရှိနေကြတဲ့ သူတို့ နိုင်ငံသားတွေကို ဘယ်တော့ မှ ဘေးအန္တရာယ်တွေအကြားမှာပစ်ထားလေ့မရှိပါဘူး ။ မြန်မာနိုင်ငံမှာ အဲဒီ တိုင်းပြည်တွေကနေ လာရောက်နေထိုင်လျက်ရှိသူရော၊ ခေတ္တ ယာယီ ရောက်နေတဲ့ ခရီးသွားတွေရော အပါအဝင် သောင်းနဲ့ချီပြီးရှိပါတယ် ။ မြန်မာနိုင်ငံမှာရှိတဲ့ သူတို့ ရဲ့ သက်ဆိုင်ရာ သံရုံးတွေ ကနေ H1N1ကြောင့် သူတို့ရဲ့နိုင်ငံသားတွေကို မြန်မာပြည်ကထွက်သွားဖို့ ၊ သို့မဟုတ် မြန်မာပြည်ကို မလာကြဖို့ သတိပေးထုတ်ပြန်ထားခြင်း ခုချိန်ထိမရှိသေးပါဘူး ။ ဒါဟာ မကြောက်တတ်လို့ မစိုးရိမ်တတ်လို့ မဟုတ်ပါဘူး ။ ရောဂါ ကာကွယ်တားဆီးရေး အသိပညာရော ၊ အလေ့အကျင့်ရော အားကောင်းနေကြတဲ့ သူတွေဖြစ်လို့ အမှန်တကယ် စိုးရိမ်ကြောက်လန့်ရမယ့်အချိန်မဟုတ်သေးမှန်း သိကြတာပါပဲဖြစ်ပါတယ် ။ ဒါကြောင့် အစိုးရသစ်အနေနဲ့ လက်ရှိ ရာသီတုပ်ကွေး အရေးမှာ တည်တည်ငြိမ်ငြိမ် နဲ့ အခုလို ရင်ဆိုင်ကိုင်တွယ် ဖြေရှင်းနေတာဟာ အလွန်အားရကျေနပ်စရာ ကောင်းပေမယ့် ပြည်သူလူထုရဲ့ ကြောက်လန့်စိုးရိမ်မှုတွေကိုလည်း တည်ငြိမ်သွားအောင်လုပ်နိုင်ဖို့ လိုပါတယ် ။ လူမှုကွန်ယက်ကမ္ဘာ မှာ ဘဝတစ်ခြမ်းထားပြီးနေထိုင်နေကြတဲ့ ဒီကနေ့ မြန်မာ့ လူ့အဖွဲ့ အစည်းဟာ ဒီရောဂါကြောင့် ပူလောင်နေကြတယ် ၊ စိတ်သောကရောက်နေကြတဲ့ အပြင် လူမှုကွန်ယက်ပေါ်မှာ ကိုယ့် စိုးရိမ်ပူပန်မှုကိုလည်း အားလုံး ကို လွယ်လင့်တကူ ကူးစက်ဖြန့်ချိပေးသလို ၊ တပါးသူတို့ရဲ့ စိုရိမ်ပူပန်မှုတွေကိုလည်း တဆင့်ခံ ဖြန့်ဖြူးနေကြပါတယ် ။ အင်တာနက်လူမှု ကွန်ယက်မှာ ဖြစ်ပေါ်နေတဲ့ H1N1 ရာသီတုပ်ကွေး အပူရောဂါ ကူးစက်ပြန့်ပွားမှုက မြေပြင်မှာဖြစ်ပွားနေတဲ့ တုပ်ကွေး ရောဂါကူးစက်မှုထက်ပိုမိုပြင်းထန်ကျယ်ပြန့်လှပါတယ်။ ဒီ အပူကူးပြန့်ပွားမှု အကျိုးဆက်အာနိသင်ကလည်း တိုင်းပြည် အုပ်ချုပ်ရေး စီးပွားရေး လူမှုရေး နယ်ပယ်တွေအထိ အချိန်တိုအတွင်း ခရီးပေါက်နိုင်ပါတယ် ။ ဒါကြောင့် ဒီတစ်ပွဲမှာတော့ အစိုးရသစ်နဲ့ ပြည်သူတွေ အကြား အပြန်အလှန် ယုံကြည် အားကိုးမှုတွေ နဲ့ တက်ညီလက်ညီရင်ဆိုင်ဖြေရှင်းကြပြီး သမိုင်းမှတ်တိုင်တစ်ခုထူပြနိုင်ကြဖို့ ဆန္ဒပြုတိုက်တွန်းလိုက်ရပါတယ်။ ကဲ ..ဒီတစ်ပွဲမှာ လည်း .. မေမေ နိုင်မှ ဖြစ်မှာပါ .. လို့သာ ....။

The Speaker Vol1 No 35
မှတ်ချက်   ။ ဤ ဆောင်းပါးရေးစဉ်က သေဆုံးသူ ၁၂ ဦးသာရှိပြီး အခု Facebook တွင်ဖေါ်ပြသော အချိန်၌ ၁၃ ဦးရှိသွားပြီဟုသိရှိရပါည် ။
Cd

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Ma Shwe Moe Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ မုံရွာ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း နိုင်ငံရေးအကျဉ်းသား

Labels

Recent Post