Latest News

Wednesday, August 30, 2017

ရာထူးတိုးအပြောင်းအရွှေ့ ချောမွေ့ပါရဲ့လား

ရာထူးတိုးအပြောင်းအရွှေ့ ချောမွေ့ပါရဲ့လား

ချင်းပြည်နယ်ထဲက ထန် ပါခွေ ကျောင်းလေးတွင် တာဝန်ထမ်း ဆောင်နေသည့် အထက်တန်းပြ ဆရာ၊ ဆရာမခုနစ်ဦးအနက် ခြောက်ဦးသည် ရာထူးတိုးဖြင့် အခြားဒေသသို့ ပြောင်းရွှေ့ရတော့ မည်ဖြစ်သည်။ ၎င်းတို့နေရာသို့ အ စားထိုးရောက်လာမည့် ဆရာ၊ ဆရာမများကို ထန်ပါခွေကျောင်းမှ တိုင်းရင်းသားကလေးငယ်များ စောင့်မျှော်နေကြသည်။ ထန်ပါခွေတွင် တာဝန်ထမ်းဆောင်ချိန်စေ့၍ မြေပြန့်ပြန်ရမည့် ဆရာ၊ ဆရာမများသည်လည်း အစားထိုး ရောက်လာမည့် ဆရာ၊ ဆရာမ လေးများ ရောက်မလာသေး၍ ကျောင်းသားများ၏ စာသင်ချိန်များ လစ်ဟာမည်ကိုတွေးကာ မြေပြန့်ဆင်းရမည့်အရေး စိတ်တထင့် ထင့်ဖြစ်ရသည်။
မြေပြန့်မှ တောင်ပေါ်လာရမည့် ဆရာ၊ ဆရာမများထန်ပါခွေသို့ မရောက်လာသေးသည်မှာ လည်း အကြောင်းရှိသည်။ ချင်းပြည်နယ် ထန်ပါခွေသို့ရောက်ရန် ပထမဆုံး ခန္တီးမြို့သို့လေကြောင်း (သို့မဟုတ်)ရေကြောင်းဖြင့် သွား ရသည်။ ခန္တီးမြို့တစ်ဖက်ကမ်းဆင်သေရွာကို ကူးပြီးနာဂတောင်ကို ဆက်တက်ရသည်။ ဆင်သေမှ မိုင် ၅၀ ကျော်အကွာအဝေးရှိ နာဂတောင်တန်းပေါ်တွင်ထန်ပါခွေမြို့နယ်ရှိသည်။ လမ်းခရီးကမိုးရေနှင့် တောင်ကျရေသံကြောင့် အတော် ပျက်စီးသွားပြီး ကျောက်ကြမ်း လမ်းသာသာရှိတော့သည်။ ဆင် သေ-ထန်ပါခွေလမ်းပေါ်ရှိ ကျောက်တောင်ချောင်းတံတား အပါအ၀င် တံတားအချို့မှာလည်း ယခုနှစ်ဇွန်လအတွင်းကပင် မိုး သည်းထန်၍ တောင်ကျရေနှင့် မျောပါသွားရာ ယာယီသစ်လုံးတံတားကိုသာ အားပြုနေရသည်။ ထိုအခြေအနေမျိုးတွင် ထန်ပါခွေကျောင်းသို့ တာဝန်ထမ်းဆောင်ရမည့်ဆရာ၊ ဆရာမများ ရောက်မလာသေးသည်မှာ အပြစ်မဆိုသာ ပေ။

ပညာရေးဝန်ကြီးဌာနကယခု ၂၀၁၇-၁၈ ပညာသင်နှစ်အတွက် အခြေခံပညာကျောင်းများနှင့် တက္ကသိုလ်များရှိ ဆရာ၊ဆရာမ များ၏ ရာထူးတိုး၊ အပြောင်းအ ရွှေ့များကို ဩဂုတ် ၃ ရက်က စ တင်ထုတ်ပြန်ပေးခဲ့သည်။ မိုးဥတု အလယ်တည့်တည့်အချိန် မိုးတ အုန်းအုန်းရွာကာ မြန်မာနိုင်ငံ၏ မြေပြန့်၊ တောင်ပေါ်ဒေသအတော် များများတွင် ရေကြီးရေလျှံမှုများ ကြုံတွေ့နေရချိန်၌ ရာထူးတိုး၊ အ ပြောင်းအရွှေ့အမိန့်စာများလက်ခံ ရခြင်းသည် ဆရာ၊ ဆရာမများအ တွက် ၀မ်းသာဝမ်းနည်းအခြေအ နေပင်ဖြစ်သည်။ ရာထူးတိုးအမိန့် စာ စောင့်လာခဲ့သည်မှာ စာသင် နှစ်လေးပုံတစ်ပုံခန့်ပင် ကြာခဲ့ပြီမို့ ပျော်ရွှင်ဝမ်းသာရသော်လည်း မိုး တွင်းကာလ အထုပ်အပိုးတစ်ပုံ တစ်ပင်နှင့် တောင်ပေါ်ဝေးလံဒေ သသွားရမည့် အရေး၊ တောင် အောက်မြေပြန့်ဒေသဆင်းရမည့် အရေးသည် နယ်မြေမကျွမ်းသော ဆရာ၊ ဆရာမများအတွက် ရင် မောစရာပင်ဖြစ်သည်။

‘‘ရာထူးတို့လို့ ပြောင်းချင်တဲ့ နေရာ ပြောင်းရမှာမို့ ပျော်ကြပေမယ့် ဝေးလံခေါင်ဖျားကိုစလာရမယ့် ဆရာ၊ ဆရာမတွေရော၊ မြေ ပြန့်ပြန်ရမယ့် ဆရာ၊ ဆရာမတွေရော ဒုက္ခအကြီးအကျယ်ရောက် တဲ့အချိန်ပါ’’ ဟု ချင်းပြည်နယ်နာဂ ကိုယ်ပိုင်အုပ်ချုပ်ခွင့်ရဒေသ ထန်ပါခွေအထက်တန်းကျောင်းမှ ဆရာဦးတင့်နိုင်ထွန်းက ဆိုသည်။

လွန်ခဲ့သော တစ်နှစ်ကျော်က ချင်းတွင်းမြစ်အတွင်းအောင် စိုးမိုးကျော် အမြန်ရေယာဉ်တိမ်း မှောက်မှု၌ ဇာတိဒေသနှင့်ဝေးရာ ချင်းတောင်တန်းပေါ်တွင် တာဝန် ထမ်းဆောင်နေရင်း သီတင်းကျွတ် ကျောင်းပိတ်ရက် ဇာတိမြေသို့ ခေတ္တပြန်သည့် ဆရာ၊ဆရာမများ အသက်ဆုံးရှုံးခဲ့ရသည်။ ယင်းဖြစ်စဉ်က အသက်စွန့်တာဝန်ထမ်း ဆောင်ရသော ဆရာ၊ ဆရာမများ ၏ ၀မ်းနည်းထိတ်လန့်ဖွယ်ရာအ ဖြစ်အပျက်သာဓကတစ်ခုဖြစ်ခဲ့ သည်။ ယခုဩဂုတ်လအတွင်းတွင် ချင်းပြည်နယ်တိုင်ငံရွာ၌ တာဝန်ထမ်းဆောင်နေသော ဆရာမတစ်ဦး အပြောင်းအရွှေ့အမိန့်ရသဖြင့် မြေပြန့်သို့ပြန်စဉ်ထန်ပါခွေ-တိုင်ငံလမ်း တိုင်မောင်းချောင်းအနီး ချောက်ထဲပြုတ်ကျခြင်းမျိုး ကြုံ တွေ့ခဲ့ရသည်။ ကံကောင်း ထောက်မ၍သာ အသက်မသေခဲ့ ခြင်းဖြစ်သည်။

မိုးတွင်းကာလတွင် ရေကြီး ရေလျှံမှုများ၊ မြေပြိုမှုများကြောင့် ဝေးလံခေါင်သီသော တောင်ပေါ် ဒေသများသို့ တာဝန်ထမ်းဆောင်ရန် သွားလာရသည့် ဆရာ၊ဆရာမများသည် လမ်းခရီးတစ်လျှောက် လမ်းပန်းဆက်သွယ်ရေး အခက် အခဲများ ကြုံတွေ့ရသည်။ တောင် ပေါ်ဒေသများတွင် တာဝန်ထမ်း ဆောင်ချိန်စေ့၍ မြေပြန့်သို့ ပြန်ရ မည့် ဆရာ၊ ဆရာမများသည်လည်း အလားတူအခက်အခဲများ ရင်ဆိုင်ရသည်။

‘‘မိုးထဲရေထဲ မြစ်ရေကြီးချိန် ရေကြောင်းနဲ့လာရင်လည်း ရေယာဉ်စက်ချွတ်ယွင်းရင်၊ ၀န်ပိုတင် တာကြုံရရင် အန္တရာယ်များတယ်။ ကုန်းလမ်းကလာလည်း တောင် ပေါ်လမ်းတွေပြို၊ ကမ်းပါးတွေပြို၊ တောင်ကျရေနဲ့ တံတားကျိုးကျ ချိန်မှာ တောင်ပေါ်တက်လာကြ ရတယ်။ အန္တရာယ်အရမ်းများပါတယ်။ အခုအချိန်အပြောင်းအ ရွှေ့သွားရတာ’’ ဟု ဆရာဦးတင့် နိုင်ထွန်းက မိုးတွင်းကာလတာဝန် ပြောင်းရွှေ့ထမ်းဆောင်ရသည့် ဆရာ၊ ဆရာမများ၏ အခက်အခဲ ကို ပြောသည်။

ဆရာ၊ ဆရာမများ၏ ရာထူး တိုး၊ အပြောင်းအရွှေ့နှင့်ပတ်သက်၍ ပညာရေးဝန်ကြီးဌာန ဒုတိယ၀န်ကြီးဦးဝင်းမော်ထွန်းက ‘‘ပညာရေးဝန်ကြီးဌာနအနေဖြင့်  အခြေခံပညာကျောင်းများမှ ဆ ရာ၊ ဆရာမများရဲ့ရာထူးတိုး၊ အ ပြောင်းအရွှေ့ကိစ္စများကို နွေရာ သီ ကျောင်းပိတ်ရက်ကာလအ တွင်းမှာသာ ဆောင်ရွက်ပြီး ဇွန်လ ကျောင်းဖွင့်ချိန်အမီ လုပ်ငန်းခွင် ၀င်ရောက်ရေး ကျွန်တော်တို့ပညာ ရေးဝန်ကြီးဌာနက ဒီနှစ်ကစပြီး အဓိကထား ဆောင်ရွက်ခဲ့ပါ တယ်’’ ဟု ၂၀၁၆ ဒီဇင်ဘာ ၈ရက် ကကျင်းပသည့် ပြည်သူ့လွှတ် တော်အစည်းအဝေး၌ တွံတေးမဲ ဆန္ဒနယ်မှ လွှတ်တော်ကိုယ်စားလှယ်ဦးမြင့်လွင်၏ မေးခွန်းကို ဖြေ ကြားခဲ့သည်။

‘‘မေလလောက် မလုပ်နိုင်ရင်တောင်မှ ဇွန်လဆန်းမှာ အ ပြောင်းအရွှေ့လုပ်သင့်ပြီထင်ပါတယ်။ ပညာရေးဝန်ကြီးကိုယ်တိုင်က စောစောလုပ်ပေးမယ်ပြောခဲ့ပြီး ဩဂုတ်လမှ လုပ်ပေးခဲ့တာ မျက် မြင်ပါပဲ’’ ဟု ဆရာဦးတင့်နိုင်ထွန်း က ပြောသည်။

ပညာရေးဝန်ကြီးဌာနအနေ ဖြင့် ဇွန်လကျောင်းဖွင့်ချိန်အမီ ပညာရေးဝန်ထမ်းဆရာ၊ဆရာမ များ၏ ရာထူးတိုးပြောင်း ကိစ္စရပ်များကို ဆောင်ရွက်ပါသည်ဟု ယခင်ပညာသင်နှစ်ပြီးဆုံးပြီးခါစ က ဒုဝန်ကြီးက ပြောကြားခဲ့သော် လည်း ယခုပညာသင်နှစ်တွင် ဖြေကြားထားသကဲ့သို့ အချိန်မီ မ ဆောင်ရွက်နိုင်ဘဲ ကြန့်ကြာခဲ့ခြင်း ဖြစ်သည်။

ယခုပညာသင်နှစ်တွင် အ ခြေခံပညာကျောင်းများ၌အထက် တန်းပြ ၆,၄၆၉ ဦး၊ အလယ်တန်း ပြ ၂၃,၉၀၀ ဦးနှင့် မူလတန်းပြ ၂၁,၈၉၄ ဦးလိုအပ်နေကြောင်း အခြေခံပညာဦးစီးဌာန၏ စာရင်း များအရ သိရသည်။

ဆရာအင်အားအများဆုံးလိုအပ်သည့် ဒေသမှာ ဧရာဝတီတိုင်း ဒေသကြီးရှိ အခြေခံပညာကျောင်း များဖြစ်ပြီး ကျန်ပြည်နယ်နှင့်တိုင်း ဒေသကြီးများရှိ ဝေးလံခေါင်ဖျား သည့် ကျေးလက်ဒေသများ၊ တောင်ပေါ်ဒေသများ၌လည်း ဆရာလိုအပ်ချက် မြင့်မားနေဆဲ ဖြစ်သည်။ ဆရာ၊ ဆရာမအဖြစ် ဒေသခံများကိုဦးစားပေးခန့်ထား ရေးမူကျင့်သုံးနေသော်လည်း လုံ လောက်မှုမရှိခြင်းကြောင့် အခြား ဒေသမှ ဆရာ၊ ဆရာမများကို စေ လွှတ်နေရသည့် အနေအထားဖြစ် သည်။

အခြေခံပညာကျောင်းများရှိ ဆရာ၊ဆရာမများ၏ရာထူးအဆင့်အလိုက် ရာထူးတိုးမြှင့်ခန့်ထား ခြင်း၊ ကျောင်းတစ်ကျောင်းမှ တစ် ကျောင်းသို့ ပြောင်းရွှေ့ခန့်ထား ခြင်းကိစ္စရပ်များကို ပညာရေးဝန် ကြီးဌာန အခြေခံပညာဦးစီးဌာန က တစ်နှစ်တစ်ကြိမ်ပြုလုပ်လေ့ရှိ သည်။ ရာထူးတိုးပြောင်းကိစ္စရပ်များကို ယခင်အစဉ်အဆက်က နွေရာသီကျောင်းပိတ်ရက် မေလအတွင်းဆောင်ရွက်လေ့ရှိသော်လည်း ၂၀၁၆-၁၇ ပညာသင်နှစ် ရော၊ ယခု ၂၀၁၇-၁၈ ပညာသင် နှစ်တွင်ပါကျောင်းဖွင့်ပြီး စာသင် နှစ်လေးပုံတစ်ပုံခန့် ကုန်ဆုံးချိန်၊ မိုးဥတုရေကြီးချိန်မှသာ ဆောင် ရွက်ခဲ့ခြင်းကြောင့်  ဆရာ၊ ဆရာမ အသိုင်းအ၀ိုင်းတွင် ဝေဖန်မှုများ ညံနေသည်။

‘‘အခုလို စာသင်ကြားနေဆဲ ကာလ မိုးတွင်းအလယ်တည့်တည့်မှာ လုပ်လိုက်တဲ့အတွက် ဆရာ၊ ဆရာမတွေ သွားရေး၊ လာရေး ခက်ခဲတယ်။ ရွှေ့ပြောင်းရတဲ့ ဒုက္ခ ရောက်တယ်။ အကယ်၍ အဲဒီ ဆရာ၊ဆရာမတွေရဲ့ ကလေးတွေ က ကျောင်းနေအရွယ်ဖြစ်နေရင် ကလေးတွေပါ ကျောင်းလိုက် ပြောင်းရမယ်။ ရွှေ့ ပြောင်းရမယ်။ လက်ရှိသူတို့သင်ကြားပေးနေတဲ့ ကလေးတွေမှာလည်း ဆရာအကူး အပြောင်းကြားထဲမှာ ဆရာလစ် လပ်သွားတဲ့အတွက်သင်ကြားရေးနှောင့်နှေးတယ်’’ ဟု အလက (၂)မိတ္ထီလာမှ အလယ်တန်းပြဆရာမတစ်ဦးက ပြောသည်။

ဆရာ၊ဆရာမများ၏ ရာထူးတိုး၊ အပြောင်းအရွှေ့များကို ကျောင်းဖွင့်ချိန်မှသာ ဆောင်ရွက် ခြင်းကြောင့် ကျောင်းသား၊ ကျောင်းသူများအတွက် ထိခိုက်နစ်နာမှုများရှိနေသည်ဟု ဆရာ၊ ဆရာမအချို့က ဆိုသည်။

‘‘လက်ရှိဆရာက စသင်နေ ပြီး အသားကျခါမှ နောက်ဆရာ တစ်ဦးလာတော့ ကလေးတွေ အ နည်းနဲ့အများ ဒုက္ခရောက်ရပါ တယ်။ အပြောင်းအရွှေ့နဲ့ အနည်းဆုံးနှစ်ပတ်လောက်ကတော့ သင်ကြားရေးထိခိုက်တယ်’’ ဟု တနင်္သာရီတိုင်းဒေသကြီး ထား ၀ယ်မြို့နယ်မှ အထက်တန်းပြ ဆရာမတစ်ဦးက ပြောသည်။

ပညာရေးဝန်ကြီးဌာနအနေ ဖြင့် ရာထူးတိုးအပြောင်းအရွှေ့ ကိစ္စရပ်ဆိုင်ရာ မူဝါဒများ၊ ညွှန် ကြားချက်များကို တိတိကျကျချမှတ်ပြီး အချိန်မီအကောင်အထည် ဖော်ရန် လိုအပ်သည့်အပြင် ပွင့်လင်းမြင်သာမှုရှိစွာဖြင့် ဆရာ၊ ဆရာမများကို ချပြရန် အရေးကြီး သည်ဟု ပညာရေးအသိုင်းအ၀ိုင်း မှ ဆရာ၊ ဆရာမများက ထောက် ပြသည်။

‘‘ပညာရေးဝန်ကြီးကို အကြံ ပြုချင်တာက ပြတ်သားတဲ့အရေးယူမှုတွေလုပ်၊ တိကျတဲ့ညွှန်ကြားချက်တွေပေးပြီးတော့ အချိန်သတ်မှတ်ပြီးတော့ ဘယ်ကာလအတွင်း ပြီးပြတ်အောင်၊ အမှားအယွင်း နည်းအောင်ဆောင်ရွက်ဖို့ ညွှန် ကြားချက်တွေလုပ်ဖို့လိုပြီ’’ ဟု မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်အတွင်းရေးမှူး၊ ကျောက်ဆည်တက္ကသိုလ်မှ ကထိကဒေါက်တာဇော်မျိုးလှိုင်က ပြောသည်။

ရာထူးတိုးပြောင်းရွှေ့မိန့်သည် တစ်နှစ်တစ်ခါသာပြုလုပ်၍ ကြိုတင်ပြင်ဆင်ချိန်ရကြောင်း၊ သို့ ဖြစ်ရာ ရာထူးတိုးပြောင်းကိစ္စ အ ပေါ်စီမံခန့်ခွဲမှုသည် လိုအပ်ချက် ရှိနေ၍ သက်ဆိုင်ရာပညာရေး ၀န်ကြီးဌာနက ကြီးကြပ်စီမံရမည် ဖြစ်ကြောင်း ၎င်းကဆိုသည်။

အခြေခံပညာဦးစီးဌာနအ နေဖြင့် ဦးစီးဌာနအောက်ရှိ သင်ကြားရေးနှင့် စီမံခန့်ခွဲရေးရာထူး အဆင့်အချို့၏ ရာထူးတိုးများကို ယခုကဲ့သို့ လုပ်သက်တစ်ခုတည်း အပေါ် ဆုံးဖြတ်ဆောင်ရွက်ခြင်း မဟုတ်ဘဲ အရည်အသွေးကိုဆန်း စစ်သည့်အနေဖြင့် ရာထူးတိုး လျှောက်ထားသည့်ရည်ရွယ်ချက်၊ ရာထူးတိုးပြီးပါက ဆောင်ရွက် မည့်လုပ်ငန်းစဉ်များကို တင်ပြစေ ပြီးမှ ရာထူးတိုးပေးသည့် မူဝါဒ အသစ်ကို ယခုနှစ်တွင် စတင်ကျင့် သုံးခြင်းကြောင့် အထက်အဆင့်မှ အောက်အဆင့်သို့ တစ်ဆင့်ချင်း ဆောင်ရွက်ရသဖြင့် ရာထူးတိုး၊ အပြောင်းအရွှေ့ကိစ္စများ နှောင့် နှေးသွားခြင်းဖြစ်သည်ဟု အခြေခံ ပညာဦးစီးဌာန ညွှန်ကြားရေးမှူး ချုပ် ဒေါက်တာအောင်နိုင်စိုးက ပြောသည်။

‘‘ဒီနှစ်ကတော့ ဆရာတို့ဘက်က ရာထူးတိုးကိစ္စမှာ တချို့အဆင့်တွေကို လုပ်သက်တစ်ခုတည်းမဟုတ်ဘဲ Performance  ပါကြည့်တဲ့မူဝါဒအသစ် စသုံးလိုက်တဲ့အတွက် နှောင့်နှေးသွား တာပါ။ ဆရာ၊ ဆရာမတွေ အ ခက်အခဲဖြစ်သွားတာကိုလည်း နားလည်ပါတယ်။ ဆရာထင်ပါတယ် နောက်နှစ်တွေတော့ ကျောင်းမဖွင့်ခင် ဆောင်ရွက်ပေး နိုင်မှာပါ’’ ဟု ၎င်းကဆက်လက် ပြောကြားသည်။

ပညာရေးဝန်ကြီးဌာနအနေ ဖြင့် လာမည့်ပညာသင်နှစ်များတွင် ကျောင်းဖွင့်ချိန်အမီ ရာထူးတိုး၊ အပြောင်းအရွှေ့များဆောင်ရွက်ပေးနိုင်ခြင်း ရှိ၊မရှိ စောင့်ကြည့်ရမည်ဖြစ်သည်။

7Day News Journal

No comments:

Post a Comment

Blog Archive

Tags

Accident Ad Agriculture Article Astrology Aung San Suu Kyi Bagan Beauty Bogale Book Car Cartoon Celebas celebs Crime Crony Daily Popular Danubyu Dedaye Dhamma Dr Hla Myat Thway Education ELection Entertainment Environment Foreign Affairs General General Aung San General Knowledge Gossip Gov Health Herbal Hinthada History Hluttaw Ingapu Interview Job Kangyidaunt kyaik Lat Kyangin Kyaunggon Kyonpyaw Latputta Laymyethna Lemyethna Letter Mahn Johnny Maubin Mawlamyinegyun Media MMP MMP 1 money Myan Aung Myanmar Idol Myaungmya Myo Min Paing News Ngapudaw Ngathaingchaung NLD Nyaung Tone Opinion Pagoda Pantanaw Party Pathein People Photo Places Poem Police Politic Political Prisoner Popular Project Pyapon Quote School Bus Song Speech Sport Sports Student SYW SYW 1 Technology Thabaung Time Ayeyar Tourism Travel U Ba Hein U Ko Ni U Kyaw Myint U Win Htay USDP Video Wakhama Weather World News Yekyi Zalun စိတ်အဟာရ ရသစာများ စိုက်ပျိုးရေး ထူးဆန်းထွေလာ ဒီရေတော နာရေး ဗဒေငျ မဘသ လယ်သိမ်းမြေသိမ်း လူပုဂ္ဂိုလ်များ လူပျောက်ကြော်ငြာ အရှင်သုစိတ္တ (မော်ကျွန်း) အရှင်သုစိတ္တ (မော်ကျွန်း) ဆရာတော် အထွေထွေ ဝေဖန်ရေး ထွေအုပ် ​မော်​တင်​စွန်း

Labels

Recent Post