Latest News

Tuesday, August 1, 2017

ရာထူးတိုးမမျှတမှုအပေါ် မကျေနပ်သဖြင့် ဟင်္သာတနည်းပညာတက္ကသိုလ်ဆရာ၊ ဆရာမများ ဖဲကြိုးပြာလှုပ်ရှားမှုပြုလုပ်

ရာထူးတိုးမမျှတမှုအပေါ် မကျေနပ်သဖြင့် ဟင်္သာတနည်းပညာတက္ကသိုလ်ဆရာ၊ ဆရာမများ ဖဲကြိုးပြာလှုပ်ရှားမှုပြုလုပ်


                                       ဟင်္သာတ ဇူလိုင် ၃၁

ရာထူးတိုးမမျှတမှုအပေါ် မကျေနပ်သဖြင့် ဟင်္သာတနည်းပညာတက္ကသိုလ်ဆရာ၊ ဆရာမများ က ဇူလိုင်လ ၃၁ ရက်တွင် ဖဲကြိုးပြာလှုပ်ရှားမှုပြုလုပ်ခဲ့သည်။

အဆိုပါ ဖဲကြိုးပြာလှုပ်ရှားမှုကို ဟင်္သာတနည်းပညာတက္ကသိုလ်၌ ပြုလုပ်ခဲ့ခြင်းဖြစ်ပြီး ဌာန အသီးသီးမှ ဆရာ၊ ဆရာမ ၆၀ ကျော် ပူးပေါင်းပါဝင်ခဲ့သည်။

“ရာထူးတိုးမူတွေကလည်း တိကျခိုင်မာမှုမရှိဘူး။ ၀န်ကြီးတစ်ယောက်လာရင် တစ်မျိုးပြောင်း တယ်။ အဲလိုအခြေအနေတွေ မဖြစ်ချင်တော့တဲ့အတွက် တစ်နိုင်ငံလုံးမှာရှိတဲ့နည်းပညာတက္ကသိုလ် တွေ၊ ကွန်ပျူတာတက္ကသိုလ်တွေ စုပေါင်းပြီး ဒီနေ့ကစပြီး ဖဲကြိုးပြာလှုပ်ရှားမှုကို စပါတယ်။ ဖဲကြိုးပြာ လှုပ်ရှားမှုက ကျွန်တော်တို့လိုအပ်တဲ့ တရားမျှတတဲ့၊ တန်းတူညီမျှမှုရှိတဲ့ တိကျခိုင်မာတဲ့ ရာထူးတိုး မူဝါဒတွေရရှိလာတဲ့အထိ ကျွန်တော်တို့အဆင့်ဆင့်လုပ်ဆောင်သွားမှာဖြစ်ပါတယ်”ဟု ဟင်္သာတ နည်းပညာတက္ကသိုလ်၊ စက်မှုအင်ဂျင်နီယာဌာနမှ ကထိက ဦးသန့်ဇင်ဦးက ပြောကြားသည်။

“ကျွန်မတို့ဒီနေ့လုပ်တဲ့ ဖဲကြိုးပြာလှုပ်ရှားမှုကတော့ ရာထူးတိုးတရားမျှတမှုမရှိလို့ဖြစ်ပါ တယ်။ သုံးနှစ်ပြည့်ရင် တစ်ဆင့်မြင့်ရာထူးခံစားရမယ်ဆိုပြီး မူဝါဒတွေ ချမှတ်ခဲ့ပါတယ်။ ပညာရေး ၀န်ကြီးဌာန အောက်မှာပဲရှိနေပြီး နည်းပညာတက္ကသိုလ်နဲ့ ကွန်ပျူတာတက္ကသိုလ်က ဆရာ၊ ဆရာမ တွေက သုံးနှစ်ပြည့်တဲ့အခါ ရာထူးတိုးအတွက် အကြိမ်ကြိမ်တင်ခဲ့ပေမယ့် ရာထူးတိုးမခံစားခဲ့ရပါဘူး။ ၀ိဇ္ဇာနဲ့ သိပ္ပံတက္ကသိုလ်မှာဆိုရင် သုံးနှစ်ပြည့်တဲ့အခါ တစ်ဆင့်မြင့်ရာထူးကို ခံစားသွားရပါတယ်။ အခု လည်း မကြာသေးခင်ကာလက G.T.I နဲ့ T.H.S တွေမှာဆိုရင် ဆရာ၊ ဆရာမတွေကို သူတို့ သတ်မှတ်တဲ့ မူဝါဒအရ ရာထူးတိုးမြှင့်ပေးခဲ့ပါတယ်။ ကျွန်မဆိုရင် သရုပ်ပြရာထူးကို လုပ်သက် ၈ နှစ်တာဝန်ထမ်းဆောင်ခဲ့တယ်။ ဒီအချိန် ထိ သရုပ်ပြရာထူးပဲရှိပါသေးတယ်။ ကျွန်မတို့လိုမျိုး နစ်နာ ခဲ့တဲ့ ဆရာ၊ ဆရာမတွေ အများစု လုပ်သက် ၇ နှစ်၊ ၈ နှစ်၊ ၁၀ နှစ်ကျော်အထိ ၀န်ထမ်းတွေ အများကြီး ရှိပါတယ်။ နစ်နာခဲ့တဲ့ဆရာ၊ ဆရာမတွေအားလုံးအတွက် ရာထူးတိုးတရားမျှတဖို့အတွက် ဒီလိုလှုပ်ရှားမှုပြုလုပ် တာဖြစ်ပါတယ်”ဟု ဟင်္သာတ နည်းပညာတက္ကသိုလ်၊ သင်္ချာဌာနမှ သရုပ်ပြ ဒေါ်ခိုင်ကြည်ဇာဆွေက ပြောကြားသည်။

ဖဲကြိုးပြာလှုပ်ရှားမှုပြုလုပ်ချိန်တွင် ရာထူးတိုးမမျှတမှုကြောင့် နစ်နာနေရသည့် ဆရာ၊ ဆရာမများ၏ အချက်အလက်များကို စုစည်းပြီး လွှတ်တော်နှင့် အစိုးရတာဝန်ရှိသူများထံ တင်ပြ တောင်းဆိုသွားမည်ဖြစ်ကြောင်း သိရသည်။

အောင်ကျော်မျိုး(ဟင်္သာတ)

No comments:

Post a Comment

Blog Archive