မြန်မာနိုင်ငံမှာ ရိုဟင်ဂျာဆိုတဲ့ တိုင်းရင်းသားလုံးဝမရှိဘူးလို့ ပြည်ထဲရေးဝန်ကြီးထပ်မံပြောကြား
ရန်ကုန် ၊ သြဂုတ် ၂၉
မြန်မာနိုင်ငံမှာ ရိုဟင်ဂျာဆိုတဲ့ တိုင်းရင်းသားလုံးဝမရှိဘူးလို့ ပြည်ထဲရေးဝန်ကြီးက ဒီကနေ့ နိုင်ငံအသီးသီးက သံတမန်တွေကို တွေ့ဆုံစဉ် ထပ်မံ ပြောကြားလိုက်ပါတယ်။
ယခင်က တပ်မတော်ကာကွယ်ရေဦးစီးချုပ်ကိုယ်တိုင် မြန်မာနိုင်ငံမှာ ရိုဟင်ဂျာလူမျိုးမရှိကြောင်း ပြောကြားခဲ့ပြီးဖြစ်ပေမယ့် အခုထပ်မံပြောပါမယ်လို့ ဆိုပြီး ပြည်ထဲရေးဝန်ကြီးဒုတိယဗိုလ်ချုပ်ကြီးကျော်ဆွေက ပြောကြားလိုက်တာဖြစ်ပါတယ်။
အခုဖြစ်နေတဲ့ဖြစ်စဉ်ဟာ အစွန်းရောက်ဘင်္ဂါလီတွေဟာ နယ်မြေသိမ်းပိုက်တာကို ဆောင်ရွက်ချင်တဲ့အတွက် အခုလို အကြမ်းဖက်တိုက်ခိုက်မှုတွေလုပ်လာတာဖြစ်ကြောင်း၊ လုံခြုံရေးတပ်ဖွဲ့ဝင်တွေဟာ တုတ်ဓါးလက်နက်အမျိုးမျိုးတွေနဲ့ ရန်ပြုတိုက်ခိုက်လာတဲ့ အစွန်းရောက်ဘင်္ဂါလီအကြမ်းဖက်တွေကို မဖြစ်မနေ ပစ်ခတ်တားဆီးမှုတွေ ဆောင်ရွက်ခဲ့ကြောင်း ၊ လက်ရှိကျေးရွာတွေမှာ အုပ်ချုပ်ရေးပျက်ပြားတဲ့သဘောရှိပေမယ့် မြို့ပေါ်မှာတော့ လုံခြုံရေးတပ်ဖွဲ့ဝင်တွေက ထိန်းသိမ်းထားနိုင်ကြောင်း ပြည်ထဲရေး ၀န်ကြီးကဆိုပါတယ်။
ဒါ့အပြင် NGOတွေ ၊ INGO တွေက ထောက်ပံ့ပေးတဲ့ ပစ္စည်းတွေထဲမှာ သံပိုက်လုံး၊ ဓါတ်မြေသြဇာတွေတင်သွင်းလာတာတွေ့ရကြောင်း ဒါတွေက လုံခြုံရေးတပ်ဖွဲ့ဝင်တွေကို ပြန်လည်တိုက်ခိုက်လာတဲ့ လက်နက်တွေ ၊ လက်လုပ်မိုင်းတွေဖြစ်လာကြောင်းကိုလည်း သူက ထပ်လောင်းဆိုပါတယ်။
ဒီကနေ့ အထိ အကြမ်းဖက်တိုက်ခိုက်ခံရမှုဖြစ်စဉ်ကြောင့် လက်နက် ၆၅ လက်ကို အစွန်းရောက်ဘင်္ဂါလီအကြမ်းဖက်သမားတွေက ယူဆောင်သွားကြောင်း ၊ ၂၇ လက် ကိုပြန်လည်ရရှိထားပြီဖြစ်ပြီး ၃၈ လက် ကျန်ရှိနေသေးကြောင်း ၊ ဒီကနေ့အထိ အစွန်းရောက်ဘင်္ဂါလီအကြမ်းဖက်သမားများက သတ်ဖြတ်သွားသူစုစုပေါင်း ၆၃ ဦး နဲ့ ဖမ်းဆီး ခေါ်ဆောင်သွားသူများလည်းရှိကြောင်း မြန်မာနိုင်ငံရဲတပ်ဖွဲ့ရဲချုပ်က ရှင်းလင်းပြောဆိုသွားပါတယ်။
ဒီကနေ့ ရခိုင်ပြည်နယ်မှာဖြစ်နေတာတွေနဲ့ပတ်သက်လို့ အမျိုးသားလုံခြုံရေးအကြံပေး ဦးသောင်းထွန်း ဦးဆောင်ပြီး ပြည်ထဲရေးဝန်ကြီး ၊ ကာကွယ်ရေးဒုဝန်ကြီး အပါအ၀င် အဖွဲ့ဝင် စုစုပေါင်း ၅ ဦးဟာ ရန်ကုန်မြို့ အမျိုးသားပြန်လည်ရင်ကြားစေ့ရေးနှင့်ငြမ်းချမ်းရေးဗဟိုဌာန(NRPC) မှာ သံတမန်တွေကို တွေ့ဆုံပြီး ရှင်းလင်းပြောကြားခဲ့တာဖြစ်ပါတယ်။
PopularNews
Subscribe to:
Post Comments (Atom)
No comments:
Post a Comment